நாகர்கோவில், குருசடி கோடி அற்புதர் புனித அந்தோணியார் ஆலய திருவிழா நேற்று (வெள்ளிக்கிழமை) கொடியேற்றத்துடன் தொடங்கியது. இந்த திருவிழா 10 நாட்கள் நடக்கிறது. நாகர்கோவில் குருசடி கோடி அற்புதர் புனித அந்தோணியார் ஆலய திருவிழா கொடியேற்றத்துடன் தொடங்கியது. நிகழ்ச்சியில் பங்கு அருட்பணியாளர் பிரான்சிஸ் போர்ஜியா, ஊர்தலைவர் கென்னடி, செயலாளர் டெய்சி, துணை செயலாளர் ஜாண்சன், பொருளாளர் ரெத்தினதாஸ் மற்றும் திரளானோர் கலந்து கொண்டனர்.
இன்று (சனிக்கிழமை) மாலை 5.45 மணி திருப்பலிக்கு இயேசு ரெத்தினம் தலைமையில் வலேரியன் மறையுரையாற்றுகிறார். மேலும், விழா நாட்களில் திருச்செபமாலை, திருப்பலி, பொதுக்கூட்டம், கலைநிகழ்ச்சிகள் போன்றவை நடக்கிறது.
18-ந் தேதி காலை 6.45 மணிக்கு ஆயருக்கு வரவேற்பு, 7 மணிக்கு முதல் திருவிருந்து திருப்பலி, 10.15 மணிக்கு குழந்தைகளுக்கு திருமுழுக்கு, 11 மணிக்கு நோயாளிகளுக்கு குணமளிக்கும் திருப்பலியில் ஆன்றனி சகாய ஆனந்த் தலைமையில் ஞானசேகரன் இணைந்து ஜெபிக்கிறார், மாலை 6 மணிக்கு திருச்செபமாலை, மாலை ஆராதனைக்கு ஜார்ஜ் வின்சென்ட் தலைமையில் தாமஸ் ஜோன்ஸ் மறையுரையாற்றுகிறார். இரவு 9.30 மணிக்கு அலங்காரத் தேர்ப்பவனி நடக்கிறது. 19-ந் தேதி அதிகாலை 4.30 மணிக்கு தேரில் திருப்பலி. இதற்கு பெர்க்மான்ஸ் சே.ச. தலைமை தாங்கி அளுரையாற்றுகிறார். காலை 6.15 மணிக்கு ஆயருக்கு வரவேற்பு, 6.30 மணிக்கு திருவிழா ஆடம்பரத்திருப்பலி, 9 மணிக்கு சிறப்பு திருப்பலி, மதியம் 2 மணிக்கு அலங்காரத் தேர்ப்பவனி, இரவு 8 மணிக்கு கொடியிறக்கம், 8.30 மணிக்கு பொதுக்கூட்டம், கலைநிகழ்ச்சிகள் நடக்கிறது.
இதற்கான ஏற்பாடுகளை பங்கு மக்கள் மற்றும் பங்கு மேய்ப்புப்பணிப் பேரவையினர் செய்து வருகின்றனர்.
