என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
சினிமா
X
காஜல் அகர்வால் படத்தில் சர்ச்சை காட்சிகள் நீக்கம்
Byமாலை மலர்23 Aug 2019 10:43 AM GMT (Updated: 23 Aug 2019 10:43 AM GMT)
குயின் படத்தின் ரீமேக்காக உருவாகி இருக்கும் காஜல் அகர்வாலின் பாரிஸ் பாரிஸ் படத்தில் சர்ச்சைக்குரிய காட்சிகள் நீக்கப்பட்டுள்ளது.
கங்கணா ரணாவத் நடிப்பில் இந்தியில் வெளியான படம் ‘குயின்’. இந்த படம் அவருக்கு தேசிய விருது பெற்று கொடுத்தது. ரசிகர்களிடம் பெரும் வரவேற்பை பெற்றது. குயின் படம் தென்னிந்திய மொழிகளில் ஒரே நேரத்தில் ரீமேக் ஆகிறது. காஜல் அகர்வாலை நாயகியாகக் கொண்டு தமிழில் ‘பாரிஸ் பாரிஸ்’ எனவும், தமன்னாவை நாயகியாகக் கொண்டு தெலுங்கில் ‘தட் இஸ் மகாலெட்சுமி’ எனவும் மஞ்சிமா மோகனை நாயகியாகக் கொண்டு மலையாளத்தில் ‘ஜம் ஜம்’ எனவும் பருல் யாதவ்வை கதாநாயகியாகக்கொண்டு கன்னடத்தில் ‘பட்டர்பிளை’ எனவும் உருவாகியுள்ளது.
தமிழ் மற்றும் கன்னட பதிப்பை நடிகரும் இயக்குனருமான ரமேஷ் அரவிந்த் இயக்கி உள்ளார். கடந்த ஆண்டு இறுதியில் இந்தப் படத்தின் டீசர் அனைத்து மொழிகளிலும் வெளியானது. அதில் காஜல் நடித்துள்ள தமிழ் டீசரில் ஆபாச வசனங்கள் இடம் பெற்றிருப்பதாகவும், காஜல் அவரது தோழியுடன் தோன்றும் காட்சி ஆபாசமாக இருப்பதாகவும் பலரும் விமர்சித்தனர்.
இந்தப் படத்தில் விருதுநகரைச் சேர்ந்த பரமேஸ்வரி என்ற பெண்ணாக நடித்துள்ள காஜல், ஒரு இளைஞரை காதலிக்கிறார். ஆனால் திருமணத்திற்கு முந்தைய நாள் திடீர் என காஜலுடனான திருமணத்தை அவரது காதலன் நிறுத்துகிறார். பின்னர் தேனிலவுக்காக இருவரும் இணைந்து புக் செய்திருந்த பாரிஸ் நகருக்கு காஜல் மட்டும் தனியாக செல்கிறார். அங்கு அவருக்கு ஏற்படும் அனுபவங்களே படத்தின் கதை.
‘பாரிஸ் பாரிஸ்’ படத்தை நிறைவு செய்து சென்சாருக்கு அனுப்பிய படக்குழுவுக்கு அதிர்ச்சி காத்திருந்தது. சென்சார் துறை பல இடங்களில் காட்சிகளின் சில பகுதிகளை மங்க செய்தனர். சில காட்சிகளில் ஆடியோவை மட்டும் வெட்ட, சில காட்சி ஆடியோ, வீடியோ இரண்டையும் வெட்டி உள்ளனர். படக்குழுவினர் மறு சீராய்வுக் குழுவுக்கு கொண்டு சென்றனர். ரிவைசிங் கமிட்டியிலும் இந்த சர்ச்சைக்குரிய காட்சிகளை நீக்க வேண்டும் என்று கூறியதை அடுத்து சம்பந்தப்பட்ட அந்த காட்சியை நீக்க படக்குழுவினர் முடிவு செய்திருக்கிறார்கள்.
குயின் படத்திலும், தமிழ், தெலுங்கு, கன்னட ரீமேக்கிலும் இந்தக் காட்சிகள் இடம்பெற்றிருக்கும் நிலையில் தமிழில் மட்டும் இந்தக் காட்சியை நீக்க முடிவு செய்திருக்கிறார்கள்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X