டொரேடோவின் யுனிவர்சல் சார்ஜர் அறிமுகம்

இது மின்னணு யுகம். அதனால் வெறுமனே ஸ்மார்ட் கருவிகள் இருந்தால் மட்டும் போதாது, அவற்றை சார்ஜ் செய்து பேட்டரி முழுமையாக இருப்பதை உறுதி செய்வதும் அவசியம். அதற்கு சார்ஜிங் கருவிகள் அத்தியாவசியமாகிவிட்டன. ஒரு சார்ஜிங் கருவி பொதுவாக போதுமானதாக இருப்பதில்லை. இதைக் கருத்தில் கொண்டே டொரேடோ நிறுவனம் ஒரே சமயத்தில் நான்கு மின்னணு சாதனங்களை சார்ஜ் செய்யக்கூடிய சார்ஜரை அறிமுகம் செய்துள்ளது.

அத்துடன் மட்டுமின்றி தொழில்நுட்ப வல்லுநர்கள் பரவலாக பல நாடுகளுக்கும் செல்ல வேண்டிய காலமிது. இதைக் கருத்தில் கொண்டே அனைத்து நாடுகளின் சார்ஜிங் சாக்கெட்டுகளுக்கேற்ற வகையில் இதன் பின் பாயின்ட் வடிவமைக்கப்பட்டுள்ளது.

இதனால் இந்தியாவில் மட்டுமின்றி ஐரோப்பிய நாடுகளிலும் இந்த சார்ஜரை பயன்படுத்த முடியும். இதில் எல்.இ.டி. இன்டிகேட்டரும் இருப்பது சிறப்பம்சமாகும். 5 வோல்ட் திறன் தேவைப்படும் கருவிகளை இதில் சார்ஜ் செய்ய முடியும். இந்த சார்ஜருடன் 1.5 மீட்டர் வயரும் உள்ளது.

இதில் சார்ஜ் ஏற்றும் சாதனங்கள் முழுமையாக சார்ஜ் ஏறியதை இதில் உள்ள இன்டிகேட்டர் விளக்கு உணர்த்தும். இதன் விலை சுமார் ரூ.999. இந்த ஒரு சார்ஜர் இருந்தாலே உங்களிடமுள்ள நான்கு மின்னணு சாதனங்களை சார்ஜ் செய்ய முடியும்.