என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
ஆட்டோ டிப்ஸ்
X
ரிவர்ஸ் மோட் கோளாறு - 65 வயது முதியவர் படுகாயம் - மீண்டும் சர்ச்சையில் சிக்கிய ஓலா S1 ப்ரோ
Byமாலை மலர்13 May 2022 11:45 AM GMT (Updated: 13 May 2022 11:45 AM GMT)
ஓலா நிறுவனத்தின் S1 ப்ரோ எலெக்ட்ரிக் ஸ்கூட்டரில் ஏற்பட்ட மென்பொருள் கோளாறு காரணமாக 65 வயதான முதியவர் படுகாயம் அடைந்துள்ளார்.
ஜோத்பூர் பகுதியை சேர்ந்த 65 வயது முதியவர் ஓலா S1 ப்ரோ மாடலில் ஏற்பட்ட மென்பொருள் குறைபாடு காரணமாக படுகாயம் அடைந்துள்ளது. இதுபற்றிய தகவல்களை பாதிக்கப்பட்ட முதியவரின் மகள் பல்லவ் மகேஸ்வரி தனது லின்க்டுஇன் பக்கத்தில் தெரிவித்து இருக்கிறார்.
அதன்படி ஓலா S1 ப்ரோ ஸ்கூட்டரை ரிவர்ஸ் மோடில் இயக்க முயற்சித்த போது திடீரென ஸ்கூட்டர் அதிவேகமாக ரிவர்ஸ் மோடில் இயங்கி இருக்கிறது. இதில் நிலை தடுமாறிய முதியவர் ஸ்கூட்டரில் இருந்து கீழே விழுந்தார். கீழே விழுந்ததில் முதியவரின் தலையில் பலத்த காயம் ஏற்பட்டு பத்து தையல்கள் போடப்பட்டுள்ளன. மேலும் அவரது இடபுற தோள்பட்டையில் எலும்பு முறிவு ஏற்பட்டதால் இரண்டு பிளேட்கள் வைக்கப்பட்டு இருப்பதாக பாதிக்கப்பட்டவரின் மகன் தெரிவித்து இருக்கிறார்.
ஓலா நிறுவனத்தின் S1 சீரிஸ் ஸ்கூட்டர்கள் ரிவர்ஸ் மோடில் இருக்கும் போது திடீரென அதிவேகமாக செல்கிறது என கடந்த சில மாதங்களாக ஆங்காங்கே குற்றச்சாட்டுகள் எழுந்து வருகிறது. முன்னதாக இதேபோன்ற பிரச்சினை காரணமாக மேலும் சிலர் விபத்தில் சிக்கி படுகாயம் அடைந்துள்ளனர். எனினும், இதுவரை ஓலா நிறுவனம் தனது ஸ்கூட்டர்களில் S1 சீரிஸ் ரிவர்ஸ் மோட் பிரச்சினையை சரி செய்யவில்லை என அவர் மேலும் தெரிவித்தார்.
ரிவர்ஸ் மோட் மட்டுமின்றி ஓலா S1 சீரிஸ் ஸ்கூட்டர்கள் தீப்பிடித்து எரியும் சம்பவங்களும் அரங்கேறி வருகின்றன. ஸ்கூட்டர்கள் தீப்பிடிக்கும் சம்பவங்கள் பற்றி விசாரணையை மேற்கொள்வதாக ஓலா எலெக்ட்ரிக் நிறுவனம் அறிவித்து இருந்தது. எனினும், இதுபற்றி இதுவரை எந்த தகவலும் வழங்கப்படவில்லை.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X