முளகுமூடு தூய மரியன்னை ஆலய திருவிழா நாளை(வெள்ளிக்கிழமை) கொடியேற்றத்துடன் தொடங்கி 10 நாட்கள் நடக்கிறது. விழாவில் நாளை மாலை 6 மணிக்கு ஜெபமாலை, 6.40 மணிக்கு கொடியேற்றம் நடைபெறுகிறது.
அதைத்தொடர்ந்து குழித்துறை மறைமாவட்ட குருகுல முதல்வர் யேசு ரெத்தினம் தலைமையில் திருப்பலி நிறைவேற்றப்படுகிறது. வேங்கோடு அருட்பணியாளர் பெர்க்மான்ஸ் மைக்கேல் கெனட் மறையுரை வழங்குகிறார். 9-ந் தேதி காலை 6 மணிக்கு அருட்பணியாளர் ஜெரால்டு ஜஸ்டின் தலைமை தாங்கி திருப்பலியும், அருட்பணியாளர் ஜோஸ் ராபின்சன் மறையுரையும் வழங்குகிறார்கள். இரவு 7 மணிக்கு அன்பின் விருந்து நடைபெறுகிறது. 12-ந் தேதி மாலை 6 மணிக்கு ஜெபமாலை, 6.30 மணிக்கு சகாய அன்னையின் தேர்பவனி நடக்கிறது.
15-ந் தேதி காலை 7 மணிக்கு முதல் திருவிருந்து திருப்பலியை அருட்பணி ஜெயக்குமார் தலைமை தாங்கி நிறைவேற்றுகிறார். மாடத்தட்டுவிளை அருட்பணியாளர் ஜெயக்குமார் மறையுரை வழங்குகிறார். மாலை 6 மணிக்கு ஜெபமாலை, 6.30 மணிக்கு குழித்துறை மறைமாவட்ட ஆயர் ஜெரோம்தாஸ் கலந்துகொண்டு திருப்பலி நிறைவேற்றுகிறார். பொருளாளர் அகஸ்டின் மறையுரையாற்றுகிறார். இரவு 9 மணிக்கு அன்னையின் அலங்கார தேர்பவனி நடக்கிறது.
16-ந் தேதி காலை 9 மணிக்கு கோட்டார் மறை மாவட்ட குருகுல முதல்வர் ஹிலாரியுஸ் தலைமை தாங்கி சிறப்பு திருப்பலி நிறைவேற்றி மறையுரை வழங்குகிறார். 10 மணிக்கு அன்னையின் அலங்கார தேர்பவனி, மாலை 6 மணிக்கு ஜெபமாலை, நற்கருணை ஆசீர், இரவு 8 மணிக்கு தூய மரியன்னை இளையோர் இயக்கம் வழங்கும் நடன நிகழ்ச்சி ஆகியவை நடைபெறுகிறது.
விழாவுக்கான ஏற்பாடுகளை இல்ல அருட்பணியாளர்கள் டோமினிக் எம்.கடாட்ச தாஸ், விக்டர் ஆன்றனி ராஜ், ஆன்றனி, ஆரோக்கிய தாஸ், ஜெரால்டு ஜெஸ்டின், ஜோஸ் ராபின்சன், பங்குபேரவை துணை தலைவர் வின்சென்ட்ராஜ், செயலர் விஜின் மோன் மணி, துணை செயலர் ஹலன்மேரி, பொருளர் விஜிகலா மற்றும் பங்குபேரவை நிர்வாகிகள், பங்குமக்கள், அருட்சகோதரிகள் ஆகியோர் செய்து வருகிறார்கள்.
