புனித லூர்து அன்னை ஆலய திருவிழா நாளை தொடங்குகிறது

நாகர்கோவில் புன்னைநகர் புனித லூர்து அன்னை ஆலய திருவிழா (குடும்ப விழா) நாளை (வெள்ளிக்கிழமை) கொடியேற்றத்துடன் தொடங்கி மே மாதம் 1-ந் தேதி வரை நடக்கிறது. இதையொட்டி நாளை மாலை 6 மணிக்கு செபமாலை, புகழ்மாலை, 6.30 மணிக்கு திருக்கொடியேற்றம், திருப்பலி, இரவு 8.30 மணிக்கு பொதுக்கூட்டம், கலைநிகழ்ச்சிகள் நடக்கிறது.

2-ந் திருவிழாவான 23-ந் தேதி மாலையில் செபமாலை, புகழ்மாலை, திருப்பலி, இரவில் பொதுக்கூட்டம், கலைநிகழ்ச்சிகள், பரிசு வழங்குதல், 24-ந் தேதி காலையில் திருப்பலி, நற்கருணை ஆராதனை, மாலையில் சிறப்பு நற்கருணை ஆசீர், செபமாலை, புகழ்மாலை, திருப்பலி, இரவில் மறைக்கல்வி ஆண்டு விழா ஆகியவை நடக்கிறது.

தொடர்ந்து 9-ந் திருவிழாவான 30-ந் தேதி காலை 6 மணிக்கு முதல் திருவிருந்து திருப்பலியும், மாலை 6.30 மணிக்கு ஆடம்பர மாலை ஆராதனையும், இரவு 10 மணிக்கு தேர்ப்பவனியும், மே மாதம் 1-ந் தேதி காலை 6 மணிக்கு பெருவிழா திருப்பலி, மாலை 6 மணிக்கு நற்கருணை ஆசீரும், இரவு 7 மணிக்கு பொதுக்கூட்டமும், பரிசு வழங்குதலும், 8 மணிக்கு நடனப்போட்டியும் நடைபெறுகிறது.

விழா நாட்களில் தினமும் மாலையில் செபமாலை, புகழ்மாலை, திருப்பலி, இரவில் கலைநிகழ்ச்சிகள் ஆகியவை நடக்கிறது. இதற்கான ஏற்பாடுகளை பங்குத்தந்தை, பங்கு அருட்பணிப் பேரவை, பங்கு இறைமக்கள் இணைந்து செய்துவருகின்றனர்.