என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
சினிமா
X
நடிகர் ரஜினிகாந்தின் அண்ணன் சத்தியநாராயணா மருத்துவமனையில் அனுமதி
Byமாலை மலர்29 Aug 2019 3:52 AM GMT (Updated: 29 Aug 2019 3:52 AM GMT)
சிகிச்சைக்காக மருத்துவமனையில் அனுமதிக்கப்பட்டுள்ள தனது அண்ணன் சத்தியநாராயணாவை நடிகர் ரஜினிகாந்த் நேரில் சந்தித்து நலம் விசாரித்தார்.
நடிகர் ரஜினிகாந்தின் அண்ணன் பெயர் சத்தியநாராயணா. இவர் பெங்களூருவில் வசித்து வருகிறார். இந்த நிலையில் சத்தியநாராயணாவுக்கு மூட்டு வலி ஏற்பட்டது. இதையடுத்து அவர் பெங்களூரு பன்னரகட்டா ரோட்டில் உள்ள தனியார் மருத்துவமனையில் அனுமதிக்கப்பட்டார்.
அங்கு அவருக்கு டாக்டர்கள் மூட்டு மாற்று அறுவை சிகிச்சை செய்தனர். தற்போது அவர் நலமாக இருக்கிறார். இந்த நிலையில் அண்ணன் சத்தியநாராயணாவை பார்க்க நேற்று நடிகர் ரஜினிகாந்த் பெங்களூரு வந்தார். பன்னரகட்டா ரோட்டில் உள்ள தனியார் மருத்துவமனைக்கு சென்ற அவர் தனது அண்ணன் சத்தியநாராயணாவை பார்த்து உடல் நலம் குறித்து விசாரித்தார்.
முன்னதாக, மருத்துவமனைக்கு ரஜினிகாந்த் வருவதை அறிந்த ஊழியர்கள், பொதுமக்கள் என்று அனைவரும் அவருடன் சேர்ந்து ‘செல்பி’ எடுக்க முயன்றனர். பலர் தங்களின் செல்போனில் வீடியோ பதிவு செய்தனர். இதனால் அவர்களுக்குள் லேசான தள்ளு-முள்ளு ஏற்பட்டது. இதன் காரணமாக மருத்துவமனையில் சிறிது நேரம் பரபரப்பு ஏற்பட்டது. இருப்பினும் பாதுகாவலர்கள், நடிகர் ரஜினிகாந்தை பாதுகாப்பாக அழைத்து சென்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X