பேட்ட படத்தை தொடர்ந்து கார்த்தி சுப்புராஜ் இயக்கத்தில் உருவாகி உள்ள திரைப்படம் ‘ஜகமே தந்திரம்’. தனுஷ் ஹீரோவாக நடித்துள்ள இப்படத்தில், அவருக்கு ஜோடியாக ஐஸ்வர்யா லட்சுமி மற்றும் சஞ்சனா நடராஜன் ஆகியோர் நடித்துள்ளனர். இந்த படத்தில் பிரபல ஹாலிவுட் நடிகர் ஜேம்ஸ் காஸ்மோ முக்கிய கதாபாத்திரத்தில் நடித்துள்ளார். இப்படம் வருகிற ஜூன் 18-ந் தேதி நேரடியாக ஓடிடி தளத்தில் வெளியாக உள்ளது.
இப்படத்திற்கு சந்தோஷ் நாராயணன் இசையமைத்துள்ளார். இவர் இசையில் ஏற்கனவே வெளியான ‘ரகிடா ரகிடா’ மற்றும் ‘புஜ்ஜி’ ஆகிய பாடல்கள் நல்ல வரவேற்பை பெற்ற நிலையில், அடுத்ததாக ‘நேத்து’ என்கிற ரொமாண்டிக் பாடலை நாளை காலை 11 மணிக்கு வெளியிட உள்ளனர்.
இந்நிலையில் இப்படத்தில் இடம் பெற்றிருக்கும் மொத்த பாடல்களின் பற்றி தகவல்கள் வெளியாகி உள்ளது. அதாவது இப்படத்தில் மொத்தம் 8 பாடல்கள் இருப்பதாகவும் அவை அனைத்தையும் அடுத்தடுத்து வெளியிட இருப்பதாகவும் தகவல்கள் வெளியாகி உள்ளது. இது தனுஷ் ரசிகர்களிடையே உற்சாகத்தை ஏற்படுத்தி உள்ளது.
