search icon
என் மலர்tooltip icon

    ஆட்டோமொபைல்

    ஒகினாவா லைட் எலெக்ட்ரிக் ஸ்கூட்டர்
    X
    ஒகினாவா லைட் எலெக்ட்ரிக் ஸ்கூட்டர்

    இந்தியாவில் புதிய எலெக்ட்ரிக் ஸ்கூட்டர் அறிமுகம் செய்த ஒகினாவா

    ஒகினாவா ஸ்கூட்டர்ஸ் நிறுவனம் இந்தியாவில் புதிகாக ஒகினாவா லைட் எலெக்ட்ரிக் ஸ்கூட்டர் மாடலை அறிமுகம் செய்துள்ளது.



    ஒகினாவா ஸ்கூட்டர்ஸ் நிறுவனம் இந்தியாவில் எலைட் என்ற பெயரில் புதிய எலெக்ட்ரிக் ஸ்கூட்டரை அறிமுகம் செய்துள்ளது. புதிய ஒகினாவா லைட் எலெக்ட்ரிக் ஸ்கூட்டர் விலை ரூ. 59,990 (எக்ஸ்-ஷோரூம்) என நிர்ணயம் செய்யப்பட்டுள்ளது. இந்த ஸ்கூட்டர் நகரங்களில் வசிக்கும் வாடிக்கையாளர்கள் சிறுது தூர பயணங்களுக்கு பயன்படுத்தும் வகையில் உருவாக்கப்பட்டுள்ளது.

    புதிய லைட் ஸ்கூட்டர் பயன்படுத்த எளிமையாகவும், வாடிக்கையாளர்களுக்கு ஏற்ற வகையில் அன்றாட பயன்பாட்டிற்கு உகந்ததாக வடிவமைக்கப்பட்டு இருப்பதாக ஒகினாவா தெரிவித்துள்ளது. ஒகினாவா லைட் எலெக்ட்ரிக் ஸ்கூட்டர் எல்.இ.டி. லைட், ஹெட்லேம்ப் மற்றும் டெயில் லைட்களை கொண்டிருக்கிறது.

    ஒகினாவா லைட் எலெக்ட்ரிக் ஸ்கூட்டர்

    இத்துடன் இந்த எலெக்ட்ரிக் ஸ்கூட்டரில் எல்.இ.டி. ஸ்பீடோமீட்டர், புஷ் பட்டன் செல்ஃப் ஸ்டார்ட் மற்றும் ஆட்டோமேடிக் எலெக்டிரானிக் ஹேண்டில் வழங்கப்பட்டுள்ளது. ஒகினாவா லைட் எலெக்ட்ரிக் ஸ்கூட்டரில் கழற்றக்கூடிய 40 வோல்ட், 1.25kWh லித்தியம் அயன் பேட்டரி கொண்டிருக்கிறது.

    லைட் எலெக்ட்ரிக் ஸ்கூட்டர் 250W BLDC எலெக்ட்ரிக் மோட்டார் மூலம் இயங்குகிறது. இதனை ஒருமுறை சார்ஜ் செய்தால் 50 முதல் 60 கிலோமீட்டர் வரை செல்லும். இது மணிக்கு அதிகபட்சம் மணிக்கு 25 கிலோமீட்டர் வேகத்தில் செல்லும் என ஒகினாவா தெரிவித்துள்ளது.

    எலெக்ட்ரிக் ஸ்கூட்டரில் உள்ள பேட்டரிகளை ஒருமுறை சார்ஜ் செய்ய நான்கு முதல் ஐந்து மணி நேரம் ஆகும். லைட் ஸ்கூட்டரில் உள்ள மோட்டார் மற்றும் பேட்டரிக்கு ஒகினாவா மூன்று வருட வாரண்டி வழங்குகிறது. 
    Next Story
    ×