தனுசு - தமிழ் மாத ஜோதிடம்

பங்குனி மாத ராசிபலன்

சிந்தனையை செயலாக்குவதில் வல்லவர்களான தனுசு ராசி நேயர்களே!

பங்குனி மாதக் கிரக நிலைகளைஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு, பூர்வ புண்ணிய ஸ்தானத்தில் அமர்ந்து கொண்டு, உங்கள் ராசியைப் பார்க்கிறார். எனவே 'குரு பார்க்க கோடி நன்மை' என்பதற்கேற்ப தொழில் வெற்றிநடை போடும். தொல்லை தந்த எதிரிகள் விலகுவர். அழியாத புகழுக்கு அஸ்திவாரம் அமைக்கும் விதத்தில், ஒருசில காரியங்கள் நடைபெறும். தொழில் மேன்மை, வருமானம் உயர்வு, உத்தியோகத்தில் உயர் அதிகாரி களின் பாராட்டு கிடைக்கும் மாதம் இது.

செவ்வாய் - சனி சேர்க்கை

மாதத்தின் முதல் நாளிலேயே கும்ப ராசிக்குச் செல்லும் செவ்வாய், அங்குள்ள சனியோடு மாதம் முழுவதும் இணைந்து சஞ்சரிக்கிறார். உங்கள் ராசிக்கு 5, 12 ஆகிய இடங்களுக்கு அதிபதியானவர் செவ்வாய். விரயாதிபதியான செவ்வாய், தனாதிபதியான சனியோடு இணையும் இந்த நேரத்தில் விரயங்கள் அதிகரிக்கும். மற்றவர்களை முழுமையாக நம்பி செயல்படுவதால், இழப்புகளையும், விரயங்களையும் சந்திப்பீர்கள். வீடு மாற்றம், இடமாற்றம் ஏற்பட்டு மனக்குழப்பதை அதிகரிக்க வைக்கும். சகோதர வழியில் மனக்கசப்பு தரும் சம்பவம் நடைபெறும்.

செய்யும் காரியங்களில் எல்லாம், தட்டுப்பாடுகளும், தடுமாற்றங்களும் ஏற்படாமல் இருக்க சனிக்கிழமை தோறும் சனிபகவான் வழிபாட்டையும், செவ்வாய்க்கிழமை தோறும் அங்காரக வழிபாட்டையும் மேற்கொள்வது நல்லது. உத்தியோகத்தில் உள்ளவர்களுக்கு நீண்ட தூரத்திற்கான மாறுதல்கள் கிடைக்கலாம்.

புதன் வக்ரம்

மீன ராசியில் நீச்சம் பெற்று சஞ்சரித்து வரும் புதன், பங்குனி 13-ந் தேதி வக்ரமும் அடைகிறார். இதன் விளைவாக சில நல்ல பலன்கள் உங்களுக்கு நடைபெறப் போகிறது. கேந்திராதிபத்ய தோஷம் பெற்ற கிரகம், வக்ரம் பெறுவது நன்மைதான். இல்லத்தில் மங்கல ஓசை கேட்கும் சூழ்நிலை உருவாகும். மணவிழா, மணிவிழா, முத்து விழா போன்றவை நடைபெறுவதில் இருந்த தடைகள் அகலும். பயணங்கள் கூட பலன் தருவதாக இருக்கும். புதிய தொழில் தொடங்கும் எண்ணம் அதிகரிக்கும். வெளிநாட்டில் உள்ள நண்பர்கள் மூலம் ஆதாயம் தரும் தகவல் கிடைக்கும். புதிய ஒப்பந்தங்கள் கிடைத்து பொருளாதார நிலை உயர வழிபிறக்கும்.

மீனம் - சுக்ரன்

பங்குனி 19-ந் தேதி, சுக்ரன் தன்னுடைய உச்ச வீடான மீன ராசிக்குச் செல்கிறார். அங்கு புதனோடு இணைந்து 'புத-சுக்ர யோக'த்தை உருவாக்குகிறார். உங்கள் ராசிக்கு 6, 11 ஆகிய இடங்களுக்கு அதிபதியானவர் சுக்ரன். எனவே உத்தியோகத்தில் எதிர்பார்த்த பதவி உயர்வு கிடைக்கும். வியாபாரத்தில் வி.ஐ.பிக்கள் வாடிக்கையாளர்களாக மாறுவர். வாங்கிய கடனில் ஒரு பகுதியைக் கொடுத்து மகிழ்ச்சி அடைவீர்கள். நண்பர்கள் நல்ல தகவலைத் தருவர். அலுவலகப் பணிகள் துரிதமாக நடைபெறும். குடும்பத்தில் ஒருவருக்கு மேல் சம்பாதிக்கும் சூழ்நிலையும் பொருளாதார வளர்ச்சியும் ஏற்படும்.

பொதுவாழ்வில் உள்ளவர்களுக்கு புதிய பொறுப்புகள் கிடைக்கும். மன தைரியம் அதிகரிக்கும். புதிய பாதை புலப்படும். வியாபாரம், தொழில் செய்பவர்களுக்கு கேட்ட இடத்தில் உதவிகள் கிடைக்கும். புதிய ஒப்பந்தங்கள் வந்து சேரும். உத்தியோகத்தில் உள்ளவர்களுக்கு நீண்ட தூரத்திற்கான இடமாறுதல் வரலாம். கலைஞர்களுக்கு நண்பர்கள் மூலம் நல்ல தகவல் கிடைக்கும். மாணவ - மாணவிகளுக்கு மந்த நிலை மாறும். கல்வி சிந்தனை அதிகரிக்கும். பெண்களுக்கு எடுத்த காரியங்களில் வெற்றி உண்டு. எதிர்பாராத பணவரவும் கிடைக்கும்.

பணத்தேவையைப் பூர்த்தி செய்யும் நாட்கள்:-

மார்ச்: 14, 22, 24, 27, 28, ஏப்ரல்: 4, 5, 8, 9.

மகிழ்ச்சி தரும் வண்ணம்:- மஞ்சள்.

மாசிமாத ராசிபலன்

எல்லோரிடமும் இனிமையாகப் பேசும் தனுசு ராசி நேயர்களே!

மாசி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் குரு உங்கள் ராசியையே பார்க்கிறார். நவக்கிரகங்களில் சுபகிரகமாக விளங்கும் குருவின் பார்வை பதிவதால் தொழில் வளர்ச்சி அதிகரிக்கும். பொது வாழ்வில் இருப்பவர்களுக்கு புதிய பொறுப்புகள் வரும். பிள்ளைகள் வழியில் இருந்த பிரச்சினைகள் அகலும். நல்ல சம்பவங்கள் பலவும் நடைபெறும் மாதமிது. பஞ்சம- விரயாதிபதியான செவ் வாய் உச்சம் பெற்று லாபாதிபதி சுக்ரனுடன் இணைந்திருப்பதால் வருமானம் திருப்தி தரும்.

கும்பம்-புதன்

மாதத் தொடக்கத்தில் கும்ப ராசிக்கு புதன் செல்கிறார். அவர் பாக்கியாதிபதி சூரியனோடு இணைந்து `புத ஆதித்ய யோக'த்தை உருவாக்குகிறார். எனவே கல்வி, கலைத்துறை சம்பந்தமாக எடுத்த முயற்சிகளில் வெற்றி கிடைக்கும். குடும்பத்தில் இருந்த கருத்து வேறுபாடுகள் அகலும். வருமானம் உயர புது யுக்திகளை கையாளுவீர்கள். பொது வாழ்வில் உள்ளவர்களுக்கு மேலிடத்து ஆதரவு கிடைக்கும். பழைய வாகனங்கள் பழுதாவதை முன்னிட்டு புதிய வாகனங்கள் வாங்கும் முயற்சியில் ஆர்வம் கூடும்.

மகரம்-சுக்ரன்

மாதத்தின் முதல் நாள் மகர ராசிக்கு சுக்ரன் செல்கிறார். உங்கள் ராசிக்கு 6, 11 ஆகிய இடங்களுக்கு அதிபதியான சுக்ரன், தன ஸ்தானத்தில் சஞ்சரிக்கும் இந்த நேரம் பொருளாதார நிலை உயரும். புதிய முயற்சிகளில் வெற்றி கிடைக்கும். இடம், பூமி விற்பனையில் எதிர்பார்த்ததைக் காட்டிலும் கூடுதல் லாபம் கிடைத்து மகிழ்ச்சி காண்பீர்கள். வசதி வாய்ப்புகள் அதிகரிக்கும் நேரமிது. புண்ணிய தலங்களுக்குச் சென்று தரிசிக்கும் வாய்ப்பு உண்டு. உத்தியோகத்தில் உயர் அதிகாரிகள் நீங்கள் கேட்ட சலுகைகளை வழங்குவர்.

மீனம்-புதன்

மார்ச் 2-ந் தேதி, மீன ராசிக்குச் செல்லும் புதன் அங்கு நீச்சம் பெறுகிறார். உங்கள் ராசிக்கு 7, 10 ஆகிய இடங்களுக்கு அதிபதியான புதன் நீச்சம் பெறுவது நன்மை தான். கேந்திராதிபத்ய தோஷம் பெற்ற கிரகம் நீச்சம் பெறும் பொழுது யோகம் செய்யும். எனவே கல்யாணம் போன்ற சுபகாரியங்கள் நடைபெறுவதில் இருந்த தடை அகலும். கடை திறப்பு விழா, கட்டிட திறப்பு விழாக்கள் நடைபெறும் வாய்ப்பு உண்டு. புது முயற்சிகளுக்கு நண்பர்கள் உறு துணையாக இருப்பர். தொழில் வளர்ச்சி மேலோங்கும். நெருக்கடி நிலை மாறும்.

கும்பம் சுக்ரன்

மார்ச் 8-ந் தேதி, கும்ப ராசிக்கு சுக்ரன் செல்கிறார். லாபாதிபதி சுக்ரன் சகாய ஸ்தானத்திற்கு வரும் இந்த நேரம் அற்புதமான நேரமாகும். வருமானம் உயரும். வருங்கால முன்னேற்றம் கருதி எடுத்த முயற்சிகளில் வெற்றி கிடைக்கும். தர்ம சிந்தனை அதிகரிக்கும். வெளியூர் அல்லது வெளிநாட்டு பயணங்களால் நன்மை கிடைக்கும். பெண் வழிப்பிரச்சினைகள் நல்ல முடிவுக்கு வரும். பிறர் போற்றும் அளவிற்கு வாழ்க்கைத் தரத்தை உயர்த்திக்கொள்ள முன்வருவீர்கள். உடன்பிறப்புகள் உங்கள் முன்னேற்றத்திற்கு உறுதுணையாக இருப்பர்.

பொதுவாழ்வில் இருப்பவர்களுக்கு எதிர்பார்ப்புகள் நிறைவேறும். வியாபாரம், தொழில் செய்பவர்களுக்கு பாக்கிகள் வசூலாகி பரவசப்படுத்தும். உத்தியோகத்தில் உள்ளவர்கள் உயர் அதிகாரிகளின் மனதில் இடம் பிடிப்பீர்கள். கலைஞர்களுக்கு புகழ் கூடும். மாணவ, மாணவியர் நல்ல நட்பை தேர்ந்தெடுத்துக் கொள்வது நல்லது. பெண்களுக்கு குடும்ப முன்னேற்றம் திருப்தி தரும்.

பணத்தேவையைப் பூர்த்தி செய்யும் நாட்கள்:-

பிப்ரவரி: 13, 14, 24, 25,

மார்ச்: 1, 2, 8, 9, 11, 12.

மகிழ்ச்சி தரும் வண்ணம்:- கருநீலம்.

தை மாத ராசிபலன்

புகழ் ஒன்றையே குறிக்கோளாகக் கொண்டுவாழும் தனுசு ராசி நேயர்களே!

தை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் குரு பகவான் பஞ்சம ஸ்தானத்தில் சஞ்சரித்து உங்கள் ராசியைப் பார்க்கின்றார். நவக்கிரகங்களில் சுப கிரகமான குருவின் பார்வை பலத்தால் நல்ல காரியங்கள் பலவும் இல்லத்தில் நடைபெறும். அன்பு நண்பர்களின் ஆதரவு கிடைக்கும். பொன், பொருள்கள் வாங்கும் யோகம் உண்டு. எடுத்த முயற்சிகளில் வெற்றியும், இனிய சுபகாரியங்களும் படிப் படியாக நடைபெறப் போகின்றது. நம்பிக்கைக்குரிய நண்பர்கள் மூலம் நல்ல தகவல் கிடைக்கும்.

மேஷ-குருவின் சஞ்சாரம்!

மாதத் தொடக்கத்தில் உங்கள் ராசிக்கும், 4-ம் இடத்திற்கும் அதிபதியான குரு பகவான் பூர்வ புண்ணிய ஸ்தானத்தில் சஞ்சரிக்கின்றார். அவர் பார்வையினால் தடைக்கற்கள் படிக்கற்களாக மாறும். அவர் உங்கள் ராசியைப் பார்ப்பதால் ஆரோக்கியம் சீராகி ஆனந்தப்படுத்தும். திட்டமிட்ட காரியங்கள் திட்டமிட்டபடி நடைபெறும். தொழில் வளர்ச்சி, உத்தியோக முன்னேற்றம் உண்டு. குருவின் பார்வை 9, ௧௧ ஆகிய இடங்களில் பதிவது யோகம் தான். பெற்றோர் வழியில் இருந்த பிரச்சினை அகலும். தொழிலில் லாபம் திருப்திகரமாக இருக்கும். பிள்ளைகளின் மூலம் பெருமைக்குரிய தகவல்கள் வந்து சேரும்.

தனுசு-சுக்ரன்!

ஜனவரி 19-ந் தேதி தனுசு ராசிக்கு சுக்ரன் செல்கின்றார். உங்கள் ராசிக்கு 6, 11 ஆகிய இடங்களுக்கு அதிபதி யானவர் சுக்ரன். அவர் உங்கள் ராசியிலேயே சஞ்சரிக்கும் பொழுது கவனமாக இருக்க வேண்டும். குறிப்பாக உத்தியோகத்தில் திடீர் மாற்றங்கள் ஏற்படும். வீண் பழிகளுக்கு ஆளாக நேரிடும். முன்னேற்றப் பாதையில் ஒரு சில குறுக்கீடுகள் வந்து சேரும். முகஸ்துதிபாடி பழகியவர்களை நம்பி எதையும் செய்யவேண்டாம். வெளிநாட்டு முயற்சியில் தாமதம் ஏற்படும்.

மகர-புதன்!

ஜனவரி 27-ந் தேதி மகர ராசிக்குப் புதன் செல்கின்றார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். தொழில் ஸ்தானாதிபதி புதன், தன ஸ்தானத்திற்கு வரும் இந்த நேரம் நல்ல நேரம் தான். புதிய ஒப்பந்தங்கள் வந்துசேரும். பதவி உயர்வு கிடைக்கும். வாடகைக் கட்டிடத்தில் நடைபெற்ற தொழிலை சொந்தக் கட்டிடத்திற்கு மாற்றும் அமைப்பு ஒரு சிலருக்கு உண்டு. கவுரவம், அந்தஸ்து உயரும். கொடுக்கல்-வாங்கல்களில் சரளநிலை உருவாகும். குடும்பத்தில் உள்ளவர்களின் தேவைகளைப் பூர்த்தி செய்வீர்கள்.

மகர-செவ்வாய் சஞ்சாரம்!

பிப்ரவரி 4-ந் தேதி மகர ராசிக்கு செவ்வாய் செல்கின்றார். மகரம், செவ்வாய்க்கு உச்ச வீடாகும். உங்கள் ராசிக்கு 5, 12 ஆகிய இடங்களுக்கு அதிபதியானவர் செவ்வாய். அவர் உச்சம் பெறும் பொழுது பிள்ளைகள் வழியில் சுபகாரியப் பேச்சுக்கள் முடிவாகும். படித்து முடித்த பிள்ளைகளுக்கு வேலைவாய்ப்பு அல்லது வெளிநாடு செல்லும் வாய்ப்பு உருவாக வழிபிறக்கும். `பூர்வீக சொத்துக்களை விற்று விட்டுப்புதிய சொத்துக்களை வாங்கலாமா?' என்று யோசிப்பீர்கள்.

பொதுவாழ்வில் உள்ளவர்களுக்கு சந்தர்ப்பங்கள் சாதகமாக அமையும். வியாபாரம் தொழில் செய்பவர் களுக்கு நிதி நிறுவனங்களின் ஆதரவு கிடைக்கும். உத்தியோகஸ்தர்களுக்கு பணி நிரந்தரம் பற்றிய தகவல் வரலாம். கலைஞர்களுக்குப் புதிய வாய்ப்புகள் கைகொடுக்கும். மாணவ-மாணவியர்களுக்கு கல்வி முன்னேற்றம் உண்டு. பெண்களுக்கு மகிழ்ச்சியும், மனநிறைவும் ஏற்படும் மாதமிது. ஆடை, ஆபரண சேர்க்கை உண்டு. பிள்ளைகளின் திருமணப் பேச்சு முடிவாகும்.

பணத்தேவையைப் பூர்த்தி செய்யும் நாட்கள்:-

ஜனவரி:17, 18, 28, 29, பிப்ரவரி: 1, 2, 9, 10.

மகிழ்ச்சி தரும் வண்ணம்:- நீலம்.

மார்கழி மாத ராசிபலன்

உதவும் குணத்தால் உள்ளத்தில் இடம் பிடிக்கும் தனுசு ராசி நேயர்களே!

மார்கழி மாதக் கிரக நிலைகளைஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு வக்ர நிவர்த்தியாகி உங்கள் ராசியையே பார்க்கிறார். எனவே ஆரோக்கியம் சீராகும். அன்பு நண்பர்களின் ஆதரவு கிடைக்கும். பொன், பொருள் சேர்க்கை உண்டு.

புதிய முயற்சிகளில் வெற்றி கிடைக்கும். அரசியல் மற்றும் பொது நலத்தில் இருப்பவர்களுக்கு அதிகார வர்க்கத்தினரின் ஆதரவோடு புதிய பொறுப்புகளும், பதவிகளும் கிடைக்கலாம். செல்வாக்கு அதிகரிக்கும்.

கும்ப ராசியில் சனி

மகர ராசியில் சஞ்சரித்து வந்த சனி பகவான் மார்கழி 4-ந் தேதி கும்ப ராசிக்கு செல்கின்றார். வாக்கிய கணித ரீதியாக நடைபெறும் இந்த சனிப்பெயர்ச்சி மூலம் உங்களுக்கு 7½ சனியில் இருந்து விடுதலை கிடைக்கிறது. எனவே இனி படிப்படியாக முன்னேற்றங்கள் வந்து கொண்டே இருக்கும். பாராட்டும், புகழும் கூடும். மலைப்பாக இருந்த காரியங்களைக் கூட மறுநிமிடமே செய்து முடித்து விடுவீர்கள்.

தொழில் வளம் சிறப்பாக இருக்கும். புதிய ஒப்பந்தங்கள் வந்து சேரும். உத்தியோகத்தில் பணி நீக்கம் செய்யப்பட்டவர்கள் மீண்டும் பணியில் சேரும் வாய்ப்பு கிட்டும். கடந்த 7½ ஆண்டுகளாக பட்ட துன்பங்களுக்கு இப்பொழுது விடிவு காலம் கிடைக்கும். சனிக்குரிய சிறப்பு தலங்களுக்கு யோக பலம் பெற்ற நாளில் சென்று வந்தால் மேலும் யோகங்கள் வந்து சேரும்.

விருச்சிக-சுக்ரன்

மார்கழி 9-ந் தேதி விருச்சிக ராசிக்கு சுக்ரன் ெசல்கிறார். உங்கள் ராசிக்கு 6, 11-க்கு அதிபதியானவர் சுக்ரன். அவர் விரய ஸ்தானத்தில் சஞ்சரிக்கும் பொழுது எதிர்பாராத நல்ல திருப்பங்கள் ஏற்படும். உத்தியோகத்தில் கேட்ட இடத்திற்கு மாறுதல்கள் கிடைக்கும்.

வெளிநாட்டிலுள்ள நல்ல நிறுவனங்களில் இருந்து அழைப்புகள் வரலாம். கட்டிடம் கட்டி குடியேறும் யோகம் சிலருக்கு உண்டு. விலை உயர்ந்த பொருட்களை வாங்குவதில் ஆர்வம் காட்டுவீர்கள். பொது வாழ்வில் உள்ளவர்களுக்கு எதிர்பார்த்த நற்பலன்கள் கிடைக்கும்.

தனுசு-செவ்வாய்

தனுசு ராசிக்கு மார்கழி 11-ந் தேதி செவ்வாய் பெயர்ச்சியாகி செல்கின்றார். உங்கள் ராசிக்கு 5, 12 ஆகிய இடங்களுக்கு அதிபதியான செவ்வாய் உங்கள் ராசிக்கே வருவது யோகம் தான். பிள்ளைகள் வழியில் சுபகாரிய பேச்சுக்கள் முடிவாகும் மங்கல ஒசை மனையில் கேட்கவில்லையே என்ற கவலை அகலும். தங்கு தடைகள் தானாக விலகும்.

பங்குச் சந்தையில் ஈடுபட்டு இருப்பவர்களுக்கு பலன் கிடைக்கும். பால்ய நண்பர்களின் ஒத்துழைப்பால் சில முக்கிய பிரச்சினைகளை தீர்த்துக் கொள்வீர்கள். உத்தியோகத்தில் சகப் பணியாளர்களின் ஆதரவும் உண்டு.

தனுசு-புதன்

மார்கழி 23-ந் தேதி தனுசு ராசிக்கு புதன் வருகிறார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். அவர் உங்கள் ராசியிலேயே சஞ்சரிக்கப் போவது யோகம் தான். வாழ்க்கைத்துணைக்கு வேலை கிடைக்கும். பொது வாழ்வில் உள்ளவர்களுக்கு நல்ல மாற்றங்கள் வந்து சேரும். வியாபாரம், தொழில் செய்பவர்கள் வளர்ச்சி காண்பார்கள். உத்தியோகத்தில் உள்ளவர்களுக்கு உயர்அதிகாரிகளின் ஆதரவு கிடைக்கும். கலைஞர்களுக்கு கவுரவம், அந்தஸ்த்து உயரும்.

மாணவ- மாணவிகளுக்கு தக்கவிதத்தில் ஆசிரியர்களின் ஆலோசனை கைகொடுக்கும். பெண்களுக்கு குடும்பத்தில் உள்ள குழப்பங்கள் அகலும், சுப செலவுகள் உண்டு.

பணத்தேவையை பூர்த்திசெய்யும் நாட்கள்:-

டிசம்பர்: 17,18,20,21,31

ஜனவரி: 1,2,6,7.

மகிழ்ச்சிதரும் வண்ணம்:- பொன்னிற மஞ்சள்.

கார்த்திகை மாத ராசிபலன்

எதிலும் புதுமை படைக்க வேண்டும் என்று நினைக்கும் தனுசு ராசி நேயர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது மாதத் தொடக்கத்தில் உங்கள் ராசிநாதன் குரு வக்ர இயக்கத்தில் இருக்கின்றார். எனவே ஆரோக்கியத்தில் கொஞ்சம் அக்கறை தேவை. அடுத்தவர் நலன் கருதி எடுத்த முயற்சியில் ஆதாயம் குறைவாகவே கிடைக்கும். தொழில், உத்தியோகத்தில் உழைப்பிற்கேற்ற பலன் கிடைப்பது அரிது. நிம்மதியை வரவழைத்துக்கொள்ளவும், நிகழ்காலத் தேவைகள் பூர்த்தியாகவும் முறையான வழிபாடுகளை மேற்கொள்வது நல்லது. அதிக விரயங்களைச் சந்திக்கும் இம்மாதத்தில் அனுபவஸ்தர்களின் ஆலோசனை தக்க சமயத்தில் கைகொடுக்கும்.

வக்ர குருவின் ஆதிக்கம்

மாதம் முழுவதும் மேஷ ராசியில் குரு பகவான் வக்ரம் பெற்றுச் சஞ்சரிக்கின்றார். உங்கள் ராசிக்கும், 4-ம் இடத்திற்கும் அதிபதியானவர் குரு. சுகாதிபதியான குரு வக்ரம் பெறுவது அவ்வளவு நல்லதல்ல. நினைத்தது நிறைவேறாமல் போகலாம். நேசித்தவர்களோடு யோசித்துப் பேசும் சூழ்நிலை உருவாகலாம். நல்ல நல்ல சந்தர்ப்பங்கள் வந்தாலும் அவை நழுவிச் செல்லும் சூழ்நிலை உருவாகும்.

எதையும் திட்டமிட்டுச் செய்ய முடியவில்லை என்று கவலைப்படுவீர்கள். உத்தியோகத்தில் இடமாற்றங்கள், ஊர் மாற்றங்கள் எதிர்பாராத விதத்தில் வரலாம். தொழில் பங்குதாரர்கள் விலகிக்கொள்வதாகச் சொல்லி அச்சுறுத்துவர். குரு வக்ர நிவர்த்தியாகும் வரை பொறுமை தேவை.

துலாம்-சுக்ரன்

உங்கள் ராசிக்கு 6, 11 ஆகிய இடங்களுக்கு அதிபதியானவர் சுக்ரன். அவர் மாதத் தொடக்கத்தில் நீச்சம் பெற்றிருப்பது நன்மை தான். 'கெட்டவன் கெட்டிடில் கிட்டி டும் ராஜயோகம்' என்பதற்கு ஏற்ப எதிர்பாராத நல்ல திருப்பங்களை சந்திப்பீர்கள். உத்தியோகத்தில் புதிய பொறுப்புகளும், சம்பள உயர்வும் வரலாம். சொத்து விற் பனையால் ஆதாயம் உண்டு.

அதே நேரம் கார்த்திகை 14-ம் தேதி துலாம் ராசிக்கு சுக்ரன் வருகின்றார். இது அவ்வளவு நல்லதல்ல. சொந்த வீட்டில் சுக்ரன் சஞ்சரித்தாலும் விரயங்கள் அதிகரிக்கும். வீடு மாற்றங்களும், நாடு மாற்றங்களும் வந்து சேரும். அதிகாரப் பதவியில் உள்ளவர்களின் பொறுப்புகள் மாற்றப்படலாம். பிறருக்குப் பொறுப்பு சொல்லி வாங்கிக்கொடுத்த தொகையால் பிரச்சினைகள் ஏற்படும்.

தனுசு-புதன்

உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். அவர் உங்கள் ராசியிலேயே கார்த்திகை 14 முதல் சஞ்சரிக்கப்போகின்றார். எனவே கல்யாண முயற்சிகள் கைகூடும். கடமையில் இருந்த தொய்வு அகலும். தொழிலில் புதிய ஒப்பந்தங்கள் கிடைக்கும். நிலையான வருமானத்திற்கு வழியமைத்துக் கொள்வீர்கள். வியாபாரம் தொழிலில் உங்களைப் பற்றி விமர்சனம் செய்தவர்கள் விலகிச் செல்வர். இளைய சகோதரத்தோடு இணக்கம் ஏற்படும்.

ஐப்பசி மாத ராசிபலன்

18.10.2023 முதல் 16.11.2023 வரை

எதையும் திட்டமிட்டுச் செய்து வெற்றி காணும் தனுசு ராசி நேயர்களே!

ஐப்பசி மாதக் கிரக நிலைகளை ஆராய்ந்து பார்க்கும் பொழுது மாதத் தொடக்கத்தில் உங்கள் ராசிநாதன் குரு வக்ர இயக்கத்தில் இருக்கின்றார். மேலும் குடும்ப ஸ்தானத்தில் இருக்கும் சனி வக்ரம் பெற்றிருக்கின்றார். எண்ணங்கள் எளிதில் நிறைவேறுவதில் இடையூறுகள் அதிகரிக்கும். சொன்ன சொல்லைக் காப்பாற்ற இயலாது. பொருளாதாரப் பற்றாக்குறையும், புதிய கடன் சுமையும் வரலாம். தொழில் உத்தியோகத்தில் மிகவும் கவனமாக இருப்பது நல்லது.

சனி வக்ர நிவர்த்தி!

ஐப்பசி 8-ந் தேதி மகர ராசியில் சஞ்சரிக்கும் சனி வக்ர நிவர்த்தியாகின்றார். உங்கள் ராசிக்கு 2, 3 ஆகிய இடங்களுக்கு அதிபதியானவர் சனி. அவர் வக்ர நிவர்த்தியாகிப் பலம் பெறுவதால் நிறைய நன்மைகள் உங்களுக்கு கிடைக்க வேண்டும். ஆயினும் குடும்பச் சனியின் ஆதிக்கமாக இருப்பதால் குடும்பத்தில் சில குழப்பங்களையும் உருவாக்கலாம். கொடுக்கல்-வாங்கல்களில் ஏமாற்றங்களைச் சந்திக்க நேரிடும். விலை உயர்ந்த பொருட்களை விற்கக்கூடிய சூழ்நிலை ஒரு சிலருக்கு உருவாகும். அரசியல் மற்றும் பொதுநலத்தில் இருப்பவர்களுக்கு அதிகார வர்க்கத்தினரோடு மனக் கசப்பு ஏற்படும். உத்தியோகத்தில் மேலதிகாரிகள் உங்களுக்கு வரவேண்டிய பதவி உயர்வை தாமதப்படுத்தலாம்.

குரு வக்ரம்!

மாதம் முழுவதும் குரு பகவான் மேஷ ராசியிலேயே வக்ரம் பெற்றுச் சஞ்சரிக்கின்றார். உங்கள் ராசிக்கும் 4-ம் இடத்திற்கும் அதிபதியானவர் குரு. அவர் வக்ரம் பெறுவது அவ்வளவு நல்லதல்ல. ராசிநாதன் வக்ரம் பெறும் பொழுது நினைத்தது நிறைவேறாமல் போகலாம். நல்ல சந்தர்ப்பங்கள் நழுவிச்செல்லும். தொழில் வியாபாரத்தில் எதிர்பாராத விரயங்களை சந்திக்க நேரிடும். குருவிற்குரிய வழிபாடுகளை மேற்கொள்வது நல்லது.

நீச்சம் பெறும் சுக்ரன்!

ஐப்பசி 16-ந் தேதி கன்னி ராசிக்கு சுக்ரன் வருகின்றார். அங்கு அவர் வலிமை இழந்து நீச்சம் பெறுகின்றார். உங்கள் ராசிநாதன் குருவிற்கு பகை கிரகமானவர் சுக்ரன். அவர் நீச்சம் பெறுவது நன்மைதான். எதிர்பாராத விதத்தில் சில நல்ல வாய்ப்புகள் இல்லம் தேடி வரும். சந்தர்ப்பங்கள் சாதகமாக அமையும். உத்தியோகத்தில் உங்கள் கருத்துக்களை மேலதிகாரிகள் ஏற்றுக்கொள்வர். வீடு, வாகனம் வாங்க கடன் உதவி கேட்டு விண்ணப்பித்திருந்தால் அது கைகூடும்.

விருச்சிக புதன்!

ஐப்பசி 17-ந் தேதி விருச்சிக ராசிக்கு புதன் வருகின்றார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். கேந்திராதிபத்ய தோஷம் பெற்ற கிரகம் மறைவிடத்திற்கு வரும்பொழுது நல்லதைச் செய்யும் என்பார்கள். மறைந்த புதனால் நிறைந்த தனலாபம் கிடைக்கும். மாமன், மைத்துனர் வழியில் ஏற்பட்ட மனக்கசப்புகள் அகலும். கல்யாணக் கனவுகள் நனவாகும். கடமையைச் செவ்வனே செய்து பாராட்டுக்களைப் பெறுவீர்கள்.

பொதுவாழ்வில் உள்ளவர்களுக்கு புதிய திருப்பங்கள் ஏற்படும். வியாபாரம் தொழில் செய்பவர்களுக்கு எதிர்பார்த்த லாபம் கிடைக்கும். உத்தியோகத்தில் உள்ளவர்களுக்கு உயர் அதிகாரிகளின் நட்பால் நன்மை உண்டு. கலைஞர்களுக்கு முன்னேற்றம் ஏற்படும். மாணவ-மாணவியர்களுக்கு ஆசிரியர்களின் ஆதரவும், பெற்றோர்களின் அன்பும் கிடைக்கும். பெண்களுக்குப் பொருளாதார நிலை உயரும். புனிதப் பயணங்கள் அதிகரிக்கும். எதிர்காலத்தைப் பற்றிய பயம் அகலும். இல்லத்தில் நல்லது நடக்கும்.

பணத்தேவையைப் பூர்த்தி செய்யும் நாட்கள்: அக்டோபர் 23, 24, 27, 28, நவம்பர் 7, 8, 9, 11, 12.

மகிழ்ச்சி தரும் வண்ணம்: பொன்னிற மஞ்சள்.

புரட்டாசி மாத ராசிபலன்

18-09-2023 முதல் 17-10-2023 வரை

எதிர்காலச் சிந்தனையிலேயே எப்பொழுதும் மூழ்கியிருக்கும் தனுசு ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு, ஏழரைச் சனியில் குடும்பச் சனியாக வக்ரம் பெற்றிருக்கிறார். எனவே எதையும் திட்டமிட்டுச் செய்ய இயலாது. திடீர் தாக்குதல்கள் வரலாம். வழக்குகள் தொடரும். வருமானப் பற்றாக்குறையின் காரணமாக ஒருசிலர் கடன்களை வாங்கும் சூழ்நிலையும் ஏற்படும். தொழில், உத்தியோகத்தில் மிகுந்த விழிப்புணர்ச்சி தேவை. எந்தப் புது முயற்சியில் ஈடுபட்டாலும் அனுபவஸ்தர்களையோ, ஆன்மிகப் பெரியவர்களையோ ஆலோசனை கேட்டுச் செய்வது நல்லது.

புதன் வக்ரம்

புரட்டாசி 10-ந் தேதி, கன்னி ராசியில் புதன் வக்ரம் பெறுகிறார். அதே நேரத்தில் அந்த வீடு புதனுக்கு உச்ச வீடாகும். உங்கள் ராசிக்குத் தொழில் ஸ்தானாதிபதி புதன் வக்ரம் பெற்றாலும் யோகம்தான். தொழில் வளம் சிறப்பாக இருக்கும். புதிய தொழில் தொடங்குவது பற்றிய சிந்தனை செயலாகும். அரசியல் களத்தில் இருப்பவர்களுக்கு திடீரென பொறுப்புகள் மாற்றப்படலாம். வாழ்க்கைத் துணையின் உடல்நலத்தில் திடீர் தாக்குதல்களும், வைத்தியச் செலவுகளும் ஏற்படும். பெற்றோரின் உடல்நலத்திலும் பிரச்சினைகள் ஏற்படலாம். எதையும் திட்டமிட்டுச் செய்ய இயலாது. இருப்பினும் கடைசி நேரத்தில் காரியங்கள் கைகூடிவிடும். புரட்டாசி 17-ந் தேதி, துலாம் ராசிக்கு செவ்வாய் வருகிறார். உங்கள் ராசிக்கு விரயாதிபதியான செவ்வாய் லாப ஸ்தானத்திற்கு வருவதால் விரயத்திற்கேற்ற லாபம் வந்து கொண்டேயிருக்கும். எந்தக் காரியத்தைச் செய்ய வேண்டும் என்று நினைத்தாலும் பணத்தைக் கையில் வைத்துக் கொண்டு செய்ய வேண்டுமே என்று நினைக்க வேண்டாம். காரியத்தை தொடங்கிவிட்டால் பணப்புழக்கம் வந்துசேரும். அதுமட்டுமல்ல கேட்ட இடத்தில் உதவிகளும் கிடைக்கும். சொத்து விற்பனையால் லாபங்களும் உண்டு.

துலாம் - புதன் புரட்டாசி

28-ந் தேதி துலாம் ராசிக்கு புதன் வருகிறார். உங்கள் ராசிக்கு தொழில் ஸ்தானாதிபதியான புதன், லாப ஸ்தானத்திற்கு வருவது நல்ல நேரம்தான். தொழில், உத்தியோகத்தில் படிப்படியான முன்னேற்றம் ஏற்படும். வாழ்க்கைத் துணைக்கு வேலை கிடைத்து அதன் மூலம் உதிரி வருமானமும் வரலாம். பணி ஓய்வுபெற்ற பிறகும் உங்களுக்கு வேலை கிடைத்து வருமானம் வரலாம். வெளிநாட்டில் இருந்து நல்ல அழைப்புகள் வரும். சுபகாரியப் பேச்சு முடிவாகும்.பொதுவாழ்வில் உள்ளவர்களுக்கு புதிய முயற்சிகளில் வெற்றி கிடைக்கும். தொழில், வியாபாரம் செய்பவர்களுக்கு குறுக்கீடு சக்திகளை எதிர்கொள்ளும் சூழல் உருவாகும். உத்தியோகத்தில் உள்ளவர்களுக்கு சகப் பணியாளர்களை அனுசரித்துச் செல்ல வேண்டிய நேரம் இது. கலைஞர்களுக்கு புதிய ஒப்பந்தங்கள் வருவதில் தாமதம் ஏற்படும். மாணவ-மாணவிகளுக்கு மறதி அதிகரிக்கும். எனவே ஆசிரியர்களின் ஆலோசனைகளைக் கேட்டுக்கொள்வது நல்லது. பெண்களுக்கு நன்மையும், தீமையும் கலந்தே நடைபெறும். நல்ல வாய்ப்பு வந்தாலும் உபயோகப்படுத்திக் கொள்ள இயலாது. குடும்பச் சுமை அதிகரிக்கும்.

பணத்தேவையைப் பூர்த்தி செய்யும் நாட்கள்:- செப்டம்பர்:

19, 22, 25, 26, 29, 30, அக்டோபர்: 11, 12, 16, 17. மகிழ்ச்சி தரும் வண்ணம்:- பொன்னிற மஞ்சள்.

தமிழ் மாத ராசிபலன்கள்

18-08-2023 முதல் 17-09-2023 வரை

வருபவரை வரவேற்பதில் வல்லவர்களாக விளங்கும் தனுசு ராசி நேயர்களே!

ஆவணி மாத கிரக நிலைகளை ஆராய்ந்து பார்க்கும் பொழுது, மாத தொடக்கத்தில் உங்கள் ராசிநாதன் குரு உங்கள் ராசியைப் பார்க்கிறார். ஆயினும் அவர் வக்ரம் பெறும் மாதம் இது. அதே நேரத்தில் சனி வக்ர இயக்கத்தில் பின்னோக்கி வந்து, ஏழரை சனியில் பாத சனியாக செயல்படப் போகிறார். எனவே பகைக்கு மத்தியில் வாழ்க்கையும், போட்டிக்கு மத்தியில் முன்னேற்றமும் ஏற்படப்

போகிறது.

கடக - சுக்ரன் ஆவணி 1-ந் தேதி, கடக ராசிக்கு சுக்ரன் செல்கிறார். உங்கள் ராசிக்கு 6, ௧௧ ஆகிய இடங்களுக்கு அதிபதியானவர் சுக்ரன். அவர் 6-ம் இடத்திற்கு வரும்போது 'விபரீத ராஜயோக' அடிப்படையில் எதிர்பாராத விதத்தில் நல்ல காரியங்கள் நடைபெறும். பூமி யோகம் முதல் புதிய வாகனம் வாங்கும் யோகம் வரை நடைபெறும். ஆடை, ஆபரண சேர்க்கை உண்டு. அடகு வைத்த நகைகளை மீட்டுக்கொண்டு வருவீர்கள்.

பகையான உறவினர்கள் உறவாகி பாசம் காட்டுவர். உத்தியோகத்தில் திடீர் முன்னேற்றமும், சம்பள உயர்வும் கிடைத்து மகிழ்ச்சி அடைவீர்கள். கன்னி - செவ்வாய் ஆவணி 2-ந் தேதி, கன்னி ராசிக்கு செவ்வாய் செல்கிறார்.

உங்கள் ராசிக்கு பஞ்சம - விரயாதிபதியானசெவ்வாய், 10-ம் இடத்தில் சஞ்சரிக்கப் போகிறார். எனவே புதிய ஒப்பந்தங்கள் வந்து சேரும். பிள்ளைகள் வழியில் சில நல்ல தகவல்கள் கிடைக்கும். குறிப்பாக படித்து முடித்து வேலை இல்லாமல் இருக்கும் பிள்ளைகளுக்கு வேலை கிடைக்கும். பூர்வீக சொத்துகளை விற்றுவிட்டு, புதிய சொத்துகள் வாங்கும் யோகம் ஒருசிலருக்கு உண்டு. பயணங்கள் பலன் தருவதாக அமையும்.

மகர - சனி சனி பகவான் ஆவணி 7-ந் தேதி, மகர ராசிக்கு வக்ர இயக்கத்தில் செல்கிறார். உங்கள் ராசிக்கு 2-ம் இடத்திற்கு வரும் சனி, குடும்ப சனியாக சஞ்சரிக்கப் போகிறார். எனவே குடும்பத்தில் சுபகாரியங்கள் நடைபெறும். கொடுத்த வாக்கை காப்பாற்றுவீர்கள்.

பொதுவாழ்வில் இருப்பவர்களுக்குப் புதிய பொறுப்புகள் வந்துசேரும். புனிதப் பயணங்கள் அதிகரிக்கும். நீண்ட நாட்களாக நடைபெறாத ஒருசில காரியங்கள் இப்பொழுது நடைபெற்று மகிழ்ச்சியை வழங்கும். பொருளாதாரத்தில் இருந்த பற்றாக்குறை அகலும். சனி வழிபாடு நன்மைகளை வழங்கும்.

புதன் வக்ர நிவர்த்தி சிம்மத்தில் சஞ்சரிக்கும் புதன், ஆவணி 15-ந் தேதி வக்ர நிவர்த்தியாகிறார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். அவர் பாக்கிய ஸ்தானத்தில் சஞ்சரித்து வக்ர நிவர்த்தி பெறுகிறார். எனவே தொட்டது துலங்கும். தொழில் வளம் சிறக்கும். வாழ்க்கைத் துணைக்கு வேலை கிடைத்து மகிழ்ச்சி காண்பீர்கள். கல்யாணக் கனவுகள் நனவாகும். வெளிநாட்டில் இருந்து அனுகூலத் தகவல் வந்து சேரும்.

புதிய ஒப்பந்தங்கள், பொருளாதார விருத்திக்கு அஸ்திவாரத்தை அமைத்துக் கொடுக்கும். பொதுவாழ்வில் உள்ளவர்களுக்குப் பொறுப்புகள் திடீரென மாற்றப்படலாம். தொழில், வியாபாரம் செய்பவர்களுக்கு, பணியாளர்களின் தொல்லை அதிகரிக்கும். உத்தியோகத்தில் உள்ளவர்களுக்கு கூடுதல் பொறுப்புகளும், அதனால் பிரச்சினைகளும் உருவாகும். கலைஞர்கள், சகக் கலைஞர்களை அனுசரித்துச் செல்ல வேண்டிய நேரம் இது.

மாணவ- மாணவிகளுக்கு கவனச் சிதறல் ஏற்படாமல் பார்த்துக் கொள்ளுங்கள். பெண்களுக்கு மனவருத்தம் அதிகரிக்கும். மகிழ்ச்சி குறையாமல் இருக்க தெய்வ வழிபாடுகள் கைகொடுக்கும். பணிபுரியும் பெண்களுக்கு அருகில் இருப்பவர்களால் பிரச்சினை ஏற்படலாம்.

பணத்தேவையைப் பூர்த்தி செய்யும் நாட்கள்:- ஆகஸ்டு: 18, 19, 21, 22, 29, 30, செப்டம்பர்: 2, 3, 11, 14, 17.

மகிழ்ச்சி தரும் வண்ணம்:- ஆனந்தா நீலம்.

தமிழ் மாத ராசிப்பலன்

17.7.23 முதல் 17.8.23 வரை

திட்டம் போட்டுச் செயலாற்றும் தனுசு ராசி நேயர்களே!

ஆடி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் குரு உங்கள் ராசியைப் பார்க்கிறார். சகாய ஸ்தானாதிபதி சனி வக்ரம் பெற்றிருக்கிறார். பாக்கிய ஸ்தானத்தில் செவ்வாய், சுக்ரன் ஒன்று கூடி 'சுக்ர மங்கல யோக'த்தை உருவாக்குகிறார்கள். பொதுவாக குரு பகவான் ராசியைப் பார்க்கும் பொழுது, எல்லா வழிகளிலும் நன்மை கிடைக்கும். எடுத்த காரியங்கள் எல்லாம் வெற்றியாகும். நல்லது நடக்க நண்பர்கள் உதவிக்கரம் நீட்டுவர். நாட்டுப்பற்று மிக்கவர்களுக்கு நல்ல பொறுப்புகள் வந்துசேரும். கூட்டு முயற்சியில் இருந்து விலகித் தனித்து இயங்க வாய்ப்புகள் கைகூடிவரும். குடும்பத்தில் சுபகாரியப் பேச்சுக்கள் முடிவாகும்.

மேஷ - குரு சஞ்சாரம்

நவக்கிரகத்தில் சுபகிரகமான குரு பகவான் இப்பொழுது மேஷ ராசியில் சஞ்சரிக்கிறார். குரு உங்கள் ராசிக்கு அதிபதி என்பதால், அவரது பார்வை சிறப்பு வாய்ந்ததாகும். உங்கள் ராசியையும், 9, 11 ஆகிய இடங்களையும் பாா்ப்பதால், எல்லா வழிகளிலும் நன்மை கிடைக்கப் போகிறது. தேக்க நிலை மாறித் தெளிவு பிறக்கும். ஊக்கத்தோடும், உற்சாகத்தோடும் பணிபுரிவீர்கள். பார்க்கும் தொழில் எதுவாக இருந்தாலும் அதில் பணவரவு திருப்திகரமாக இருக்கும். குடும்ப ஒற்றுமை பலப்படும்.

குருவின் பார்வை 9,11 ஆகிய இடங்களில் பதிவதால் பொன், பொருள் சேர்க்கை ஏற்படும். புதிய முயற்சிகளில் வெற்றி கிடைக்கும். அன்பு நண்பர்கள் உங்கள் முன்னேற்றத்திற்கு வழிகாட்டுவர். ஆதாயம் தரும் தகவல் அதிகமாகவே கிடைக்கும். பாகப்பிரிவினைகள் சுமுகமாக முடியும். லாப ஸ்தானம் புனிதமடைவதால் தொழில் வளர்ச்சியில் இருந்த குறுக்கீடுகள் அகலும். வாடகைக் கட்டிடத்தில் நடைபெறும் தொழிலை சொந்தக் கட்டிடத்திற்கு மாற்றும் முயற்சி கைகூடும்.

சிம்ம - புதன்

ஆடி 7-ந் தேதி, சிம்ம ராசிக்குப் புதன் செல்கிறார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். எனவே படித்து முடித்து வேலையில்லாமல் இருக்கும் வாழ்க்கைத் துணைக்கு நல்ல வேலை கிடைக்கும். அதன் மூலம் உதிரி வருமானங்கள் வந்து உள்ளத்தை மகிழ்விக்கும். இடம் வாங்குவது, வாங்கிய இடத்தில் மனை கட்டத் தொடங்குவது பற்றி சிந்திப்பீர்கள். உத்தியோகத்தில் கேட்ட இடத்திற்கு மாறுதல் கிடைக்கும்.

பொதுவாழ்வில் உள்ளவர்களுக்கு மேலிடத்து ஆதரவு கிடைக்கும். தொழில், வியாபாரம் செய்பவர்களுக்குப் பணியாளர்களால் ஏற்பட்ட பிரச்சினை அகலும். உத்தியோகத்தில் உள்ளவர்கள், உடன் பணிபுரிபவர்களிடம் உங்கள் முன்னேற்றம் பற்றித் தெரிவிக்க வேண்டாம். கலைஞர்களுக்கு புதிய ஒப்பந்தங்கள் வந்துசேரும். மாணவ - மாணவிகள், ஆசிரியர்களின் ஒத்துழைப்போடு நல்ல முன்னேற்றம் காண்பர். பெண்களுக்கு குடியிருக்கும் வீட்டால் ஏற்பட்ட பிரச்சினை அகலும். சொத்துகள் வாங்கும் முயற்சி கைகூடும். கணவன் - மனைவிக்குள் பாசமும், நேசமும் அதிகரிக்கும்.

பணத்தேவையைப் பூர்த்தி செய்யும் நாட்கள்:-

ஜூலை: 21, 22, 25, 26, ஆகஸ்டு: 2, 3, 6, 7, 17.

மகிழ்ச்சி தரும் வண்ணம்:- கரும்பச்சை.

தமிழ் மாத ராசிப்பலன்

எப்போதும் எதையாவது சிந்தித்துக் கொண்டிருக்கும் தனுசு ராசி நேயர்களே!

ஆனி மாதக் கிரக நிலைகளை ஆராய்ந்து பார்க்கும்பொழுது, உங்கள் ராசிநாதன் குரு உங்கள் ராசியைப் பார்க்கிறார். சகாய ஸ்தானத்தில் சனி பகவான் உலா வருகிறார். எனவே மனப்போர் நீங்கி மகிழ்ச்சி அதிகரிக்கும். பணப்புழக்கம் திருப்தி தரும். குரு பார்வையால் குடும்பத்தில் இதுவரை நடைபெறாதிருந்த காரியம் ஒவ்வொன்றாக நடைபெறத் தொடங்கும். உத்தியோகத்தில் உயர்மட்ட அதிகாரிகள் உங்கள் திறமையைக் கண்டு ஆச்சரியப்படுவதோடு, அதற்கேற்ற விதத்தில் கூடுதல் பொறுப்புகளையும் கொடுக்கலாம்.

மிதுன - புதன்

ஆனி 3-ந் தேதி, மிதுன ராசிக்கு புதன் செல்கிறார். அது அவருக்கு சொந்த வீடாகும். உங்கள் ராசிக்கு 7-ம் இடத்திற்கு அதிபதியான புதன், அங்குள்ள சூரியனோடு சேர்ந்து 'புத ஆதித்ய யோக'த்தை உருவாக்குகிறார். எனவே நல்ல நிகழ்ச்சிகள் பலவும் இல்லத்தில் நடைபெறும். குறிப்பாக கல்யாணம், காதுகுத்து, மணிவிழா, முத்துவிழா, பவளவிழா போன்ற விழாக்கள் தாமதமின்றி நடைபெற வழிபிறக்கும். புதன் தொழில் ஸ்தானாதிபதியாகவும் விளங்குவதால் அரசு வழி ஆதரவோடு புதிய தொழில் தொடங்கும் திட்டம் நிறைவேறும்.

சிம்ம - செவ்வாய்

ஆனி 17-ந் தேதி, சிம்ம ராசிக்கு செவ்வாய் செல்கிறார். அவர் உங்கள் ராசிக்கு 5, 12 ஆகிய இடங்களுக்கு அதிபதியானவர். குரு பகவான் பார்வை செவ்வாய் மீது பதிந்து 'குரு மங்கல யோகம்' உருவாகின்றது. இக்காலத்தில் முன்னோர் சொத்துக்களில் முறையான பங்கீடு கிடைக்கும். புதிய வாகனங்கள் வாங்கும் முயற்சி கைகூடும். தொழிலில் இருந்த ஏற்ற இறக்க நிலை மாறும். வாடகைக் கட்டிடத்தில் நடைபெற்ற தொழிலை சொந்தக் கட்டிடத்திற்கு மாற்றும் முயற்சி கைகூடும்.

சிம்ம - சுக்ரன்

ஆனி 18-ந் தேதி, சிம்ம ராசிக்கு சுக்ரன் செல்கிறார். அங்குள்ள செவ்வாயோடு இணைந்து 'சுக்ர மங்கல யோக'த்தை உருவாக்குகிறார். இதன் விளைவாகப் பெண்களால் பெருமைசேரும். வெளிநாட்டில் பணிபுரிய முயற்சித்தவர்களுக்கு அழைப்பு வரலாம். குருவின் பார்வை பதிந்த செவ்வாயின் பார்வை, சனி மீது பதிவதால் பெரியளவில் பாதிப்புகள் ஏற்படாது. இருப்பினும் தொழில் சம்பந்தமாக எடுத்த புது முயற்சிகளில் தாமதங்கள் ஏற்படலாம். உழைப்பிற்கேற்ற பலன் கிடைக்காமல் போகலாம். உறவினர் வழியில் மன ஸ்தாபங்கள் ஏற்படாமல் பார்த்துக்கொள்வது நல்லது.

கடக - புதன்

ஆனி 19-ந் தேதி, கடக ராசிக்கு புதன் செல்கிறார். மறைந்த புதனால் நிறைந்த தனலாபம் கிடைக்கும். உங்கள் ராசிக்கு 7, 10-க்கு அதிபதியான புதன் 8-ல் வரும்பொழுது, வாழ்க்கைத் துணைக்கு உத்தியோகம் கிடைத்து வருமானம் வரலாம். செய்தொழிலில் நல்ல லாபம் கிடைக்கும். அரசியல் மற்றும் பொதுநலத்தில் இருப்பவர்களுக்கு கூடுதல் பொறுப்புகள் வரலாம். கடன்சுமை படிப்படியாகக் குறையும். சென்ற மாதத்தில் ஏற்பட்ட இழப்புகளை ஈடுசெய்ய எடுத்த புது முயற்சி வெற்றிதரும்.

பொதுவாழ்வில் உள்ளவர்களுக்கு எதிர்காலம் இனிமையாக அமைய எடுத்த முயற்சி வெற்றிதரும். வியாபாரம், தொழில் செய்பவர்களுக்கு புதிய துறைகளைத் தேர்ந்தெடுத்து அதில் முதலீடு செய்ய முன்வருவர். உத்தியோகத்தில் உள்ளவர்களுக்கு மேலதிகாரிகளின் ஆதரவோடு முன்னேற்றம் காண்பர். கலைஞர்களுக்கு சகக் கலைஞர்களின் மூலம் நன்மை வந்துசேரும். மாணவ- மாணவிகளுக்கு ஆசிரியர்களின் வழிகாட்டுதலின்படி படிப்பு சிறப்பாக அமையும். பெண்களுக்கு குடும்ப நலன்கருதி எடுத்த முயற்சியில் வெற்றி கிடைக்கும். தங்கள் பெயரிலேயே சொத்துகள் வாங்கும் யோகம் உண்டு. பணிபுரியும் பெண்களுக்கு பாராட்டு கிடைக்கும்.

பணத்தேவையைப் பூர்த்தி செய்யும் நாட்கள்:- ஜூன்: 23, 24, 25, 28, 29, ஜூலை: 5, 6, 10.மகிழ்ச்சி தரும் வண்ணம்:- கருநீலம்.

தமிழ் மாத ராசிப்பலன்

15.5.23 முதல் 15.6.23 வரை

இரக்க குணத்தால் பிறர் மனதில் இடம்பிடிக்கும் தனுசு ராசி நேயர்களே!

வைகாசி மாதக் கிரக நிலைகளை ஆராய்ந்து பார்க்கும்பொழுது, உங்கள் ராசிநாதன் குரு பகவான் உங்கள் ராசியைப் பார்க்கிறார். 'குரு பார்க்க கோடி நன்மை' என்பதற்கேற்ப நல்ல சந்தர்ப்பங்கள் உங்களை நாடிவரப்போகிறது. தொழில் முன்னேற்றம் உண்டு. தொலை தூரத்தில் இருந்தும், வெளிநாட்டில் இருந்தும் வரும் தகவல்கள் ஆதாயம் தருவதாக அமையும். உத்தியோகத்தில் நீங்கள் எதிர்பாராத விதத்தில் தலைமைப் பதவிகள் தேடிவரலாம். விலகிச் சென்ற சொந்தங்கள் விரும்பி வந்து சேருவர். மனவலிமையும், பணவலிமையும் பெற்றுள்ள உங்களுக்கு இம்மாதம் இனிய பலன்கள் ஏராளம் நடைபெறும்.

ராகு-கேது சஞ்சாரம்

பின்னோக்கி நகரும் கிரகமான ராகு பகவான் 5-ம் இடத்திலும், கேது பகவான் லாப ஸ்தானத்திலும் வீற்றிருக்கிறார்கள். பஞ்சம ராகுவின் பலத்தால் பூர்வீகச் சொத்துப் பிரச்சினை தலைதூக்கும். உங்களுக்கு கிடைத்த பங்கை விலைக்கு வாங்கிக் கொள்ள பலரும் காத்திருப்பர். பூர்வீக சொத்துகளை விற்றுவிட்டுப் புதிய சொத்துகளை வாங்குவீர்கள். பிள்ளைகள் வழியில் சுபகாரியம் நடைபெறும். ஆதாயம் இல்லாத அலைச்சல் ஏற்படலாம். வெளிநாடு செல்லும் வாய்ப்பில் தடைகள் உருவாகும். ஆரோக்கியத் தொல்லை அதிகரிக்கும். என்றாலும் குரு பார்வை இருப்பதால் அவ்வப்போது உடல்நலம் சீராக வழி வகுத்துக்கொள்வீர்கள். மாற்று மருத்துவத்தால் உடல்நலம் சீராகும்.

கடக - சுக்ரன்

வைகாசி 16-ந் தேதி கடக ராசிக்கு சுக்ரன் செல்கிறார். அங்குள்ள நீச்சம்பெற்ற செவ்வாயோடு இணைந்து 'சுக்ர மங்கள யோக'த்தை உருவாக்குகிறார். உங்கள் ராசிநாதன் குருவிற்கு, சுக்ரன் பகைக்கிரகம் ஆவார். 6-க்கு அதிபதியான சுக்ரன் 12-க்கு அதிபதியான செவ்வாயோடு இணைவதால் மறைமுக எதிர்ப்புகள் மாறும். மகத்தான காரியங்கள் மகிழ்ச்சி தரும் வகையில் நடைபெறும். அதிகார வர்க்கத்தினரின் ஆதரவோடு வழக்குகள், பஞ்சாயத்துகள் சாதகமாக அமையும். பொதுவாழ்வில் இருப்பவர்களுக்கு மனக்குழப்பத்தை ஏற்படுத்திய பிரச்சினை நல்ல முடிவிற்கு வரும். உத்தியோகத்தில் உள்ளவர்களுக்கு திறமைக்குரிய அங்கீகாரம் கிடைக்கும். தொழிலில் வாடிக்கையாளர்களின் ஆதரவு திருப்தி தரும். எதிர்பார்த்த லாபம் எளிதில் கிடைக்கும்.

ரிஷப - புதன்

வைகாசி 18-ந் தேதி ரிஷப ராசிக்கு புதன் செல்கிறார். உங்கள் ராசிக்கு 7, 10-க்கு அதிபதியான புதன், சூரியனோடு இணைந்து 'புத ஆதித்ய யோக'த்தை உருவாக்குகிறார். அதோடு 'தர்ம கர்மாதிபதி யோக'மும் செயல்படுவதால், தொட்ட காரியங்களில் எல்லாம் வெற்றி கிடைக்கும். தொழில் வளம் சிறப்பாக அமையும். அரசியல் களத்தில் உள்ளவர்களுக்கு அற்புதமான நேரம் இது. மக்கள் செல்வாக்கு அதிகரிக்கும். கூடுதல் பொறுப்புகளும், பதவிகளும் கிடைக்கலாம். ஆரோக்கியம் சீராகும். உற்சாகத்தோடு பணிபுரிவீர்கள். காரியங்களை உடனடியாக செய்து முடிக்கும் ஆற்றல் பிறக்கும். நல்லவர்களின் தொடர்பால் நலம் காண்பீர்கள்.

பொதுவாழ்வில் உள்ளவர்களுக்குப் புகழ் கூடும். புதிய பொறுப்புகள் வந்து சேரும். தொழில் செய்பவர்களுக்கு எதிர்பார்த்ததைக் காட்டிலும் கூடுதல் லாபம் கிடைக்கும். உத்தியோகத்தில் உள்ளவர்களுக்கு இடையூறாக இருந்த மேலதிகாரிகள் விலகிச் செல்வர். கலைஞர்களுக்கு யோகமான நேரம் இது. பெண்களுக்கு குடும்பத்தில் மங்கல ஓசை கேட்க வழிபிறக்கும். கணவன் - மனைவிக்குள் அன்னியோன்யம் அதிகரிக்கும். உங்கள் பெயரிலேயே சொத்துக்கள் வாங்கும் யோகம் உண்டு. பணிபுரியும் பெண்களுக்கு இலாகா மாற்றம் வரலாம்.

பணத்தேவையைப் பூர்த்தி செய்யும் நாட்கள்:- மே: 16, 17, 27, 28, 31, ஜூன்: 1, 8, 9, 12, 13.மகிழ்ச்சி தரும் வண்ணம்:- கிளிப்பச்சை.

தமிழ் மாத ராசிப்பலன்

14.4.2023 முதல் 14.5.2023

மற்றவர்களின் நம்பிக்கைக்கு பாத்திரமாக விளங்கும் தனுசு ராசி நேயர்களே!

சித்திரை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு சுக ஸ்தானத்தில் பலம் பெற்றுச் சஞ்சரிக்கின்றார். ஏழரைச் சனி விலகி விட்டது. இனி உங்களுக்கு யோகம்தான். படிப்படியாக நல்ல பலன்கள் உங்களைத் தேடி வரப்போகின்றது. இதுவரை எவ்வளவு முயற்சித்தும் நடைபெறாத காரியங்கள் இப்பொழுது துரிதமாக நடைபெறும். முக்கியப் புள்ளிகள் உங்கள் முன்னேற்றத்திற்கு வழிவகுத்துக் கொடுப்பர். சிக்கல்களும், சிரமங்களும் அகலும். பொதுவாழ்வில் இருப்பவர்களுக்கு பொறுப்புகளும், பதவிகளும் கிடைக்கும். குருப்பெயர்ச்சிக்குப் பின்னால் அதிகளவு நன்மை கிடைக்கப்போகின்றது. வாய்ப்புகள் தேடிவரும். வாயுதாக்கள் ஓயும். உழைப்பிற்கேற்ற பலன் கிடைக்கும்.

சனியின் சஞ்சாரம்

மாதத் தொடக்கத்தில் சனி பகவான் உங்கள் ராசிக்கு 3-ம் இடத்தில் சஞ்சரிக்கின்றார். இப்பொழுது ஏழரைச்சனி விலகிவிட்டது. தற்சமயம் ஒருசில மாதங்கள் மட்டுமே கும்பத்தில் சனி இருந்தாலும், அது நற்பலன்களை வழங்கும். கடந்த காலத்தில் இருந்த வம்பு, வழக்குகள் எல்லாம் முடிவுக்கு வரும். நல்ல காரியங்கள் இல்லத்தில் ஒவ்வொன்றாக நடைபெறும். சமூகத்தில் மதிப்பும், மரியாதையும் உயரும். திட்டமிட்ட காரியங்களைத் திட்டமிட்டபடியே செய்து முடிப்பீர்கள். தெய்வ வழிபாடுகள் திருப்தியான வாழ்க்கையை அமைத்துக் கொடுக்கும். பொருளாதாரத்தில் நிறைவு ஏற்படும் நேரம் இது. புதிய ஒப்பந்தங்கள் அடுக்கடுக்காக வந்துசேரும். ஏழரைச்சனி விலகிய இந்த நேரத்தில் வாழ்வை வளமாக்கிக் கொள்ள வழிபிறக்கும்.

மேஷ - குரு

சித்திரை 9-ந் தேதி மேஷ ராசிக்கு குரு வருகின்றார். உங்கள் ராசிக்கு 5-ம் இடத்திற்கு வரும் குருவின் பார்வை உங்கள் ராசியில் பதிகின்றது. மேலும் 9, 11 ஆகிய ஸ்தானங்களிலும் பதிகின்றது. எனவே ஆரோக்கியம் சிறப்பாக அமையும். அதிக உற்சாகத்தோடு செயல்படுவீர்கள். புதிய பொறுப்புகளும், பதவிகளும் வந்து சேரும். பெரிய மனிதர்களின் ஆதரவோடு பிரச்சினைகளில் இருந்து விடுபடுவீர்கள். உறவினர்கள் உங்கள் முன்னேற்றம் கண்டு ஆச்சரியப்படுவர். உயர்ந்து வரும் பொருளாதாரம் மனதை மகிழ்விக்கும். மங்களகரமான சுபநிகழ்வுகள் இல்லத்தில் ஒன்றன்பின் ஒன்றாக நடைபெறப் போகின்றது. முன்னோர் வழி சொத்துக்களில் முறையான பங்கீடுகளும் கிடைக்கும். உத்தியோகத்தில் உள்ளவர்களுக்கு பதவி உயர்வும் கிடைக்கும். விரும்பிய இடத்திற்கு மாறுதல்களும் உண்டு.

மிதுன - சுக்ரன்

சித்திரை 20-ந் தேதி மிதுன ராசிக்கு சுக்ரன் வருகின்றார். உங்கள் ராசிக்கு 6, 11 ஆகிய இடங்களுக்கு அதிபதியானவர் சுக்ரன். உங்கள் ராசிநாதன் குருவிற்கு பகைக் கிரகமாகவும் விளங்குபவர் சுக்ரன். அவர் சப்தம ஸ்தானத்தில் இருந்து ராசியைப் பார்ப்பது அவ்வளவு நல்லதல்ல. திடீர் தாக்கங்களும், வளர்ச்சிக்கு இடையூறுகளும் வரலாம். நாணயப் பாதிப்புகள் ஏற்படாமல் பார்த்துக் கொள்ளுங்கள். எதையும் திட்டமிட்டுச் செய்ய இயலாது. ஒரு கடனை அடைக்க மற்றொரு கடன் வாங்கும் சூழ்நிலை கூட உருவாகலாம். குடும்பத்தில் பழைய பிரச்சினைகள் மீண்டும் தலைதூக்கும். அதிக விலைக்கு வாங்கிய பொருளைக் குறைந்த விலைக்கு விற்க நேரிடும்.

இம்மாதம் ஆதியந்தப் பிரபு வழிபாடு ஆனந்தம் வழங்கும்.

பணத்தேவையைப் பூர்த்தி செய்யும் நாட்கள்:- ஏப்ரல்: 15, 18, 19, 30, மே: 1, 5, 6, 12, 13.மகிழ்ச்சி தரும் வண்ணம்:- பொன்னிற மஞ்சள்.