புத்தம் புதிய ஸ்கோடா ஆக்டேவியா காருக்கு புதிய தலைமுறை இன்ஃபோடெயின்மென்ட் சிஸ்டம் வழங்கப்படுகிறது. இது 10 இன்ச் டிஸ்ப்ளே ஆகும். இந்த சிஸ்டம் காரின் செட்டிங்களை தொடுதிரை, ஜெஸ்ட்யூர் மற்றும் வாய்ஸ் கண்ட்ரோல் உள்ளிட்டவை கொண்டு இயக்க முடியும்.
புதிய இன்ஃபோடெயின்மென்ட் சிஸ்டம் கொலம்பஸ், ஸ்விங் மற்றும் பொலிரோ என மூன்று வகைகளில் கிடைக்கிறது. மூன்று சிஸ்டம்களும் 10 இன்ச் டிஸ்ப்ளே ஸ்கிரீன் கொண்டிருக்கின்றன. இதில் உள்ள ஐகான்ளை ஸ்மார்ட்போனில் மாற்றுவதை போன்றே மிக எளிமையாக மாற்ற முடியும்.
காரினுள் வால்யூம் மாற்றுவதற்கான கண்ட்ரோல் பட்டன்கள் ஸ்டீரிங் வீல் மற்றும் புதிய டச் ஸ்லைடர் உள்ளிட்டவற்றில் வழங்கப்பட்டு இருக்கிறது. ஒற்றை விரல் கொண்டு வால்யூம் மாற்ற முடியும். இரு விரல்களை கொண்டு நேவிகேஷன் மேப் அளவினை மாற்றிக் கொள்ளலாம்.
புதிய இன்ஃபோடெயின்மென்ட் சிஸ்டம்கள் வயர்லெஸ் ஸ்மார்ட்லின்க் தொழில்நுட்பம் கொண்டு ஆப்பிள் ஐஒஎஸ் மற்றும் ஆண்ட்ராய்டு ஸ்மார்ட்போன்களுடன் இணைந்து கொள்கிறது. ஒருமுறை இணைக்கப்பட்டு விட்டால், அடுத்தமுறை காரினுள் சென்றதும் ஸ்மார்ட்போன் தானாக காருடன் இணைந்து கொள்ளும்.
