search icon
என் மலர்tooltip icon

    ஆன்மிகம்

    புனித ஆரோக்கிய நாதர்
    X
    புனித ஆரோக்கிய நாதர்

    புனித ஆரோக்கிய நாதர் ஆலய திருவிழா இன்று தொடங்குகிறது

    நாகர்கோவில் புதுக்குடியிருப்பு புனித ஆரோக்கிய நாதர் ஆலய திருவிழா இன்று மாலை கொடியேற்றத்துடன் தொடங்குகிறது.
    நாகர்கோவில் புதுக்குடியிருப்பு புனித ஆரோக்கிய நாதர் ஆலய திருவிழா இன்று (வெள்ளிக்கிழமை) தொடங்கி 10 நாட்கள் நடக்கிறது. விழாவையொட்டி நாளை காலை 6.30 மணிக்கு திருப்பலி, மாலை 6.15 மணிக்கு கோட்டார் மறைமாவட்ட முதன்மை பணியாளர் கில்லாரியூஸ் தலைமை தாங்கி, திருவிழா கொடியை ஏற்றுகிறார். முளகுமூடு அருட்பணியாளர் டோமினிக் கடாட்சதாஸ் மறையுரையாற்றுகிறார்.

    விழா நாட்களில் தினமும் மாலை 6.15 மணிக்கு ஜெபமாலை, ஆடம்பர கூட்டுத்திருப்பலி, இரவு 9 மணிக்கு கலை நிகழ்ச்சிகள் ஆகியவை நடைபெறுகிறது.

    11-ந்தேதி காலை 7.30 மணிக்கு முதல் திருவிருந்து திருப்பலி, 16-ந்தேதி இரவு 9 மணிக்கு அன்பின் விருந்து, 17-ந்தேதி காலை 7 மணிக்கு திருமுழுக்கு திருவிழா திருப்பலி, மாலை 6 மணிக்கு கோட்டார் மறைமாவட்ட ஆயர் நசரேன் சூசை தலைமை தாங்கி சிறப்பு மாலை ஆராதனையை நிறைவேற்றி, மறையுரை வழங்குகிறார்.

    தொடர்ந்து இரவு 9 மணிக்கு தேர்பவனி, 18-ந்தேதி காலை 8 மணிக்கு ஆடம்பர கூட்டுத்திருப்பலி, மாலை 6.30 மணிக்கு கொடியிறக்கம், நற்கருணை ஆசீர் ஆகியவை நடைபெறுகிறது.
    Next Story
    ×