2022 கவாசகி இசட்650 இந்தியாவில் அறிமுகம் || Tamil News 2022 Kawasaki Z650 launched in India

கவாசகி நிறுவனத்தின் 2022 இசட்650 மோட்டார்சைக்கிள் புதிதாக கேன்டி லைம் கிரீன் டைப் 3 நிறத்தில் கிடைக்கிறது.

கவாசகி இசட்650

கவாசகி நிறுவனம் 2022 இசட்650 மோட்டார்சைக்கிளை இந்திய சந்தையில் அறிமுகம் செய்தது. புதிய மாடல் விலை ரூ. 6.24 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இது முந்தைய மாடலை விட ரூ. 6 ஆயிரம் அதிகம் ஆகும்.

புதிய 2022 இசட்650 மாடல் கேன்டி லைம் கிரீன் டைப் 3 நிறத்தில் கிடைக்கிறது. இதில் கிரீம் மற்றும் பிளாக் நிற பெயின்ட், கிரே நிற கிராபிக்ஸ் கொண்டிருக்கிறது. இவைதவிர இந்த மாடலில் வேறு எந்த மாற்றங்களும் மேற்கொள்ளப்படவில்லை.

கவாசகி இசட்650 மாடலில் 649சிசி, பேரலெல் ட்வின் என்ஜின் வழங்கப்பட்டு இருக்கிறது. இந்த என்ஜின் 67.31 பி.ஹெச்.பி. திறன், 64 நியூட்டன் மீட்டர் டார்க் இழுவிசையை வழங்குகிறது. இதில் எல்.சி.டி. இன்ஸ்ட்ரூமென்ட் கிளஸ்டர், ப்ளூடூத் கனெக்டிவிட்டி, டூயல் சேனல் ஏ.பி.எஸ். மற்றும் ஸ்லிப்பர் கிளட்ச் வழங்கப்பட்டு இருக்கிறது.