அற்புத குழந்தை இயேசு ஆலய திருவிழா நாளை தொடங்குகிறது

நாகர்கோவில் பொன்னப்ப நாடார் காலனியில் அற்புத குழந்தை இயேசு ஆலயம் உள்ளது. இந்த ஆலயத்தின் குடும்ப விழா நாளை மாலை 6 மணிக்கு செபமாலை, திருக்கொடியேற்றம், திருப்பலியுடன் தொடங்குகிறது. இதற்கு கோவை ஆயர் தாமஸ் அக்குவினாஸ் தலைமை தாங்குகிறார்.

30-ந் தேதி மாலை நடைபெறும் செபமாலை, திருப்பலிக்கு அருட்தந்தை ஜெரேமியாஸ் தலைமை தாங்குகிறார். குளச்சல் வட்டார முதல்வர் எம்.உபால்டு மறையுரையாற்றுகிறார். 1-ந் தேதி காலை 6.30 மணிக்கு நடைபெறும் திருப்பலிக்கு மறை மாவட்ட பொருளாளர் பிரான்சிஸ் எம் போர்ஜியோ தலைமை தாங்குகிறார். அருட்தந்தை ஆன்றனி மறையுரையாற்றுகிறார்.

2-ந் தேதி மாலை 6 மணிக்கு மறை மாவட்ட குருமட அதிபர் மைக்கேல் ராஜ் தலைமையில் செபமாலை, திருப்பலியும் மற்றும் கன்னியாகுமரி நசரேன் மறையுரையாற்றுகிறார். 3-ந் தேதி மாலை 6 மணிக்கு செபமாலை, திருப்பலி நடக்கிறது. சகாயபுரம் அருட்தந்தை ஜார்ஜ் வின்சென்ட் தலைமையில், எம்.ஸ்டான்லி சகாய சீலன் மறையுரையாற்றுகிறார். இதேபோல் விழா நாட்களில் தினமும் திருப்பலி நடக்கிறது.

7-ந் தேதி அன்று மாலை 5.30 மணிக்கு செபமாலையும், 6 மணிக்கு பங்கு பணியாளர் இல்லம் மந்திரிப்பும் நடக்கிறது. இதற்கு கோட்டார் ஆயர் பீட்டர் ரெமிஜியுஸ் தலைமை தாங்குகிறார். 8-ந் தேதி அன்று காலை 7 மணிக்கு நடைபெற உள்ள திருப்பலிக்கு மறை மாவட்ட முதன்மை பணியாளர் சாலமோன் தலைமை தாங்குகிறார். ரொமரிக் ததேயுஸ் மறையுரையாற்றுகிறார். மாலை 5.30 மணிக்கு செபமாலை, நற்கருணை ஆசீர், திருக்கொடியிறக்கமும், 6.30 மணிக்கு மறைக்கல்வி ஆண்டு விழா பொதுக்கூட்டமும், கலை நிகழ்ச்சிகளும், இரவு 8 மணிக்கு சமபந்தி விருந்தும் நடக்கிறது.

இதற்கான ஏற்பாடுகளை பங்கு இறைமக்கள், பங்கு அருட்பணிப்பேரவை, பங்குதந்தைகள் செய்து வருகின்றனர்.