சர்வதேச சந்தையில் லம்போர்கினி சியன் ரோட்ஸ்டர் அறிமுகம்

லம்போர்கினி சியன் ரோட்ஸ்டர் மாடல் அறிமுகம் செய்யப்பட்டுள்ளது. இந்த மாடல் உலகம் முழுக்க சுமார் 19 யூனிட்கள் மட்டுமே உற்பத்தி செய்யப்பட இருக்கின்றன. ஒவ்வொரு யூனிட்டும் ஆட் பெர்சோனம் துறை கஸ்டமைஸ் செய்ய இருக்கிறது.

புதிய லம்போர்கினி சியன் ரோட்ஸ்டர் மாடலில் 6.5 லிட்டர் வி12 என்ஜின் மற்றும் 48 வோல்ட் எலெக்ட்ரிக் மோட்டார் வழங்கப்படுகிறது. இவை 808 பிஹெச்பி பவர் வழங்குகின்றன. இதனால் இந்த கார் மணிக்கு 0 முதல் 100 கிலோமீட்டர் வேகத்தை வெறும் 2.9 நொடிகளில் எட்டிவிடும். மேலும் இந்த கார் மணிக்கு அதிகபட்சமாக 350 கிலோமீட்டர் வேகத்தில் செல்லும்.

லம்போர்கினி சியன் ரோட்ஸ்டர் மாடல் வெளிப்புறம் புளு யுரேனஸ் நிறத்திலும், உள்புறம் வைட் மற்றும் புளு குலௌகோ நிறம் கொண்டிருக்கிறது. மேலும் ஏர் வென்ட்கள் 3டி முறையில் அச்சிடப்படுகிறது.