அடா சர்மாவின் வித்தியாசமான போட்டோசூட் - வைரலாகும் வீடியோ

சிம்பு - நயன்தாரா நடிப்பில் வெளியான ‘இது நம்ம ஆளு’ படத்தில் ஒரு பாடலுக்கு நடனமாடி தமிழ் சினிமாவில் அறிமுகமானவர் நடிகை அடா சர்மா. இவர் கடைசியாக பிரபுதேவாவுடன் இணைந்து `சார்லி சாப்ளின்-2' படத்தில் நடித்திருந்தார்.

மதுரையை பூர்வீகமாகக் கொண்ட இவர் மும்பையில் பிறந்து வளர்ந்தவர். இந்தி, தெலுங்கு, கன்னட மொழிப் படங்களில் நடித்து வருகிறார். இவர் அவ்வப்போது தனது கவர்ச்சி புகைப்படங்களை சமூக வலைதளங்களில் வெளியிடுவது வழக்கம். 

தற்போது இவர் பத்திரிகை ஒன்றுக்காக வித்தியாசமான போட்டோசூட் ஒன்றை எடுத்துள்ளார். அதை வீடியோவாக தனது சமூக வலைத்தளத்தில் பதிவு செய்திருக்கிறார் அதா சர்மா. ஒற்றை கையில் தலைகீழாக நிற்கும் அந்த வீடியோவை பார்த்த ரசிகர்கள் வியந்து பாராட்டி வருகின்றனர். தற்போது அந்த வீடியோ வைரலாகி வருகிறது.