சேலம் சாமிநாதபுரம் வேளாங்கண்ணி மாதா ஆலய பெருவிழா இன்று தொடங்குகிறது

சேலம் அரிசிபாளையம் குழந்தை இயேசு பேராலயத்தின் கிளை ஆலயமான சாமிநாதபுரம் புனித வேளாங்கண்ணி மாதா திருத்தலத்தின் 33-ம் ஆண்டு ஆலய பெருவிழா இன்று (29-ந் தேதி) கொடியேற்றத்துடன் தொடங்குகிறது.

இன்று மாலை 6.30 மணிக்கு சேலம் மறை மாவட்ட குருகுல முதல்வர் ஜான்ஜோசப் கொடியேற்றுகிறார். தொடர்ந்து அன்னையின் தேர்பவனியும் ஜெப மாலையும், சிறப்பு திருப்பலி மறையுரைடன் நடைபெற உள்ளது.

வருகிற 8-ந் தேதி மதியம் 12.30 மணி முதல் மாலை 3 மணி வரை பொங்கல் மந்திரிப்பும், அன்னதானமும், சமபந்தியும் ஆலயம் சார்பில் நடைபெறுகிறது. மாலை 6.30 மணிக்கு மறைமாவட்ட ஆயர் சிங்கராயன் தலைமையில் கூட்டுப்பாடர் திருப்பலியும், இரவு தேர் மந்திரிக்கும் நிகழ்ச்சியும் நடைபெறுகிறது.