சிம்மம் - தமிழ் மாத ஜோதிடம்

தமிழ் மாத ராசிப்பலன்

15.3.2023 முதல் 13.4.23 வரை

நினைத்ததை நினைத்த நேரத்தில் செய்து முடிக்கும் சிம்ம ராசி நேயர்களே!

பங்குனி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் அஷ்டமத்தில் சஞ்சரிக்கிறார். எனவே உடல் நலத்தில் கவனம் தேவை. காரிய தாமதங்கள் தொடர்ந்து வந்து கொண்டேயிருக்கும். கவலைக்குரிய தகவல்களும் வரலாம். சனியும், சூரியனைப் பார்ப்பதால், தொழில் மற்றும் உத்தியோகத்தில் எதிர்பாராத மாற்றங்கள் உருவாகலாம். நிலைமை சீராக முறையான வழிபாடுகளை மேற்கொள்வது நல்லது. அஷ்டமத்தில் சூரியனோடு புதனும், குருவும் இணைந்திருப்பதால் காரியங்கள் கடைசி நேரத்தில் கைகூடிவிடும் என்றாலும் மனக்குழப்பம் அதிகரிக்கும்.

இம்மாதம் லாப ஸ்தானத்தில் சஞ்சரிக்கும் செவ்வாய் 6-ம் இடத்தில் சஞ்சரிக்கும் சனியைப் பார்க்கிறார். இந்த நிகழ்வு பங்குனி 14-ந் தேதி வரை இருப்ப தால் மாதத் தொடக்கத்தில் உங்கள் உழைப்பிற்கேற்ற பலன் கிடைப்பது அரிது. மனதில் உற்சாகம் குறையாமல் பார்த்துக் கொள்ளுங்கள். கையிருப்புகள் குறையலாம். கடமையில் தொய்வு ஏற்படும். 'நிலைமை இன்னும் சீராகவில்லையே, எப்பொழுதுதான் உழைப்பிற்கேற்ற பலன் கிடைக்குமோ?, ஸ்தம்பித்து நின்ற தொழில் சிறப்பாக நடைபெறுமா?' என்றெல்லாம் சிந்திக்கத் தோன்றும். வியாபாரம் மந்த நிலையில் இருந்தாலும் ஓரளவு லாபம் கிடைக்கும். பாக்கிகள் வசூலாவதில் தாமதம் ஏற்படும்.

மேஷ - புதன்

பங்குனி 15-ந் தேதி உங்கள் ராசிக்கு தன, லாபாதிபதியான புதன், 9-ம் இடத்திற்கு செல்கிறார். இக்காலம் உங்களுக்கு ஒரு ஏற்றமான காலமாகும். வருமானம் உயரும். வாழ்க்கைப் பாதை சீராகும். தொழிலில் எதிர்பார்த்த லாபம் எளிதில் கிடைக்கும். புதிய ஒப்பந்தங்கள் வந்து சேரும். பூமி வாங்குவது முதல் சாமி கும்பிடும் ஆன்மிகப் பயணம் வரை சந்தோஷமான தகவல் கிடைக்கும். பொதுவாழ்வில் உள்ளவர்களுக்கு புதிய திருப்பங்கள் ஏற்படும். கரைந்த சேமிப்புகளை ஈடுகட்ட முன்வருவீர்கள்.

ரிஷப - சுக்ரன்

பங்குனி 24-ந் தேதி உங்கள் ராசிக்கு 3, 10 ஆகிய இடங்களுக்கு அதிபதியான சுக்ரன், 10-ம் இடமான தொழில் ஸ்தானத்திற்கே செல்கிறார். எனவே தொழில் முன்னேற்றம் உண்டு. வாடகைக் கட்டிடத்தில் நடைபெற்ற தொழிலை சொந்தக் கட்டிடத்திற்கு மாற்றும் யோகம் உண்டு. சகோதர வர்க்கத்தினர் உங்களுக்கு உதவிகரமாக இருப்பர். வழக்குகள் சாதகமாக முடியும். வருமானப் பெருக்கத்திற்கும் வழி பிறக்கும். புதிய சொத்துகள் வாங்கும் யோகம் உண்டு.

பொதுவாழ்வில் உள்ளவர்களுக்கு முன்னேற்றப் பாதையில் இருந்த முட்டுக்கட்டைகள் அகலும். வியாபாரம், தொழில் நடத்துபவர்களுக்கு மாதத்தின் பிற்பகுதியில் எதிர்பார்ப்புகள் நிறைவேறும். வருமானம் திருப்தி தரும். கலைஞர்களுக்கு சந்தர்ப்பங்கள் சாதகமாக அமையும். மாணவ-மாணவிகளுக்கு படிப்பில் கூடுதல் கவனம் செலுத்துவதன் மூலம் முன்னேற்றம் ஏற்படும். பெண்களுக்கு சுபவிரயங்கள் அதிகரிக்கும். கணவன் - மனைவிக்குள் ஒருவரையொருவர் புரிந்து கொண்டு செயல்படுவது நல்லது. பணிபுரியும் இடத்தில் சகப் பணியாளர்களை அனுசரித்துச் செல்லுங்கள். சொத்து சம்பந்தப்பட்ட பிரச்சினை நல்ல முடிவிற்கு வரும்.

இம்மாதம் சூரிய பகவான் வழிபாடு சுகத்தை வழங்கும்.

பணத்தேவையைப் பூர்த்தி செய்யும் நாட்கள்:-

மார்ச்: 24, 25, 29, 30, ஏப்ரல்: 6, 7, 8, 10, 11.

மகிழ்ச்சி தரும் வண்ணம்:- வைலட்.

தமிழ் மாத ராசிப்பலன்

13.2.2023 முதல் 14.3.2023 வரை

மனதில் நினைத்ததை மறுகணமே செய்து முடிக்கும் சிம்ம ராசி நேயர்களே!

மாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் அஷ்டமத்தில் குரு மறைந்திருந்தாலும் அவரது பார்வை 2, 4, 12 ஆகிய இடங்களில் பதிவாகின்றது. எனவே தேவைக்கேற்ப பணம் வந்துசேரும். குடும்பத்தில் சுப நிகழ்வுகள் நடப்பதற்கான அறிகுறிகள் தென்படும். கொடுத்த வாக்கைக் காப்பாற்றுவீர்கள். பயணங்கள் அதிகரிக்கும். ஒருசிலருக்கு இடமாற்றம், வீடு மாற்றம் வந்து சேரும். வீடு கட்டுவது அல்லது கட்டிய வீட்டைப் பழுது பார்ப்பது போன்றவற்றில் கவனம் செலுத்துவீர்கள். பார்க்கும் குருவைப் பலப்படுத்த, இக்காலத்தில் குரு வழிபாடு செய்தால் கூடுதல் நன்மை கிடைக்கும்.

உச்ச சுக்ரன் சஞ்சாரம்

மாசி 4-ந் தேதி மீன ராசிக்குச் செல்லும் சுக்ரனுக்கு, அது உச்ச வீடாகும். உங்கள் ராசிக்கு 3, 10 ஆகிய இடங்களுக்கு அதிபதியான சுக்ரன், உச்சம் பெற்று குரு பகவானோடு சஞ்சரிப்பது யோகம்தான். திடீர் திடீரென பல நல்ல காரியங்கள் முடிவடையும். செல்வநிலை படிப்படியாக உயர்ந்து சேமிப்பை அதிகரிக்கச் செய்யும். உத்தியோகத்தில் உள்ளவர்களுக்கு ஊதிய உயர்வும், பதவி உயர்வும் தானாக வரலாம். இதுவரை ஸ்தம்பித்து நின்ற தொழில், இனி வெற்றி நடைபோடும். பெண்களால் ஏற்பட்ட பிரச்சினைகள் அகலும்.

கும்ப - புதன் சஞ்சாரம்

மாசி 9-ந் தேதி, கும்ப ராசிக்கு புதன் செல்கிறார். உங்கள் ராசிக்கு தன -லாபாதிபதியானவர் புதன். அவர் கும்பத்திற்கு சென்று உங்கள் ராசிநாதன் சூரியனோடு இணைந்து 'புத ஆதித்ய யோக'த்தை உருவாக்குகிறார். எனவே நினைத்தது நிறைவேறும். நிகழ்காலத் தேவைகள் பூர்த்தியாகும். அனைத்து விதமான நன்மைகளும் அடுத்தடுத்து வந்துசேரும். தொழில் வளம் சிறப்பாக இருக்கும். புதிய ஒப்பந்தங்களிலும் கையெழுத்திட்டு மகிழ்வீர்கள்.

மீன - புதன் சஞ்சாரம்

மாசி 25-ந் தேதி மீன ராசிக்குச் செல்லும் புதன், அங்கு நீச்சம் பெறுகிறார். தனாதிபதி நீச்சம் பெறும் போது, தட்டுப்பாடுகள் அதிகரிக்கும். 'பொருளாதாரத்தில் பற்றாக்குறை ஏற்படுகின்றதே' என்று கவலைப்படுவீர்கள். குடும்ப உறுப்பினர்கள் உங்கள் மீது குற்றம் சுமத்துவர். வெளிநாடு செல்லும் முயற்சியில் தாமதம் ஏற்படும். இளைய சகோதரத்தோடு இணக்கம் குறையும். அலைச்சலுக்கேற்ற ஆதாயம் கிடைக்காது.

மேஷ - சுக்ரன் சஞ்சாரம்

மாசி 29-ந் தேதி, மேஷ ராசிக்கு சுக்ரன் செல்கிறார். பாக்கிய ஸ்தானத்திற்கு சுக்ரன் வரும் பொழுது தடைகளும், தாமதங்களும் அகலும். தனித்து இயங்கும் சூழ்நிலை அமையும். பெண் பிள்ளைகளின் திருமணத்தை முன்னிட்டு சீர்வரிசைப் பொருட்களை வாங்கும் முயற்சி கைகூடும். அடகு வைத்த நகைகளை மீட்பீர்கள். வெளிநாட்டில் உள்ள நல்ல நிறுவனங்களில் பணிபுரிய அழைப்புகள் தேடி வரலாம். வாழ்க்கைத் தேவைகள் படிப்படியாகப் பூர்த்தியாகும். வீடு கட்டும் முயற்சி அல்லது சொத்துக்கள் வாங்கும் முயற்சியில் ஆர்வம் காட்டுவீர்கள்.

மிதுன - செவ்வாய் சஞ்சாரம்

மார்ச் 30-ந் தேதி, மிதுன ராசிக்கு செவ்வாய் செல்கிறார். இக்காலத்தில் மிகுந்த கவனம் தேவை. விரயங்கள் அதிகரிக்கலாம். கடன் வாங்கிய இடத்தில் சில பிரச்சினைகள் உருவாகலாம். பூர்வீகச் சொத்துகளிலும் சிக்கல்கள் ஏற்படலாம். தொழில் வளர்ச்சியில் குறுக்கீடுகள் உருவாகும். எலும்பு, நரம்பு சம்பந்தப்பட்ட பாதிப்புகள் ஏற்படலாம். ஒரு கடனை அடைக்க மற்றொரு கடன் வாங்கும் சூழ்நிலை உருவாகும். அங்காரக வழிபாடு செய்வதன் மூலம் படிப்படியான முன்னேற்றங்கள் வந்துசேரும்.

இம்மாதம் வெள்ளிக்கிழமை தோறும் அம்பிகையை வழிபடுவதன் மூலம் இன்பங்கள் வந்து சேரும்.

பணத்தேவையைப் பூர்த்தி செய்யும் நாட்கள்:-

பிப்ரவரி: 13, 14, 15, 25, 26, மார்ச்: 2, 3, 8, 9, 12, 13, 14.

மகிழ்ச்சி தரும் வண்ணம்:- பச்சை.

தமிழ் மாத ராசிப்பலன்

16.12.22 முதல் 14.1.23 வரை

கொடுத்த வாக்கைக் காப்பாற்ற வேண்டும் என்று சொல்லும் சிம்ம ராசி நேயர்களே!

மார்கழி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் சூரியன் மாதத் தொடக்கத்தில் பூர்வ புண்ணிய ஸ்தானத்தில் சஞ்சரிக்கிறார். அவரோடு தன-லாபாதிபதியான புதனும், தொழில் மற்றும் சகாய ஸ்தானத்திற்கு அதிபதியான சுக்ரனும் இணைந்து சஞ்சரிக்கின்றனர். எனவே வளர்ச்சிப் பாதையில் இருந்த இடையூறு அகலும். தொழில் வளர்ச்சி உண்டு. வருமானம் திருப்தி தரும். வரன்கள் நல்ல முடிவிற்கு வரும்.

புதன் வக்ர இயக்கம்

உங்கள் ராசிக்கு 2, 11 ஆகிய இடங்களுக்கு அதிபதியான புதன், மார்கழி 3-ந் தேதி தனுசு ராசியில் வக்ரம் பெறுகிறார். தன-லாபாதிபதியான புதன் வக்ரம் பெறுவது அவ்வளவு நல்லதல்ல. பொருளாதாரப் பற்றாக்குறை உயரும். ஒரு கடனை அடைக்க மற்றொரு கடன் வாங்குவதால், சங்கிலித் தொடர் போல கடன் சுமை கூடும். குடும்பத்தில் குழப்பங்கள் அதிகரிக்கும். வாசல் தேடி வந்த ஒப்பந்தங்கள் கை நழுவிச் செல்லலாம். பழைய பிரச்சினைகள் மீண்டும் தலைதூக்கும். வெளிநாடு சென்றவர்கள், அங்கே உரிய வேலை கிடைக்காமல் சொந்த ஊர் திரும்பும் சூழ்நிலை உருவாகும். உத்தியோகத்தில் உள்ளவர்கள், சக ஊழியர்களை அனுசரித்துச் செல்வது நல்லது. உங்கள் முன்னேற்றத்தை அவர்களிடம் சொல்வதன் மூலம் சில பிரச்சினைகளைச் சந்திக்க நேரிடும்.

மகர - சுக்ரன் சஞ்சாரம்

உங்கள் ராசிக்கு 3, 10 ஆகிய இடங்களுக்கு அதிபதியான சுக்ரன், மார்கழி 15-ந் தேதி மகர ராசிக்குச் செல்கிறார். அவர் மகரத்தில் உள்ள சனியோடு இணைந்து சஞ்சரிக்கும் போது உடன்பிறப்புகளின் உதவி கிடைக்கும். ஒப்பந்தங்களில் கையெழுத்திட்டு மகிழ்வீர்கள். கடன்சுமையின் காரணமாக மூடிக்கிடந்த தொழிலை ஏற்று நடத்த முன்வருவீர்கள். நினைத்த இலக்கை அடைய வழிபிறக்கும். உத்தியோகத்தில் உள்ளவர்களுக்கு எதிர்பார்த்த சலுகைகள் கிடைக்கும்.

புதன் வக்ர நிவர்த்தி

மார்கழி 24-ந் தேதி, தனுசு ராசியில் சஞ்சரிக்கும் புதன் வக்ர நிவர்த்தியாவதால் நல்ல பலன்கள் இல்லம் தேடிவரும். பிள்ளைகளுக்கு வேலை கிடைத்து உதிரி வருமானங்கள் வந்து சேரும். பூர்வீக சொத்துக்களைப் பாகப்பிரிவினை செய்யும் முயற்சி கைகூடும். புண்ணிய காரியங்களுக்கு கொடுத்து உதவுவீர்கள். இல்லத்தில் மங்கல ஓசை கேட்கும் வாய்ப்பு உருவாகும்.

செவ்வாய் வக்ர நிவர்த்தி

மார்கழி 29-ந் தேதி, ரிஷபத்தில் சஞ்சரிக்கும் செவ்வாய் வக்ர நிவர்த்தியாகிறார். இது ஒரு பொற்காலமாகும். உங்கள் ராசிக்கு யோகாதிபதியாக விளங்கும் செவ்வாய் வக்ர நிவர்த்தியாவதால் நல்ல வாய்ப்புகள் இல்லம் தேடி வரும். அன்றாட செயல்களில் இருந்த தாமதம் அகலும். பெற்றோர் வழி ஆதரவோடு பிரச்சினைகளில் இருந்து விடுபடுவீர்கள். உற்றார், உறவினர் உங்கள் முன்னேற்றத்தைக் கண்டு ஆச்சரியப்படுவார்கள். சொத்துக்களால் லாபம் உண்டு. எந்த காரியத்தைச் செய்வதாக இருந்தாலும் ஒரு முறைக்கு பல முறை யோசித்துச் செய்வது நன்மையைத் தரும்.

செவ்வாய் உங்கள் ராசிக்கு 9-ம் இடத்திற்கும் அதிபதியாக விளங்குவதால் பாக்கிய ஸ்தானம் பலப்படுகிறது. எனவே சகல வழிகளிலும் நன்மை கிடைக்கும். தடுமாற்றங்கள் அகலும். எதிர்கால நலன்கருதி எடுத்த முயற்சிகளில் வெற்றி கிடைக்கும். எதை எந்த நேரத்தில் செய்ய வேண்டுமோ அதை அந்த நேரத்தில் செய்து முடிப்பீர்கள். பணிபுரியும் இடத்தில் பதவி உயர்வு, ஊதிய உயர்வு போன்றவை தானாகவே வந்து சேரும்.

இம்மாதம் ஞாயிறு தோறும் அனுமனை வழிபட்டால் ஆனந்தமான வாழ்க்கை அமையும்.

பணத்தேவையைப் பூர்த்தி செய்யும் நாட்கள்:- டிசம்பர்: 16, 17, 26, 27, ஜனவரி: 1, 2, 6, 7, 14. மகிழ்ச்சி தரும் வண்ணம்:- ரோஸ்.

இந்த வார ராசிப்பலன்

17.11.21 முதல் 15.12.21 வரை

நாளும் ஒரு நல்ல காரியம் செய்ய வேண்டுமென்று நினைக்கும்சிம்ம ராசி நேயர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் சுக ஸ்தானத்தில் சஞ்சரிக்கின்றார். அவரோடு கேதுவும் இணைந்திருக்கின்றார். குருவின் நேரடி பார்வை உங்கள் ராசியில் பதிவதால் புதிய முயற்சிகளில் வெற்றி கிடைக்கும். பொருளாதாரத்தில் நிறைவு ஏற்படும்.

செவ்வாய்-சனி பார்வைக் காலம்

மாதத் தொடக்கத்தில் இருந்து கார்த்திகை மாதம் 20-ந் தேதி வரை செவ்வாய்-சனி பார்வை இருக்கின்றது. பூமிகாரகன் செவ்வாய் சகாய ஸ்தானத்தில் இருப்பதால் `வாங்கிப் போட்ட இடத்தை விற்க முடியவில்லையே, கட்டிய கட்டிடத்திற்கு வாடகைக்கு குடிவர ஆள் வரவில்லையே' என்றெல்லாம் நினைத்தவர்களுக்கு நல்ல தகவல் இப்போது கிடைக்கும். வாழ்க்கைத் துணை வழியே சிறுசிறு பிரச்சினைகள் வரலாம்.

விருச்சிக புதனின் சஞ்சாரம்

கார்த்திகை முதல் நாளே விருச்சிக ராசிக்குப் புதன் செல்கின்றார். உங்கள் ராசிக்கு 2, 11-க்கு அதிபதியானவர் புதன். அவர் சுக ஸ்தானத்தில் சஞ்சரிக்கும் இந்த நேரம் சுகங்களும், சந்தோஷங்களும் வந்து சேரும். தொழில் வெற்றி நடை போடும். வெளிநாட்டிலிருந்து நல்ல தகவல் கிடைக்கலாம். பணிபுரிபவர்களுக்கு பாராட்டும், புகழும் கூடும். அரசு வேலைக்காக முயற்சித்தவர்களுக்கு அதுவும் கைகூடும். புதிய சொத்துக்கள் வாங்கும் யோகம் உண்டு. மாமன், மைத்துனர் வழியில் மங்கல நிகழ்ச்சிகள் நடைபெறலாம்.

தனுசு புதனின் சஞ்சாரம்

கார்த்திகை மாதம் 18-ந் தேதி தனுசு ராசிக்குப் புதன் செல்கின்றார். அங்குள்ள சுக்ரனோடு சேர்ந்து புத-சுக்ர யோகத்தை உருவாக்குகின்றார். எனவே பிள்ளைகள் வழியில் பெருமைக்குரிய தகவல் கிடைக்கலாம். பூர்வீக சொத்துக்களில் இருந்த பிரச்சினை படிப்படியாக அகலும். புனிதப் பயணங்களை மேற்கொள்வீர்கள். புத-சுக்ர யோகம் ஏற்படுவதால் சொத்துக்களால் ஆதாயமும், செல்வ நிலையில் உயர்வும் ஏற்படும்.

மகர சுக்ரனின் சஞ்சாரம்

கார்த்திகை 19-ந் தேதி மகர ராசிக்குச் சுக்ரன் செல்கின்றார். உங்கள் ராசிக்கு 3, 10 ஆகிய இடங்களுக்கு அதிபதியானவர் சுக்ரன். சகாய ஸ்தானம் மற்றும் தொழில் ஸ்தானத்திற்கு அதிபதியான சுக்ரன் 6-ல் சஞ்சரிக்கும் பொழுது தொழில் வளம் சிறப்பாக இருக்கும். உத்தியோகத்தில் உள்ளவர்களுக்கு எதிர்பார்த்த ஊதிய உயர்வும், இலாகா மாற்றங்களும் கிடைக்கலாம். பணி நிரந்தரம் பற்றிய நல்ல தகவல் வந்து சேரும்.

விருச்சிக செவ்வாயின் சஞ்சாரம்

கார்த்திகை 20-ந் தேதி விருச்சிக ராசிக்கு செவ்வாய் செல்கின்றார். உங்கள் ராசிக்கு யோகம் செய்யும் கிரகம் செவ்வாயாகும். அவர் தன் சொந்த வீட்டில் சஞ்சரிக்கும் இந்த நேரத்தில் எடுத்த முயற்சிகள் கைகூடும். தொழிலில் கூடுதல் லாபம் கிடைக்கும். வாரிசுகளின் திருமணங்களை சிறப்பாக நடத்தி வைப்பீர்கள். சொத்துக்களால் ஆதாயம் கிடைக்கும். முருகப்பெருமான் வழிபாடு முன்னேற்றம் தரும்.

பணத்தேவையைப் பூர்த்தி செய்யும் நாட்கள்:-

நவம்பர்: 17, 18, 23, 24, 30, டிசம்பர்: 1, 3, 4, 5, 14, 15

மகிழ்ச்சி தரும் வண்ணம்:- மஞ்சள்.

தமிழ் மாத ராசிப்பலன்

வேகத்தோடு விவேகமும் கொண்டு செயல்படும் சிம்ம ராசி நேயர்களே!

ஐப்பசி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் சூரியன் நீ்ச்சம் பெற்றாலும், உச்சம் பெற்ற சுக்ரன் மாத தொடக்கத்திலேயே சூரியனுடன் இணைந்து 'நீச்சபங்க ராஜ யோக'த்தை உருவாக்குகிறார். இதனால் நல்ல மாற்றங்களும், ஏற்றங்களும் வந்து சேரும். தொழில் வளர்ச்சி சிறப்பாக இருக்கும்.

துலாம் - சுக்ரன் சஞ்சாரம்

ஐப்பசி 2-ந் தேதி, துலாம் ராசிக்கு சுக்ரன் செல்கிறார். அது அவருக்கு சொந்த வீடாகும். உங்கள் ராசிக்கு 3, 10 ஆகிய இடங்களுக்கு அதிபதியான சுக்ரன், 3-ம் இடத்திலேயே சஞ்சரிப்பது யோகம்தான். வெற்றிகள் ஸ்தானாதிபதி சுக்ரன் என்பதால் தொட்ட காரியங்களில் வெற்றி கிடைக்கும். தொல்லை கொடுத்தவர்கள் விலகுவர். நல்ல காரியங்கள் இல்லத்தில் நடைபெற வழிபிறக்கும். சகோதர ஒற்றுமை பலப்படும். வீட்டிற்குத் தேவையான விலை உயர்ந்த பொருட்களை வாங்கும் முயற்சி கைகூடும். பணியில் இருப்பவர்களுக்கு மேலதிகாரிகள் பக்கபலமாக இருப்பதோடு வேண்டிய உதவிகளை செய்வர்.

துலாம் - புதன் சஞ்சாரம்

ஐப்பசி 6-ந் தேதி, துலாம் ராசிக்கு புதன் செல்கிறார். உங்கள் ராசிக்கு 2, 11 ஆகிய இடங்களுக்கு அதிபதியான புதன், சகாய ஸ்தானத்தில் சகாய ஸ்தானாதிபதி சுக்ரனோடு இணைந்திருப்பது மிகமிக அற்புதமான நேரமாகும். தொழில் முன்னேற்றம், கொடுக்கல்- வாங்கல்களில் அதிக லாபம், சுபச் செய்திகள் வரும் சூழ்நிலை அமையும் நேரம் இது. உத்தியோகத்தில் உள்ளவர்களுக்கு வெளிநாட்டில் உள்ள பிரபல நிறுவனங்களில் இருந்து அழைப்பு கள் வரலாம். தன லாபாதிபதி புதன் பலம்பெறும் இந்த நேரத்தில் அடிப்படை வசதிகளைப் பெருக்கிக் கொள்வீர்கள். கொடுத்த பணம் திரும்பக் கிடைக்கும். வீட்டிற்கு தேவையான பொருட்களை வாங்கும் முயற்சி கைகூடும். பெண் பிள்ளைகளின் கல்யாண சீர்வரிசைகளையும் வாங்கி மகிழ்வீர்கள்.

மிதுன-செவ்வாய் வக்ரம்

மாதத் தொடக்கத்தில் மிதுனத்தில் இருக்கும் செவ்வாய், மகரத்தில் உள்ள சனியைப் பார்க்கின்றார். இந்த செவ்வாய் - சனி பார்வை அவ்வளவு நல்லதல்ல. அதோடு ஐப்பசி 18-ந் தேதி செவ்வாய் வக்ரம் பெறுகிறார். உங்களுக்கு யோகம் செய்யும் கிரகம் வக்ரம் பெறுவதாலும், அவர் லாப ஸ்தானத்தில் இருப்பதாலும் சொத்து விற்பனையால் லாபம் உண்டு. சொந்தங்களையும், சுற்றி இருப்பவர்களையும் பகைத்துக் கொள்ளாமல் இருப்பது நல்லது. திடீர் இடமாற்றம், வீடுமாற்றம் வரலாம். சுபச்செலவுகள் அதிகரிக்கும்.

விருச்சிக - புதன் சஞ்சாரம்

ஐப்பசி 23-ந் தேதி, விருச்சிக ராசிக்கு புதன் செல் கிறார். உங்கள் ராசிக்கு 2, 11 ஆகிய இடங்களுக்கு அதிபதியான புதன், சுக ஸ்தானத்திற்கு வரும் போது பொருளாதாரத்தில் நிறைவு ஏற்படும். பாக்கிகள் வசூலாகிப் பரவசப்படுத்தும். தேங்கி இருந்த காரியங்கள் துரிதமாக நடைபெறும். புதிய கட்டிடம் கட்டிக் குடியேறும் யோகம் உண்டு.

விருச்சிக - சுக்ரன் சஞ்சாரம்

ஐப்பசி 26-ந் தேதி, விருச்சிக ராசிக்கு சுக்ரன் ெசல் கிறார். உங்கள் ராசிக்கு 3, 10 ஆகிய இடங்களுக்கு அதிபதியான சுக்ரன், 4-ம் இடத்தில் சஞ்சரிக்கும் பொழுது, தொழில் முன்னேற்றம் உண்டு. துணிவும், தன்னம்பிக்கையும் கூடும். புதிய ஒப்பந்தங்கள் வந்து சேரும். புகழ்மிக்கவர்கள் உங்களுக்குப் பின்னணியாக இருந்து நல்ல காரியங்களை முடித்துக் கொடுப்பர்.

குரு வக்ர நிவர்த்தி

உங்கள் ராசிக்கு 8-ம் இடத்தில் சஞ்சரிக்கும் குரு பகவான், மாதத் தொடக்கத்தில் வக்ர இயக்கத்தில் இருக்கிறார். ஐப்பசி 30-ந் தேதி அவர் வக்ர நிவர்த்தியாகிறார். இனி அவரது பார்வைக்கு பலம் அதிகம் கிடைக்கும். எனவே ஆரோக்கியம் சீராகும். அடுத்தடுத்து எடுக்கும் முயற்சிகளில் வெற்றி கிடைக்கும். தொழிலில் பழைய பங்குதாரர்களை விலக்கி விட்டுப் புதியவர்களை சேர்க்க முன்வருவீர்கள். தனவரவு திருப்தி தரும்.

பணத்தேவையைப் பூர்த்தி செய்யும் நாட்கள்:-

அக்டோபர்: 23, 24, 28, 29, நவம்பர்: 7, 8, 13, 14.

மகிழ்ச்சி தரும் வண்ணம்:- கரும்பச்சை.

தமிழ் மாத ராசிப்பலன்

18.9.22 முதல் 17.10.22 வரை

தெருவில் செல்லும் பொழுது கும்பிட்டுப் பேசுபவர்களாக விளங்கும் சிம்ம ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசியிலேயே தனாதிபதி புதனும், தன ஸ்தானத்தில் ராசிநாதன் சூரியனும் பரிவர்த்தனை யோகம் பெற்றிருக்கிறார்கள். எனவே தொட்ட காரியங்களில் வெற்றி கிடைக்கும்.

கன்னி - சுக்ரன் சஞ்சாரம்

புரட்டாசி 8-ந் தேதி கன்னி ராசிக்குச் செல்லும் சுக்ரன், அங்கு நீச்சம் பெறுகிறார். உங்கள் ராசிக்கு 3, 10 ஆகிய இடங்களுக்கு அதிபதியான சுக்ரன், நீச்சம் பெறுவதால் ஒருசில காரியங்களில் தாமதம் ஏற்படலாம். பெண்வழிப் பிரச்சினைகள் குறுக்கிடும். உடன்பிறப்பு களின் ஆதரவு குறையும். தொழில் செய்பவர்கள், யாரையும் நம்பி செயல்பட முடியாது. ஜீவன ஸ்தானத்தில் சனி வக்ரம் பெற்றிருக்கிறார். எனவே இக்காலத்தில் உங்கள் எதிர்பார்ப்புகள் நிறைவேற திசாபுத்திக்கேற்ற தெய்வங்களைத் தேர்ந்தெடுத்து வழிபடுங்கள்.

கன்னி - புதன் சஞ்சாரம்

புரட்டாசி 16-ந் தேதி, கன்னி ராசிக்கு புதன் செல்கிறார். உங்கள் ராசிக்கு தன, லாபாதிபதியானவர் புதன். கன்னி ராசி என்பது புதனுக்கு சொந்தவீடு மட்டுமல்லாமல் உச்ச வீடும் ஆகும். எனவே தனாதிபதி உச்சம் பெறும் இந்த நேரம் தனவரவு அதிகரிக்கும். நினைத்ததை நினைத்த நேரத்தில் செய்து முடிப்பீர்கள். மங்கல ஓசை மனையில் கேட்க வழிபிறக்கும். தங்கு தடைகள் தானாக விலகும். அஷ்டமத்து குருவின் ஆதிக்கத்தால் சிறுசிறு பிரச்சினைகள் வந்தாலும் அதைச் சமாளித்து விடுவீர்கள். உத்தியோகத்தில் சம்பள உயர்வு, பணி உயர்வு கிடைக்கும்.

மிதுன - செவ்வாய் சஞ்சாரம்

புரட்டாசி 22-ந் தேதி, மிதுன ராசிக்குச் செவ்வாய் செல்கின்றார். உங்கள் ராசிக்கு யோகம் செய்யும் கிரகமான செவ்வாய், லாப ஸ்தானத்தில் சஞ்சரிக்கும் இந்த நேரம் நல்ல நேரம்தான். பூமி சம்பந்தமாக எடுத்த முயற்சி கைகூடும். வீடு கட்டுவது, கட்டிய வீட்டைப் பழுது பார்ப்பதில் கவனம் செலுத்துவீர்கள்.

செவ்வாய், சனி பார்வை உள்ளதால் ஆரோக்கியத்தில் கவனம் தேவை. உழைப்பிற்கேற்ற பலன் கிடைக்காது. உத்தியோகத்தில் மாற்றங்கள் ஏற்படும். தொழிலில் நம்பிக்கைக்குரியவர்கள் உங்களை விட்டு விலகாமல் பார்த்துக்கொள்ளுங்கள்.

சனி வக்ர நிவர்த்தி

புரட்டாசி 23-ந் தேதி, சனி வக்ர நிவர்த்தியாகிறார். உங்கள் ராசிக்கு 6,7 ஆகிய இடங்களுக்கு அதிபதியான சனி, விபரீத ராஜயோக அடிப்படையில் ஒருசில நன்மைகளை தந்தாலும் குடும்ப பிரச்சினை அதிகரிக்கும். சனிக் குரிய வழிபாடுகளை மேற்கொள்வதால் சங்கடங்கள் அகலும்.

இம்மாதம் வெள்ளிக்கிழமை தோறும், அபிராமி அம்மன் வழிபாடு ஆனந்த வாழ்வு தரும்.

பணத்தேவையைப் பூர்த்தி செய்யும் நாட்கள்:- செப்டம்பர்: 18, 19, 26, 27, 30, அக்டோபர்: 1, 2, 11, 12, 15, 16.மகிழ்ச்சி தரும் வண்ணம்:- ஆரஞ்சு.

பெண்களுக்கான பலன்கள்

இம்மாதம் சுபவிரயங்கள் அதிகரிக்கும். துணிவும், தன்னம்பிக்கையும் கூடும். எதிர்கால நலன்கருதி செய்த ஏற்பாடுகளில் வெற்றி கிடைக்கும். கணவன் - மனைவிக்குள் இருந்த கருத்து வேறுபாடுகள் அகலும். அசையாச் சொத்துக்கள் வாங்குவதில் ஆர்வம் காட்டுவீர்கள். வருமானம் திருப்தி தரும். பிள்ளைகள் வழியில் கல்யாண முயற்சிகள் கைகூடும். பணிபுரியும் பெண்களுக்கு மேலிடத்து ஆதரவு உண்டு. கேட்ட சலுகைகளும் கிடைக்கும்.

தமிழ் மாத ராசிப்பலன்

17.8.2022 முதல் 17.9.2022 வரை

வாய்ப்பைத் தேடிச் செல்லாமல் தன்னைத் தேடி வரவைக்கும் சிம்ம ராசி நேயர்களே!

ஆவணி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் ராசிநாதன் சூரியன் உங்கள் ராசியிலேயே சஞ்சரிப்பது யோகம்தான். உடல்நலம் சீராகும். செல்வ நிலை உயரும்.

சிம்ம - சுக்ரன் சஞ்சாரம்

உங்கள் ராசிக்கு அதிபதியான சூரியன், மாதம் முழுவதும் உங்கள் ராசியிலேயே சஞ்சரிக்கிறார். இது ஒரு அற்புதமான நேரமாகும். தொட்ட காரியங்கள் வெற்றியாகும். அரசுவழி ஆதரவு கிடைக்கும். பணப்புழக்கம் சரளமாகும். உத்தியோகத்தில், நீங்கள் கேட்ட சலுகைகள் கிடைக்கும். தொழில் வளம் சிறக்கும். அரசியலில் புதிய பொறுப்புகள் கிடைக்கலாம்.

கன்னி - புதன் சஞ்சாரம்

ஆவணி 8-ந் தேதி, கன்னி ராசிக்குச் செல்லும் புதன் அங்கு உச்சம் பெறுகிறார். உங்கள் ராசிக்கு 2-ம் இடமான தன ஸ்தானத்திற்கும், 11-ம் இடமான லாப ஸ்தானத்திற்கும் அதிபதியானவர் புதன். அவர் தன ஸ்தானத்தில் பலம்பெறும் போது, தனவரவு தாராளமாகும். புதிய தொழில் தொடங்கும் திட்டங்கள் மனதில் உருவாகும்.

வக்ர புதன் சஞ்சாரம்

ஆவணி 12-ந் தேதி, உங்கள் ராசிக்கு வக்ர இயக்கத்தில் புதன் வருகிறார். புதன் வக்ரம் பெறுவதால் பொிய அளவில் பாதிப்பு ஏற்படாது. பொருளாதாரப் பற்றாக்குறையை அகற்ற புதிய முயற்சிகளில் ஈடுபடுவீர்கள். கொடுக்கல்- வாங்கலில் பிரச்சினை இருந்தாலும், முன்னேற்றத்தில் முட்டுக்கட்டை வராது. 'புத ஆதித்ய யோகம்' செயல்படும் இந்த நேரத்தில் வங்கிகளின் உதவி கிடைக்கும்.

சிம்ம - சுக்ரன் சஞ்சாரம்

ஆவணி 16-ந் தேதி, சிம்ம ராசிக்கு சுக்ரன் வருகிறார். உங்கள் ராசிக்கு 3, 10 ஆகிய இடங்களுக்கு அதிபதியான சுக்ரன், உங்கள் ராசியிலேயே இருப்பதால் தொழில் வளம் சிறப்பாகும். எடுத்த காரியத்தை எளிதில் முடிப்பீர்கள். மங்கல ஓசை மனையில் கேட்கும். உத்தியோகத்தில் உள்ளவர்களுக்கு சக ஊழியர்களால் ஏற்பட்ட பிரச்சினை அகலும். மேலதிகாரிகள் உங்கள் கருத்துக்களை ஏற்றுக்கொள்வர்.

குரு வக்ரமும், சனி வக்ரமும்

மாதம் முழுவதும் குருவும், சனியும் வக்ர இயக்கத்தில் உள்ளனர். உங்கள் ராசிக்கு 5, 8 ஆகிய இடங்களுக்கு அதிபதியானவா் குரு. அஷ்டமாதிபதி வக்ரம் பெறுவது நன்மைதான் என்றாலும், பஞ்சமாதி பதியாகவும் அல்லவா குரு இருக்கிறார். பிள்ளைகள் வழியில் விரயங்கள் ஏற்படும். தொழிலில் ஒருசில இழப்பு ஏற்படலாம். சனியின் வக்ர காலத்தில் இடமாற்றம், ஊர் மாற்றம், உத்தியோக மாற்றம் அமையலாம். குடும்பத்தில் பழைய பிரச்சினைகள் மீண்டும் தலைதூக்காமல் பார்த்துக்கொள்ளுங்கள்.

இந்த மாதம் சனிக்கிழமை தோறும் சனிபகவானை வழிபட்டால் தடைகள் அகலும்.

பணத்தேவையைப் பூர்த்தி செய்யும் நாட்கள்:-ஆகஸ்டு: 17, 18, 23, 24, 30, 31, செப்டம்பர்: 2, 3, 4, 14, 15 மகிழ்ச்சி தரும் வண்ணம்:- நீலம்.

பெண்களுக்கான பலன்கள்

இம்மாதம் பொருளாதார நிலை உயரும். புதிய முயற்சிகளில் வெற்றி கிடைக்கும். கணவன் - மனைவி ஒருவரை ஒருவர் புரிந்து கொண்டு செயல்படுவது நல்லது. பக்கத்தில் உள்ளவர்களின் பகையை வளரவிட வேண்டாம். பிள்ளைகளை உங்கள் மேற்பார்வையில் வைத்துக் கொள்ளுங்கள். உத்தியோகத்தில் உள்ளவர்களுக்கு எதிர்பார்த்த சலுகைகள் கிடைக்கும். சகப் பணியாளர்களும் உறுதுணையாக இருப்பர்.

தமிழ் மாத ராசிப்பலன்

17-07-2022 முதல் 16-08-2022 வரை

மற்றவர்களுக்கு உதவ வேண்டுமென்று நினைக்கும் சிம்ம ராசி நேயர்களே!

ஆடி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் விரய ஸ்தானத்தில் இருப்பதால் விரயங்கள் கொஞ்சம் அதிகரிக்கலாம். குரு பார்வை தன ஸ்தானத்தில் பதிவதால் பொருளாதார வளர்ச்சியும் உண்டு.

ஆடி 13-ந் தேதி, சிம்ம ராசிக்கு புதன் செல்கிறார். உங்கள் ராசிக்கு 2, 11 ஆகிய இடங்களுக்கு அதிபதியானவர் புதன். அவர் உங்கள் ராசியிலேயே சஞ்சரிப்பது மிகமிக யோகமாகும். தொட்டது துலங்கும். தொழில் வளம் சிறக்கும். வெற்றி வாய்ப்பு வீடு தேடி வரும். கூட்டாளிகள் உங்கள் குறை களைத் தீர்க்க முன்வருவர். பணப்புழக்கம் அதிகரிக்கும். அனுபவஸ்தர்களின் ஆலோசனையால் முன்னேற்றப் பாதையை நோக்கிச் செல்வீர்கள்.

ஆடி 22-ந் தேதி, கடக ராசிக்கு சுக்ரன் செல்கிறார். உங்கள் ராசிக்கு 3, 10 ஆகிய இடங்களுக்கு அதிபதியானவர் சுக்ரன். அவர் உங்கள் ராசிக்கு 12-ம் இடமான விரய ஸ்தானத்திற்கு வரும் பொழுது, சகோதரர்களால் விரயம் ஏற்படலாம். தொழிலில் ஒரு சில பங்குதாரர்கள் விலகினாலும், அதை ஏற்று நடத்தும் வல்லமை உங்களுக்கு வரும். அடகு வைத்த நகைகளை மீட்பீர்கள். இல்லத்தில் சுபகாரியங்கள் நடைபெறலாம்.

ஆடி 23-ந் தேதி, மீன ராசியில் குரு வக்ரம் பெறுகிறார். உங்கள் ராசிக்கு 5, 8 ஆகிய இடங்களுக்கு அதிபதியானவர் குரு. அஷ்டமாதிபதி குரு வக்ரம் பெறுவது நன்மை தான். என்றாலும், பூர்வ புண்ணிய ஸ்தானாதிபதியாகவும், புத்திர ஸ்தானாதிபதியாகவும் குரு விளங்குவதால் சில பிரச்சினைகளையும் சந்திக்க நேரிடும். பிள்ளைகளை உங்கள் மேற்பார்வையில் வைத்துக் கொள்வது நல்லது. தொழிலில் சில மாற்றங்களைச் செய்ய முன்வருவீர்கள். அஷ்டமாதிபதியான குரு வக்ரம் பெறுவதால் இழந்த பதவிகள் மீண்டும் கிடைக்கும். எதிர்கால முன்னேற்றம் கருதித் தீட்டிய திட்டங்கள் வெற்றி பெறும். வாகன மாற்றங்கள், இடமாற்றங்கள் பற்றிய சிந்தனை மேலோங்கும். நண்பர்கள் உங்கள் முன்னேற்றத்தில் அக்கறை காட்டுவர். இல்லத்தில் சுப காரியம் நடைபெற வழிபிறக்கும்.

ஆடி 25-ந் தேதி, ரிஷப ராசிக்கு செவ்வாய் செல்கிறார். உங்கள் ராசிக்கு யோகம் செய்யும் கிரகமான செவ்வாய், 4, 9 ஆகிய இடங்களுக்கு அதிபதியாவார். அவர் 10-ம் இடத்தில் சஞ்சரிக்கும் பொழுது, தொழில் வளம் சிறக்கும். நினைத்த காரியத்தை நினைத்தபடியே செய்து முடிப்பீர்கள். சொத்துக்களால் ஆதாயம் உண்டு. உடன்பிறந்தவர்களும், உடன் இருப்பவர்களும் உறுதுணையாக இருப்பர். வருமானமும், வளர்ச்சியும் திருப்தி தரும்.

இம்மாதம் வியாழக்கிழமை தோறும் தட்சிணாமூர்த்தியை வழிபடுங்கள்.

பணத்தேவையைப் பூர்த்தி செய்யும் நாட்கள்:- ஜூலை: 17, 18, 23, 24, 29, 30, ஆகஸ்டு: 2, 3, 4, 6, 7, 8 மகிழ்ச்சி தரும் வண்ணம்:- பச்சை.

பெண்களுக்கான பலன்கள்

இம்மாதம் குடும்பச் சுமை கூடும். கொடுக்கல் - வாங்கல்களில் திருப்தி ஏற்படாது. கணவன் - மனைவிக்குள் சிறுசிறு பிரச்சினை ஏற்பட்டு அகலும். அஷ்டமத்து குரு வால் எதையும் திட்டமிட்டுச் செய்ய இயலாது. எதிர்பார்த்த இடமாற்றம் கைநழுவிச் செல்லும். பணப்பொறுப்புகளால் பிரச்சினையை சந்திப்பீர் கள். பணிபுரிபவர்களுக்கு உழைப்பிற்கேற்ற பலன் கிடைப்பது அரிது. சகப் பணியாளர்களிடம் ஒத்துப் போவது நல்லது.

தமிழ் மாத ராசிப்பலன்

ஆனி மாத ராசி பலன்கள் 15-06-2022 முதல் 16-07-2022 வரை

சேவை செய்வதில் முன்னுதாரணமாகத் திகழும் சிம்ம ராசி நேயர்களே!

ஆனி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் லாப ஸ்தானத்தில் சஞ்சரிக்கிறார். எனவே, பொருளாதார வளர்ச்சி அதிகரிக்கும். குருவின் பார்வையால் சுபகாரியங்கள் நடைபெறலாம்.

ஆனி 4-ந் தேதி, ரிஷப ராசிக்கு சுக்ரன் வருகிறார். உங்கள் ராசிக்கு 3, 10 ஆகிய இடங்களுக்கு அதிபதியானவர் சுக்ரன். அவர் 10-ம் இடத்தில் சஞ்சரிக்கும் பொழுது, தொழில் வளம் சிறப்பாக இருக்கும். தொட்ட காரியங்களில் வெற்றி கிடைக்கும். வாடகைக் கட்டிடத்தில் நடைபெற்ற தொழிலை, சொந்தக் கட்டிடத்திற்கு மாற்றும் முயற்சி கைகூடும்.

ஆனி 11-ந் தேதி, மிதுன ராசிக்கு புதன் செல்கிறார். லாபாதிபதி புதன் லாப ஸ்தானத்திற்கு வரும் இந்த நேரம் நல்ல நேரமாகும். சூரியனோடு புதன் இணைந்து 'புத ஆதித்ய யோக'த்தை உருவாக்குகிறார். எனவே கல்வி கலை சம்பந்தமாக எடுத்த முயற்சி கைகூடும். பணிபுரியும் இடத்தில் உத்தியோக உயர்வு, ஊதிய உயர்வு கிடைக்கும். பொதுவாழ்வில் இருப்பவர்களுக்கு புதிய பொறுப்புள் கிடைக்கும்.

ஆனி மாதம் 12-ந் தேதி, மேஷ ராசிக்குச் செவ்வாய் செல்கிறார். மேஷம் செவ்வாய்க்குச் சொந்த வீடாகும். இதுவரை சனியின் பார்வையில் இருந்த செவ்வாய், இப்பொழுது விலகுவதால் எல்லா வழிகளிலும் நன்மை கிடைக்கப் போகிறது. யோகம் செய்யும் கிரகமான செவ்வாய் சொந்த வீட்டில் பலம்பெறும் பொழுது, சொத்து, சொந்தம், காரிய வெற்றி, வருமானம் போன்றவற்றில் திருப்தி நிலவும். சென்ற மாதத்தில் தடையாக இருந்த ஒரு சில காரியங்கள் தானாக நடைபெறும்.

ஆனி 28-ந் தேதி, கடக ராசிக்கு புதன் செல்கிறார். உங்கள் ராசிக்கு தன லாபாதிபதியான புதன், விரய ஸ்தானத்திற்கு வரும் போது, கொஞ்சம் விழிப்புணர்ச்சியோடு செயல்பட வேண்டும். நீண்ட நாட்களுக்கு முன் தோன்றிய நோய் மீண்டும் தலைதூக்கும். செலவு அதிகரிக்கும். வெளிநாடு சென்றவர்கள், சொந்த ஊர் திரும்பும் சூழ்நிலை ஏற்படும்.

உங்கள் ராசிக்கு 3, 10 ஆகிய இடங்களுக்கு அதிபதியானவர் சுக்ரன். சகாய ஸ்தானம் மற்றும் தொழில் ஸ்தானத்திற்கு அதிபதியான அவர், மிதுனத்திற்கு வரும் போது நல்ல வாய்ப்புகள் இல்லம் தேடி வரும். வீடு வாங்கும் அல்லது கட்டும் முயற்சி கைகூடும். வெளிநாட்டில் உள்ள நல்ல நிறுவனங்களில் இருந்து உத்தியோகத்திற்கான அழைப்புகள் வரலாம். இல்லத்தில் மங்கல ஓசை மற்றும் மழலையின் ஓசை கேட்கும். பொதுவாழ்வில் இருப்பவர்களுக்குப் புதிய பொறுப்புகள் கிடைக்கும். வீண் பழிகளில் இருந்து விடுபடுவீர்கள்.

இம்மாதம் ஞாயிற்றுக்கிழமை தோறும் கற்பக விநாயகர் வழிபாட்டை மேற்கொள்வது நல்லது.

பணத்தேவையைப் பூர்த்தி செய்யும் நாட்கள்:- ஜூன்: 24, 25, 28, 29, ஜூலை: 6, 7, 10, 11 மகிழ்ச்சி தரும் வண்ணம்:- பிரவுன்.

பெண்களுக்கான பலன்கள்

இம்மாதம் வரவைக் காட்டிலும் செலவு அதிகரிக்கும். ஆரோக்கியத்திலும் பாதிப்பு ஏற்பட்டு அகலும். கணவன் - மனைவிக்குள் கருத்து வேறுபாடு உருவாகாமல் இருக்க, விட்டுக் கொடுத்துச் செல்லுங்கள். பிள்ளைகள் வழியில் சுபவிரயங்கள் ஏற்படும். பணப்பற்றாக்குறை ஏற்படாது என்றாலும் மனநிம்மதி குறையும். பணிபுரியும் பெண்களுக்கு திறமைக்குரிய அங்கீகாரம் கிடைக்காது. கேட்ட சலுகைகள் கிடைப்பதில் தாமதம் ஏற்படும்.

தமிழ் மாத ராசிப்பலன்

வைகாசி மாத ராசி பலன்கள் 15-05-2022 முதல் 14-06-2022 வரை

மற்றவர்களை வழிநடத்திச் செல்வதில் வல்லவர்களான சிம்ம ராசி நேயர்களே!

வைகாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் 10-ம் இடத்தில் சஞ்சரிப்பதால், தொழில் முன்னேற்றம் ஏற்படும். அஷ்டம குருவால், விரயங்கள் கூடும்.

மீன - செவ்வாய் சஞ்சாரம்

வைகாசி 3-ந் தேதி, மீன ராசிக்கு செவ்வாய் செல்கிறார். அவர் உங்கள் ராசிக்கு 8-ம் இடத்திற்குச் செல்வது அவ்வளவு நல்லதல்ல. ஆரோக்கியத் தொல்லையும், மனக்குழப்பமும் உண்டாகும். குருவோடு செவ்வாய் இணைந்து 'குருமங்கள யோகம்' ஏற்படுவதால், இல்லத்தில் சுபகாரியங்கள் நடைபெறும். பொருளாதார பற்றாக்குறை நிலவும். இடம், பூமியால் கிடைக்க வேண்டிய லாபம் தாமதமாகும். கொடுத்த வாக்கைக் காப்பாற்ற இயலாது.

சனி - செவ்வாய் பார்வைக் காலம்

வைகாசி 3-ந் தேதி முதல் மாதக் கடைசி வரை, மீனத்தில் உள்ள செவ்வாயை மகரத்தில் உள்ள சனி பார்க்கப் போகிறார். எனவே உங்கள் ராசிப்படி அஷ்டம ஸ்தானம் வலுவடைகிறது. உறவுகள் பகையாகலாம். பிறருக்கு நன்மை செய்தாலும் அது தீமையாக தெரியும். உத்தியோகத்தில் பதவி உயர்வு தாமதப்படும். பணநெருக்கடி அதிகரிக்கும். ஆரோக்கியத் தொல்லை உண்டாகும்.

புதன் வக்ர நிவர்த்தியும், ரிஷப சஞ்சாரமும்

வைகாசி 7-ந் தேதி, மேஷ ராசியில் புதன் வக்ர நிவர்த்தியாகிறார். உங்கள் ராசிக்கு தன-லாபாதிபதியான புதன் வக்ர நிவர்த்தியாவதால், மிகுந்த யோகம் வந்துசேரும். தொழில் முன்னேற்றம் அதிகரிக்கும். உத்தியோகத்தில் உள்ளவர்களுக்கு பதவி உயர்வும், ஊதிய உயர்வும் கிடைக்கும். வைகாசி 23-ந் தேதி, ரிஷப ராசிக்கு புதன் செல்கிறார். எனவே 'புத ஆதித்ய யோகம்' செயல்பட்டு, கல்விக்காக எடுத்த முயற்சி வெற்றிபெறும். பொதுவாழ்வில் புதிய திருப்பங்கள் ஏற்படும். தொழிலில் புதிய பங்குதாரர்கள் வந்திணைவர்.

மேஷ - சுக்ரன் சஞ்சாரம்

இதுவரை மீனத்தில் உச்சம் பெற் றிருந்த சுக்ரன், வைகாசி 10-ந் தேதி மேஷ ராசிக்கு செல்கிறார். இக்காலத்தில் பாக்கிய ஸ்தானம் வலுப் பெறுவதால், பிள்ளைகளின் கல்யாணக் கனவுகளை நனவாக்குவீர்கள். குடும் பப் பிரச்சினை படிப்படியாக மாறும். இடம், பூமி விற்பனையால் லாபம் உண்டு. இல்லம் தேடி நல்ல தகவல் வரும்.

மகரச் சனியின் வக்ர காலம்

உங்கள் ராசிக்கு 6, 7 ஆகிய இடங்களுக்கு அதிபதியானவர் சனி பகவான். சப்தமாதிபதி வக்ரம் பெறுவது அவ்வளவு நல்லதல்ல. உத்தியோகத்தில் சக ஊழியர்களோடு பிரச்சினை தலைதூக்கும். ஒரு கடனை அடைக்க மற்றொரு கடனை வாங்குவீர்கள். வெளிநாட்டு பயணம் தாமதப்படும். ஆதரவு தருவதாகச் சொன்னவர்கள், கடைசி நேரத்தில் கையை விரிக்கலாம். 6-க்கு அதிபதியாகவும் சனி இருப்பதால், உடல்நலம் சீராகும்.

இம்மாதம் ஞாயிற்றுக்கிழமைகளில் மகாலட்சுமியை வழிபடுவது நல்லது.

பணத்தேவையைப் பூர்த்தி செய்யும் நாட்கள்:- மே: 16, 17, 18, 27, 28, ஜூன்: 2, 3, 8, 9, 12, 13, 14 மகிழ்ச்சி தரும் வண்ணம்:- ஆனந்தா நீலம்.

பெண்களுக்கான பலன்கள்

இம்மாதம் விரயங்கள் அதிகரிக்கும். உடல்நலத்தில் கவனம் தேவை. ஒரு சிலர் ஒவ்வாமை நோய்க்கு ஆட்பட நேரிடும். கணவன் - மனைவிக்குள் ஒற்றுமை பலப்பட விட்டுக்கொடுத்துச் செல்வது நல்லது. பிள்ளை களின் கல்யாணக் கனவுகளை நனவாக்க, பெரும் முயற்சி எடுக்கும் சூழ்நிலை ஏற்படும். வருமானப் பற்றாக்குறையை சமாளிப்பீர்கள். கடன்சுமை கூடிக்கொண்டே செல்லும். பணிபுரியும் பெண்களுக்கு உயர்பதவி கிடைப்பது தாமதமாகும். எதிலும் யோசித்து செயல்படுவது நல்லது.