தலைவன் எப்போதுமே மாஸ்தான்.. மைதான ஊழியராக மாறிய டேவிட் வார்னர்.. வைரலாகும் வீடியோ

உலகக் கோப்பை கிரிக்கெட் தொடரில் இன்று இலங்கை - ஆஸ்திரேலிய அணிகள் மோதுகின்றன. முதல் இலங்கை அணி பேட்டிங் செய்து வருகிறது. முதல் விக்கெட்டுக்கு குசல் பெரேரா மற்றும் நிசங்கா ஜோடி 125 ரன்கள் குவித்தது. அடுத்து வந்த வீரர்கள் சீரான இடைவெளியில் விக்கெட்டுகளை இழந்தனர்.

இலங்கை 32 ஓவரில் 4 விக்கெட்டுகளை இழந்து 177 ரன்கள் எடுத்திருந்தது. அப்போது மழை குறுக்கிட்டது. மழை நீர் மைதானத்தில் படாமல் இருக்க ஊழியர்கள் பெரிய கவரை எடுத்து வந்தனர். அப்போது அவர்களுக்கு உதவியாக ஆஸ்திரேலிய அணியின் தொடக்க ஆட்டக்காரர் டேவிட் வார்னர் அவர்களுடன் சேர்ந்து அந்த கவரை எடுக்க உதவினார்.

இந்த வீடியோ தற்போது சமூக வலைதளங்களில் வைரலாகி வருகிறது. இவர் இந்திய திரைப்பட கதாபாத்திரத்தில் சில ஸ்டைல்களை செய்து வருவதுண்டு. முக்கியமாக புஷ்பா ஸ்டைலை அடிக்கடி செய்து காட்டுவார். வார்னர் மைதானத்தில் மட்டுமல்லாமல் சமூக வலைதளங்களிலும் இந்தியர்களின் மனதை கவர்ந்துள்ளார் என்பதில் எந்தவித சந்தேகமும் இல்லை.