என் மலர்

    துலாம் - தமிழ் மாத ஜோதிடம்

    துலாம்

    தமிழ் மாத ராசிப்பலன்

    17-07-2022 முதல் 16-08-2022 வரை

    வாய்ப்பைத் தேடிச் சென்றால்தான் வெற்றிகாண இயலும் என்று சொல்லும் துலாம் ராசி நேயர்களே!

    ஆடி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசியில் கேதுவும், சப்தம ஸ்தானத்தில் ராகுவும் சஞ்சரிக்கிறார்கள். அர்த்தாஷ்டமச் சனி வக்ர இயக்கத்தில் இருப்பதால் உடல்நலம் சீராகி உற்சாகப்படுத்தும்.

    ஆடி 13-ந் தேதி, சிம்ம ராசிக்கு புதன் வருகிறார். உங்கள் ராசிக்கு 9, 12 ஆகிய இடங்களுக்கு அதிபதியான புதன் லாப ஸ்தானத்திற்கு வரும்பொழுது, பெற்றோர் வழியில் எதிர்பார்த்த உதவிகள் கிடைக்கும். பூர்வீக சொத்துக்களை விற்றுவிட்டு புதிய சொத்துக்கள் வாங்குவதில் ஆர்வம் காட்டுவீர்கள். வெளிநாட்டு வேலை கைகூடலாம்.

    ஆடி 22-ந் தேதி, கடக ராசிக்கு சுக்ரன் செல்கிறார். உங்கள் ராசிநாதன் 10-ம் இடத்திற்கு வரும்பொழுது மிகுந்த நற்பலன்களைக் கொடுக்கும். தொழில் வளம் சிறப்பாக இருக்கும். கேட்ட இடத்தில் தொகை கிடைக்கும். தொழிலை விரிவு செய்யமுயற்சிப்பீர்கள். புதிய ஒப்பந்தங்கள் வந்து சேரும். குடும்பப் பிரச்சினை குறையும். ஆடை, ஆபரண சேர்க்கை உண்டு.

    ஆடி 23-ந் தேதி, மீன ராசியில் குரு வக்ரம் பெறுகிறார். உங்கள் ராசிநாதன் சுக்ரனுக்கு, குரு பகை கிரகமாகும். அந்த குரு, வக்ரமாக இருக்கையில் உடன்பிறப்புகளுடன் மோதல் உருவாகலாம். வழக்குகள் உங்களுக்கு எதிராக திரும்பலாம். வருமானப் பற்றாக்குறை அதிகரிக்கும். தொழிலை மாற்றுவதில் பிரச்சினைகள் ஏற்படும். எதையும் ஒருமுறைக்குப் பலமுறை யோசித்துச் செய்வது நல்லது. குரு பகவான் 6-க்கு அதிபதியாகவும் விளங்குவதால் உத்தியோகத்தில் மாற்றம் ஏற்படும். பிற நிறுவனங்களில் இருந்து அதிக ஊதியத்துடன் அழைப்பு வரலாம். சுய ஜாதகத்தை ஆராய்ந்து பார்த்து அதை ஏற்றுக் கொள்வது நல்லது. எதிரிகள் பலம் குறையும். புதிய வாகனம் வாங்க முயற்சிப்பீர்கள். பொதுவாழ்வில் இருப்பவர்களுக்கு புதிய பொறுப்புகள் கிடைக்கும்.

    ஆடி 25-ந் தேதி, ரிஷப ராசிக்கு செவ்வாய் செல்கிறார். உங்கள் ராசிக்கு அஷ்டம ஸ்தானத்திற்கு செவ்வாய் வருவதால், ஆரோக்கியத்தில் மிகமிக கவனத்துடன் செயல்பட வேண்டும். வாகனங்களில் செல்லும்பொழுது கவனம் தேவை. இடமாற்றங்கள் எதிர்பாராத விதத்தில் வரலாம். உத்தியோகத்தில் திடீர் மாற்றங்கள் வந்து சேரும். 'யாரையும் எளிதில் நம்ப முடியவில்லையே' என்று கவலைப்படுவீர்கள்.

    இம்மாதம் வெள்ளிக்கிழமை தோறும் உமாமகேஸ்வரரை வழிபடுவதன் மூலம் உயர்வு காணலாம்.

    பணத்தேவையைப் பூர்த்தி செய்யும் நாட்கள்:- ஜூலை: 26, 27, 31, ஆகஸ்டு: 1, 6, 7, 8, 11, 12 மகிழ்ச்சி தரும் வண்ணம்:- நீலம்.

    பெண்களுக்கான பலன்கள்

    இம்மாதம் அா்த்தாஷ்டமச் சனி வக்ரம் பெற்றிருப்பதால் புதிய முயற்சிகளில் வெற்றி கிடைக்கும். பொருளாதாரம் திருப்தி தரும். கணவன் - மனைவிக்குள் விட்டுக் கொடுத்துச் செல்வது நல்லது. பிள்ளைகளின் சுபகாரியங்கள் முடிவாகும். உறவினர் ஒத்துழைப்பு கிடைக்கும். பணிபுரியும் பெண் களுக்கு நல்ல வாய்ப்புகள் வந்துசேரும். அலுவலகத்தில் கேட்ட சலுகை கிடைக்கும். சனி ஆதிக்கம் இருப்பதால் அனுமனை வழிபடுங்கள்.

    துலாம்

    தமிழ் மாத ராசிப்பலன்

    ஆனி மாத ராசி பலன்கள் 15-06-2022 முதல் 16-07-2022 வரை

    நினைத்ததை நினைத்தபடி செய்ய நினைக்கும் துலாம் ராசி நேயர்களே!

    ஆனி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசியிலேயே கேதுவும், சப்தம ஸ்தானத்தில் ராகுவும் வீற்றிருந்து சர்ப்ப தோஷத்தை உருவாக்குகிறார்கள். அர்த்தாஷ்டமச் சனி வக்ரம் பெற்று செவ்வாயைப் பார்க்கிறார். மனக்குழப்பம் அதிகரிக்கும்.

    ஆனி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசியிலேயே கேதுவும், சப்தம ஸ்தானத்தில் ராகுவும் வீற்றிருந்து சர்ப்ப தோஷத்தை உருவாக்குகிறார்கள். அர்த்தாஷ்டமச் சனி வக்ரம் பெற்று செவ்வாயைப் பார்க்கிறார். மனக்குழப்பம் அதிகரிக்கும்.

    ஆனி 4-ந் தேதி, ரிஷப ராசிக்கு சுக்ரன் செல்கிறார். உங்கள் ராசிநாதன் அஷ்டம ஸ்தானத்தில் தன் சொந்த வீட்டில் சஞ்சரிக்கும் பொழுது, 'கெட்டவன் கெட்டிடில் கிட்டிடும் ராஜயோகம்' என்பதற்கேற்ப நல்ல முன்னேற்றங்கள் வந்து சேரும். தடைப்பட்ட காரியங்கள் தானாக நடைபெறும். தொழிலில் ஏற்பட்ட இழப்புகளை ஈடுசெய்ய புதிய வாய்ப்புகள் உருவாகும்.

    ஆனி 11-ந் தேதி, மிதுன ராசிக்கு புதன் செல்கிறார். உங்கள் ராசிக்கு 9, 12 ஆகிய இடங்களுக்கு அதிபதியானவர் புதன். பாக்கியாதிபதி புதன் பாக்கிய ஸ்தானத்தில் சஞ்சரிக்கும் இந்த நேரம் ஒரு பொன்னான நேரமாகும். பூர்வீக சொத்துக்கள் அல்லது புதிய சொத்துக்களில் இருந்த வில்லங்கங்கள் விலகும். உத்தியோகத்தில் உள்ளவர்களுக்கு இடமாற்றங்கள் இனிமை தரும் விதத்தில் அமையும்.

    ஆனி 12-ந் தேதி, மேஷ ராசிக்கு செவ்வாய் செல்கிறார். உங்கள் ராசிக்கு 2, 7 ஆகிய இடங்களுக்கு அதிபதியானவர் செவ்வாய். அவர் தனது சொந்த வீடான மேஷத்தில் சஞ்சரித்து உங்கள் ராசியைப் பார்ப்பதால் சகோதர ஒற்றுமை பலப்படும். உடன்பிறப்புகள் உங்கள் முன்னேற்றத்திற்கு வழிவகுத்துக் கொடுப்பர். இடம், பூமியால் ஆதாயம் உண்டு. குடும்பத்தில் தடைப்பட்டு வந்த சுபநிகழ்வுகள் ஒவ்வொன்றாக நடந்தேறும். பணியில் இருப்பவர்களுக்கு கூடுதல் பொறுப்புகள் கிடைக்கும்.

    ஆனி 28-ந் தேதி, கடக ராசிக்குப் புதன் செல்கிறார். உங்கள் ராசிக்கு 9, 12 ஆகிய இடங்களுக்கு அதிபதியான புதன் தொழில் ஸ்தானம் எனப்படும் 10-ம் இடத்தில் சஞ்சரிக்கும் பொழுது, பணவரவு திருப்தியாக இருந்தாலும் விரயங்கள் அதிகரிக்கும். வாழ்க்கைத் துணைக்கு வேலை கிடைத்து, அதை முன்னிட்டும் இடமாற்றம் வரலாம். அத்தியாவசியப் பொருட்களை வாங்குவதில் ஆர்வம் காட்டுவீர்கள்.

    உங்கள் ராசிக்கு அதிபதியான சுக்ரன், பாக்கிய ஸ்தானத்திற்கு ஆனி 29-ந் தேதி வருகிறார். இக்காலம் ஒரு இனிய காலமாகும். நினைத்தது நிறைவேறும். நிகழ்காலத் தேவைகள் பூர்த்தியாகும். அதிலும் புதன் தன் சொந்த வீட்டில் சஞ்சரிப்பதால் ஆரோக்கியம் சீராகும். உற்சாகத்தோடு பணிபுரிவீர்கள். அலுவலகத்தில் எதிர்பார்த்துக் காத்திருந்த சலுகைகள் கிடைக்கும். தேங்கியிருக்கும் காரியங்கள் ஒவ்வொன்றாக நடைபெறும்.

    இம்மாதம் செவ்வாய்க்கிழமை தோறும் முருகப்பெருமானை வழிபட்டு வருவது நல்லது.

    பணத்தேவையைப் பூர்த்தி செய்யும் நாட்கள்:- ஜூன்: 17, 18, 19, 28, 29, ஜூலை: 3, 4, 5, 10, 11, 12, 15, 16 மகிழ்ச்சி தரும் வண்ணம்:- இளம்சிவப்பு.

    பெண்களுக்கான பலன்கள்

    இம்மாதம் அர்த்தாஷ்டமச் சனி வக்ரம் பெறுவதால் ஓரளவு நன்மை கிடைக்கும். இனிமை தரும் விதத்தில் இடமாற்றம் வந்து சேரும். கணவன் - மனைவிக்குள் ஒற்றுமை மேலோங்கும். பிள்ளைகள் வழியில் உத்தியோகம் சம்பந்தமாக எடுத்த முயற்சிகள் கைகூடும். மேஷ - செவ்வாயின் சஞ்சார காலத்தில், உங்கள் எண்ணங்கள் ஈடேறும். பணிபுரியும் பெண்களுக்கு கூடுதல் பொறுப்பு கிடைக்கும். குடும்ப முன்னேற்றம் திருப்தி தரும்.

    துலாம்

    தமிழ் மாத ராசிப்பலன்

    வைகாசி மாத ராசி பலன்கள் 15-05-2022 முதல் 14-06-2022 வரை

    அன்பாகப் பேசி அனைவர் மனதிலும் இடம்பிடிக்கும் துலாம் ராசி நேயர்களே!

    வைகாசி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் சுக்ரன் உச்சம் பெற்று 6-ம் இடத்தில் சஞ்சரிப்பதால் 'விபரீத ராஜயோகம்' அடிப்படையில் எதிர்பாராத திருப்பங்கள் ஏற்படும். ஜென்மத்தில் கேது இருப்பதால் ஆன்மிக நாட்டம் அதிகரிக்கும்.

    மீன - செவ்வாய் சஞ்சாரம்

    வைகாசி 3-ந் தேதி, மீன ராசிக்கு செவ்வாய் செல்கிறார். உங்கள் ராசிக்கு 2, 7 ஆகிய இடங்களுக்கு அதிபதியான செவ்வாய், 6-ம் இடத்திற்கு செல்லும்பொழுது சில எதிர்பார்ப்புகள் நிறைவேறும். மருத்துவம் சார்ந்த தொழிலில் இருப்பவர்களுக்கு மகத்தான பலன் கிடைக்கும். அடகு வைத்த நகைகளை மீட்பீர்கள்.

    சனி - செவ்வாய் பார்வைக் காலம்

    வைகாசி 3-ந் தேதி முதல் மாதக் கடைசி வரை, மீனத்தில் உள்ள செவ்வாயை மகரத்தில் இருக்கும் சனி பார்க்கப்போகிறார். உங்கள் ராசிக்கு 4-ம் இடத்தில் சஞ்சரிக்கும் சனி பகவான், தன -சப்தமாதிபதி செவ்வாயைப் பார்க்கும் பொழுது பொருளாதாரத்தில் நிறைவு ஏற்படும். தொழில், உத்தியோகத்தில் இருந்த குறுக்கீடுகள் அகலும். உடல்நலம் சீராக மாற்று மருத்துவம் கைகொடுக்கும்.

    புதன் வக்ர நிவர்த்தியும், ரிஷப சஞ்சாரமும்

    வைகாசி 7-ந் தேதி, மேஷ ராசியில் புதன் வக்ர நிவர்த்தியாகிறார். உங்கள் ராசிக்கு 9, 12 ஆகிய இடங்களுக்கு அதிபதியான புதன், வக்ர நிவர்த்தியாகும் பொழுது வாகன யோகம் ஏற்படும். பயணங்கள் அதிகரிக்கும். வைகாசி 23-ந் தேதி, ரிஷப ராசிக்கு புதன் செல்கிறார். மறைந்த புதனால் நிறைந்த தனலாபம் கிடைக்கும். கல்விக்காக எடுத்த முயற்சி கைகூடும். மங்கல நிகழ்ச்சி நடைபெறும்.

    மேஷ - சுக்ரன் சஞ்சாரம்

    இதுவரை உச்சம் பெற்று மீனத்தில் சஞ்சரித்த சுக்ரன், வைகாசி 10-ந் தேதி மேஷ ராசிக்கு செல்கிறார். உங்கள் ராசிநாதன் சப்தம ஸ்தானத்தில் சஞ்சரிப்பது நல்ல நேரம்தான். சுப காரியம் நடை பெறுவதற்கான அறிகுறி தென்படும். குடும்ப முன்னேற்றம் திருப்தி தரும். ஆடை, ஆபரண சேர்க்கை உண்டு. நினைத்ததை நினைத்தபடி செய்து முடிப்பீர்கள்.

    மகரச் சனியின் வக்ர காலம்

    உங்கள் ராசிக்கு சுக ஸ்தானம் மற்றும் பூர்வ புண்ணிய ஸ்தானத்திற்கு அதிபதியான சனி பகவான், வைகாசி 11-ந் தேதி வக்ரம் பெறுகிறார். அது அவ்வளவு நல்லதல்ல. சுகக்கேடு அதிகரிக்கும். துணிவும், தன்னம்பிக்கையும் குறையும். இதுபோன்ற காலங்களில் முறையான வழிபாடு அவசியம். வீண் விரயங்கள் அதிகரிக்கும். வியாபாரத்தில் போட்டி நிலவும். உத்தியோகத்தில் உழைப்பிற்கேற்ற பலன் கிடைக்காது.

    இம்மாதம் பட்டாபிஷேக ராமர் படத்தை இல்லத்தில் வைத்து வழிபடுவது நல்லது.

    பணத்தேவையைப் பூர்த்தி செய்யும் நாட்கள்:- மே: 16, 17, 21, 22, ஜூன்: 1, 2, 6, 7, 12, 13, 14மகிழ்ச்சி தரும் வண்ணம்:- பச்சை.

    பெண்களுக்கான பலன்கள்

    இம்மாதம் அர்த்தாஷ்டமச் சனியின் ஆதிக்கம் இருப்பதால் எதையும் ஒருமுறைக்குப் பலமுறை யோசித்து செய்வது நல்லது. அனுபவஸ்தர்களின் ஆலோசனை கைகொடுக்கும். ஆரோக்கியம் சீராக மாற்று மருத்துவம் பலன் தரும். கணவன் - மனைவிக்குள் விட்டுக்கொடுத்தல் அவசியம். பிள்ளைகளின் திருமணப் பேச்சு முடிவாகலாம். எதிர்பார்த்த சம்பள உயர்வும், உத்தியோக உயர்வும் கிடைக்கும். சனியின் வக்ர காலத்தில் கவனம் தேவை.

    ×