நாகர்கோவில், குருசடி கோடி அற்புதர் புனித அந்தோணியார் ஆலய திருவிழா, பங்கு குடும்ப விழா நாளை (வெள்ளிக்கிழமை) தொடங்கி 17-ந் ேததி வரை 10 நாட்கள் நடக்கிறது. நாளை மாலை 6 மணிக்கு ஜெபமாலை, கொடியேற்றம், திருப்பலி ஆகியவை நடக்கிறது. அருட்பணியாளர் யேசுரெத்தினம் தலைைம தாங்குகிறார். அருட்பணியாளர் சகாய பிரபு மறையுரையாற்றுகிறார்.
தொடர்ந்து வருகிற விழா நாட்களில் ஜெபமாலை, திருப்பலி, மறையுரை போன்றவை நடைபெறும்.
வருகிற 16-ந் தேதி மாலை 6.30 மணிக்கு ஜெபமாலை, இரவு 7 மணிக்கு ஆயருக்கு வரவேற்பு தொடர்ந்து மாலை ஆராதனை ஆகியவை நடக்கிறது. நிகழ்ச்சியில் கோட்டார் மறைமாவட்ட ஆயர் நசரேன் சூசை கலந்து கொண்டு மறையுரை ஆற்றுகிறார். இரவு 9 மணிக்கு தேர்ப்பவனி நடக்கிறது.
திருவிழாவின் இறுதி நாளான 17-ந் தேதி அதிகாலை 4.30 மணிக்கு தேரில் திருப்பலி, காலை 6.30 மணிக்கு திருவிழா ஆடம்பரத்திருப்பலி, 9.30 மணிக்கு சிறப்பு திருப்பலி, மதியம் 2 மணிக்கு தேர்பவனி, இரவு 8 மணிக்கு கொடி இறக்கம் ஆகியவை நடைபெறும்.
நாளை மற்றும் 16, 17-ந் ேததிகளில் நடைபெறும் திருப்பலி நாஞ்சில் நாதம் வலைத்தள தொலைக்காட்சியிலும், நாஞ்சில் நாதம் தொலைக்காட்சியிலும் நேரடியாக ஒளிப்பரப்பாகும்.
திருவிழா ஏற்பாடுகளை பங்குதந்தை பிரான்சிஸ் எம்.போர்ஜியா, பங்கு மேய்ப்புப்பணி பேரவை மற்றும் பங்குமக்கள் செய்துள்ளனர்.
