கியா மோட்டார்ஸ் நிறுவனம் தனது புதிய தலைமுறை கார்னிவல் எம்பிவி மாடலின் முதல் டீசரை அதிகாரப்பூர்வமாக வெளியிட்டுள்ளது. புதிய கார்னிவல் எம்பிவி மாடல் பல்வேறு புதிய அப்டேட்களுடன், அதிநவீன அம்சங்கள் மற்றும் மாற்றங்களுடன் வெளியாகும் என எதிர்பார்க்கப்படுகிறது.
புதிய கார்னிவல் மாடலின் சர்வதேச வெளியீடு இந்த ஆண்டு இறுதியில் நடைபெறும் என எதிர்பார்க்கப்படுகிறது. இதன் விற்பனை சர்வதேச வெளியீட்டை தொடர்ந்து துவங்கும் என கூறப்படுகிறது. புதிய கார் வடிவமைப்பு கூர்மையாகவும், அதிநவீன தோற்றம் கொண்டிருக்கும் என தெரிகிறது.
காரின் முன்புறம் மேம்பட்ட டைகர்-நோஸ் கிரில், இருபுறங்களிலும் எல்இடி ஹெட்லேம்ப்கள், இன்டகிரேட் செய்யப்பட்ட எல்இடி டிஆர்எல்கள் வழங்கப்பட்டுள்ளன. தற்சமயம் விற்பனை செய்யப்படும் கியா கார்னிவல் மாடலில் 2.2 லிட்டர் வி.ஜி.டி. பி.எஸ்.6 டீசல் என்ஜின் வழங்கப்படுகிறது.
இந்த என்ஜின் 197 பி.ஹெச்.பி. பவர், 440 என்.எம். டார்க் செயல்திறன் வழங்குகிறது. இத்துடன் 8-ஸ்பீடு ஸ்போர்ட்மேடிக் டிரான்ஸ்மிஷன் வழங்கப்படுகிறது.
