துலாம் - வார பலன்கள்

இந்தவார ராசிபலன்

8.7.2024 முதல் 14.7.2024 வரை

உயர்வானதை அடையும் வாரம். 9-ம்மிடமான பாக்கிய ஸ்தானத்தில் சூரியன் நிற்பதால் பாக்கிய ஸ்தானம் பலம் பெறுகிறது. நினைத்தது நிறைவேறும். உங்கள் குடும்பத்தின் மேல் இருந்த கண் திருஷ்டி அகன்று அனைவருக்கும் நல்ல ஆரோக்கியம் நிலவும். தொழில் மூலம் நல்ல பொருளாதார வளர்ச்சி ஏற்படும். சமுதாய அந்தஸ்து, வெற்றி, புகழ் செல்வாக்கு பெறுவீர்கள். வீட்டிலும், தொழில் இடத்திலும் லட்சுமி கடாட்சம் உண்டாகும். வாடிக்கையாளர்கள் தொழிலுக்கு ஒத்துழைத்து பணம் கொடுங்கல் வாங்கல் சுமூகமாக நடைபெறும்.

உத்தியோகஸ்தர்கள் திறமையால் அலுவலகத்தில் நற்பெயர் பெறுவார்கள். வயோதிகர்களுக்கு ஆரோக்கியக் குறைபாடு சீராகும். மூத்த மருமகன் சொத்து பிரிப்பதில் தன் ஆதிக்கத்தை செலுத்துவார்.சிலர் வேலைக்காக வெளிநாடு செல்லலாம். நீதி மன்ற வழக்குகளில் இருந்து எதிர்பாராத ஒரு இனிய செய்தி கிட்டும். ஆன்மீக தலங்களுக்கு சென்று மன மகிழ்சியை அதிகரிப்பீர்கள். தந்தைக்கு ஊதிய உயர்வு பதவி உயர்வு கிடைக்கும். அரசியல் ஆதாயம் உண்டு. வாராகி வழிபாடு முன்னேற்றத்தை வழங்கும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

1.7.2024 முதல் 7.7.2024 வரை

நெருக்கடிகள் விலகும் வாரம். 2,7-ம் அதிபதி செவ்வாயின் சம சப்தம பார்வை ராசியில் பதிவதால் நினைத்தது நடக்கும். வெளியூர், வெளிநாட்டு தொடர்புகளால் விற்பனை உயரும். ஆதாயம் கூடும். தொழிலில் நெருக்கடியால் ஏற்பட்ட மன சஞ்சலம் அகலும்.நல்லவர்களின் அறிமுகத்தால் நினைத்ததை சாதிப்பீர்கள். திருமண முயற்சிகள் வெற்றி தரும்.புதிய பொருட்கள் சேரும். வீடு, வாகனம் ஆடம்பர பொருட்கள் என வாழ்வாதாரம் உயரும். வாழ்க்கைத் துணை மற்றும் நண்பர்களின் ஆதரவால் அனைத்து விருப்பங்களும் பூர்த்தியாகும். வீண் செலவுகள் குறைந்து சேமிப்பு உயரும்.

குடும்பத்திலும் வெளியிலும் செல்வாக்கு உயரும். புதிய சொத்துக்களில் முதலீடு செய்வீர்கள். இதுவரை இருந்த வந்த சகோதர, சகோதரி பிணக்குகள் இருந்து இடம் தெரியாமல் மறையும். ஆன்மீக பயணம் செல்வதில் விருப்பம் உண்டாகும். 2.7.2024 அன்று காலை 11.14 முதல் 4.7.2024 அன்று பகல் 3.58 வரை சந்திராஷ்டமம் இருப்பதால் பணிபுரியும் இடத்தில் பணத்தை கையாளுவதில் கவனம் தேவை. எதிலும் விழிப்புடன் செயல்பட வேண்டும்.ஜாமீன் போடுவது வாக்கு கொடுப்பதை தவிர்ப்பது நல்லது. அங்காள பரமேஸ்வரியை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

24.6.2024 முதல் 30.6.2024 வரை

சங்கடங்கள் விலகும் வாரம். பாக்கியாதிபதி புதன் கர்ம ஸ்தானம் செல்வது தர்ம கர்மாதிபதியோகம். வார இறுதியில் பூர்வ புண்ணிய ஸ்தான அதிபதி சனி வக்ரம் அடைந்தாலும் தர்மம் தலை காக்கும் உங்கள் மனதை வாட்டிய பிரச்சினைகள் சிறிது சிறிதாக குறையத் துவங்கும். சூழ்நிலைக்கு ஏற்ப செயல்படு வீர்கள்.குடும்பத்தில் குதூகலம் நிம்மதி கூடும்.குலத் தொழிலில் அபிவிருத்தி உண்டாகும். புதிய தொழில் துவங்கும் முயற்சிகள் வெற்றியாகும். மாணவர்களின் மேற்கல்வி முயற்சி நிறைவேறும். மனதில் ஆன்மீக சிந்தனை அதிகமாகும். பொன், பொருள் சேரும். பூர்வீகச் சொத்து விற்று முழுப் பணமும் வந்து சேரும்.

விற்ற பணத்தில் தாயார் சகோதரருக்கு அதிக பங்கு கொடுப்பது மன உளைச்சலை அதிகமாக்கும். சிலர் போலியான விளம்பரங்களை நம்பி நல்ல வேலையை தவறவிடுவார்கள். ஆரோக்கியத்தில் கவனம் தேவை. இந்த வாரத்தில் திருமணம் நிச்சயிக்கப்படும் வாய்ப்பு உள்ளது. சிலர் வீடு மாற்றம் செய்யலாம்.ஆயிரம் பிரச்சினைகள் இருந்தாலும் பெண்கள் குடும்பத்தை அமைதியாக வழி நடத்து வார்கள். செவ்வாய் கிழமை அஷ்ட லட்சுமிகளையும் வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

17.6.2024 முதல் 23.6.2024 வரை

நல்ல மாற்றங்கள் ஏற்படும் வாரம். ராசி அதிபதி சுக்ரன் பாக்கிய ஸ்தானத்தில் ஆட்சி பலம் பெற்ற புதன் மற்றும் லாபாதிபதி சூரியனுடன் சேருவதால் எடுத்த காரியங்களில் வெற்றி கிடைக்கும். பூர்வ புண்ணிய ஸ்தானம் மற்றும் பாக்கிய ஸ்தானம் பலம் பெறுகிறது. ராசியை செவ்வாய் பார்க்கிறார். பொருளாதாரச் சிக்கலில் இருந்து விடுபடுவீர்கள். ஆரோக்கிய தொல்லை சீராகும். முக்கிய பணிகள் சிறிய தடுமாற்றத்திற்குப் பிறகு வெற்றி தரும். தொழிலில் நிலவிய சங்கடங்கள் விலகும். முன்னேற்றமான அறிகுறி தென்படும்.

புதிய தொழில் வாய்ப்புகளை வரவழைத்துக் கொள்வீர்கள். சனி வக்ரம் பெறும் முன்பு பூர்வீகச் சொத்து தொடர்பான பேச்சு வார்த்தைகளை, முக்கிய முடிவுகளை இந்த வாரத்திற்குள் முடிப்பது நல்லது.ராசியை செவ்வாய் பார்ப்பதால் முன்னோர்களின் நல்லாசியால் பூர்வ புண்ணிய பலத்தால் சொத்துத் தகராறுகள் அகலும். திருமணம், குழந்தை பாக்கியம், வீடு, வாகனம் என அவரவர் வயதிற்கேற்ற சுப பலன்கள் உண்டு. தடைபட்ட பாக்கியங்கள் தொடர்பான அனைத்து விஷயங்களுக்கும் முயற்சிக்க உகந்த அற்புதமான நேரம். உடல் ஆரோக்கியம் அதிகரிக்கும். பவுர்ணமியன்று லட்சுமி நரசிம்மரை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இன்றைய ராசிபலன்

10.6.2024 முதல் 16.6.2024 வரை

அனுகூலமான வாரம். ராசி அதிபதி சுக்ரன் ஆட்சி பலம் பெற்ற பாக்கியாதிபதி புதன் மற்றும் லாபாதிபதி சூரியனுடன் சேருவது துலாம் ராசிக்கு அனுகூலமான அமைப்பாகும்.குடும்பத்தில் சந்தோசம் கூடும். சங்கடங்கள் அகலும்.தொழிலில் எதிர்பார்த்த தைக் காட்டிலும் இரு மடங்கு லாபம் கிடைக்கும். தரகு மற்றும் ஒப்பந்த தொழில் நடத்துபவர்கள் தொழில் ஆதாயம் சிறப்பாக இருக்கும். பணப்பற் றாக்குறை அகலும். மன மகிழ்ச்சியைத் தரும் சம்பவங்கள் நடக்கும். உயர் கல்வி முயற்சி வெற்றியாகும். பணி நீக்கமான வர்களுக்கு மீண்டும் பணி நியமன உத்தரவு வரும். தந்தையுடன் ஏற்பட்டி ருந்த மனவருத்தங்கள் நீங்கும்.

வீடு, வாகன யோகம் உள்ளது. மனைவி வழிச் சொத்தில் நிலவிய இடை யூறுகள் அகலும். பெண்களுக்கு கணவரால் ஏற்பட்ட மன உளைச்சல் நீங்கும். ஆன்மீகத்தில் நாட்டம் செல்லும். தெய்வ அனுகூலம் உண்டாகும். பொழுது போக்கு செலவுகள் அதிகரிக்கும். அடகு வைத்த நகையை மீட்பீர்கள். வீட்டில் சுப மங்கள நிகழ்விற்கான பேச்சு வார்த்தைகள் நடக்கும். புத்திரபேறு உண்டா கும். சிறு சிறு உடல் உபாதை களால் மன சஞ்சலம் இருக்கும். வெளிநாட்டு பயணம் வெற்றிதரும். மகா லட்சுமி வழிபாடு மகத்தான மாற்றத்தை ஏற்படுத்தும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

3.6.2024 முதல் 9.6.2024 வரை

விபரீத ராஜ யோகம் உண்டாகும் வாரம். ராசி அதிபதி சுக்ரன் 8ல் ஆட்சி. புதன் சூரியன் சேர்க்கை. புத ஆதித்ய யோகம். 3,6 எனும் மறைவு ஸ்தான அதிபதி குரு மற்றொரு மறைவு ஸ்தானத்தில் அஷ்ட மாதிபதியுடன் சேர்க்கை என அஷ்டம ஸ்தானம் பலம் பெறுவது விபரீத ராஜ யோகமாகும்.வருமான பற்றாக்குறை அகலும். சொத்துக்கள் மூலம் வருமானம் வந்து கொண்டே இருக்கும். சம்பாத்தியம் பற்றிய சிந்தனை இல்லாதவர்களுக்கு கூட தொழில், நல்ல வேலை வாய்ப்புகள் தேடிவரும். திடீர் அதிர்ஷ்ட பணம் உயில் சொத்து கிடைக்க வாய்ப்பு உள்ளது. இது விட்டதை பிடிக்கும் நேரமாகும். சனி, செவ்வாய் சம்பந்தம் இருப்பதால் காதல் திருமண முயற்சி உடனே வெற்றி தரும்.

சிலருக்கு அறுவை சிகிச்சை அல்லது வைத்தியச் செலவு உண்டாகும். ஜாமீன் போடுவதை தவிர்க்க வேண்டும். விண்ணப்பித்த வீடு, வாகன கடன் கிடைக்கும்.புதிய சொத்துக்கள் சேரும். 5.6.2024 அன்று நள்ளிரவு 2.15 மணி முதல் 7.6.2024 அன்று காலை 7.55 வரை சந்திராஷ்டமம் இருப்பதால் பண விஷயத்தில் சற்று நெருக்கடி இருக்கும் அல்லது விரையச் செலவு அதிகமாகும். வீட்டில் எலக்ட்ரிக் பொருட்கள் பழுதாகி வீண் செலவு அதிகரிக்கும். அமாவாசையன்று உணவு தானம் வழங்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசி பலன்

27.05.2024 முதல் 02.06.2024 வரை

விபரீத ராஜயோகம். ராசி அதிபதி சுக்ரன் 8ல் ஆட்சி. மனதின் வேகத்தைப் போல் செயல் வேகமும் அதிகரிக்கும். உங்கள் எண்ணங்களும் திட்டங்களும் நிறைவேற குடும்ப உறுப்பினர்கள் ஆதரவாக இருப்பார்கள். நண்பர்கள் மூலம் புதிய தொழில், வருமான வாய்ப்புகள் அமையும். அன்றாட தேவைக்கு சிரமப்பட்டவர்களுக்கு எளிமையான வேலையில் நிறைந்த பொருளாதாரமும் சொகுசு வாழ்க்கையும் கிடைக்கும். சிலருக்கு அதிர்ஷ்ட பொருள், உழைப்பில்லாத வருமானம், சொத்து கிடைக்கலாம். வீடு வாங்குதல், கல்யாணம் போன்ற சுப விசேஷங்களுக்கு கடன் வாங்க நேரும். பூர்வீகச் சொத்து விற்பனையைத் தள்ளிப் போடவும். உங்கள் உடன்பிறப்புகள் பண உதவி கேட்கலாம், அவர்களுக்கு உதவுவதன் மூலம் பற்றாக்குறை வந்தாலும் சமாளித்து விடுவீர்கள். உயர் கல்வி முயற்சி வெற்றிதரும். விரும்பிய கல்லூரியில் படிக்க முடியும். தாமரை இலையும், தண்ணீருமாக வாழ்ந்த தம்பதிகள் கூடி வாழ்வார்கள். கடந்த கால மகிழ்ச்சியான நினைவுகளில் மனம் லயிக்கும். காது, மூக்கு, தொண்டை போன்ற உபாதைகளுக்கு வைத்தியம் செய்யலாம். சங்கடஹர சதுர்த்தியன்று விநாயகருக்கு ரோஜா மாலை அணிவிக்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

20.5.2024 முதல் 26.5.2024 வரை

குடும்ப தோஷம் விலகும் வாரம். தனம், வாக்கு, குடும்ப ஸ்தானத்திற்கு குரு மற்றும் ராசி அதிபதி சுக்ரன் பார்வை பதிவதால் குடும்ப தோஷம், கண் திருஷ்டி பாதிப்பு விலகும். குடும்ப உறவுகளின் பேச்சுக்கள் நம்பிக்கையை மேம்படுத்தும். பொன், பொருள், ஆடம்பரச் பொருட்களின் சேர்க்கை அதிகரிக்கும். எதிர்பார்த்த அரசு உத்தியோகம் கிடைக்கும். சக ஊழியர்களிடம் வாக்குவாதங்கள் ஏற்பட்டு நீங்கும்.வியாபாரம் தொடர்பான பணிகளில் அலைச்சல் உண்டாகும். வெளிநாட்டு தொழில், வேலை வாய்ப்பு கிடைக்கும். புதுமையான விஷயங்களில் ஆர்வம் ஏற்படும்.

வாழ்க்கைத் துணையின் வழியில் மகிழ்ச்சியான சூழல் அமையும். நீண்ட நாள் பிரார்த்தனைகள் நிறைவேறும். மகான்களின் தரிசனம் மற்றும் ஆசிகள் கிடைக்கும். பொதுநலச் செயலால் சமுதாய அந்தஸ்து கூடும். வேலைப்பளு மிகுதியாகும். தேவையற்ற அலைச்சலால் உடல் அசதி உண்டாகும். கணவன், மனைவி உறவு சந்தோஷமாக இருக்கும். பிள்ளைகளின் எதிர்கால வாழ்க்கைக்கு புதிய பாதையை அமைத்து கொடுப்பீர்கள். திருமணம், வீடு, வாகன யோகம், சுப விரயங்கள் உண்டு. நவகிரக சுக்ரனை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இன்றைய ராசிபலன்

13.5.2024 முதல் 19.5.2024 வரை

சுபச் செலவுகள் உண்டாகும் வாரம். ராசியை ராசி அதிபதி சுக்ரனுடன் இணைந்து புதன் பார்ப்பது ஸ்ரீபதி யோகம். மகா விஷ்ணு சமேத மகாலட்சுமியின் அருட்கடாட்சம் உங்களுக்கு கிடைக்கும். புதன் உங்களின் பாக்கிய அதிபதி என்பதால் குலதெய்வ அனுகிரகமும் முன்னோர்களின் நல்லாசியும் பக்க பலமாக இருக்கும். ஆன்மீக சுற்றுப்பயணம் மற்றும் மகான்களின் சந்திப்பு கிடைக்கும்.

அழகு ஆடம்பர பொருட்கள், தங்க நகைகள், சில சுப விரயங்கள் உண்டு. சிலருக்கு பூர்வீகச் சொத்து வழக்கில் திருப்பம் ஏற்படலாம்.முன்னோர்களின் சொத்து தொடர்பான பாகப் பிரிவினைகள் நடக்கலாம். குடும்ப நலனில் அக்கறை அதிகரிக்கும். இளைய சகோதர, சகோதரிகளுக்கு திருமணம் நடக்கும். மாணவர்கள் போட்டித் தேர்வில், பொதுத் தேர்வில் வெற்றி வாய்ப்பு அதிகம் உள்ளது. சிலர் உயர் கல்விக்காக வெளி மாநிலம், வெளிநாடு செல்லலாம்.

விவசாயிகளின் தேவைக்கு கடன் கிடைக்கும். நல்ல விளைச்சலும், லாபமும் உண்டாகும். புதிய வேலை பற்றிய எதிர்பார்த்த தகவல் கிடைக்கும். பெண்களுக்கு குடும்ப சுமைகள், பொறுப்புகள் அதிகரிக்கும். பரம்பரை வியாதிகளால் ஏற்பட்ட இன்னல்கள் சீராகும். மகாவிஷ்ணுவை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிபலன்

6.5.2024 முதல் 12.5.2024 வரை

தன் நிறைவு உண்டாகும் வாரம். ராசிக்கு சுக்ரன், சூரியன், புதன், செவ்வாய் பார்வை. அஷ்டம குருவால் பொருளாதார நிலை சீராகும். கைக்கு எட்டியது வாய்க்கு எட்டவில்லை என்ற நிலை மாறும். பற்றாக் குறை வருமானத்தில் குடும்பத்தை நடத்தியவர்களுக்கு கடந்த கால இழப்புகளை ஈடு செய்யும் விதத்தில் தொழிலில் உயர்வு உண்டாகும்.

வேலை செய்யும் இடத்தில் உயர் அதிகாரிகளின் ஆதரவு கிடைக்கும். குடும்பம் மகிழ்ச்சியும் நிம்மதியும் நிறைந்ததாக இருக்கும். வெவ்வேறு ஊர்களில் பிரிந்து வாழ்ந்த தம்பதிகள் ஒன்றாக இணைந்து மகிழ்ச்சிகரமாக இல்லறம் நடத்தும் நல்ல நேரம். புதிய சொத்துக்கள், உயர்ரக வாகனங்கள் சேரும்.

மனதை அமைதியாக வைத்திருக்க முயற்சிக்கவும். தேவையற்ற கற்பனை, சிந்தனைகளை தவிர்க்கவும்.மனதிற்கு பிடித்த வரன் அமையும். அரசு அங்கீகாரமற்ற வங்கிகளில் முதலீடுகள் செய்வதை தவிர்க்கவும். உடல் நிலை தேறும். 8.5.2024 மாலை 7.06 முதல் 10.5.2024 இரவு 10.25 மணி வரை சந்திராஷ்டமம் இருப்பதால் உடனிருப்போரின் தனிப்பட்ட விஷயங்களில் தலையிட வேண்டாம். அமாவாசையன்று பித்ருக்களை வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிபலன்

29.04.2024 முதல் 05.05.2024 வரை

விபரீத ராஜயோகம். உச்சம் பெற்ற லாப அதிபதி சூரியன் ராசியை பார்க்கிறார். அஷ்டம ஸ்தானத்தில் நிற்கும் குரு தனம் வாக்கு குடும்ப ஸ்தானத்தை பார்க்கிறார். ஆடம்பர குடும்ப விருந்து உபசாரங்கள், விழாக்களில் கலந்து கொள்வீர்கள். வருமானத் தடை அகலும். வரவைக் காட்டிலும் செலவு அதிகரிக்கும். குடும்பத்தில் மகிழ்ச்சியான சுப நிகழ்வுகள் நடக்கும்.

புதிய தொழில் ஒப்பந்தங்கள் வந்து சேரும். குலத்தொழிலில் அபிவிருத்தி உண்டாகும். சிலருக்கு காதல் திருமணம் கைகூடும். மறு திருமணம் நடக்கும். விவாகரத்து வழக்கு சாதகமாகும். சொத்துக்கள் விற்பனையில் நல்ல லாபம் கிடைக்கும். சகோதர, சகோதரிகளின் திருமண முயற்சியில் அலைச்சல் மிகுந்த பயணம் உண்டு. மனைவி வழி உறவுகளுடன் நிலவிய கருத்து வேறுபாடு சீராகும்.

பிள்ளைகள் கல்வி, தொழிலுக்காக இடம் பெயரலாம். பெண்களுக்கு தாய் வழி ஆதரவு கிடைக்கும். ராசியை செவ்வாய் பார்ப்பதால் முக்கிய பணிகள் சிறிய தடுமாற்றத்திற்குப் பிறகு வெற்றி தரும். புதிய தொழில் முதலீட்டிற்கு சுய ஜாதக ஒப்பீடு அவசியம். சிலர் வேலையை மாற்றுவார்கள். தாய்மாமனுடன் ஏற்பட்ட மன பேதம் மறையும். ஸ்ரீ தான்ய லட்சுமியை வழிபடவும்

'பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

22.4.2024 முதல் 28.4.2024 வரை

துக்கம் அகலும் வாரம். ராசிக்கு சூரியன், குரு பார்வை. சூரியன் குரு சம்பந்தம் சிவராஜ யோகம். இது போல் ராசிக்கு 7ல் சூரியன் குரு சேரும் கிரக அமைப்பு மீண்டும் 12 ஆண்டுகளுக்குப் பிறகே ஏற்படும். மே1,2024 வரை நீடிக்கப் போகும் இந்த கிரக நிலவரம் துலாம் ராசியினருக்கு இழந்ததை மீட்டுக் கொடுக்கும் அமைப்பாகும். கூட்டுக் குடும்பத்தில் நிலவிய பிரச்சினைகள் கட்டுப்படும். பங்குச் சந்தை, ரியல் எஸ்டேட் துறையினரின் வருமானம் அதிகரிக்கும். புதிய தொழில் துவங்கும் திட்டங்கள் நிறைவேறும். உத்தியோகம் தொடர்பான புதிய முயற்சிகள் வெற்றி பெறும்.

இதுவரை தொழில், வேலை பற்றி சிந்திக்காதவர்கள் கூட வருமானம் சம்பாத்தியம் பற்றி யோசிப்பார்கள். வாரத்தின் பின் பகுதியில் ராசி அதிபதி சுக்ரன் ராசியை பார்ப்பதால் பெண்களுக்கு ஆடம்பர பொருட்கள் மற்றும் ஆபரணங்கள் வாங்குவதில் நாட்டம் மிகுதியாகும். வீடு, வாகன பிராப்தம் உண்டு. சிலருக்கு சகோதர, சகோதரிகள் அல்லது தந்தையின் கடன் மற்றும் ஜாமீன் தொகைக்கு பொறுப்பு ஏற்க வேண்டிய சூழல் உண்டாகும்.வெளிநாட்டு வேலை முயற்சி கைகூடும். சித்ரா பவுர்ணமி யன்று அம்பிகைக்கு தயிர் சாதம் படைத்து வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406