திசையன்விளை உலக ரட்சகர் ஆலய திருவிழா கொடியேற்றம்

திசையன்விளை உலக ரட்சகர் ஆலய 136-வது ஆண்டு திருவிழா கொடியேற்றத்துடன் தொடங்கியது. கள்ளிகுளம் பங்கு தந்தை ஜெரால்டு ரவி தலைமை தாங்கி கொடியேற்றினார். இதில் திரளானவர்கள் கலந்து கொண்டனர். திருவிழா தொடர்ந்து அடுத்த மாதம் 4-ந்தேதி வரை 10 நாட்கள் நடக்கிறது. விழா நாட்களில் தினமும் காலையில் திருப்பலி, மாலையில் ஜெபமாலை, மறையுரை, நற்கருணை ஆசீர் நடக்கிறது.

9-ம் திருவிழாவான 3-ந் தேதி மாலையில் திருவிழா சிறப்பு மாலை ஆராதனையை தூத்துக்குடி மறை மாவட்ட முதன்மை குரு பன்னீர்செல்வம் தலைமை தாங்கி நடத்தி வைக்கிறார். 4-ந் தேதி மாலை ஆலயத்தை சுற்றி சப்பர பவனி நடக்கிறது. இரவு நற்கருணை ஆசீர் நடக்கிறது. விழா ஏற்பாடுகளை பங்குத்தந்தை மற்றும் பங்கு மேய்ப்பு குழுவினர் செய்து வருகின்றனர்.