ரெவோல்ட் இன்டெலிகார்ப் நிறுவனம் தனது ஆர்.வி.400 எலெக்ட்ரிக் மோட்டார்சைக்கிளின் விலையில் ரூ. 5000 உயர்த்துவதாக தெரிவித்துள்ளது. அந்த வகையி்ல் விலை உயர்வையடுத்து புதிய ஆர்.வி.400 மோட்டார்சைக்கிளை முழு தொகை செலுத்தி வாங்கும் போது ரூ. 1,03,999 (எக்ஸ்-ஷோரூம்) என நிர்ணயம் செய்யப்பட்டுள்ளது.
மாத தவணையில் வாங்குவோருக்கு ரூ. 3999 மாத தவணையினை 37 மாதங்களில் இருந்து 38 மாதங்களாக அதிகரிக்கப்பட்டுள்ளது. புதிய மோட்டார்சைக்கிளுக்கான முன்பதிவு கட்டணம் ரூ. 3999 என்றே நிர்ணயிக்கப்பட்டுள்ளது. அரசாங்கம் வழங்கும் ஃபேம் 2 வரிச்சலுகைகளை சேர்த்தே புதிய விலை நிர்ணயிக்கப்பட்டுள்ளது.
ஏற்கனவே ஆர்.வி.400 மோட்டார்சைக்கிளை மாத தவணையில் வாங்கியவர்களுக்கு விலை உயர்வு அமலாகாது. இதன் குறைந்த அம்சங்கள் கொண்ட மோட்டார்சைக்கிளான ஆர்.வி.300 விலையில் எவ்வித மாற்றமும் மேற்கொள்ளப்படவில்லை.
அந்த வகையில் ஆர்.வி.300 மோட்டார்சைக்கிள் ரூ. 2,999 எனும் மாத தவணையினை 37 மாதங்களுக்கோ அல்லது ஒரே தவணையில் வாங்கும் போது ரூ. 84,999 (எக்ஸ்-ஷோரூம்) செலுத்த வேண்டும்.
