விருச்சகம் - தமிழ் மாத ஜோதிடம்

2025 கார்த்திகை மாத ராசிபலன்

விருச்சிக ராசி நேயர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசியை உச்சம்பெற்ற குரு பார்க்கிறார். 'குரு பார்க்க கோடி நன்மை' என்பதற்கேற்ப, தொட்டது துலங்கும். தொழில், முன்னேற்றப் பாதையை நோக்கிச் செல்லும். வெற்றிக் கனியை எட்டிப் பிடிப்பீர்கள். முக்கியப் புள்ளிகள் வீடு தேடி வந்து வாழ்த்துவர். பொதுவாழ்வில் உள்ளவர்களுக்கு புதிய பொறுப்புகளும், பதவிகளும் கிடைக்கும். குலதெய்வ வழிபாடும், திசாபுத்திக்கேற்ற தெய்வ வழிபாடும், நீங்கள் எடுக்கும் புதிய முயற்சிகளில் அனுகூலம் கிடைக்க உறுதுணையாக இருக்கும்.

குரு வக்ரம்

மாதத் தொடக்கத்தில் குரு பகவான் உங்கள் ராசிக்கு 9-ம் இடத்தில் உச்சம் பெற்றுச் சஞ்சிக்கிறார். அவரது முழுமையான பார்வை உங்கள் ராசியில் பதிவது யோகமாகும். தொட்ட காரியங்கள் வெற்றி பெறவும், தொழில் முன்னேற்றம் ஏற்படவும், வெற்றிச் செய்திகள் வீடு தேடி வரவும் குருவின் பார்வை வழிவகுக்கும். அப்படிப்பட்ட குருபகவான் உங்கள் ராசிக்கு தன - பஞ்சமாதிபதி ஆவார். அவர் கார்த்திகை 2-ந் தேதி முதல் வக்ரம் பெறுகிறார். வக்ரம் பெற்றாலும் உச்சம் பெற்ற குரு என்பதால் கவலைப்படத் தேவையில்லை. ஒருசில நல்ல காரியங்கள் தடைப்பட்டாலும், கடைசி நேரத்தில் கைகூடிவிடும்.

விருச்சிக - சுக்ரன்

கார்த்திகை 11-ந் தேதி விருச்சிக ராசிக்கு சுக்ரன் வருகிறார். உங்கள் ராசிக்கு 7, 12 ஆகிய இடங்களுக்கு அதிபதியானவர் சுக்ரன். அவர் உங்கள் ராசியிலேயே சஞ்சரிக்கும் இந்த நேரம் 'சுக்ர மங்கள யோகம்' செயல்படும். இதன் விளைவாக ஆன்மிகப் பயணங்கள் அதிகரிக்கும். உடன்பிறப்புகளின் வழியே வரும் சுபகாரியங்களை சிறப்பாக முடித்து கொடுப்பீர்கள். ஆடை, ஆபரணச் சேர்க்கை உண்டு. பொதுவாழ்வில் உள்ளவர்களுக்கு நல்ல பொறுப்புகளும், பதவிகளும் கிடைக்கும். அரசு அனுகூலம் உண்டு.

தனுசு - செவ்வாய்

கார்த்திகை 20-ந் தேதி, தனுசு ராசிக்கு செவ்வாய் செல்கிறார். உங்கள் ராசிநாதன் 2-ம் இடம் எனப்படும் தன ஸ்தானத்திற்கு செல்லும் இந்த நேரம் தனவரவு தாராளமாக வந்துசேரும். தொழிலில் எதிர்பார்த்ததைக் காட்டிலும் கூடுதல் லாபம் கிடைக்கும். வியாபாரத்தில் வாடிக்கையாளர்களின் எண்ணிக்கை அதிகரிக்கும். இதுவரை வாடகைக் கட்டிடத்தில் நடைபெற்ற தொழிலை, சொந்தக் கட்டிடத்திற்கு மாற்ற எடுத்த முயற்சி கைகூடும். போட்டிக் கடை வைத்தோர் விலகுவர். புதிய முயற்சிகளில் வெற்றி கிடைக்கும்.

விருச்சிக - புதன்

கார்த்திகை 20-ந் தேதி, விருச்சிக ராசிக்கு புதன் வருகிறார். உங்கள் ராசிக்கு லாபாதிபதி புதன். அவர் ராசிக்கு வரும் இந்த நேரம் பணம் பல வழிகளிலும் வந்து பையை நிரப்பும். மனதில் நினைத்ததை மறுகணமே செய்து முடிப்பீர்கள். வளர்ச்சிப் பாதையில் அடியெடுத்து வைக்க நண்பர்கள் உறுதுணையாக இருப்பர். புதிய சந்தர்ப்பங்கள் தொழில் வளர்ச்சிக்கு சாதகமாக இருக்கும். பழைய வாகனங்களைக் கொடுத்துவிட்டுப் புதிய வாகனங்கள் வாங்குவதில் ஆர்வம் காட்டுவீர்கள். புகழ்பெற்ற ஆலயங்களுக்குச் சென்று வழிபட்டு வரவேண்டும் என்ற சிந்தனை மேலோங்கும்.

பொதுவாழ்வில் உள்ளவர்களுக்கு மேலிடத்தில் நல்ல பெயர் கிடைக்கும். வியாபாரம் மற்றும் தொழில் செய்பவர்களுக்கு கூடுதல் லாபம் கிடைக்கும். உத்தியோகத்தில் உள்ளவர்களுக்கு உயர் பதவிகள் தேடிவரும். கலைஞர்களுக்கு புதிய ஒப்பந்தங்கள் வந்துசேரும். மாணவ- மாணவிகளுக்கு, பெற்றோர் மற்றும் ஆசிரியர்களின் ஆதரவு உண்டு. பெண்களுக்கு குடும்ப முன்னேற்றம் திருப்தி தரும். கல்யாணக் கனவுகள் நனவாகும்.

பணத்தேவையைப் பூர்த்தி செய்யும் நாட்கள்:-

நவம்பர்: 17, 23, 24, 28, 29, டிசம்பர்: 8, 9, 10, 14, 15.

மகிழ்ச்சி தரும் வண்ணம்:- ஆனந்தா நீலம்.

2025 ஐப்பசி மாத ராசிபலன்

விருச்சிக ராசி நேயர்களே!

ஐப்பசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசியை உச்சம் பெற்ற குரு பகவான் பார்க்கிறார். அது 5-ம் பார்வையாக இருப்பதால் பொன் கொழிக்கும் மாதம் இது. எடுத்த முயற்சிகள் யாவிலும் வெற்றி கிடைக்கும். அடுத்தடுத்து ஆதாயம் தரும் தகவல் வந்து கொண்டேயிருக்கும். 'நீங்கள் கொடுத்து வைத்தவர்' என்று கூட இருப்பவர்கள் பாராட்டுவார்கள். பொருளாதார நிலை உச்சம் அடையும். புதிய திருப்பங்கள் ஏற்படும். நீங்கள் தேர்ந்தெடுத்த களம் எதுவாக இருந்தாலும் அதில் வெற்றி கிடைக்கும் மாதம் இது.

உச்சம் பெற்ற குரு

மாதத் தொடக்கத்தில் குரு பகவான் கடக ராசியில் உச்சம் பெற்றுச் சஞ்சரிக்கிறார். அவரது பார்வை பலத்தால் பலவித நன்மைகள் கிடைக்கும். குரு பார்க்க கோடி நன்மை என்பதால், இக்காலத்தில் உடல்நலம் சீராகும். உற்சாகத்துடன் பணிபுரிவீர்கள். ஆதாயம் தரும் தகவல்கள் அதிக அளவில் வந்து மகிழ்விக்கும். தொழிலில் கூடுதல் லாபம் கிடைக்கும். அதிகார வர்க்கத்தினரின் ஆதரவு கிடைக்கும். பொதுநலத்தில் ஈடுபடுபவர்களுக்கு அதிகார அந்தஸ்து தேடிவரும். மக்கள் செல்வாக்கு அதிகரிக்கும். இந்த நேரத்தில் குடும்பத்தில் சுபகாரியப் பேச்சுக்கள் கைகூடும். ஆலயத் திருப்பணிகளில் ஆர்வம் காட்டுவீர்கள். வாகனம் வாங்குவது, தொழில் தொடங்குவது ஆகியவற்றில் ஈடுபடுவீர்கள்.

சனி - ராகு சேர்க்கை

மாதம் முழுவதும் சுக ஸ்தானத்தில் சனியும், ராகுவும் சஞ்சரிக்கிறார்கள். 'கும்ப ராகு, குடம் குடமாக கொடுக்கும்' என்பார்கள். அந்த அடிப்படையில் பொருளாதார நிலை உயரும். தொழில் வளர்ச்சி மேலோங்கும். கடை திறப்பு விழா, கட்டிடத் திறப்பு விழா போன்றவற்றில் கவனம் செலுத்துவீர்கள். வீடு, வாகனப் பராமரிப்புச் செலவு ஏற்படும். தங்கம், வெள்ளி போன்ற விலை உயர்ந்த பொருட்களை வாங்கும் வாய்ப்பு கைகூடும். உத்தியோகத்தில் திறமைக்குரிய அங்கீகாரம் கிடைக்கும். சனி வக்ர இயக்கத்தில் இருப்பதால் ஆரோக்கியத் தொல்லை அகலும். மாற்று மருத்துவத்தால் உடல்நலம் சீராகும்.

விருச்சிக - செவ்வாய்

ஐப்பசி 10-ந் தேதி விருச்சிக ராசிக்குச் செவ்வாய் வருகிறார். உங்கள் ராசிக்கும், 6-ம் இடத்திற்கும் அதிபதியானவர் செவ்வாய். அவர் உங்கள் ராசிக்கே வருவது யோகமான நேரமாகும். இடம், பூமி வாங்கும் வாய்ப்பு உண்டு. எதைச் செய்ய நினைத்தாலும், அதை உடனடியாகச் செய்து முடிக்கும் வகையில் பொருளாதார நிலை இடம் கொடுக்கும். தொழிலில் வாடிக்கையாளர்களின் எண்ணிக்கை அதிகரிக்கும். உத்தியோகத்தில் மேல் அதிகாரிகள் உங்கள் கருத்துக்களை ஏற்றுக்கொள்வர். கேட்ட சலுகைகளையும் வழங்குவர். இது ஒரு பொற்காலமாகும்.

துலாம் - சுக்ரன்

ஐப்பசி 17-ந் தேதி துலாம் ராசிக்கு சுக்ரன் செல்கிறார். அப்பொழுது 'புத சுக்ர யோக'மும், 'புத ஆதித்ய யோக'மும் ஏற்படுகிறது. உங்கள் ராசிக்கு விரயாதிபதியான சுக்ரன் விரய ஸ்தானத்திற்கு வரும்போது, கூடுதல் விரயம் ஏற்படத்தான் செய்யும். என்றாலும் அதை சுபவிரயமாக மாற்றிக்கொள்வது நல்லது. இல்லத்திற்குத் தேவையான அத்தியாவசியப் பொருட்கள் மற்றும் ஆடம்பரப் பொருட்களை வாங்கி மகிழலாம். வாடகைக் கட்டிடத்தில் நடைபெறும் தொழிலை, சொந்தக் கட்டிடத்திற்கு மாற்றும் முயற்சி கைகூடும். இடமாற்றம் எளிதில் கிடைக்கும். பொதுவாழ்வில் உள்ளவர்களுக்கு புகழ் கூடும். வியாபாரம் மற்றும் தொழில் செய்பவர்களுக்கு கணிசமான தொகை கைகளில் புரளும். உத்தியோகத்தில் உள்ளவர்களுக்கு பதவி உயர்வு உண்டு. கலைஞர்களுக்கு நல்ல வாய்ப்புகள் தேடிவரும். மாணவ - மாணவிகளுக்கு மதிப்பெண் அதிகம் கிடைக்கும் வாய்ப்பு உண்டு. பெண்களுக்கு வருமானம் போதுமானதாக இருக்கும். வசதி வாய்ப்புகள் பெருகும். சுபச் செய்தி உண்டு.

பணத்தேவையைப் பூர்த்தி செய்யும் நாட்கள்:-

அக்டோபர்: 19, 21, 27, 28, நவம்பர்: 1, 2, 11, 12, 15.

மகிழ்ச்சி தரும் வண்ணம்:- வைலட்.

2025 புரட்டாசி மாத ராசிபலன்

விருச்சிக ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் செவ்வாய் 12-ம் இடத்தில் சஞ்சரிக்கிறார். லாபாதிபதி புதன் லாப ஸ்தானத்தில் சஞ்சரிக்கிறார். 'புத ஆதித்ய யோக'த்தோடு மாதம் பிறக்கிறது. எனவே பொருளாதார நிலை உயரும். வெற்றிக் குரிய தகவல் வீடு தேடி வரும். தொழில் வளர்ச்சி அபரிவிதமாக இருக்கும். நட்பு வட்டம் விரிவடையும். நாட்டுப்பற்று மிக்கவர்களின் கூட்டு முயற்சியால் பல நல்ல காரியங்களை நடத்திக் காட்டுவீர்கள். பயணங்கள் பலன் தருவதாக அமையும். உடல் நலம் சீராகி உற்சாகத்தோடு பணிபுரியும் மாதம் இது.

துலாம் - புதன்

புரட்டாசி 13-ந் தேதி, துலாம் ராசிக்கு புதன் செல்கிறார். உங்கள் ராசிக்கு அஷ்டமாதிபதி புதன் 12-ம் இடத்திற்கு வரும்போது, 'விபரீத ராஜயோகம்' செயல்படப் போகிறது. மறைந்த புதனால் நிறைந்த தன லாபம் கிடைக்கும். கல்வி, கலை சம்பந்தமாக எடுத்த முயற்சி கைகூடும். நாலாபுறமும் இருந்து நல்ல தகவல் கிடைக்கும். தொழில், உத்தியோகத்தில் எதிர்பார்த்த முன்னேற்றமும், சம்பள உயர்வு பற்றிய சந்தோஷ தகவலும் வந்துசேரும். வீடு வாங்குவது அல்லது கட்டிய வீட்டை பழுது பார்ப்பது போன்ற நீண்ட நாளைய ஆசை நிறைவேறும். பொதுவாழ்வில் இருப்பவர்களுக்கு மக்கள் செல்வாக்கு மேலோங்கும். மகத்தான பதவி கிடைக்கும். இல்லத்தில் மங்கல ஓசை கேட்பதற்கான அறிகுறிகளும், சுபச்செய்திகளை கேட்கும் சூழலும் உண்டு.

கடக - குரு

புரட்டாசி 22-ந் தேதி, கடக ராசிக்கு குரு அதிசார கதியில் செல்கிறார். அங்கு செல்லும் குரு பகவான் உச்சமும் பெறுகிறார். உங்கள் ராசிக்கு 2, 5 ஆகிய இடங்களுக்கு அதிபதியானவர் குரு பகவான். தன ஸ்தானம் மற்றும் பூர்வ புண்ணிய ஸ்தானத்திற்கு அதிபதியான அவர் உச்சம் பெறும் இந்த நேரம் உன்னதமான நேரமாகும். மண்ணை தொட்டாலும் பொன்னாகும். எண்ணங்கள் அனைத்தும் ஈடேறும். குருவின் பார்வை முழுமையாக உங்கள் ராசியில் பதிவதால் வருமானம் எதிர்பார்த்ததை காட்டிலும் கூடுதலாக வரும். புதிய ஒப்பந்தங்களும் வந்து கொண்டே இருக்கும். வெற்றிப் பாதையை நோக்கி அடியெடுத்து வைப்பீர்கள். பூர்வீக சொத்துக்கள் கைக்கு கிடைத்து மகிழ்ச்சி அடைவீர்கள். சுய தொழில் செய்பவர்களுக்கு, பங்குதாரர்கள் பக்கபலமாக இருப்பார்கள். உடல்நலம் சீராகி உற்சாகத்தோடு பணிபுரிவீர்கள். வாகன யோகம் உண்டு.

சனி வக்ரம்

கும்ப ராசியில் சஞ்சரிக்கும் சனி, இந்த மாதம் முழுவதும் வக்ர இயக்கத்தில் இருக்கிறார். உங்கள் ராசிக்கு 3, 4 ஆகிய இடங்களுக்கு அதிபதியானவர் சனி பகவான். அர்த்தாஷ்டம சனியான அவர் வலிமை இழக்கும் இந்த நேரத்தில் ஆரோக்கியம் சீராகி ஆனந்தப்படுத்தும். வாகன மாற்றம் செய்யும் முயற்சி கைகூடும். வருமானம் உயரும். குடும்ப முன்னேற்றம் கருதி எடுத்த முயற்சிகளில் வெற்றி உண்டு. சனி பகவான் வழிபாடு சந்தோஷம் தரும்.

பொதுவாழ்வில் உள்ளவர்களுக்கு புகழ் கூடும். வியாபாரம் மற்றும் தொழில் செய்பவர்களுக்கு பங்குதாரர்கள் பக்கபலமாக இருப்பர். உத்தியோகத்தில் உள்ளவர் களுக்கு அதிகார அந்தஸ்து கிடைக்கும். கலைஞர்களுக்கு கவுரவம், புகழ் சேரும். மாணவ - மாணவிகளுக்கு கல்வியில் தேர்ச்சி உண்டு. பெண்களுக்கு வருமானம் திருப்தி தரும். வாரிசுகளுக்கு சுபகாரியங்கள் நடைபெறும்.

பணத்தேவையைப் பூர்த்தி செய்யும் நாட்கள்:- செப்டம்பர்: 18, 19, 22, 23, 29, 30, அக்டோபர்: 5, 6, 15, 16.

மகிழ்ச்சி தரும் வண்ணம்:- வைலட்.

2025 ஆவணி மாத ராசிபலன்

விருச்சிக ராசி நேயர்களே!

ஆவணி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் செவ்வாய் லாப ஸ்தானத்தில் சஞ்சரிக்கிறார். குருவின் பார்வை தன ஸ்தானத்தில் பதிகின்றது. எனவே தொட்டது துலங்கும். தொழிலில் லாபம் கிடைக்கும். வெற்றிச் செய்திகள் வீடு வந்துசேரும். இடம், பூமி சேர்க்கையும், எடுத்த காரியங்களில் வெற்றியும் கிடைக்கும். பொதுவாழ்வில் புகழ் பரவும். வருமானம் பெருக வழியமைத்துக் கொள்வீர்கள். உடல் நலம் சீராகி உற்சாகத்துடன் இயங்கு வீர்கள். குடும்பத்தில் எதிர்பார்த்த சுபகாரியப் பேச்சுக்கள் நல்ல விதமாக முடியும். நாடாளும் நபர்களின் நட்பால் புதிய திட்டங்களைத் தீட்டி வெற்றி காண்பீர்கள்.

கடக - சுக்ரன்

ஆவணி 5-ந் தேதி, கடக ராசிக்கு சுக்ரன் செல்கிறார். உங்கள் ராசிக்கு 7, 12 ஆகிய இடங்களுக்கு அதிபதியானவர் சுக்ரன். அவர் பாக்கிய ஸ்தானத்திற்கு வரும்போது சகல பாக்கியங்களும் உங்களுக்கு கிடைக்கும். வாகன யோகம் முதல் வளர்ச்சி தரும் யோகம் வரை அனைத்தும் வந்து சேரும். படித்து முடித்து வேலை இல்லாமல் இருக்கும் வாழ்க்கைத் துணைக்கு வேலை கிடைக்கும். உதிரி வருமானங்கள் பெருகும். 'புத சுக்ர யோகம்' இருப்பதால் சுபச்செய்திகள் வந்த வண்ணமாக இருக்கும். ஆடை, ஆபரணச் சேர்க்கை உண்டு. உத்தியோகத்தில் ஊதிய உயர்வும், பதவி உயர்வும் தானாக வந்துசேரும். தொழிலில் புதிய கூட்டாளிகள் வந்திணைந்து பொருளாதார நிலை உயர வழிவகுத்துக் கொடுப்பர்.

சிம்ம - புதன்

ஆவணி 9-ந் தேதி, சிம்ம ராசிக்கு புதன் செல்கிறார். உங்கள் ராசிக்கு அஷ்டம - லாபாதிபதியானவர் புதன். லாபாதிபதி புதன் தொழில் ஸ்தானத்தில் சஞ்சரிப்பது அற்புதமான நேரமாகும். தொழிலில் எதிர்பார்த்ததைக் காட்டிலும் கூடுதல் லாபம் கிடைக்கும். கிளைத் தொழில்கள் தொடங்கவும் முயற்சி செய்வீர்கள். செய்யும் முயற்சி கைகூடும். புதிய ஒப்பந்தங்களிலும் கையெழுத்திட்டு மகிழ்வீர்கள். உத்தியோகத்தில் உங்கள் திறமைக்குரிய அங்கீகாரம் கிடைக்கும். உத்தியோகத்தில் இருந்தபடியே ஒருசிலருக்கு சுயதொழில் செய்யும் சூழலும் உருவாகும். உடன்பிறப்புகளும், உடனிருப்பவர்களும் உங்களுக்கு உறுதுணையாக இருப்பர். வாடகைக் கட்டிடத்தில் நடைபெற்ற தொழிலை சொந்தக் கட்டிடத்திற்கு மாற்றும் முயற்சி கைகூடும். இனிய பலன்கள் ஏராளமாக நடை பெறும் நேரம் இது. குடும்பத்தில் உள்ளவர்கள் உங்கள் குணமறிந்து நடந்துகொள்வர்.

துலாம் - செவ்வாய்

ஆவணி 29-ந் தேதி, துலாம் ராசிக்கு செவ்வாய் செல்கிறார். உங்கள் ராசிக்கும், 6-ம் இடத்திற்கும் அதிபதியாக இருப்பவர் செவ்வாய். அவர் 12-ம் இடத்தில் சஞ்சரிக்கும் பொழுது 'விபரீத ராஜயோக' அடிப்படையில் எதிர்பாராத நல்ல திருப்பங்கள் ஏற்படும். வருமானம் உயரும். வீடு கட்டுவது அல்லது வீடு வாங்குவது பற்றிய சிந்தனை மேலோங்கும். பொதுவாழ்வில் உள்ளவர்களுக்கு அதிகார அந்தஸ்து கிடைக்கும். தொழில் முன்னேற்றப் பாதையை நோக்கி அடியெடுத்து வைக்கும்.

சிம்ம - சுக்ரன்

ஆவணி 30-ந் தேதி, சிம்ம ராசிக்கு சுக்ரன் செல்கிறார். உங்கள் ராசிக்கு 7, 12 ஆகிய இடங்களுக்கு அதிபதியானவர் சுக்ரன். அவர் தொழில் ஸ்தானத்திற்கு வரும்போது வளர்ச்சி கூடும். வாழ்க்கைத் துணை வழியே நல்ல தகவல் கிடைக்கும். எதிர்பார்ப்புகள் அனைத்தும் நிறைவேறும். தொழிலில் புதிய ஒப்பந்தங்கள் வந்துசேரும். புகழ் பெற்றவர்களின் சந்திப்பால் வளர்ச்சி கூடும். பொதுவாழ்வில் உள்ளவர்களுக்கு கொடுத்த வாக்கை காப்பாற்ற இயலும். வியாபாரம் மற்றும் தொழில் செய்பவர்களுக்கு, அதை விரிவு செய்யும் முயற்சி கைகூடும். உத்தியோகத்தில் உள்ளவர்களுக்கு மேலதிகாரிகள் சில நுணுக்கங்களை கற்றுக்கொடுப்பர். கலைஞர்களுக்கு புகழ் கூடும். மாணவ - மாணவிகளுக்கு படிப்பில் அக்கறை கூடும். பெண்களுக்கு வரன்கள் வாசல் தேடி வரும் நேரம் இது.

பணத்தேவையைப் பூர்த்தி செய்யும் நாட்கள்:-

ஆகஸ்டு: 20, 21, 22, 26, 27, 28, செப்டம்பர்: 2, 3, 4, 7, 8, 9.

மகிழ்ச்சி தரும் வண்ணம்:- ஆனந்தா நீலம்.

2025 ஆடி மாத ராசிபலன்

விருச்சிக ராசி நேயர்களே!

ஆடி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் செவ்வாய் சிம்ம ராசியில் சஞ்சரிக்கிறார். எனவே தொழில் ஸ்தானம் வலுவாகிறது. தொழில் வெற்றி நடைபோடும். உத்தியோகத்தில் இருப்பவர்கள் கேட்ட சலுகைகளை வழங்க உயர் அதிகாரிகள் முன்வருவர். சனியை குரு பார்ப்பதால் மகிழ்ச்சி தரும் வாய்ப்புகளை அதிகம் பெறுவீர்கள். ஆரோக்கியம் சீராகி ஆனந்தப்படுத்தும். கொடுக்கல் - வாங்கலில் கூடுதல் லாபம் கிடைக்கும். இடம், பூமியால் லாபம் உண்டு. திட்டமிட்ட காரியங்களை திட்டமிட்டபடி செய்து முடிப்பீர்கள்.

மிதுன - சுக்ரன்

ஆடி 10-ந் தேதி, மிதுன ராசிக்கு சுக்ரன் செல்கிறார். உங்கள் ராசிக்கு 7, 12 ஆகிய இடங்களுக்கு அதிபதியானவர் சுக்ரன். 12-க்கு அதிபதியான அவர், 8-ல் சஞ்சரிக்கும் பொழுது 'கெட்டவன் கெட்டிடில் கிட்டிடும் ராஜயோகம்' என்பதற்கேற்ப, எதிர்பாராத நல்ல திருப்பங்கள் ஏற்படும். உத்தியோகத்தில் இருப்பவர்களின் கோரிக்கைகள், உயர் அதிகாரிகளால் பரிசீலிக்கப்படும். வீடு கட்டுவது, கட்டிய வீட்டை பராமரிப்பது போன்றவற்றில் கவனம் செலுத்துவீர்கள். ஆடை, ஆபரணச்சேர்க்கை உண்டு. பழைய வாகனங்களை கொடுத்துவிட்டு, புதிய வாகனம் வாங்கி பயணிக்க வேண்டும் என்ற எண்ணம் நிறைவேறும். பிள்ளைகளின் எதிர்கால நலன்கருதி தீட்டிய திட்டங்கள் நிறைவேறும்.

கன்னி - செவ்வாய்

ஆடி 13-ந் தேதி, கன்னி ராசிக்கு செவ்வாய் செல்கிறார். எனவே உங்கள் ராசிக்கு 11-ம் இடம் வலுவடைகிறது. உங்கள் ராசிக்கு அதிபதியான செவ்வாய், லாப ஸ்தானத்தில் சஞ்சரிக்கும் இந்த நேரத்தில் லாபம் இருமடங்காக உயரும். பழைய பாக்கிகள் வசூலாகும். கொடுக்கல்- வாங்கல் ஒழுங்காகும். வளர்ச்சிப் பாதையை நோக்கி அடியெடுத்து வைப்பீர்கள். புதிய ஒப்பந்தங்கள் வந்து சேரும். அலுவலகப் பணிகளை துரிதமாக முடித்து பாராட்டும், புகழும் பெறுவீர்கள். அதன் விளைவாக உயர் அதிகாரிகள் உங்களுக்கு சம்பள உயர்வு தர முன்வருவார்கள். உடன்பிறப்பு மூலம் சில நல்ல காரியங்கள் நடைபெறும். அரசியலில் ஈடுபட்டிருப்பவர்களுக்கு, மக்கள் செல்வாக்கு மேலோங்கும். எதிர்பார்த்த பதவிகள் கிடைக்கும். வெளிநாட்டில் இருந்து வரும் தகவல் ஆதாயம் தருவதாக இருக்கும்.

கடக - புதன்

ஆடி 18-ந் தேதி, கடக ராசிக்கு புதன் வருகிறார். உங்கள் ராசிக்கு 8, 11 ஆகிய இடங்களுக்கு அதிபதியானவர் புதன். அவர் பாக்கிய ஸ்தானத்தில் உள்ள சூரியனோடு இணைந்து 'புத ஆதித்ய யோக'த்தை உருவாக்குவதால், புதிய திருப்பங்கள் ஏற்படும். அரசு வேலைக்கு விண்ணப்பித்தவர்களுக்கு அது கைகூடும். அரசியல் களத்தில் இருப்பவர்களுக்கு மேலிடத்து ஆதரவு உண்டு. புதிய தொழில் தொடங்கும் திட்டங்களை நிறைவேற்று வதில் அக்கறை காட்டுவீர்கள். மாற்றினத்தவர்களின் ஒத்துழைப்பு வெற்றி தரும். கூட்டுத்தொழில் புரிவோர், அதில் இருந்து விடுபட்டு தனித்து இயங்க வேண்டுமென்ற எண்ணத்தை செயல்படுத்தும் நேரம் இது. மகிழ்ச்சிக்குரிய தகவல்கள் வந்துசேரும். வீடு கட்டும் யோகம் அல்லது வீடு வாங்கும் யோகம் உண்டு.

பொதுவாழ்வில் உள்ளவர்களுக்கு நினைத்தது நிறைவேறும். தொழில் மற்றும் வியாபாரம் செய்பவர்களுக்கு கூடுதல் லாபம் கிடைக்கும். உத்தியோகத்தில் உள்ளவர்களுக்கு தலைமை பதவிகள் தானாக வரலாம். கலைஞர்களுக்கு புதிய ஒப்பந்தங்கள் கிடைக்கும். மாணவ - மாணவிகளுக்கு, கல்வியில் நல்ல மதிப்பெண் வரும். பெண்களுக்கு வருமானம் திருப்தி தரும்.வருங்கால நலன் கருதி எடுத்த முயற்சிகளில் வெற்றி கிடைக்கும்.

பணத்தேவையைப் பூர்த்தி செய்யும் நாட்கள்:-

ஜூலை: 17, 25, 26, 29, 30, 31, ஆகஸ்டு: 6, 7, 11, 12.

மகிழ்ச்சி தரும் வண்ணம்:- வைலட்.

2025 ஆனி மாத ராசிபலன்

நல்லவராக வாழ்ந்துகாட்ட நினைக்கும் விருச்சிக ராசி நேயர்களே!

ஆனி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் செவ்வாய் சி்ம்மத்தில் சஞ்சரிக்கின்றார். எனவே தொழில் ஸ்தானம் வலுவாக உள்ளது. அர்த்தாஷ்டமச் சனி மற்றும் அர்த்தாஷ்டம ராகுவை குரு பார்த்து புனிதப்படுத்துவதால் உடல்நலம் சீராகும். உற்சாகத்தோடு பணிபுரிவீர்கள். திட்டமிட்ட காரியங்கள் திட்டமிட்டபடியே நடைபெறும். செல்வநிலை உயரும். தொழில் வியாபாரம் லாபத்தைக் கொடுக்கும். பார்க்கும் குருவை பலப்படுத்துவதன் மூலம் நற்பலன்களைப் பெறலாம் என்பதால் வியாழன்தோறும் குரு வழிபாட்டை மேற்கொள்வது நல்லது.

கடக - புதன்

ஆனி மாதம் 8-ந் தேதி கடக ராசிக்குப் புதன் செல்கின்றார். உங்கள் ராசிக்கு அஷ்டம லாபாதிபதியானவர் புதன். அவர் 8-ல் சஞ்சரிக்கும் இந்த நேரம் ஒளிமயமான எதிர்காலம் உருவாகும். தொழில், வியாபாரம் சிறப்பாக நடைபெறும். இடம், பூமி வாங்கும் யோகம் உண்டு. எதிர்காலத்தைச் சீராக்கிக் கொள்ள புது முயற்சிகளில் ஈடுபடுவீர்கள். உத்தியோகத்தில் உள்ளவர்களுக்கு அதிகார அந்தஸ்தைப் பெறும் வாய்ப்பு உண்டு. குடும்ப முன்னேற்றம் திருப்தி தரும். பழைய வாகனங்களைக் கொடுத்துவிட்டுப் புதிய வாகனம் வாங்குவீர்கள். சுபச் செய்திகள் அதிகம் வரும் நேரமிது.

ரிஷப - சுக்ரன்

ஆனி மாதம் 15-ந் தேதி ரிஷப ராசிக்கு சுக்ரன் வருகின்றார். உங்கள் ராசிக்கு 7, 12 ஆகிய இடங்களுக்கு அதிபதியானவர் சுக்ரன். அவர் சப்தம ஸ்தானத்தில் சஞ்சரிக்கும் இந்த நேரம் அற்புதமான நேரமாகும். எதை எந்த நேரம் செய்ய நினைத்தாலும் அதைச் செய்ய இயலும். வசதி வாய்ப்புகள் பெருகும். ஆடை, ஆபரணச் சேர்க்கை உண்டு. பொதுவாழ்வில் இருப்பவர்களுக்கு அதிகார அந்தஸ்து கிடைக்கும். வெளிநாடு சென்று பணிபுரிய நினைத்தவர்களுக்கு எடுத்த முயற்சி கைகூடும். தொழிலில் புதிய கூட்டாளிகள் வந்திணைவர். இல்லத்திற்குத் தேவையான அத்தியாவசியப் பொருட்களை வாங்கி மகிழ்வீர்கள். உங்கள் திறமைக்குரிய அங்கீகாரம் கிடைக்கும் நேரமிது.

செவ்வாய் - சனி பார்வை

மாதம் முழுவதும் கும்ப ராசியில் சஞ்சரிக்கும் சனியை சிம்ம ராசியில் சஞ்சரிக்கும் செவ்வாய் பார்க்கின்றார். அதே நேரத்தில் குருவின் பார்வையும் சனி மீது பதிவதால் நல்ல பலன்கள் இல்லம் வந்துசேரும். ஒருசில காரியங்களை ஒருமுறைக்கு இருமுறை செய்ய நேரிடும். என்றாலும் கடைசி நேரத்தில் வெற்றி கிடைக்கும். அருகில் இருப்பவர்களின் அனுசரிப்பு குறையாமல் பார்த்துக் கொள்ளுங்கள். திடீர் இடமாற்றங்கள் அல்லது உத்தியோக மாற்றங்கள் வரலாம். இடம், பூமி சம்பந்தப்பட்ட காரியங்களில் எடுத்த முயற்சிகள் கடைசி நேரத்தில் கைகூடும்.

பொதுவாழ்வில் உள்ளவர்களுக்கு புதிய பொறுப்புகள் தேடிவரும். தொழில், வியாபாரம் செய்பவர்களுக்கு எதிர்பார்த்ததைக் காட்டிலும் கூடுதல் லாபம் கிடைக்கும். உத்தியோகத்தில் உள்ளவர்களுக்கு உயர்பதவி மற்றும் சம்பள உயர்வு உண்டு. கலைஞர்களுக்கு புதிய ஒப்பந்தங்கள் கிடைக்கும். மாணவ - மாணவியர்களுக்கு மதிப்பெண் அதிகரிக்கும். பெண்களுக்கு நல்ல தகவல் இல்லம் தேடி வரும். திருமண முயற்சி வெற்றிபெறும்.

இம்மாதம் கோமாதா வழிபாடு குடும்ப முன்னேற்றத்திற்கு வித்திடும்.

2025 சித்திரை மாத ராசிபலன்

சொல்லும் சொற்களை வெல்லும் சொற்களாக மாற்றும் விருச்சிக ராசி நேயர்களே!

விசுவாவசு வருட புத்தாண்டின் சித்திரை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசியை குரு பகவான் பார்க்கிறார். எனவே குரு பார்க்க கோடி நன்மை என்பதற்கேற்ப எல்லா வழிகளிலும் நல்ல பலன் கிடைக்கும் மாதம் இது.

முயற்சிகளில் வெற்றி கிடைக்கும். முன்னேற்றப் பாதையில் அடியெடுத்து வைப்பீர்கள். செவ்வாய் நீச்சம் பெற்றாலும் அது ராசிநாதனாக மட்டுமல்லாமல் அது 6-ம் இடத்திற்கும் அதிபதியாக இருப்பதால் 'விபரீத ராஜ யோக' அடிப்படையில் எண்ணற்ற நல்ல மாற்றங்கள் இந்த மாதம் வந்துசேரும்.

குரு - சுக்ர பரிவர்த்தனை

சித்திரை 1-ந் தேதி முதல் 27-ந் தேதி வரை குரு - சுக்ர பரிவர்த்தனை இருக்கிறது. உங்கள் ராசிக்கு 5-ம் இடத்திற்கு அதிபதி குருவும், 7-ம் இடத்திற்கு அதிபதி சுக்ரனும் பரிவர்த்தனை பெறுவதன் மூலம் மிகுந்த நன்மைகள் கிடைக்கும். குறிப்பாக பூர்வ புண்ணிய ஸ்தானம் வலிமை அடைவதால் பூர்வ புண்ணியத்தின் பலனாக, உங்களுக்கு என்னென்னவெல்லாம் கிடைக்க வேண்டுமோ அவை அனைத்தும் கிடைக்கும்.

சொத்து பிரச்சினைகள் சுமுகமாக முடியும். கல்யாண வாய்ப்பு கைகூடும். தொழிலில் புதிய பங்குதாரர்கள் வந்திணைந்து பொருளாதார வளர்ச்சிக்கு வழிவகுத்து கொடுப்பர். மங்கல ஓசை மனையில் கேட்கும் வாய்ப்பு உண்டு. கடை திறப்புவிழா, கிரகப் பிரவேசம் போன்ற சுபகாரியங்கள் நடைபெறும்.

கும்ப - ராகு, சிம்ம - கேது

சித்திரை 13-ந் தேதி கும்ப ராசியில் ராகுவும், சிம்ம ராசியில் கேதுவும் சஞ்சரிக்கப் போகிறார்கள். உங்கள் ராசிக்கு 4-ம் இடத்தில் சஞ்சரிக்கும் ராகுவால் நலம் யாவும் கிடைக்கும். வளம் யாவும் சேரும். பூர்வீக இடத்தையோ, வாங்கிய இடத்தையோ அதிக விலை கேட்டு வருவர். அதை விற்றுவிட்டு, அதில் வரும் லாபத்தை கொண்டு 'புதிய வீடாக வாங்கலாமா? அல்லது வீடு கட்டி குடியேறலாமா?' என்று சிந்திப்பீர்கள்.தாயின் உடல்நலத்தில் கொஞ்சம் கவனம் தேவை. கேதுவின் ஆதிக்கத்தால் உத்தியோகத்தில் இருந்து வெளிவந்து சுய தொழில் தொடங்கும் முயற்சியில் ஆர்வம் காட்டுவீர்கள். அலைச்சல் கொஞ்சம் அதிகரித்தாலும், ஆதாயமும் கிடைக்கும்.

மேஷ - புதன் சஞ்சாரம்

சித்திரை 17-ந் தேதி மேஷ ராசிக்கு புதன் வருகிறார். 8-ம் இடத்திற்கு அதிபதியான புதன், 6-ம் இடத்திற்கு வரும் இந்த நேரம் அற்புதமான நேரமாகும். 'விபரீத ராஜ யோக' அடிப்படையில் நீங்கள் நினைக்க இயலாத அளவிற்கு யோகங்கள் வரலாம். 'புத ஆதித்ய யோக'மும் இருப்பதால், கல்விக்காகவோ, கலைத்துறை சம்பந்தமாகவோ நீங்கள் எடுத்த முயற்சிகளில் வெற்றி கிடைக்கும். உத்தியோகத்தில் உள்ளவர்களுக்கு அதிகார அந்தஸ்த்தை பெறும் வாய்ப்பு உண்டு. பொதுவாழ்வில் உள்ளவர்களுக்கு மக்கள் செல்வாக்கு அதிகரிக்கும். கொடுக்கல் -வாங்கல் ஒழுங்காகும்.

மிதுன - குரு சஞ்சாரம்

சித்திரை 28-ந் தேதி, மிதுன ராசிக்கு குரு வருகிறார். அதன் பார்வை பலத்தால் குடும்ப முன்னேற்றம் கூடும். கொடுக்கல் - வாங்கல்கள் ஒழுங்காகும். கேட்ட இடத்தில் உதவிகள் கிடைக்கும். நிதி பற்றாக்குறை அகல, நீங்கள் எடுத்த முயற்சி வெற்றி தரும். நீண்டதூர பயணங்கள் பலன் தருவதாக அமையும். வீட்டிற்கு தேவையான விலை உயர்ந்த பொருட்களை வாங்கி மகிழ்வீர்கள். சுபச் செலவு அதிகரிக்கும். தொழில் வளர்ச்சி உண்டு. ஆரோக்கியத்தில் மட்டும் கவனம் தேவை.

பொதுவாழ்வில் உள்ளவர்களுக்கு தீட்டிய திட்டங்கள் வெற்றிபெறும். வியாபாரம் மற்றும் தொழில் செய்பவர் களுக்கு புதிய ஒப்பந்தங்கள் வந்து சேரும். உத்தியோகஸ்தர்களுக்கு உயர் பதவிகள் கிடைப்பதற்கான வாய்ப்பு உண்டு. கலைஞர்களுக்கு வாய்ப்புகள் வாசல் தேடிவரும். மாணவ -மாணவிகளுக்கு, பெற்றோர் மற்றும் ஆசிரியர்களின் ஆதரவு கிடைக்கும். பெண்களுக்கு பிள்ளைகள் வழியில் சுபச்செய்திகள் வந்துசேரும். நிதி நிலை உயர்ந்து நிம்மதி கிடைக்கும்.

பணத்தேவையைப் பூர்த்தி செய்யும் நாட்கள்:-

ஏப்ரல்: 18, 19, 20, 24, 25, மே: 3, 4, 5, 8, 9, 10.

மகிழ்ச்சி தரும் வண்ணம்:- வைலட்.

2025 பங்குனி மாத ராசிபலன்

வெற்றியை குறிக்கோளாகக் கொண்ட விருச்சிக ராசி நேயர்களே!

பங்குனி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் செவ்வாய் வக்ர நிவர்த்தியாகி தன ஸ்தானத்தை பார்க்கிறார். எனவே பொருளாதாரம் திருப்திகரமாக இருக்கும். புதிய முயற்சிகளில் வெற்றி கிடைக்கும். குருவின் பார்வை உங்களுக்கு பக்கபலமாக இருப்பதால், கல்யாணக் கனவுகள் நனவாகும்.

தொழில் மற்றும் வியாபாரத்தில் கணிசமான தொகை கைகளில் புரளும். வியாபாரத்தில் வாடிக்கையாளர்களின் எண்ணிக்கை அதிகரிக்கும். உத்தியோகத்தில் உயர் அதிகாரிகள் உங்களை முழுமையாக நம்பி பொறுப்புகளை ஒப்படைப்பர். உங்கள் திறமைக்குரிய அங்கீகாரம் கிடைக்கும் மாதம் இது.

மீன - புதன் சஞ்சாரம்

மாதத் தொடக்கத்தில் மீன ராசியில் புதன் நீச்சம் பெற்றும், வக்ரம் பெற்றும் சஞ்சரிக்கிறார். உங்கள் ராசிக்கு அஷ்டம - லாபாதிபதியானவர் புதன். அவர் நீச்சம் பெற்றாலும், அஷ்டமாதிபதியாகவும் இருப்பதால் எதிர்பாராத விதத்தில் சில நன்மைகளையும் செய்வார். முக்கிய பிரமுகர்களின் சந்திப்பால் முன்னேற்றம் காண்பீர்கள். கரைந்த சேமிப்புகளை ஈடுகட்ட புதிய முயற்சிகளில் ஆர்வம் காட்டுவீர்கள். உத்தியோகத்தில் உயர் அதிகாரிகள் நீங்கள் கேட்ட சலுகைகளை செய்வர். புதிய வாகனம் வாங்கும் யோகம் உண்டு. பிள்ளைகளின் மேல்படிப்பு சம்பந்தமாக எடுத்த முயற்சிகளில் வெற்றி கிடைக்கும்.

கும்ப - புதன் சஞ்சாரம்

பங்குனி 4-ந் தேதி புதன், கும்ப ராசிக்கு வக்ர இயக்கத்தில் வருகிறார். உங்கள் ராசிக்கு 4-ம் இடமான சுக ஸ்தானத்தில் புதன் சஞ்சரிப்பது யோகம்தான். தொட்டது துலங்கும். தொழில் வளம் மேலோங்கும். செல்வ வளம் பெருக நண்பர்கள் வழிகாட்டுவர். வீடு, இடம் வாங்கும் யோகம் உண்டு.

அரசியல் களத்தில் இருப்பவர்களுக்கு நல்ல பொறுப்புகள் கிடைக்கும். ஒரு சிலருக்கு அதிகார பதவி கிடைக்கலாம். தள்ளிப்போன காரியங்கள் தானாக நடைபெறும் நேரம் இது. பெற்றோரின் ஆதரவு திருப்தி தரும். உழைப்புக்கேற்ற பலன் கிடைக்கும்.

மீன - சுக்ரன் வக்ரம்

மீனத்தில் உள்ள சுக்ரன், இந்த மாதம் முழுவதும் வக்ரம் பெற்று சஞ்சரிக்கிறார். அசுர குருவான சுக்ரன் வக்ரம் பெறுவது நன்மைதான். அவர் புதனோடு இணைந்திருப்பதால் பொருளாதார நிலை உயரும். புனிதப் பயணங்கள் அதிகரிக்கும். தொழில் வெற்றி நடைபோடும். தொல்லை தந்தவர்கள் எல்லையை விட்டு விலகிச்செல்வர். மண்ணை தொட்டாலும் பொன்னாகும் நேரம் இது. அரசியல் மற்றும் பொதுநலத்தில் இருப்பவர்களுக்கு, தலைமை பொறுப்புகள் தானாக வரலாம். உத்தியோகத்தில் உள்ளவர்களுக்கு பதவி உயர்வும், சம்பள உயர்வும் வரலாம்.

கடக - செவ்வாய்

பங்குனி 24-ந் தேதி கடக ராசிக்குச் செல்லும் உங்கள் ராசிநாதன் செவ்வாய், அங்கு நீச்சம் பெறுகிறார். செவ்வாய் உங்கள் ராசிநாதன் மட்டுமின்றி, 6-ம் இடத்திற்கும் அதிபதியாக விளங்குபவர். எனவே அவர் நீச்சம் பெறுவது ஒரு வழிக்கு நன்மைதான். வளர்ச்சி அதிகரிக்கும்.வாகன யோகம் உண்டு. வியாபாரத்தை விரிவுபடுத்த எடுத்த முயற்சி வெற்றிபெறும். வாங்கிய கடனை கொடுத்து மகிழ்வீர்கள். பூர்வீக சொத்துக்கள் சம்பந்தமாக நடைபெற்ற பஞ்சாயத்துக்கள் சாதகமாக முடியும்.

பொதுவாழ்வில் உள்ளவர்களுக்கு மதிப்பும், மரியாதையும் உயரும். வியாபாரம் மற்றும் தொழில் செய்பவர்களுக்கு வளர்ச்சி கூடும். உத்தியோகத்தில் உள்ளவர்களுக்கு உயர் அதிகாரிகளின் ஆதரவு உண்டு. கலைஞர்களுக்கு புதிய ஒப்பந்தங்கள் வந்துசேரும். மாணவ-மாணவிகளுக்கு தேர்வில் வெற்றி கிடைக்கும். பெண்களுக்கு குடும்ப முன்னேற்றம் உண்டு. கூடுதல் வருமானம் திருப்தி தரும்.

பணத்தேவையைப் பூர்த்தி செய்யும் நாட்கள்:-

மார்ச்: 15, 16, 22, 23, 26, 27, ஏப்ரல்: 7, 8, 11, 12.

மகிழ்ச்சி தரும் வண்ணம்:- வைலட்.

2025 மாசி மாத ராசிபலன்

தன்னம்பிக்கையும், தெய்வ நம்பிக்கையும் கொண்ட விருச்சிக ராசி நேயர்களே!

மாசி மாதக் கிரக நிலைகளை ஆராய்ந்து பார்க்கும் போது, உங்கள் ராசிநாதன் செவ்வாய் வக்ர நிவர்த்தியாகி பலம்பெறுவதால் தொட்ட காரியங்கள் அனைத்திலும் வெற்றி கிடைக்கும். தொகை வரவும் அதிகரிக்கும். உடல்நலம் சீராகி உற்சாகத்துடன் பணி புரிவீர்கள். மருத்துவச் செலவு குறையும். மனநிம்மதி கிடைக்கும்.

சென்ற மாதத்தில் உங்கள் மனதில் நினைத்த காரியங்கள் இம்மாதம் படிப்படியாக நடைபெறத் தொடங்கும். தொழில் மற்றும் வியாபாரத்தில் கூடுதல் லாபம் கிடைக்கும். தைரியத்தோடு செயல்பட்டு சாதனை படைக்கும் மாதம் இது. 6-க்கு அதிபதியான செவ்வாய், 8-ல் சஞ்சரிப்பதால் எண்ணற்ற மாற்றங்கள் இல்லம் தேடி வரப்போகிறது.

சூரியன் - சனி சேர்க்கை

இந்த மாதம் முழுவதும் கும்ப ராசியில் சூரியன் - சனி சேர்க்கை ஏற்படுகிறது. உங்கள் ராசிக்கு தொழில் ஸ்தானாதிபதியான சூரியன், லாபாதிபதி புதனோடும், சுக ஸ்தானாதிபதி சனியோடும் இணைந்து சஞ்சரிப்பதால் தொழில் வளம் மிகச்சிறப்பாக இருக்கும். புதிய ஒப்பந்தங்கள் அடுக்கடுக்காக வந்துசேரும். உத்தியோகத்தில் இருப்பவர்கள்,

`விருப்ப ஓய்வு பெற்று வெளியில் வந்து சுய தொழில் தொடங்கலாமா?' என்று சிந்திப்பீர்கள். ஊதிய உயர்வும், உத்தியோக உயர்வும் எதிர்பார்த்தபடி கிடைக்கும். மேலதிகாரிகள் உங்கள் குரலுக்கு செவிசாய்ப்பர். கலைத் துறையைச் சார்ந்தவர்களுக்கு விருதுகளும், வெற்றி வாய்ப்புகளும் வந்துசேரும். பிறர் வியக்கும் அளவிற்கு வீடு கட்டிக் குடியேறும் யோகம் உண்டு.

செவ்வாய் வக்ர நிவர்த்தி

மிதுன ராசியில் சஞ்சரிக்கும் செவ்வாய், மாசி 9-ந் தேதி வக்ர நிவர்த்தியாகிறார். உங்கள் ராசிநாதன் செவ்வாய் பலம்பெறுவதால், இதுவரை ஏற்பட்ட தடைகள் யாவும் விலகும். தைரியமும், தன்னம்பிக்கையும் கூடும். துணிந்து சில முடிவுகளை எடுத்து, அருகில் உள்ளவர்களை ஆச்சரியத்தில் ஆழ்த்துவீர்கள். உத்தியோகத்தில் உள்ளவர்களுக்கு மேலதிகாரிகள் திறமைக்குரிய அங்கீகாரம் கொடுப்பர்.

ஆடை, ஆபரணங்கள் வாங்கும் யோகம் உண்டு. வெளிநாடு சென்று சம்பாதிக்க வேண்டும் என்று விரும்புபவர்களுக்கு அது கைகூடும். புதிய வாகனம் வாங்க வேண்டுமென்ற ஆசை நிறைவேறும். படித்து முடித்த பிள்ளைகளுக்கு வெளிநாடு சென்று, பட்ட மேற்படிப்பைத் தொடர நினைத்தாலும் அது கைகூடும். பரிவர்த்தனை யோக காலத்தில் கல்யாணம், மணிவிழா, கிரகப் பிரவேசம் போன்ற சுபநிகழ்வுகள் நடைபெறும் வாய்ப்பு உண்டு.

மீன - புதன் சஞ்சாரம்

மாசி 14-ந் தேதி மீன ராசிக்குச் செல்லும் புதன், அங்கு நீச்சம் பெறுகிறார். உங்கள் ராசிக்கு அஷ்டம - லாபாதிபதி யானவர், புதன். அவர் நீச்சம் பெறுவது நன்மைதான். சென்ற மாதத்தில் ஏற்பட்ட இழப்புகளை ஈடுகட்ட எதிர்பாராத நல்ல வாய்ப்புகள் வந்துசேரும். தொடர்கதையாய் வந்த கடன் சுமை குறையும். கரைந்த சேமிப்புகளை ஈடுகட்டுவீர்கள்.

கடைதிறப்பு விழா, கட்டிடத் திறப்பு விழா போன்றவை நடைபெறும் நேரம் இது. பிரபலஸ்தர்கள் உங்களுக்குப் பின்னணியாக இருந்து பல நல்ல காரியங்களை முடித்துக் கொடுப்பர். பொதுவாழ்வில் உள்ளவர்களுக்கு எதிர்பார்ப்புகள் எளிதில் நிறைவேறும். வியாபாரம் மற்றும் தொழில் செய்பவர்களுக்கு லாபம் கூடுதலாகக் கிடைக்கும்.

உத்தியோகத்தில் உள்ளவர்களுக்கு உயர் பதவி உண்டு. கலைஞர்களுக்கு சந்தர்ப்பங்கள் சாதகமாக அமையும். மாணவ- மாணவிகளுக்கு மதிப்பெண்ணும், மதிப்பும் உயரும். பெண்களுக்கு நல்ல காரியங்கள் இல்லத்தில் நடைபெறும். உங்கள் பெயரிலேயே சொத்துக்கள் வாங்கும் யோகம் உண்டு.

பணத்தேவையைப் பூர்த்தி செய்யும் நாட்கள்:-

பிப்ரவரி:- 15, 16, 23, 24, 25, 29, 30, மார்ச்: 10, 11.

மகிழ்ச்சி தரும் வண்ணம்:- பிரவுன்.

2025 தை மாத ராசிபலன்

எந்நாளும் இனிய நாள் எனக் கருதும் விருச்சிக ராசி நேயர்களே!

தை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் செவ்வாய் நீச்சம் பெற்றும், வக்ரம் பெற்றும் கடக ராசியில் சஞ்சரிக்கிறார். அவரோடு சந்திரன் சேர்ந்து நீச்சபங்கம் அடைந்து மாதம் தொடங்குகிறது. மேலும் குருவின் பார்வை உங்கள் ராசியில் பதிகிறது. எனவே நினைத்தது நிறைவேறும். நிகழ்காலத் தேவைகள் பூர்த்தியாகும். பொருளாதார நிலை உச்சம்பெறும். புனிதப் பயணங்கள் அதிகரிக்கும். கவுரவம், அந்தஸ்து உயரும். தன்னிச்சையாகச் செயல்பட்டு முன்னேற்றம் காணும் முயற்சிகளில் ஈடுபடுவீர்கள்.

மிதுன - செவ்வாய்

தை 5-ந் தேதி மிதுன ராசிக்குச் செல்லும் செவ்வாய், அங்கு வக்ர இயக்கத்தில் இருக்கிறார். உங்கள் ராசிக்கும், 6-ம் இடத்திற்கும் அதிபதியானவர் செவ்வாய். எனவே அவர் வக்ரம் பெற்று சஞ்சரிக்கும்போது நல்ல பலன்கள் உங்களுக்கு நடைபெறும். குறுக்கீடு சக்திகள் வந்தாலும் அதைச் சமாளித்துவிடுவீர்கள். உத்தியோகத்தில் கூடுதல் கவனம் தேவை. உயர் அதிகாரிகளை அனுசரித்துச் செல்வது நல்லது. பலமுறை ஏற்பாடு செய்தும் முடிவடையாத சொத்துப் பிரச்சினைகள் இப்பொழுது சுமுகமாக முடியும். அதன் மூலமாகக் கிடைக்கும் தொகையைக் கொண்டு வேறு ஒரு சொத்து வாங்கும் முயற்சியில் ஈடுபடுவது நல்லது. தொழிலில் புதிய பங்குதாரர்கள் வந்திணையலாம். அங்காரக வழிபாடு அவசியம் தேவை.

மகர - புதன்

உங்கள் ராசிக்கு அஷ்டம - லாபாதிபதியான புதன், தை 6-ந் தேதி மகர ராசிக்குச் செல்கிறார். வெற்றிகள் ஸ்தானத்திற்கு வரும் புதனால் போட்டிகளில் வெற்றி கிடைக்கும். பொருளாதாரத்தில் இருந்த பற்றாக்குறை அகலும். உடன்பிறப்புகளின் மணவிழாக்கள் சிறப்பாக நடைபெறும். உத்தியோகத்தில் உயர் அதிகாரிகளின் ஆதரவு கிடைத்து மகிழ்ச்சி காண்பீர்கள். பிறருக்கு பொறுப்பு சொல்லி வாங்கிக் கொடுத்த தொகையும் வந்துசேரும். சொந்தங்கள் ஆச்சரியப்படும் விதத்தில் உங்கள் வளர்ச்சி இருக்கும். விருதுகளும், பாராட்டுகளும் பெறும் யோகம் உண்டு.

கும்ப - புதன்

தை 23-ந் தேதி கும்ப ராசிக்கு புதன் செல்கின்றார். அவர் சுக ஸ்தானத்தில் சஞ்சரிக்கும் பொழுது நல்ல சந்தர்ப்பங்கள் இல்லம் தேடி வரும். பொதுக் காரியங்களில் ஈடுபட்டு புகழ் குவிப்பீர்கள். வியாபார நுணுக்கங்களை கற்றுக் கொண்டு செயல்படும் இந்த நேரத்தில், தொழில் வெற்றி நடைபோடும். உத்தியோகத்தில் உயர் அதிகாரிகள் உங்கள் திறமையைக் கண்டறிந்து பாராட்டுவதோடு புதிய பொறுப்புகளையும் வழங்குவர்.

குரு வக்ர நிவர்த்தி

ரிஷப ராசியில் சஞ்சரிக்கும் குரு பகவான், தை 29-ந் தேதி வக்ர நிவர்த்தியாகிறார். அவர் வக்ர நிவர்த்தியாகி பலம்பெறுவதால் இக்காலத்தில் அவரது பார்வைக்கு பலன் அதிகம் கிடைக்கும். அந்த அடிப்படையில் குரு, உங்கள் ராசியைப் பார்ப்பதால் இக்காலம் ஒரு பொற்காலமாகும். கணிசமான தொகை கைகளில் புரளும், அந்தஸ்து உயரும். அதிகாரப் பதவி கிடைக்கும். கல்யாண வாய்ப்புகள் கைகூடும். கடமையை செவ்வனே செய்து பாராட்டுப் பெறுவீர்கள். மதிப்பும், மரியாதையும் உயரும். பொதுவாழ்வில் உள்ளவர்களுக்கு சந்தர்ப்பங்கள் சாதகமாக அமையும். வியாபாரம் மற்றும் தொழில் செய்பவர்களுக்கு வாடிக்கையாளர்களின் எண்ணிக்கை உயரும். உத்தியோகத்தில் உள்ளவர்களுக்கு சம்பள உயர்வு பற்றிய சந்தோஷ தகவல் உண்டு. கலைஞர்களுக்கு வாய்ப்புகள் வாசல் தேடி வரும். மாணவ - மாணவிகளுக்கு போட்டிகளில் வெற்றி கிடைக்கும். பெண்களுக்கு வருமானம் உயரும். இடம், பூமி சேர்க்கை ஏற்படும்.

பணத்தேவையைப் பூர்த்தி செய்யும் நாட்கள்:-

ஜனவரி: 15, 16, 19, 20, 27, 29, 31, பிப்ரவரி: 1, 7, 11, 12.

மகிழ்ச்சி தரும் வண்ணம்:- வைலட்.

2024 மார்கழி மாத ராசிபலன்

வெற்றியை குறிக்கோளாக கொண்ட விருச்சிக ராசி நேயர்களே!

மார்கழி மாதக் கிரக நிலைகளை ஆராய்ந்து பார்க்கும் போது, உங்கள் ராசிநாதன் செவ்வாய் நீச்சம் பெற்றும், வக்ரம் பெற்றும் பாக்கிய ஸ்தானத்தில் சஞ்சரிக்கிறார். இருப்பினும் குருவின் பார்வை உங்கள் ராசியில் பதிகிறது. லாபாதிபதியான புதன் உங்கள் ராசியில் இருக்கிறார்.

எனவே இம்மாதம் தொட்டது துலங்கும். தொழில் வெற்றி நடைபோடும். பொருளாதார நிலை உயரும். புதிய முயற்சிகள் அனைத்திலும் வெற்றி கிடைக்கும். உடல் ஆரோக்கியத்தில் மட்டும் சிறு சிறு தொல்லைகள் தோன்றி மறையும். உயர்ந்த மனிதர்களின் ஒத்துழைப்பு உண்டு.

செவ்வாய்- சுக்ரன் பார்வை

மாதத் தொடக்கத்தில் கடகத்தில் உள்ள செவ்வாய், மகரத்தில் சஞ்சரிக்கும் சுக்ரனைப் பார்க்கிறார். சுக்ரன், கும்ப ராசிக்கு சென்ற பிறகும் செவ்வாயின் பார்வை அதன் மீது பதிகிறது. உங்கள் ராசிக்கு அதிபதியாகவும் 6-ம் இடத்திற்கு அதிபதியாகவும் விளங்குபவர் செவ்வாய். அவர் சுக்ரனை பார்க்கும் வேளையில், வீட்டிற்கு தேவையான விலை உயர்ந்த பொருட்களை வாங்கும் யோகம் உண்டு.

ஆடை, ஆபரணச் சேர்க்கை ஏற்படும். அதிகார வர்க்கத்தினரின் ஆதரவோடு, இல்லத்தில் நல்ல சம்பவங்கள் நடந்தேறும். உத்தியோகத்தில் உயர் அதிகாரிகளின் ஆதரவு திருப்தி தரும். கேட்ட சலுகைகள் கிடைக்கும். பூமி விற்பனையால் ஒரு சிலருக்கு லாபம் உண்டு. எனவே தொடர்ந்து நன்மைகள் கிடைக்கும். வாகனம் வாங்கும் முயற்சி கைகூடும்.

குரு வக்ரம்

உங்கள் ராசிக்கு 2, 5 ஆகிய இடங்களுக்கு அதிபதியானவர் குரு பகவான். அவர் வக்ரம் பெறுவதன் மூலம் சுப விரயங்கள் அதிகரிக்கும். பொருளாதாரத்தில் ஏற்ற இறக்க நிலை இருந்தாலும், கடைசி நேரத்தில் காரியங்கள் கைகூடிவிடும். உத்தியோகத்தை பொறுத்தவரை வேலைப்பளு கூடுதலாக இருக்கும்.

தொழில் நடத்துபவர்கள் புதிய பங்குதாரர்களை சேர்த்துக்கொள்ள முன்வருவர். குரு பகவான் வக்ரமாக இருந்தாலும், அதன் பார்வை உங்கள் ராசியில் பதிவதால் நல்ல சந்தர்ப்பங்கள் உங்களை நாடி வரும். இக்காலத்தில் குரு பகவான் வழிபாடு மேலும் நன்மைகளை வழங்கும்.

கும்ப - சுக்ரன்

மார்கழி 15-ந் தேதி, கும்ப ராசிக்கு சுக்ரன் செல்கிறார். உங்கள் ராசிக்கு 7, 12 ஆகிய இடங்களுக்கு அதிபதியான சுக்ரன், சுக ஸ்தானத்திற்கு செல்லும் போது ஆரோக்கியம் சீராகி ஆனந்தப்படுத்தும். வெளிநாடு அல்லது வெளியூர் செல்லும் வாய்ப்பு கைகூடும். பழைய வாகனங்களை கொடுத்து விட்டு புதிய வாகனம் வாங்க முயற்சிப்பீர்கள்.

மணி விழா, மண விழா, கடை திறப்பு விழா போன்றவை நடைபெறுவதற்கான அறிகுறிகள் தென்படும். வெளிநாட்டில் உள்ள நல்ல நிறுவனங்களில் பணிபுரிய அழைப்புகள் வரலாம்.

தனுசு - புதன்

மார்கழி 17-ந் தேதி, தனுசு ராசிக்கு புதன் செல்கிறார். லாபாதிபதியான புதன், உங்கள் ராசியின் தன ஸ்தானத்திற்கு வருவது நல்ல நேரம்தான். தொழிலில் தன லாப விருத்தி உண்டு. குடும்ப முன்னேற்றம் கூடும். கொடுக்கல் - வாங்கல்கள் சரளமாக இருக்கும். தொழில் கூட்டாளிகள் உங்கள் முன்னேற்றத்திற்கு வழிவகுத்துக் கொடுப்பர். சொந்தங்கள் ஆச்சரியப்படும் விதத்தில் உங்கள் வளர்ச்சி இருக்கும். உத்தியோகத்தில் தலைமை பதவிகள் தானாக வரலாம். பிள்ளைகளின் திருமணம் சீரும், சிறப்புமாக நடைபெறும்.

பொதுவாழ்வில் உள்ளவர்களுக்கு புதிய பொறுப்புகள் கிடைக்கும். வியாபாரம் மற்றும் தொழில் செய்பவர் களுக்கு கணிசமான தொகை கைகளில் புரளும். உத்தியோகத்தில் உள்ளவர்களுக்கு, மேலதிகாரிகளின் ஆதரவு கூடுதலாக கிடைக்கும். கலைஞர்களுக்கு கவுரவம், அந்தஸ்து உயரும். மாணவ - மாணவிகளுக்கு, பெற்றோர் மற்றும் ஆசிரியர்களின் ஆதரவு திருப்தி தரும். பெண்களுக்கு பொருளாதார நிலை உயரும். குடும்பத்தில் சுப நிகழ்ச்சிகள் நடைபெறும்.

பணத்தேவையைப் பூர்த்தி செய்யும் நாட்கள்:-

டிசம்பர்: 18, 19, 23, 24, 30, 31, ஜனவரி: 4, 5.

மகிழ்ச்சி தரும் வண்ணம்:- ஆனந்தா நீலம்.

2024 கார்த்திகை மாத ராசிபலன்

நேர்மறை சிந்தனையால் வாழ்வை வளப்படுத்தும் விருச்சிக ராசி நேயர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் செவ்வாய் பாக்கிய ஸ்தானத்தில் நீச்சம் பெற்று சஞ்சரிக்கிறார். அந்த நேரம் குருவின் பரிபூரணப் பார்வை, உங்கள் ராசியில் பதிகிறது. எனவே செல்வ நிலை உயரும்.

செல்வாக்கு அதிகரிக்கும். கல்யாண முயற்சி கைகூடும். பொதுவாழ்வில் உள்ளவர்களுக்கு தலைமை பொறுப்புகள் தானே தேடிவரும். தொழில் வெற்றி நடை போடும். உடல் ஆரோக்கியத்தில் மட்டும் சிறுசிறு தொல்லைகள் தோன்றி மறையும். 'புத ஆதித்ய யோகம்' ஏற்படுவதால் புகழ்கூடும். புனிதப் பயணங்களும் உண்டு.

குரு வக்ரம்

ரிஷப ராசியில் உள்ள குரு பகவான், இந்த மாதம் முழுவதும் வக்ரம் பெற்று சஞ்சரிக்கிறார். உங்கள் ராசிக்கு 2, 5 ஆகிய இடங்களுக்கு அதிபதியானவர் குரு பகவான். அவர் வக்ரம் பெறும் பொழுது சுப விரயங்கள் அதிகரிக்கும். வரவைக் காட்டிலும் செலவு கூடும். இது போன்ற நேரங்களில் இல்லம் கட்டி குடியேறுவது, கட்டிய வீட்டை விலைக்கு வாங்குவது, ஆபரணங்கள் வாங்கி மகிழ்வது போன்றவற்றில் கவனம் செலுத்தலாம்.

பொருளாதாரத்தில் ஏற்ற, இறக்க நிலை இருந்தாலும், காரியங்கள் கடைசி நேரத்தில் கைகூடிவிடும். வாழ்க்கை துணைக்கு வேலைவாய்ப்பு அமையும். குடும்பத்தில் உள்ளவர்களின் குறைகளை தீர்க்க ஒரு தொகையை செலவிடுவீர்கள். வெளியூரில் படிக்கும் பிள்ளைகளோ அல்லது வேலை பார்க்கும் பிள்ளைகளோ இருந்தால், அவர்களை உங்கள் மேற்பார்வையில் வைத்துக்கொள்ளுங்கள்.

சனி - செவ்வாய் பார்வை

கடகத்தில் உள்ள செவ்வாய், இந்த மாதம் முழுவதும் கும்பத்தில் உள்ள சனியைப் பார்க்கிறார். அவர் நீச்சம் பெற்றிருப்பதால் பெரிய பாதிப்பு ஏற்படாது. இருப்பினும் 4-ம் இடத்தில் செவ்வாயின் பார்வை பதிவதால், தாயின் உடல் நலத்தில் கவனம் தேவை. பாகப்பிரிவினை சுமுகமாக முடியும்.

பிரச்சினையாக இருந்த அண்ணன் - தம்பி களின் உறவு பலப்படும். தொழில் முயற்சியில் ஆர்வம் அதிகம் காட்டுவீர்கள். துணிவையும், தன்னம்பிக்கையை யும் தக்க வைத்துக்கொள்ளுங்கள். குலதெய்வ பிரார்த் தனைகளை நிறைவேற்றுங்கள், நல்லது நடக்கும்.

மகர - சுக்ரன்

கார்த்திகை 18-ந் தேதி, மகர ராசிக்கு சுக்ரன் செல்கிறார். உங்கள் ராசிக்கு சகாய ஸ்தானத்தில் சுக்ரன் சஞ்சரிக்கும் பொழுது, குடும்பப் பிரச்சினைகள் அகலும். பெருமைக்குரிய சம்பவங்கள் நிறைய நடைபெறும். ஆடை, ஆபரணச் சேர்க்கை உண்டு.

வெளிநாட்டில் இருந்து ஆதா யம் தரும் தகவல் கிடைக்கும். பெண்களால் பெருமை சேரும். பழைய வாகனங்களை கொடுத்து விட்டு, புதிய வாகனம் வாங்கலாம் என்ற எண்ணம் கைகூடும்.

செவ்வாய் வக்ரம்

கடக ராசியில் உள்ள செவ்வாய், கார்த்திகை 18-ந் தேதி வக்ரம் அடைகிறார். உங்கள் ராசிநாதன் வக்ரம் பெறும் இந்த நேரத்தில் அருகில் இருப்பவர்களின் அனு சரிப்பு குறையலாம். 'அதிக செலவு ஏற்படுகிறதே' என்று கவலைப்படுவீர்கள். அதே நேரம் வாங்கிய சொத்துகளால் லாபம் உண்டு.

தொழிலை விரிவுபடுத்தும் முயற்சியில் ஆர்வம் காட்டுவீர்கள். பணப்பொறுப்பு சொல்லி வாங்கி கொடுத்த தொகை வந்துசேரும். பொதுவாழ்வில் உள்ளவர்களுக்கு, புகழ் அதிகம் வந்து சேரும். வியாபாரம் மற்றும் தொழில் செய்பவர்களுக்கு வெற்றி நடைபோடும்.

உத்தியோகத்தில் உள்ளவர் களுக்கு பதவி உயர்வும், ஊதிய உயர்வும் கிடைக்கும். கலைஞர்களுக்கு புதிய ஒப்பந்தங்கள் வந்து கொண்டே இருக்கும். மாணவ - மாணவிகளுக்கு பாராட்டு கிடைக்கும். பெண்களுக்கு சுபச்செலவுகள் வந்த வண்ணமாக இருக்கும். துணிவும், தன்னம்பிக்கையும் கூடும்.

பணத்தேவையைப் பூர்த்தி செய்யும் நாட்கள்:-

நவம்பர்: 21, 22, 25, 26, 27, டிசம்பர்: 3, 4, 5, 8, 9.

மகிழ்ச்சி தரும் வண்ணம்:- வைலட்.