search icon
என் மலர்tooltip icon

    தனுசு - தமிழ் மாத ஜோதிடம்

    தனுசு

    தமிழ் மாத ராசிப்பலன்

    15.3.2023 முதல் 13.4.23 வரை

    எதையும் திட்டமிட்டுச் செய்து வெற்றிபெறும் தனுசு ராசி நேயர்களே!

    பங்குனி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு, சூரியன் மற்றும் புதனுடன் இணைந்து சுக ஸ்தானத்தில் சஞ்சரிப்பதால் குடும்ப முன்னேற்றம் திருப்தி தரும். தொழிலில் கூடுதல் வளர்ச்சி ஏற்படும். கடுமையாக உழைத்தும் பலன் கிடைக்கவில்லையே என்று கவலைப்பட்டவர்கள், இப்பொழுது மகிழ்ச்சிக் கடலில் மிதக்கப் போகிறார்கள். கூர்ந்த மதி கொண்டு குறிக்கோளை அடையும் உங்களுக்கு, தீர்த்த யாத்திரைகளிலும், தெய்வ தரிசனங்களிலும் கவனத்தைச் செலுத்த வாய்ப்பு உருவாகும்.

    இம்மாதம் சப்தம ஸ்தானத்தில் சஞ்சரிக்கும் செவ்வாய், தன ஸ்தானத்தில் சஞ்சரிக்கும் சனியைப் பார்ப்பதால், பங்குனி 14-ந் ேததி வரை 2-ம் இடம் வலுவிழக்கின்றது. எனவே கொடுத்த வாக்கைக் காப்பாற்ற பெரும் முயற்சி எடுக்கும் சூழ்நிலை உருவாகும். குடும்ப ரகசியங்களை மூன்றாம் நபரிடம் சொல்வதன் மூலம், அமைதி குறையலாம். பிள்ளைகளின் எதிர்பார்ப்பு கள் அதிகரிக்கும். செய்தொழிலில் வரும் லாபம் ஏட்டில் இடம் பெற்றிருக்கும். ஆனால் எளிதில் கைக்கு கிடைக்குமா என்பது சந்தேகம்தான்.

    மேஷ - புதன்

    பங்குனி 15-ந் தேதி உங்கள் ராசிக்கு 7, 19 ஆகிய இடங்களுக்கு அதிபதியான புதன், பூர்வ புண்ணிய ஸ்தானத்திற்கு செல்கிறார். இக்காலம் ஒரு பொற்காலமாகும். இல்லற வாழ்க்கை இனிதாக நடைபெறும். வாசல் தேடி வந்த வரன்கள் வந்த வழியே திரும்பாமல் நல்லபடியாக முடியும் விதத்தில் நம்பிக்கை அளிக்கும். தொழில் மற்றும் உத்தியோகத்தில் இருந்த தொல்லைகள் அகலும். வழிகாட்டும் நல்லவர்கள் மூலம் வருமானம் குவியும். சிந்தனைகளைச் செயல்படுத்தி சிறப்பான வாழ்வை அமைத்துக்கொள்வீர்கள். பிள்ளைகளின் மேற்படிப்பு மற்றும் கல்யாணக் கனவுகளை நனவாக்க நல்லவிதமாக எடுத்த முயற்சி கைகூடும்.

    ரிஷப - சுக்ரன்

    பங்குனி 24-ந் தேதி ரிஷப ராசிக்கு சுக்ரன் செல்கிறார். உங்கள் ராசிக்கு 6, 11 ஆகிய இடங்களுக்கு அதிபதி சுக்ரன் ஆவார். சுக்ர பலம் நன்றாக இருந்தால் அக்கறை செலுத்தாத காரியங்களில் கூட ஆதாயம் கிடைக்கும் என்பார்கள். அந்த அடிப்படையில் எடுத்த காரியங்கள் கச்சிதமாய் முடியும். பொய் வைத்த நெஞ்சினரை புரிந்துகொண்டு செயல்படுவீர்கள். துன்பங்கள் தூளாகும். விரும்பிய வேலை கிடைக்கும். தொழில் புரிய நினைப்பவர்களுக்கு பங்குதாரர்கள் வந்திணைந்து பக்குவமாகச் செயல்படுவர்.

    பொதுவாழ்வில் உள்ளவர்களுக்கு புகழ்கொடி பறக்கும் நேரம் இது. மக்கள் மனதில் மகத்தான இடம்பிடிப்பீர்கள். வியாபாரம், தொழிலில் உள்ளவர்கள் அரசாங்க அனுகூலத்தோடு ஆதாயம் பெறுவர். கலைஞர்களுக்கு உழைப்பிற்கேற்ற பலன் உண்டு. மாணவ - மாணவி களுக்கு கல்வி மேம்பாடு அதிகரிக்கும். கச்சிதமாகப் படித்து பிறர் மெச்சும் அளவிற்கு உயர்வர். பெண்களுக்கு மணமாலை சூடும் வாய்ப்பு உருவாகும். மழலை இல்லாத தம்பதியர்களுக்கு, அதற்காக எடுத்த மருத்துவம் கைகொடுக்கும். உறவினர் பகை மாறும். உதிரி வருமானம் வந்து சேரும்.

    இம்மாதம் நவக்கிரக வழிபாடு நன்மையை வழங்கும்.

    பணத்தேவையைப் பூர்த்தி செய்யும் நாட்கள்:-

    மார்ச்: 18, 19, 22, 23, ஏப்ரல்: 2, 3, 4, 7, 8.

    மகிழ்ச்சி தரும் வண்ணம்:- கருநீலம்.

    தனுசு

    தமிழ் மாத ராசிப்பலன்

    13.2.2023 முதல் 14.3.2023 வரை

    எதிலும் உண்மையை அறிந்து ெசயல்படும் தனுசு ராசி நேயர்களே!

    மாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு சுக ஸ்தானத்தில் பலம்பெற்றுச் சஞ்சரிக்கிறார். உங்கள் ராசியைக் கேது பார்க்கிறார். தொழில் ஸ்தானாதிபதி புதன், சனியோடு தன ஸ்தானத்தில் கூடியிருக்கிறார். எனவே தொழில் முன்னேற்றம் உண்டு. உங்கள் ராசிநாதன் குருவின் பார்வை, உங்கள் ராசிக்கு 8, 10, 12 ஆகிய இடங்களில் பதிவாகின்றது. எனவே சென்ற மாதத்தில் ஏற்பட்ட இழப்புகளை ஈடுசெய்ய புதிய வாய்ப்புகள் வந்துசேரும். ஏழரைச் சனியில் பாதச் சனியின் ஆதிக்கம் நடக்கிறது. எனவே பொருளாதார நிலை உயரும்.

    உச்ச சுக்ரன் சஞ்சாரம்

    மாசி 4-ந் தேதி மீன ராசிக்குச் செல்லும் சுக்ரனுக்கு, அது உச்ச வீடாகும். உங்கள் ராசிக்கு 6, 11-க்கு அதிபதியான சுக்ரன், உச்சம் பெற்று குருவோடு இணையும் போது எதிர்பார்த்த இனிய மாற்றங்கள் வரலாம். குறிப்பாக மேலதிகாரிகள் உங்கள் கருத்துக்களுக்கு ஆதரவு தருவர். உத்தியோகத்தில் கூடுதல் சம்பளம் தருவதாக சொல்லி, வெளிமாநிலங்களில் இருந்து அழைப்புகள் வரலாம். அதை உங்கள் வசதியைக் கருத்தில் கொண்டு பயன்படுத்திக்கொள்வது நல்லது.

    கும்ப - புதன் சஞ்சாரம்

    மாசி 9-ந் தேதி, கும்ப ராசிக்கு புதன் செல்கிறார். உங்கள் ராசிக்கு 7, 10 ஆகிய இடங்களுக்கு அதிபதியான புதன், சகாய ஸ்தானத்தில் சஞ்சரிக்கும் போது திருமண முயற்சிகள் கைகூடும். கடமையைச் செவ்வனே செய்வீர்கள். புதிய ஒப்பந்தங்கள் அடுக்கடுக்காக வந்துசேரும். தொழிலில் பங்குதாரர்களால் ஏற்பட்ட தொல்லை அகலும். மாமன், மைத்துனர் வழியில் ஒத்துழைப்பு கிடைக்கும். வெளிநாட்டு வணிகம் லாபம் தரும்.

    மீன - புதன் சஞ்சாரம்

    மாசி 25-ந் தேதி மீன ராசிக்குச் செல்லும் புதன், அங்கு நீச்சம் பெறுகிறார். உங்கள் ராசிக்கு சப்தமாதிபதி நீச்சம் பெறும் பொழுது, வாழ்க்கைத் துணையின் உடல்நலத்தில் கவனம் தேவை. மருத்துவச் செலவுகள் கூடும். தொழில் மந்த நிலையில் இருக்கும். உதவி செய்வதாகச் சொன்னவர்கள் கடைசி நேரத்தில் கையை விரிக்கலாம். உத்தியோகத்தில் உயர் அதிகாரிகள் உங்கள் கருத்துக்களை ஏற்றுக்கொள்ள மறுப்பர். வேறு வேலைக்குச் செல்லலாமா? என்று சிந்திப்பீர்கள்.

    மேஷ - சுக்ரன் சஞ்சாரம்

    மாசி 29-ந் தேதி, மேஷ ராசிக்கு சுக்ரன் செல்கிறார். உங்கள் ராசிக்கு 6-ம் இடத்திற்கு அதிபதி, 5-ம் இடத்தில் சஞ்சரிக்கும் போது, பிள்ளைகளின் வேலைக்காக எடுத்த முயற்சி பலன் தரும். பூர்வீக சொத்துத் தகராறுகள் அகலும். பஞ்சாயத்துகள் சாதகமாக முடியும். உடன் பிறந்தவர்கள் உங்கள் முன்னேற்றத்திற்கு உறுதுணையாக இருப்பர். பொதுவாழ்வில் இருப்பவர்கள் இழந்த பதவியை மீண்டும் பெறுவர்.

    மிதுன - செவ்வாய் சஞ்சாரம்

    மார்ச் 30-ந் தேதி, மிதுன ராசிக்குச் செவ்வாய் செல்கிறார். அங்கிருந்து மகரத்தில் உள்ள சனியைப் பார்க்கப் போவதால் மிகவும் கவனத்துடன் செயல்பட வேண்டும். கொடுத்த வாக்கை காப்பாற்ற இயலாது. குடும்பச் சுமை கூடும். மற்றவர்களுக்காக நீங்கள் நன்மை செய்தாலும் அது தீமையாகத் தெரியும். உத்தியோகத்தில் திடீர் மாற்றங்கள் வரலாம்.

    இம்மாதம் பைரவர் வழிபாடு வளர்ச்சியைக் கூட்டும்.

    பணத்தேவையைப் பூர்த்தி செய்யும் நாட்கள்:-

    பிப்ரவரி: 19, 20, மார்ச்: 6, 7, 11, 12.

    மகிழ்ச்சி தரும் வண்ணம்:- பிரவுன்.

    தனுசு

    தமிழ் மாத ராசிப்பலன்

    16.12.22 முதல் 14.1.23 வரை

    சந்தர்ப்பங்களை உபயோகப்படுத்திக் கொண்டு சாதிக்கும் தனுசு ராசி நேயர்களே!

    மார்கழி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு சுக ஸ்தானத்தில் பலம் பெற்றிருக்கிறார். தனாதிபதியான சனி தன ஸ்தானத்தில் வலிமையுடன் இருக்கிறார். எனவே இந்த மாதம் இனிய மாதமாக அமையும்.

    புதன் வக்ர இயக்கம்

    உங்கள் ராசிக்கு 7, 10 ஆகிய இடங்களுக்கு அதிபதியான புதன், மார்கழி 3-ந் தேதி உங்கள் ராசியிலேயே வக்ரம் பெற்று சஞ்சரிக்கிறார். களத்திர ஸ்தானம் மற்றும் தொழில் ஸ்தானத்திற்கு அதிபதியான புதன் வக்ரம் பெறுவது அவ்வளவு நல்லதல்ல. வாழ்க்கைத் துணை வழியேயும், வாரிசுகளாலும் பிரச்சினைகள் உருவாகும். தீர்க்கமான முடிவெடுக்க முடியாமல் திணறுவீர்கள். திடீர் திருப்பங்கள் பலவும் வந்து சேரும். வாசல் தேடி வந்த வரன்கள் திரும்பிச் செல்லலாம். வழிபாட்டில் கூட கவனச் சிதறல் அதிகரிக்கும். தொழிலில் நண்பர்களை நம்பி ஏமாறும் சூழ்நிலை உண்டு.

    மகர - சுக்ரன் சஞ்சாரம்

    உங்கள் ராசிக்கு 6, 11 ஆகிய இடங்களுக்கு அதிபதியான சுக்ரன், மார்கழி 15-ந் தேதி மகர ராசிக்கு செல்கிறார். 11-க்கு அதிபதி 2-ல் வரும் இந்த நேரம் பெரியளவில் பொருளாதார வளர்ச்சி ஏற்படும். உங்கள் தொழில் வெற்றிநடை போடும். புதிய ஒப்பந்தங்கள் அடுக்கடுக்காக வந்து சேரும். 6-க்கு அதிபதியாகவும் சுக்ரன் விளங்குவதால், பெயரளவில் விரயங்களும் ஏற்படும். அதை சுபவிரயங்களாக மாற்றிக்கொள்வது நல்லது. பணிபுரிபவர்களுக்கு சம்பள உயர்வு, பதவி உயர்வு காரணமாக குடும்பத்தை விட்டு பிரிந்து சென்று, நீண்ட தூரங்களில் பணிபுரிய வேண்டியதிருக்கும். வெளிநாட்டு முயற்சி அனுகூலம் தரும். இளைய சகோதரத்தோடு இணக்கம் ஏற்படும். தொழில் வணிகம் சார்ந்த முயற்சிகளுக்கு மாற்று இனத்தவர் உறுதுணையாக இருப்பர்.

    புதன் வக்ர நிவர்த்தி

    மார்கழி 24-ந் தேதி, தனுசு ராசியில் சஞ்சரிக்கும் புதன் வக்ர நிவர்த்தியாவதால் நன்மைகள் உண்டாகும். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். களத்திர ஸ்தானம் மற்றும் தொழில் ஸ்தானத்திற்கு அதிபதியான புதன் பலம்பெறும் பொழுது தொழில் வெற்றி நடைபோடும். லாபம் எதிர்பார்த்தபடி கிடைக்கும். உத்தியோகத்தில் உயர்வு தானாக வந்து சேரும். 7-ம் இடத்திற்கு அதிபதியாகவும் புதன் இருப்பதால் இல்லத்தில் மங்கல ஓசை கேட்பதற்கான வாய்ப்பு கைகூடிவரும். 'இதுவரை வந்த வரன்கள் ஒன்றும் பொருத்தமாக இல்லையே' என்று அங்கலாய்த்துக் கொண்டிருந்தவர்கள், நல்ல தகவல் கிடைத்து மகிழ்ச்சியடையப் போகிறார்கள். விலகிச் சென்ற சொந்தங்கள் விரும்பி வந்திணைவர்.

    செவ்வாய் வக்ர நிவர்த்தி

    மார்கழி 29-ந் தேதி, ரிஷபத்தில் சஞ்சரிக்கும் செவ்வாய் வக்ர நிவர்த்தியாகிறார். உங்கள் ராசிக்கு 5, 12 ஆகிய இடங்களுக்கு அதிபதியானவர் செவ்வாய். பூர்வ புண்ணிய ஸ்தானாதிபதி வக்ர நிவர்த்தியாவது யோகம்தான். அண்ணன் - தம்பிகளுக்குள் ஏற்பட்ட கருத்து வேறுபாடுகள் மாறும். எண்ணியபடியே பாகப்பிரிவினைகள் சிறப்பாக நடைபெறும். பிள்ளைகளின் கல்வி மற்றும் கல்யாணம் சம்பந்தமாக எடுத்த முயற்சி கைகூடும். பங்காளிப் பகை மாறும்.

    12-க்கு அதிபதியாகவும் செவ்வாய் விளங்குவதால் விரயங்கள் ஏற்படத்தான் செய்யும். என்றாலும் சுபவிரயமாகவே இருக்கும். குடும்ப முன்னேற்றம் கருதி செலவிடுவீர்கள். குடியிருக்கும் வீட்டை விலைக்கு வாங்குவது அல்லது பிள்ளைகளின் கல்யாண முயற்சியில் சீர்வரிசைப் பொருட்கள் வாங்குவது போன்றவற்றில் கவனம் செலுத்துவீர்கள். உத்தியோகத்தில் திடீர் மாற்றங்கள் ஏற்படும்.

    இம்மாதம் ஞாயிற்றுக்கிழமை தோறும் சூரிய வழிபாட்டை மேற்கொள்வது நல்லது.

    பணத்தேவையைப் பூர்த்தி செய்யும் நாட்கள்:- டிசம்பர்: 18, 19, 26, 27, 30, 31, ஜனவரி: 11, 12. மகிழ்ச்சி தரும் வண்ணம்:- கரும்பச்சை.

    தனுசு

    இந்த வார ராசிப்பலன்

    17.11.21 முதல் 15.12.21 வரை

    சவாலான காரியங்களைக் கூட சாதாரணமாக முடித்துக் காட்டும் தனுசு ராசி நேயர்களே!

    கார்த்திகை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் குரு சகாய ஸ்தானத்தில் சஞ்சரிக்கின்றார். ஏழரைச் சனியில் குடும்பச் சனியின் ஆதிக்கம் நடைபெறுகின்றது. எனவே குடும்பச்சுமை கொஞ்சம் கூடுதலாக இருக்கும். 6-க்கு அதிபதி சுக்ரனும் உங்கள் ராசியிலேயே சஞ்சரிப்பதால் பணிபுரியும் இடத்தில் சில பிரச்சினை களைச் சந்திக்க நேரிடும்.

    செவ்வாய்-சனி பார்வைக் காலம்

    மாதத் தொடக்கத்தில் இருந்து கார்த்திகை 20-ந் தேதி வரை செவ்வாய்-சனியின் பார்வை இருக்கின்றது. மகரத்தில் உள்ள சனியை துலாத்தில் உள்ள செவ்வாய் பார்க்கின்றது. செவ்வாய் மகரத்திலுள்ள சனியைப் பார்க்கின்றார். எனவே எதையும் ஒருமுறைக்குப் பலமுறை யோசித்துச் செய்வது நல்லது. ஒருசிலர் வீண் பழிகளுக்கு ஆளாக நேரிடலாம். குடும்பத்தில் ஒற்றுமை குறைவு உண்டாகலாம். பிள்ளைகளை நெறிப்படுத்த வேண்டிய நேரமிது.

    விருச்சிக புதனின் சஞ்சாரம்

    கார்த்திகை முதல் நாளே விருச்சிக ராசிக்குப் புதன் வருகின்றார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். அவர் விரய ஸ்தானத்திற்கு வரும்பொழுது தொழில் மாற்றங்கள் ஏற்படலாம். குடும்பத்தில் நிம்மதி குறைவாகவே இருக்கும். பெற்றோர்களின் உடல் நலத்தில் கவனம் தேவை. உத்தியோகத்தில் உள்ளவர்களுக்கு உடன் பணிபுரிபவர்களால் பிரச்சினைகள் ஏற்படும். வாழ்க்கைத் துணை வழியே உத்தியோகம் சம்பந்தமாக எடுத்த முயற்சி கைகூடும்.

    தனுசு புதனின் சஞ்சாரம்

    கார்த்திகை 18-ந் தேதி தனுசு ராசிக்கு புதன் செல்கின்றார். அங்குள்ள சுக்ரனோடு சேர்ந்து புத-சுக்ர யோகத்தை உருவாக்குகின்றார். உங்கள் ராசியிலேயே சஞ்சரிக்கும் புதனால் சில நன்மைகளும் உங்களுக்கு கிடைக்கும். தொழிலில் புதிய ஒப்பந்தங்கள் வந்து சேரும். எதிரிகள் விலகுவர். பங்கு வர்த்தகத்தில் ஈடுபட்டிருப்பவர்களுக்கு எதிர்பார்த்த நன்மைகள் கிடைக்கும். வாடகைக்கு கட்டிய கட்டிடங்கள் இப்பொழுது செயல்படத் தொடங்கி உதிரி வருமானங்களைக் கொடுக்கும். ஆரோக்கியத் தொல்லைகள் அகலும்.

    மகர சுக்ரனின் சஞ்சாரம்

    கார்த்திகை 19-ந் தேதி மகர ராசிக்குச் சுக்ரன் செல்கின்றார். உங்கள் ராசிநாதன் குருவிற்கு சுக்ரன் பகை கிரகமாவார். மேலும் எதிரிகள் ஸ்தானத்திற்கும் அதிபதியானவர். எனவே பகை அதிகரிக்கும். ஊர் மாற்றங்களும், வீடு மாற்றங்களும் ஒருசிலருக்கு வந்து சேரும். பிறரிடம் கொடுத்த பெரும் தொகை திரும்ப வராமல் போராடும் நிலையையே உருவாக்கும். பணிபுரியும் இடத்தில் ஒருசிலருக்கு வேலையில் நெருக்கடி ஏற்படலாம்.

    விருச்சிக செவ்வாயின் சஞ்சாரம்

    கார்த்திகை 20-ந் தேதி விருச்சிக ராசிக்கு செவ்வாய் செல்கின்றார். உங்கள் ராசிக்கு விரயாதிபதி விரய ஸ்தானத்தில் வரும் இந்த நேரம் மிகமிக விழிப்புணர்ச்சியோடு செயல்பட வேண்டும். வரவைக் காட்டிலும் செலவு கூடும். குடும்பத்தில் உள்ளவர்களின் அதிருப்திக்கு ஆளாக நேரிடும். தொழில் போட்டிகள் அதிகரிக்கும். வராஹி வழிபாடு வளர்ச்சியைக் கூட்டும்.

    பணத்தேவையைப் பூர்த்தி செய்யும் நாட்கள்:- நவம்பர்: 27, 28, டிசம்பர்: 1, 2, 8, 9, 12, 13 மகிழ்ச்சி தரும் வண்ணம்:- மஞ்சள்.

    தனுசு

    தமிழ் மாத ராசிப்பலன்

    பிறருக்கு உதவ வேண்டுமென்று எண்ணும் தனுசு ராசி நேயர்களே!

    ஐப்பசி மாதக் கிரக நிலைகளை ஆராய்ந்து பார்க்கும் பொழுது, தனாதிபதி சனி வக்ர நிவர்த்தியானதாலும், லாப ஸ்தானம் பலம் பெறுவதாலும் பொருளாதாரப் பற்றாக்குறை அகலும். புதிய முயற்சிகளில் வெற்றி கிடைக்கும்.

    துலாம் - சுக்ரன் சஞ்சாரம்

    உங்கள் ராசிக்கு 6, 11 ஆகிய இடங்களுக்கு அதிபதியான சுக்ரன், ஐப்பசி 2-ந் தேதி துலாம் ராசிக்கு செல்கிறார். லாபாதிபதி சுக்ரன் லாப ஸ்தானத்தில் சஞ்சரித்தாலும் உங்கள் ராசிநாதன் குருவிற்கு சுக்ரன் பகை கிரகம் என்பதால், லாபம் அனைத்தும் விரயமாகும் சூழல் உருவாகும். எனவே பணத்தை சேமிக்க இயலாது. அதே நேரத்தில் ஜீவன ஸ்தானத்திற்கு சுக்ரன் அதிபதியாக விளங்குவதால், 'பலநாட்கள் வேலை பார்த்தும் பணி நிரந்தரமாகவில்லையே' என்று கவலைப்பட்டவர்களுக்கு, இப்பொழுது அனுகூலத் தகவல் வந்துசேரும். அதோடு சம்பள உயர்வும் கிடைக்கலாம்.

    துலாம் - புதன் சஞ்சாரம்

    உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். அவர் லாப ஸ்தானத்திற்கு வரும்போது, லாபம் திருப்திகரமாக இருக்கும். தொட்டது துலங்கும். உங்களின் தொழில் முன்னேற்றத்திற்கு, உடன் இருப்பவர்களும், அதிகாரப் பதவியில் உள்ளவர்களும் உதவிகரமாக இருப்பார்கள். ஆடை, ஆபரண சேர்க்கை உண்டு. வெளிநாட்டில் உள்ள பிரபல நிறுவனங்களில் இருந்து அழைப்புகள் வரலாம்.

    மிதுன - செவ்வாய் வக்ரம்

    ஐப்பசி 18-ந் தேதி, மிதுனத்தில் சஞ்சரிக்கும் செவ்வாய் வக்ரம் பெறுகிறார். அதுமட்டுமின்றி செவ்வாயின் பார்வை மகரத்தில் உள்ள சனி மீது பதிகிறது. எனவே மிகுந்த கவனத்தோடு இருக்க வேண்டிய நேரம் இது. எதிர்மறை சிந்தனைகள் அதிகரிக்கும். கொடுத்த வாக்கைக் காப்பாற்ற இயலாது. கொள்கைப் பிடிப்புடன் செயல்படவும் முடியாது. பெரிய பொறுப்புகளில் இருந்து திடீரென மாறுதல் கிடைக்கலாம். அனுபவஸ்தர்கள் மற்றும் அருளாளர்களின் ஆலோசனை கேட்டு செயல்படுவதன் மூலம் இனிமையான வாழ்வை அமைத்துக்கொள்ள இயலும்.

    விருச்சிக - புதன் சஞ்சாரம்

    ஐப்பசி 23-ந் தேதி, விருச்சிக ராசிக்குப் புதன் செல்கிறார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். கேந்திராதிபத்ய தோஷம் பெற்ற கிரகம் மறைவிடத்தில் சஞ்சரிக்கும் பொழுது யோகம் செய்யும். அந்த அடிப்படையில் 12-ல் புதன் வரும்பொழுது பயணங்கள் அதிகரிக்கும். இடமாற்றம், ஊர்மாற்றம், வீடுமாற்றம் உருவாகலாம். பிள்ளைகளுக்காக ஏற்பாடு செய்த சுபகாரியங்கள் நல்ல முடிவிற்கு வரும்.

    விருச்சிக - சுக்ரன் சஞ்சாரம்

    ஐப்பசி 26-ந் தேதி, விருச்சிக ராசிக்கு சுக்ரன் செல்கிறார். உங்கள் ராசிக்கு 6, 11 ஆகிய இடங்களுக்கு அதிபதியான சுக்ரன், விரய ஸ்தானத்தில் சஞ்சரிக்கும் பொழுது விரயங்கள் அதிகரிக்கும். கடன் சுமை காரணமாக இடம், பூமியை விற்க நேரிடலாம். உத்தியோகத்தில் நீண்ட தூரத்திற்கு மாறுதல்கள் ஏற்படும். மாமன், மைத்துனர் வழியில் ஏற்பட்ட மனக்கசப்பு நீடிக்கும். சேமிப்பு கரைகின்ற இந்த நேரத்தில் சுபவிரயங்களை மேற்கொள்வது நல்லது.

    குரு வக்ர நிவர்த்தி

    உங்கள் ராசிக்கு 4-ம் இடத்தில் குரு பகவான் வக்ர இயக்கத்தில் இருக்கிறார். ஐப்பசி 30-ந் தேதி அவர் வக்ர நிவர்த்தி ஆவதால் பலம் பெறுகிறார். எனவே உடலும், உள்ளமும் நலமாகும். தொழில் வளம் சிறப்பாகும். வருமானப் பற்றாக்குறை அகலும். வளர்ச்சிப் பாதையை நோக்கி அடியெடுத்து வைப்பீர்கள். உத்தியோகத்தில் உள்ளவர்களுக்கு, எதிர்பார்த்தபடியே உயர் பதவிகளும், அதற்கேற்ற சம்பள உயர்வும் கிடைக்கும். உற்சாகத்தோடு பணிபுரியும் நேரம் இது. எதைச் செய்வதாக இருந்தாலும் ஒரு முறைக்கு இருமுறை யோசித்துச் செய்யுங்கள்.

    பணத்தேவையைப் பூர்த்தி செய்யும் நாட்கள்:-

    அக்டோபர்: 21, 22, 25, 26, நவம்பர்: 2, 3, 5, 6.

    மகிழ்ச்சி தரும் வண்ணம்:- ஆனந்தா நீலம்.

    தனுசு

    தமிழ் மாத ராசிப்பலன்

    18.9.22 முதல் 17.10.22 வரை

    யாரையும் சந்தித்த உடனேயே நண்பர்களாக ஆக்கிக் கொள்ளும் தனுசு ராசி நேயர்களே!

    புரட்டாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குருவும், தனாதிபதி சனியும் வக்ரத்தில் இருக்கிறார்கள். இதனால் பொருளாதாரப் பற்றாக்குறை ஏற்படும்.

    கன்னி - சுக்ரன் சஞ்சாரம்

    புரட்டாசி 8-ந் தேதி கன்னி ராசிக்குச் செல்லும் சுக்ரன், அங்கு நீச்சம் பெறுகிறார். உங்கள் ராசிநாதன் குருவிற்கு பகைக் கிரகமாக விளங்கும் சுக்ரன், நீச்சம் பெறுவது யோகம்தான். எதிர்பாராத நல்ல திருப்பங்களை சந்திப்பீர்கள். உங்கள் விருப்பங்கள் நிறைவேறும். அக்கறை செலுத்தாத காரியங்களில் கூட ஆதாயம் உண்டு. பெண் வழிப் பிரச்சினைகள் அகலும். 'உத்தியோக மாற்றம் செய்யலாமா?' என்று சிந்தித்தவர்களுக்கு, புதிய நிறுவனங்களில் இருந்து அழைப்புகள் வரலாம்.

    கன்னி - புதன் சஞ்சாரம்

    புரட்டாசி 16-ந் தேதி கன்னி ராசிக்குச் செல்லும் புதன், அங்கு உச்சம் பெறுகிறார். உங்கள் ராசிக்கு 7, 10 ஆகிய இடங்களுக்கு அதிபதியான புதன், உச்சம் பெறும் இந்த நேரம் யோகமான காலமாகும். திருமண வாய்ப்புகள் கைகூடும். புதிய ஒப்பந்தங்கள் வந்து சேரும். புதன் கேந்திராதிபத்ய தோஷம் பெற்ற கிரகமாக இருந்தாலும், தொழில் ஸ்தானத்தில் உச்சம் பெறும் பொழுது தொழில் வளம் சிறப்பாக இருக்கும். பொதுவாழ்வில் இருப்பவர்களுக்கு புதிய பொறுப்புகளும், பதவிகளும் கிடைக்கும்.

    மிதுன - செவ்வாய் சஞ்சாரம்

    புரட்டாசி 22-ந் தேதி, மிதுன ராசிக்கு செவ்வாய் செல்கிறார். உங்கள் ராசிக்கு 5, 12 ஆகிய இடங்களுக்கு அதிபதியான செவ்வாய், சப்தம ஸ்தானத்திற்கு செல்லும்பொழுது பிள்ளைகள் வழியில் சுபச்செலவு ஏற்படும். இடம், பூமியால் லாபம் உண்டு.

    இக்காலத்தில் செவ்வாய் பார்வை சனி மீது பதிவதால் திடீர் பிரச்சினைகள் பலவும் தலைதூக்கும். உடல்நலத் தொல்லை ஏற்படும். கொடுத்த வாக்கைக் காப்பாற்ற இயலாது. சொத்துக்களால் சில பிரச்சினை வரலாம். துணிந்து எந்த முடிவும் எடுக்க இயலாது.

    சனி வக்ர நிவர்த்தி

    புரட்டாசி 23-ந் தேதி, சனி வக்ர நிவர்த்தியாகிறார். இது ஒரு இனிய காலமாகும். தட்டுப்பாடுகளை தகர்த்தெறிந்து தனவரவு தாராளமாக வந்து சேரும் நேரம் இது. தனாதிபதி சனி பலம் பெறுகிறார். சகாய ஸ்தானாதிபதியாகவும் விளங்கும் சனி, வக்ர நிவர்த்தியாகும் நேரத்தில் நினைத்தது நிறைவேறும். நிகழ்காலத் தேவைகள் பூர்த்தியாகும். வெளிநாட்டில் இருந்து ஆதாயம் தரும் தகவல்கள் வரலாம். குடும்பத்தில் அமைதி கூடும். உடன்பிறப்புகளின் ஒத்துழைப்போடு ஒரு நல்ல காரியம் இல்லத்தில் நடைபெறும்.

    இம்மாதம் வெள்ளிக்கிழமை தோறும் விநாயகரை வழிபட்டால் விருப்பங்கள் நிறைவேறும்.

    பணத்தேவையைப் பூர்த்தி செய்யும் நாட்கள்:-செப்டம்பர்: 23, 24, 29, 30, அக்டோபர்: 5, 6, 9, 10.மகிழ்ச்சி தரும் வண்ணம்:- கருநீலம்.

    பெண்களுக்கான பலன்கள்

    இம்மாதம் பொருளாதாரத்தில் நிறைவு ஏற்பட்டாலும், மனநிம்மதி குறைவாகவே இருக்கும். ஆரோக்கியத் தொல்லைகளும் உண்டு. குருவின் வக்ர நிவர்த்தி காலம் வரை பொறுமையாக செயல்படுங்கள். கணவன் - மனைவிக்குள் கனிவும், பாசமும் கூடும். பிள்ளைகளின் முன்னேற்றம் கருதி எடுத்த முயற்சி வெற்றிபெறும். பணிபுரியும் பெண்களுக்கு அலுவலகத்தில் நல்ல பெயர் கிடைக்கும். திறமைக்கேற்ற அங்கீகாரம் உண்டு.

    தனுசு

    தமிழ் மாத ராசிப்பலன்

    17.8.2022 முதல் 17.9.2022 வரை

    எடுத்த கொள்கை மாறாமல் லட்சியத்தை நோக்கிப் பயணிக்கும் தனுசு ராசி நேயர்களே!

    ஆவணி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு வக்ர இயக்கத்தில் இருக்கிறார். எனவே ஆரோக்கியத் தொல்லை அதிகரிக்கும். சனியும் வக்ர இயக்கத்தில் இருப்பதால் குடும்பத்தில் உள்ளவர் களின் அனுசரிப்பு குறையலாம்.

    சிம்ம - சூரியன் சஞ்சாரம்

    உங்கள் ராசிக்கு 9-ம் இடத்தில், இந்த மாதம் முழுவதும் சூரியன் சஞ்சரிக்கிறார். பாக்கிய ஸ்தானத்திற்கு அதிபதியான சூரியன் அங்கேயே சஞ்சரிப்பது யோகம்தான். எடுத்த முயற்சிகளில் வெற்றி கிடைக்கும். புதிய பாதை புலப்படும். தர்ம காரியங்களில் ஈடுபடுவீர்கள். பணிபுரியும் இடத்தில் கேட்ட சலுகைகள் கிடைக்கும். தனித்து தொழில் செய்வது பற்றி சிந்திப்பீர்கள்.

    கன்னி - புதன் சஞ்சாரம்

    ஆவணி 8-ந் தேதி கன்னி ராசிக்குச் செல்லும் புதன், அங்கு உச்சம் பெறுகிறார். உங்கள் ராசிக்கு 7, 10 ஆகிய இடங்களுக்கு அதிபதியான புதன் உச்சம் பெறுவதால், தொழில் வளம் சிறக்கும். தொல்லை தந்த எதிரிகள் விலகுவர். பொது வாழ்வில் இருப்பவர்களுக்கு பதவிகளும், பொறுப்புகளும் கிடைக்கலாம். பயணங்கள் பலன் தரும். இக்காலத்தில் எடுக்கும் புது முயற்சிகளில் வெற்றி கிடைக்கும்.

    வக்ர புதன் சஞ்சாரம்

    ஆவணி 12-ந் தேதி, சிம்ம ராசிக்கு புதன் வக்ர இயக்கத்தில் வருகிறார். உங்கள் ராசிக்கு 9-ம் இடத்தில் புதன் சூரியனோடு இணைந்து வலுவிழக்கிறார். கேந்திராதிபத்ய தோஷம் பெற்ற புதன், வக்ரம் பெறுவது யோகம்தான். சுபகாரியங்கள் இல்லத்தில் நடைபெறும். பாதியில் நின்ற பணிகள் மீதியும் தொடரும். கடன்சுமை குறைய புதிய வழிபிறக்கும்.

    சிம்ம - சுக்ரன் சஞ்சாரம்

    ஆவணி 16-ந் தேதி, சிம்ம ராசிக்கு சுக்ரன் செல்கிறார். உங்கள் ராசிக்கு 6, 11 ஆகிய இடங்களுக்கு அதிபதியான சுக்ரன், உங்கள் ராசிநாதன் குருவிற்கு பகை கிரகம் ஆவார். சூரியனோடு இணையும் சுக்ரனால் நற்பலன்கள் கிடைக்கும். புதிய வேலை கிடைக்கும். அடகுவைத்த நகைகளை மீட்பீர்கள். இல்லத்தில் மங்கல காரியங்கள் நடைபெறுவதற்கான அறிகுறிகள் தென்படும். பணிபுரியும் இடத்தில் பதவி உயர்வுடன் கூடிய மாறுதல்கள் வரலாம்.

    குரு வக்ரமும், சனி வக்ரமும்

    மாதம் முழுவதும் குருவும், சனியும் வக்ரத்தில் இருக்கிறார்கள். உங்கள் ராசிக்கும், சுக ஸ்தானத்திற்கும் அதிபதியாக குரு இருப்பதால், ஆரோக்கிய தொல்லை அதிகரிக்கும். பெற்றோர் வழியில் சில பிரச்சினைகள் ஏற்பட்டு அகலும். எதையும் திட்டமிட்டுச் செய்ய இயலாது. திடீர் திருப்பங்கள் தொழிலில் ஏற்படலாம். இக்காலத்தில் குரு, சனி வழிபாட்டை செய்யுங்கள்.

    இந்த மாதம் வியாழக்கிழமை தோறும் ஆதியந்தப் பிரபுவை வழிபடுவதன் மூலம் ஆனந்தமான வாழ்வு அமையும்.

    பணத்தேவையைப் பூர்த்தி செய்யும் நாட்கள்:-

    ஆகஸ்டு: 23, 24, 29, 30, செப்டம்பர்: 5, 6, 9, 10

    மகிழ்ச்சி தரும் வண்ணம்:- மஞ்சள்.

    பெண்களுக்கான பலன்கள்

    ஆரோக்கியத்தில் கவனம் செலுத்த வேண்டியது அவசியம். உங்கள் ராசிநாதன் வக்ர இயக்கத்தில் இருப்பதால், எதையும் திட்டமிட்டுச் செய்ய இயலாது. கொடுக்கல்- வாங்கலில் பிரச்சினை வரலாம். இல்லறம் இனிமையாக கணவன்- மனைவி இருவரும் விட்டுக் கொடுத்துச் செல்லுங்கள். பிள்ளைகளின் முன்னேற்றம் திருப்தி தரும். பணிபுரியும் பெண்களுக்கு சகப் பணியாளர்களின் ஒத்துழைப்பும், அலுவலக சலுகைகளும் கிடைக்கும்.

    தனுசு

    தமிழ் மாத ராசிப்பலன்

    17-07-2022 முதல் 16-08-2022 வரை

    மனதில் பட்ட கருத்துக்களை மறைக்காமல் எடுத்துரைக்கும் தனுசு ராசி நேயர்களே!

    ஆடி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு சுக ஸ்தானத்தில் இருப்பதால் தொட்ட காரியங்களில் வெற்றி கிடைக்கும்.

    ஆடி 13-ந் தேதி, சிம்ம ராசிக்கு புதன் வருகிறார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். அவர் 9-ம் இடமான பாக்கிய ஸ்தானத்திற்கு வரும் போது நினைத்த காரியங்கள் நிறைவேறும். நீடித்த நோய் அகலும். அனைத்து செயல்களிலும் வெற்றி கிடைக்கும் விதத்தில் கிரக நிலைகளின் சஞ்சாரம் இருக்கிறது. ஆயினும் ஏழரைச் சனியில் குடும்பச் சனியின் ஆதிக்கம் நடைபெறுவதால் ஒருசில காரியங்கள் தடைப்படலாம். திசாபுத்திக்கேற்ற தெய்வ வழிபாடுகளை மேற்கொள்ளுங்கள்.

    ஆடி 22-ந் தேதி, கடக ராசிக்கு சுக்ரன் வருகிறார். உங்கள் ராசிக்கு 6-ம் இடத்திற்கு அதிபதியான அவர் 8-ம் இடத்திற்கு வரும்போது, 'விபரீத ராஜயோகம்' செயல்படும். பகைக் கிரகம் வலுவிழக்கும் இந்த நேரத்தில் பணவரவு திருப்தி தரும். கல்வி மற்றும் அரசு வேலை தொடர்பான முயற்சி கை கூடும். புதிய நகைகளை வாங்க ஆர்வம் காட்டுவீர்கள்.

    ஆடி 23-ந் தேதி, மீன ராசியில் குரு வக்ரம் பெறுகிறார். உங்கள் ராசிநாதன் குரு வக்ரம்பெறும் போது எதையும் திட்டமிட்டுச் செய்ய இயலாது. திடீர் திருப்பம் நிகழும். ஆரோக்கியத் தொல்லை உண்டு. உங்கள் ராசிநாதனாகவும், சுக ஸ்தானத்திற்கு அதிபதியாகவும் குரு இருப்பதால் கவனத்தோடு செயல்படுங்கள். நீங்கள் நன்மை செய்தாலும், பிறருக்கு அது தீமையாகவே தெரியும். வாகனங்களில் செல்லும் பொழுது கவனம் தேவை. வெளிநாட்டிற்குச் சென்றவர்களில் சிலர், வேலையின்றி திரும்ப நேரிடும். படித்து முடித்து பல காலமாக வேலையின்றி தவித்தவர்களுக்கு, தற்காலிகப் பணி அமையலாம். இந்த நேரத்தில் குலதெய்வம் மற்றும் எல்லை தெய்வங்களை வழிபடுவது நல்லது.

    ஆடி 25-ந் தேதி, ரிஷப ராசிக்கு செவ்வாய் செல்கிறார். உங்கள் ராசிக்கு 5, 12 ஆகிய இடங்களுக்கு அதிபதியானவர் செவ்வாய். பூர்வ புண்ணிய ஸ்தானாதிபதி 6-ல் வரும்போது, புதிய திருப்பங்கள் ஏற்படும். பொருளாதாரத்தில் முன்னேற்றம் உண்டு. புனிதப் பயணங்கள் அதிகரிக்கும். அருளாளர்களின் ஆலோசனை கைகொடுக்கும். அரசு வழிச் சலுகைகள் எதிர்பார்த்தபடி கிடைக்கலாம். உடன்பிறப்புகள் உறுதுணையாக இருந்து, தொழில் வளம் பெற வழிகாட்டுவர். 12-க்கு அதிபதியாகவும் செவ்வாய் இருப்பதால் பயணங்கள் அதிகரிக்கும். இட விற்பனை மூலம் தன லாபம் கிடைக்கலாம்.

    இம்மாதம் செவ்வாய்க்கிழமை தோறும் முருகப்பெருமானை வழிபடுவதன் மூலம் செயல்பாடுகளில் வெற்றி கிடைக்கும்.

    பணத்தேவையைப் பூர்த்தி செய்யும் நாட்கள்:- ஜூலை: 19, 20, 31, ஆகஸ்டு: 1, 5, 6, 11, 12 மகிழ்ச்சி தரும் வண்ணம்:- வைலட்.

    பெண்களுக்கான பலன்கள்

    இம்மாதம் சுபச்செலவு அதிகரிக்கும். கணவன் - மனைவிக்குள் அன்பும், ஆதரவும் கூடும். பிள்ளைகளின் கல்யாணம், சீமந்தம் செய்யும் சூழ்நிலை உருவாகும். ஒரு சிலருக்கு, வீடு மாற்றம் அமையலாம். உறவினர் பகை அகலும். பணிபுரியும் பெண் களுக்கு எதிர்பார்த்த சலுகைகள் கிடைக்கும். சகப் பணியாளர்களின் ஒத்துழைப்பு கிடைக்கும். குருவின் வக்ர காலத்தில் ஆரோக்கியத்தில் கூடுதல் கவனம் செலுத்துவது நல்லது.

    தனுசு

    தமிழ் மாத ராசிப்பலன்

    ஆனி மாத ராசி பலன்கள் 15-06-2022 முதல் 16-07-2022 வரை

    முடியாத காரியத்தை எளிதில் செய்து முடிக்கும் ஆற்றல் பெற்ற தனுசு ராசி நேயர்களே!

    ஆனி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு பகவானோடு விரயாதிபதி செவ்வாய் இணைந்து சஞ்சரிப்பதால் விரயங்கள் கூடுதலாகவே இருக்கும்.

    ஆனி 4-ந் தேதி, ரிஷப ராசிக்கு சுக்ரன் செல்கிறார். உங்கள் ராசிக்கு 6, 11 ஆகிய இடங்களுக்கு அதிபதியான சுக்ரன் 6-ம் இடத்தில் சஞ்சரிக்கும் பொழுது, உத்தியோகம் மற்றும் தொழிலில் நன்மைகள் ஏற்படும். புதிய ஒப்பந்தங்கள் வந்து சேரும். இதுவரை போராடியும் வராத பாக்கிகள் இப்பொழுது வசூலாகும். உடல்நலத்தில் கூடுதல் கவனம் தேவை. சிறுசிறு தொல்லைகள் அடிக்கடி தலைதூக்கும்.

    ஆனி 11-ந் தேதி, மிதுன ராசிக்கு புதன் செல்கிறார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். அவர் சப்தம ஸ்தானத்தில் சொந்த வீட்டில் பலம்பெற்று சஞ்சரிக்கும் பொழுது, கல்யாணம் போன்ற சுபகாரியங்கள் இல்லத்தில் நடைபெறும். கடமையில் இருந்த தொய்வு அகலும். பயணங்கள் பலன் தருவதாக இருக்கும். குடும்ப முன்னேற்றம் கூடும்.

    ஆனி 12-ந் தேதி, மேஷ ராசிக்கு செவ்வாய் செல்கிறார். மேஷம் செவ்வாய்க்கு சொந்த வீடாகும். தைரியகாரகன் செவ்வாய் பூர்வ புண்ணிய ஸ்தானத்தில் பலம்பெற்றிருக்கும் இந்த நேரம், தைரியமும், தன்னம்பிக்கையும் அதிகரிக்கும். தனவரவு திருப்தி தரும். பூர்வீக சொத்துக்களை கொடுத்துவிட்டுப் புதிய சொத்துக்கள் வாங்குவதில் கவனம் செலுத்துவீர்கள். பொதுவாழ்வில் புதிய பதவிகள் கிடைக்கலாம். உத்தியோகத்தில் உள்ளவர்களுக்கு கூடுதல் பொறுப்பும், அதற்கேற்ப வருமானமும் உண்டு.

    ஆனி 28-ந் தேதி, கடக ராசிக்குப் புதன் செல்கிறார். மறைந்த புதனால் நிறைந்த தனலாபம் உண்டு. கேந்திராதிபத்தியத்தில் தோஷம் பெற்ற கிரகம் மறைவது யோகம்தான். தொழிலில் இருந்த குறுக்கீடுகள் அகலும். தொலை தூரத்தில் இருந்து நல்ல தகவல் வந்து சேரும். தொழிலில் புதிய பங்குதாரர்கள் வந்திணையும் வாய்ப்பு உண்டு. சுபகாரியங்கள் நடைபெறும் நேரம் இது.

    ஆனி 29-ந் தேதி, மிதுன ராசிக்கு சுக்ரன் செல்கிறார். உங்கள் ராசிக்கு லாபாதிபதியான சுக்ரன் 7-ல் வரும்பொழுது பகை கிரகமாக இருந்தாலும் பலன் கொடுக்கும். அதே நேரத்தில் பாக்கியாதிபதி சூரியனோடு அவர் இணைந்திருப்பதால் எதிர்பார்ப்புகள் எளிதில் நிறைவேறும். இல்லத்தில் உள்ளவர்களின் ஒத்துழைப்போடு நல்ல காரியங்கள் பலவும் செய்து முடிப்பீர்கள். அடகு வைத்த நகைகளை மீட்டுக் கொண்டுவரும் வாய்ப்பு கிட்டும். எதிர்கால நலன் கருதி எடுத்த முயற்சிகளில் வெற்றி உண்டு. பெண் வழிப் பிரச்சினைகள் அகலும். உத்தியோகத்தில் பணி நிரந்தரமாகும்.

    இம்மாதம் ஞாயிற்றுக்கிழமை தோறும் சிவனை வழிபடுங்கள்.

    பணத்தேவையைப் பூர்த்தி செய்யும் நாட்கள்:- ஜூன்: 18, 19, 22, 23, ஜூலை: 2, 3, 4, 8, 9, 15, 16மகிழ்ச்சி தரும் வண்ணம்:- மஞ்சள்.

    பெண்களுக்கான பலன்கள்

    இம்மாதம் விரயங்கள் கொஞ்சம் அதிகமாக இருக்கும். வீட்டுத் தேவைகள் கடைசி நேரத்தில் பூர்த்தியாகும். கணவன் - மனைவிக்குள் இருந்த கருத்து வேறுபாடு அகலும். குடும்ப ஒற்றுமை திருப்தி தரும். பிள்ளைகளின் சுபகாரியப் பேச்சுக்கள் கைகூடும். பெற்றோர் வழியில் ஏற்பட்ட பிரச்சினைகள் அகலும். பணிபுரியும் பெண்களுக்கு இதுவரை இருந்த நெருக்கடி நிலை மாறும். உங்கள் திறமைக்கு அங்கீகாரம் கிடைக்கும்.

    தனுசு

    தமிழ் மாத ராசிப்பலன்

    வைகாசி மாத ராசி பலன்கள் 15-05-2022 முதல் 14-06-2022 வரை

    நட்பிற்கு முக்கியத்துவம் கொடுக்கும் தனுசு ராசி நேயர்களே!

    வைகாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குருபகவான் சுக ஸ்தானத்தில் சொந்த வீட்டில் சஞ்சரிக்கிறார். அதே நேரம் கேதுவின் பார்வை உங்கள் ராசியில் பதிகிறது. எனவே ஆரோக்கியத் தொல்லை அதிகரிக்கும்.

    மீன - செவ்வாய் சஞ்சாரம்

    வைகாசி 3-ந் தேதி, மீன ராசிக்கு செவ்வாய் செல்கிறார். உங்கள் ராசிக்கு 5, 12 ஆகிய இடங்களுக்கு அதிபதியான செவ்வாய் சுக ஸ்தானத்திற்கு செல்லும்போது, ஆடம்பரச் செலவு அதிகரிக்கும். வெளிநாட்டில் இருந்து அழைப்புகள் வரலாம். கூட்டுக் குடும்பத்தில் உள்ளவர்கள் தனித்து இயங்க முற்படுவர். அரசியல் ஈடுபாடு கொண்டவர்களுக்கு பொறுப்பு அதிகரிக்கும்.

    சனி - செவ்வாய் பார்வைக் காலம்

    வைகாசி 3-ந் தேதி முதல் மாதக் கடைசி வரை, மீனத்தில் உள்ள செவ்வாயை மகரத்தில் உள்ள சனி பார்க்கப் போகிறார். உங்கள் ராசிக்கு 5, 12-க்கு அதிபதியானவர் செவ்வாய். 2, 3 ஆகிய இடங்களுக்கு அதிபதியானவர் சனி. எனவே விரயங்கள் கொஞ்சம் அதிகரிக்கும். வீடு மாற்றம், இடமாற்றம் உறுதியாகும். பிள்ளைகளின் போக்கில் திடீர் மாற்றம் உருவாகலாம். வாங்கிய பூமியை விற்க நேரிடலாம்.

    புதன் வக்ர நிவர்த்தியும், ரிஷப சஞ்சாரமும்

    வைகாசி 7-ந் தேதி, மேஷ ராசியில் புதன் வக்ர நிவர்த்தியாகிறார். உங்கள் ராசிக்கு 7, 10 ஆகிய இடங்களுக்கு அதிபதி வக்ர நிவர்த்தியாவதால் கல்யாணம் போன்ற சுபகாரியங்கள் நடைபெறுவதற்கான அறிகுறிகள் தோன்றும். தொழில் வளர்ச்சி சிறப்பாக இருக்கும். வைகாசி 23-ந் தேதி, ரிஷப ராசிக்கு புதன் செல்கிறார். எனவே உத்தியோகத்தில் பணி நிரந்தரமாகும்.

    மேஷ - சுக்ரன் சஞ்சாரம்

    இதுவரை உச்சம் பெற்று மீனத்தில் சஞ்சரித்து வந்த சுக்ரன், வைகாசி 10-ந் தேதி மேஷ ராசிக்கு செல்கிறார். 6, 11-க்கு அதிபதியான சுக்ரன், பூர்வ புண்ணிய ஸ்தானத்திற்கு வரும்பொழுது பிள்ளைகளின் படிப்பிற்கேற்ற வேலை கிடைக்கும். உத்தியோகத்தில் விருப்ப ஓய்வு பெற்று, சுயதொழில் தொடங்குவது பற்றி சிந்திப்பீர்கள்.

    மகரச் சனியின் வக்ர காலம்

    வைகாசி 11-ந் தேதி, உங்கள் ராசிக்கு தனம் மற்றும் சகாய ஸ்தானத்திற்கு அதிபதியான சனி வக்ரம் பெறுவது அவ்வளவு நல்லதல்ல. பணப்புழக்கத்தில் தடை ஏற்படும். தொழில் மூலதனத்திற்கு செய்த ஏற்பாடு தாமதப்படும். மனக் கலக்கம் அதிகரிக்கும். பொறுப்புகள் திடீரென மாற்றப்படலாம். குடும்பத்தில் உள்ளவர்களின் அனுசரிப்பு குறையும். கடன்கள் வசூலாவது அரிது. திட்டமிட்ட காரியங்கள் திசைமாறிச் செல்லும். வெளிநாட்டில் இருப்பவர்கள் சொந்த ஊர் திரும்ப முடியாத அளவிற்கு பிரச்சினைகள் வரலாம்.

    இம்மாதம் செவ்வாய்க்கிழமை தோறும் வராகி அம்மனை வழிபடுவது நல்லது.

    பணத்தேவையைப் பூர்த்தி செய்யும் நாட்கள்:- மே: 15, 16, 21, 22, 25, 26, ஜூன்: 6, 7, 11, 12மகிழ்ச்சி தரும் வண்ணம்:- கருநீலம்.

    பெண்களுக்கான பலன்கள்

    இம்மாதம் உடல்நலனில் கவனம் தேவை. சுபச்செலவு அதிகரிக்கும். கணவன் - மனைவிக்குள் பிரச்சினை ஏற்படாமல் இருக்க விட்டுக் கொடுத்துச் செல்லுங்கள். விலை உயர்ந்த பொருட்களை வாங்குவதில் கவனம் செலுத்துவீர்கள். பிள்ளைகளின் வேலை மற்றும் திருமணத்திற்கான வாய்ப்புகள் கைகூடும். சனியின் வக்ர காலத்தில் சஞ்சலங்கள் கூடலாம். பணிபுரியும் இடத்தில் வாக்குவாதங்களைத் தவிர்ப்பது நல்லது.

    ×