சுப்ரமணியபுரம் அந்தோணியார் ஆலய திருவிழா கொடியேற்றம்

திருச்சி சுப்ரமணியபுரம் புனித அந்தோணியார் ஆலய திருவிழா கொடியேற்றம் நேற்று மாலை நடந்தது. முன்னதாக மாலை 6 மணிக்கு சிறப்பு திருப்பலி நிறைவேற்றப்பட்டது. தொடர்ந்து கொடியேற்றப்பட்டது. எடமலைப்பட்டி புதூர் கார்மேல்சபை பாதிரியார் அமல்ராஜ் கொடியேற்றினார். இதில் திரளான கிறிஸ்தவர்கள் கலந்து கொண்டனர்.

தொடர்ந்து தினமும் மாலை 6 மணிக்கு சிறப்பு திருப்பலி நடைபெற உள்ளது. விழாவின் சிகர நிகழ்ச்சியாக வருகிற 15-ந்தேதி மாலை 6 மணிக்கு தேர்பவனி நடக்கிறது. 16-ந் தேதியுடன் விழா நிறைவடைகிறது. அன்றைய தினம் மாலை 6 மணிக்கு கொடியிறக்கம் நிகழ்ச்சி நடைபெற உள்ளது. விழாவுக்கான ஏற்பாடுகளை கோவில் பங்குதந்தை மற்றும் பணிக்குழுவினர் செய்துள்ளனர்.