சிம்மம் - தமிழ் மாத ஜோதிடம்

2025 கார்த்திகை மாத ராசிபலன்

சிம்ம ராசி நேயர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியனை குரு பார்க்கின்றார். ஜென்மத்தில் கேது சஞ்சரிக்கிறார். எனவே இனம் புரியாத கவலையும், மனக்குழப்பமும் ஏற்படும். கண்டகச் சனி ஆதிக்கம் இருப்பதால், பெற்றோரின் உடல்நலனில் தொல்லை, பிரச்சினைக்கு தீர்வு காணமுடியாத சிக்கல், வருமானப் பற்றாக்குறை ஏற்படும். எதிலும் கவனம் தேவை. தடைகளும், தாமதங்களும் வந்து கொண்டேயிருக்கும். தன்னிச்சையாக செயல்பட்டவர்களுக்கு, பிறரை சார்ந்திருக்கும் சூழ்நிலை உருவாகலாம். விரயங்கள் அதிகரிக்கும்.

குரு வக்ரம்

மாதத் தொடக்கத்தில் குருபகவான் உங்கள் ராசிக்கு 12-ம் இடத்தில் உச்சம்பெற்றுச் சஞ்சரிக்கின்றார். அவர் கார்த்திகை 2-ந் தேதி முதல் வக்ரம் பெறுகி்றார். உங்கள் ராசிக்கு 5, 8 ஆகிய இடங்களுக்கு அதிபதியானவர் குரு. பூர்வ புண்ணிய ஸ்தானாதிபதி வக்ரம் பெறுவது அவ்வளவு நல்லதல்ல. சொத்துப் பிரச்சினைகள் மீண்டும் தலைதூக்கும். சொந்தங்களின் எதிர்ப்புகளால் முடிய வேண்டிய சுபகாரியங்கள் தாமதப்படும். அதேசமயம் அஷ்டமாதி பதியாகவும் குரு பகவான் விளங்குவதால், இதுவரை முடிவடையாதிருந்த வழக்குகள் இப்பொழுது முடிவடையும். வராது என்று நினைத்த கடன் பாக்கிகள் வசூலாகும். சுபச்செய்திகள் உண்டு.

விருச்சிக - சுக்ரன்

கார்த்திகை 11-ந் தேதி விருச்சிக ராசிக்கு சுக்ரன் செல்கிறார். உங்கள் ராசிக்கு 3, 10 ஆகிய இடங்களுக்கு அதிபதியானவர் சுக்ரன். அவர் சுக ஸ்தானத்திற்கு வரும் இந்தநேரம், நல்ல நேரம்தான். வளர்ச்சிப் பாதையை நோக்கி அடியெடுத்து வைப்பீர்கள். எதிர்கால நலன் கருதி எடுத்த முயற்சிகளில் வெற்றி கிடைக்கும். தொழிலில் கூடுதல் லாபம் கிடைப்பதோடு புதிய ஒப்பந்தங்களும் வந்து சேரும். அடகுவைத்த நகைகளை மீட்டுக் கொண்டு வரும் வாய்ப்பு உண்டு. உத்தியோகத்தில் எதிர்பார்த்த மாறுதல் கிடைக்கும்.

தனுசு - செவ்வாய்

கார்த்திகை 20-ந் தேதி தனுசு ராசிக்கு செவ்வாய் செல்கிறார். உங்கள் ராசிக்கு 4, 9 ஆகிய இடங்களுக்கு அதிபதியானவர் செவ்வாய். அவர் பூர்வ புண்ணிய ஸ்தானத்திற்கு வரும் இந்த நேரம் புதிய திருப்பங்கள் ஏற்படும். பிள்ளைகளுக்குரிய திருமணம் போன்ற சுபகாரியங்கள் சிறப்பாக நடைபெறும். இடம் வாங்குவது, பூமி வாங்குவது பற்றி சிந்திப்பீர்கள். வாங்கிய இடத்தை விற்பதன் மூலம் எதிர்பார்த்ததைக் காட்டிலும் கூடுதல் லாபம் கிடைக்கும். உடன்பிறப்புகள் உங்கள் குணமறிந்து நடந்துகொள்வர். வாடகைக் கட்டிடத்தில் நடைபெற்ற தொழிலை, சொந்தக் கட்டிடத்திற்கு மாற்றும் முயற்சி கைகூடும்.

விருச்சிக - புதன்

கார்த்திகை 20-ந் தேதி விருச்சிக ராசிக்குப் புதன் செல்கிறார். உங்கள் ராசிக்கு 2, 11 ஆகிய இடங்களுக்கு அதிபதியானவர் புதன். அவர் சுக ஸ்தானத்திற்கு வரும் பொழுது பொருளாதாரத்தில் நிறைவு ஏற்படும். கரைந்த சேமிப்புகளை ஈடுகட்டுவீர்கள். வாடகைக் கட்டிடத்தில் நடைபெற்ற தொழிலை, சொந்தக் கட்டிடத்திற்கு மாற்றும் முயற்சி கைகூடும். பூர்வீகச் சொத்துக்கள் மூலம் லாபம் உண்டு. பாகப்பிரிவினைகள் சுமுகமாக முடியும். பொதுவாழ்வில் உள்ளவர்களுக்கு மாதத்தின் பிற்பகுதியில் மகிழ்ச்சி அதிகரிக்கும். வியாபாரம் மற்றும் தொழில் செய்பவர்களுக்கு நல்ல தகவல் கிடைக்கும். உத்தியோகத்தில் உள்ளவர்களுக்கு மேலதிகாரிகளின் ஆதரவு உண்டு. கலைஞர்களுக்கு புதிய ஒப்பந்தங்கள் வந்துசேரும். மாணவ - மாணவிகளுக்கு ஆசிரியர்களின் வழி காட்டுதல் சிறப்பாக அமையும். பெண்களுக்கு பிள்ளைகளால் பெருமை சேரும். வருமானம் திருப்தி தரும்.

பணத்தேவையைப் பூர்த்தி செய்யும் நாட்கள்:-

நவம்பர்: 17, 20, 21, டிசம்பர்: 2, 3, 7, 8, 14, 15.

மகிழ்ச்சி தரும் வண்ணம்:- வைலட்.

2025 ஐப்பசி மாத ராசிபலன்

சிம்ம ராசி நேயர்களே!

ஐப்பசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் நீச்சம் பெற்று வலுவிழந்து சஞ்சரிக்கிறார். வக்ரச் சனியின் பார்வை உங்கள் ராசியில் பதிகிறது. சர்ப்ப கிரகங்களின் ஆதிக்கமும் மேலோங்கி இருக்கிறது. எனவே ஆரோக்கியத் தொல்லை அதிகரிக்கும். அதன் விளைவாக மருத்துவச் செலவு கூடும். 'திறமை இருந்தும் எதையும் செய்ய இயலவில்லையே' என்று கவலைப்படுவீர்கள். வாகனங்களில் செல்லும் பொழுது கவனம் தேவை. வளர்ச்சி ஏற்பட்டாலும் விரயங்கள் அதிகரிக்கும்.

உச்சம் பெற்ற குரு

மாதத் தொடக்கத்தில் குரு கடக ராசியில் உச்சம் பெற்று சஞ்சரிக்கிறார். முறையான பெயர்ச்சி இல்லாமல் அதிசாரப் பெயர்ச்சியாக இருந்தாலும் அதைப் பார்க்கும் இடங்கள் புனிதமடைகின்றன. எனவே விரயங்கள் அதிகரிக்கும். அதைச் சுபவிரயமாக மாற்றிக்கொள்வது நல்லது. தாயின் உடல்நலம் சீராகும். பழைய வாகனங்களைக் கொடுத்துவிட்டுப் புதிய வாகனங்கள் வாங்கும் முயற்சி கைகூடும். பிள்ளைகளின் கல்வி சம்பந்தமாகவோ, கல்யாணம் சம்பந்தமாகவோ, கடல் தாண்டிச் சென்று பணிபுரிவது சம்பந்தமாகவோ, ஏதேனும் முயற்சி செய்தால் அதில் வெற்றி கிடைக்கும். புனிதப் பயணங்கள் அதிகரிக்கும். பொதுவாழ்வில் ஈடுபட்டிருப்பவர்களுக்கு எதிர்பார்த்த பொறுப்புகள் கிடைக்கும்.

சனி - ராகு சேர்க்கை

மாதம் முழுவதும் சப்தம ஸ்தானத்தில் சனியும், ராகுவும் சேர்க்கை பெற்றிருக்கிறார்கள். இது அவ்வளவு நல்லதல்ல. எதையும் திட்டமிட்டுச் செய்ய இயலாது. வாழ்க்கைத் துணை வழியே பிரச்சனைகள் மற்றும் குடும்பத்தில் ஒருவர் மாற்றி ஒருவருக்கு உடல்நிலை தொல்லை ஏற்பட்டு மனக்கவலை அதிகரிக்கும். உத்தியோகமாக இருந்தாலும், தொழிலாக இருந்தாலும் முறையாக அதில் கவனம் செலுத்த இயலாமல் தவிப்பீர்கள். இதுபோன்ற நேரங்களில் குலதெய்வப் பிரார்த்தனைகளை நிறைவேற்றுவது நல்லது. பலரின் மனக்கசப்பிற்கு ஆளாக நேரிடும்.

விருச்சிக - செவ்வாய்

ஐப்பசி 10-ந் தேதி விருச்சிக ராசிக்கு செவ்வாய் செல்கிறார். உங்கள் ராசிக்கு 4, 9 ஆகிய இடங்களுக்கு அதிபதியானவர் செவ்வாய். அவர் சுக ஸ்தானத்தில் பலம்பெறும் இந்த நேரம், ஒரு அற்புதமான நேரமாகும். சுகங்களும், சந்தோஷங்களும் அதிகரிக்கும். இடம், வீடு வாங்கும் யோகம் உண்டு. தாய் - தந்தையரின் ஒத்துழைப்பு கிடைக்கும். பூர்வீகச் சொத்துக்களால் லாபமும், புதிய முயற்சிகளில் வெற்றியும் கிடைக்கும் நேரம் இது.

துலாம் - சுக்ரன்

ஐப்பசி 17-ந் தேதி துலாம் ராசிக்கு சுக்ரன் செல்கிறார். அப்பொழுது 'புத சுக்ர யோக'மும், 'புத ஆதித்ய யோக'மும் ஏற்படுகிறது. உங்கள் ராசிக்கு 3, 10 ஆகிய இடங்களுக்கு அதிபதியானவர் சுக்ரன். அவர் சகாய ஸ்தானத்திற்கு வரும் இந்த நேரம், அமைதியான வாழ்க்கைக்கு அடிகோலும் விதத்தில் சம்பவங்கள் நடைபெறும். முன்னேற்றப் பாதையில் அடியெடுத்து வைப்பீர்கள். முக்கியப் புள்ளிகள் உங்கள் முன்னேற்றத்திற்கு உறுதுணையாக இருப்பர். கட்டிய வீட்டைப் பழுது பார்க்கும் யோகம் உண்டு.

பொதுவாழ்வில் உள்ளவர்களுக்கு புகழ் கூடும். வியாபாரம் மற்றும் தொழில் செய்பவர்களுக்கு ஒப்பந்தங்கள் வந்துசேரும். உத்தியோகத்தில் உள்ளவர்களுக்கு இலாகா மாற்றம் ஏற்படலாம். கலைஞர்களுக்கு கணிசமான தொகை கைகளில் புரளும். மாணவ - மாணவிகளுக்கு படிப்பில் கவனம் தேவை. பெண்களுக்கு குடும்பச்சுமை கூடும். கொடுக்கல் - வாங்கல்களில் நிதானம் தேவை.

பணத்தேவையைப் பூர்த்தி செய்யும் நாட்கள்:-

அக்டோபர்: 20, 21, 25, நவம்பர்: 8, 9, 15, 16.

மகிழ்ச்சி தரும் வண்ணம்:- நீலம்.

2025 புரட்டாசி மாத ராசிபலன்

சிம்ம ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசியிலேயே சுக்ரனும், கேதுவும் சஞ்சரிக்கிறார்கள். சப்தம ஸ்தானத்தில் சனி வக்ர இயக்கத்தில் இருக்கிறார். எனவே ஆரோக்கியத் தொல்லைகள் அதிகரிக்கும். உணவில் கட்டுப்பாடு செலுத்துவது நல்லது. கும்பத்தில் ராகு இருப்பதால் பொருளாதார நிலை திருப்தி தரும். கொடுக்கல் - வாங்கல்களில் பிரச்சினைகள் ஏற்படும். மனதில் இனம்புரியாத கவலை மேலோங்கும். வீண் விரயங்களில் இருந்து விடுபட சுபச் செலவுகளை செய்வது நல்லது.

துலாம் - புதன்

புரட்டாசி 13-ந் தேதி துலாம் ராசிக்குப் புதன் வருகின்றார். உங்கள் ராசிக்கு 2, 11 ஆகிய இடங்களுக்கு அதிபதியானவர் புதன். அவர் சகாய ஸ்தானத்திற்கு வரும் இந்த நேரம் நல்ல நேரம்தான். வெற்றிச் செய்திகள் வீடுதேடி வரும். உடன் பிறப்புகள் உங்கள் குணமறிந்து நடந்துகொள்வார்கள். அவர்களோடு ஏற்பட்ட பனிப்போர் அகலும். சொத்துப் பிரச்சினைகள் சுமுகமாக முடியும். தொழில் நடத்துபவர்கள் 'புதிய பங்குதாரர்களை சேர்த்துக் கொள்ளலாமா?' என்பது பற்றி சிந்திப்பர். அதிக மூலதனம் போடுவதற்காக, கேட்ட இடத்தில் உதவி கிடைக்கும். விலகிச் சென்ற உறவினர்கள் மீண்டும் வந்து இணைவர். வீடு வாங்கும் யோகம் அல்லது இடம் வாங்கும் யோகம் உண்டு. உடல்நலம் சீராக, மாற்று மருத்துவம் கைகொடுக்கும்.

கடக - குரு

புரட்டாசி 22-ந் தேதி, கடக ராசிக்கு குரு அதிசார கதியில் செல்கிறார். அங்கு செல்லும் குரு பகவான் உச்சமும் பெறுகிறார். உங்கள் ராசிக்கு விரய ஸ்தானத்தில் குரு உச்சம் பெறுவதால், சுப விரயங்கள் அதிகரிக்கும். திருமண வயதடைந்த பிள்ளைகள் இருந்தால் அவர் களின் கல்யாண வாய்ப்புகள் கைகூடும். பெற்றோரின் மணிவிழாக்கள், பவளவிழாக்கள் சிறப்பாக நடைபெற வழிபிறக்கும். பயணங்கள் பலன் தருவதாக அமையும். பழைய வாகனத்தைக் கொடுத்து விட்டு, புதிய வாகனம் வாங்குவதில் ஆர்வம் காட்டுவீர்கள்.

குருவின் பார்வைக்கு அதிக பலன் உண்டு. அந்த அடிப்படையில் பார்க்கும்பொழுது, கல்விக்காக எடுத்த முயற்சி கைகூடும். கடமையில் இருந்த தொய்வு அகலும். தாய் வழி ஆதரவு உண்டு. பிறரை சார்ந்திருப்பவர்கள் தன்னிச்சையாக இயங்கக்கூடிய நேரம் இது. உத்தியோகத்தில் இருப்பவர்களுக்கு உயர் அதிகாரிகள், வேண்டிய சலுகைகளைக் கொடுப்பர். இலாகா மாற்றம் எதிர்பார்த்தபடி அமையும். பாகப்பிரிவினை சுமுகமாக முடியும். 'உத்தியோகத்தில் திறமைக்குரிய அங்கீகாரம் கிடைக்கவில்லையே' என்று நினைத்தவர்களுக்கு, புதிய வேலைவாய்ப்பு கிடைக்கும்.

சனி வக்ரம்

கும்ப ராசியில் சஞ்சரிக்கும் சனி, இந்த மாதம் முழுவதும் வக்ர இயக்கத்தில் இருக்கிறார். உங்கள் ராசிக்கு 6, 7 ஆகிய இடங்களுக்கு அதிபதியானவர் சனி. கண்டகச் சனி வக்ரம் பெறுவது நன்மைதான். என்றாலும் குடும்பப் பிரச்சினைகள் கூடுதலாக இருக்கும். கொடுத்த வாக்கைக் காப்பாற்ற இயலாது. எதிரிகளின் பலம் கூடும். தொழிலில் லாபம் வந்தாலும், அது கைக்கு கிடைப்பது அரிது. முன்னேற்றப் பாதையில் சில குறுக்கீடுகள் வரத்தான் செய்யும். அவற்றில் இருந்து விடுபட சனிக்கிழமை தோறும் விரதம் இருந்து சனி கவசம் பாடி, சனி பகவானை வழிபடுவது நல்லது.

பொதுவாழ்வில் உள்ளவர்களுக்கு பொறுப்புகளில் மாற்றம் ஏற்படும். வியாபாரம் மற்றும் தொழில் செய்பவர் களுக்கு நல்ல வாய்ப்புகள் கைநழுவிச் செல்லும். உத்தியோகத்தில் உள்ளவர்களுக்கு உயர் அதிகாரிகளால் நன்மை உண்டு. கலைஞர்களுக்கு ஒப்பந்தங்கள் வந்துசேரும். மாணவ - மாணவிகளுக்கு படிப்பில் அக்கறை கூடும். பெண்களுக்கு கொடுக்கல் - வாங்கல் சிறப்பாக இருக்கும். சுபச்செலவு அதிகரிக்கும்.

பணத்தேவையைப் பூர்த்தி செய்யும் நாட்கள்:- செப்டம்பர்: 17, 22, 26, 27, அக்டோபர்: 8, 9, 13, 14.

மகிழ்ச்சி தரும் வண்ணம்:- சிவப்பு.

2025 ஆவணி மாத ராசிபலன்

சிம்ம ராசி நேயர்களே!

ஆவணி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் ராசியிலேயே சஞ்சரிக்கிறார். இது யோகம்தான். ஆனால் அவரை பார்க்கும் சனி மற்றும் ராகு ஆகிய கிரகங்கள் பகைக் கிரகங்கள். எனவே இடர்பாடுகளுக்கு மத்தியில் முன்னேற்றம் ஏற்படும். எதையும் திட்டமிட்டுச் செய்ய இயலாது. எதிர்பார்ப்புகள் நிறை வேறுவதில் தடைகளும், தாமதங்களும் வந்து கொண்டேயிருக்கும். யாரையும் நம்பி எதையும் செய்ய இயலாது. உத்தியோகத்தில் உங்கள் திறமைக்குரிய அங்கீகாரம் கிடைக்காது. தொழிலில் கூட்டாளிகளால் அடிக்கடி தொல்லைகள் வந்து கொண்டேயிருக்கும். தொழிலில் திசாபுத்திக்கேற்ற தெய்வ வழிபாடுகள் திருப்தியான வாழ்க்கையை அமைத்துக் கொடுக்கும்.

கடக - சுக்ரன்

ஆவணி 5-ந் தேதி, கடக ராசிக்கு சுக்ரன் செல்கிறார். உங்கள் ராசிக்கு 3, 10 ஆகிய இடங்களுக்கு அதிபதியா னவர் சுக்ரன். அவர் விரய ஸ்தானத்திற்கு வரும்பொழுது தொழில் மாற்ற சிந்தனைகள் மேலோங்கும். வெளிநாடு சென்று பணிபுரிய வேண்டுமென்று ஆசைப்பட்டவர்களுக்கு, அதற்காக எடுத்த முயற்சி கைகூடும். குறிப்பாக கடகத்தில் சஞ்சரிக்கும் புதனோடு சுக்ரன் இணைந்து 'புத சுக்ர யோக'த்தை உருவாக்குவதால் தேவைக்கேற்ற பொருளாதாரம் வந்துசேரும். திடீர் மாற்றம் மன வருத்தத்தை உருவாக்கும். பெண் வழிப் பிரச்சினைகள் மீண்டும் தலைதூக்கலாம். உடன்பிறப்புகள் உங்கள் முன்னேற்றத்திற்கு உறுதுணையாக இருப்பர். தொழில் கூட்டாளிகள் உங்களை விட்டு விலகினாலும், புதிய கூட்டாளிகள் வந்திணையும் வாய்ப்பு உண்டு.

சிம்ம - புதன்

ஆவணி 9-ந் தேதி, சிம்ம ராசிக்கு புதன் வருகிறார். உங்கள் ராசிக்கு 2, 11 ஆகிய இடங்களுக்கு அதிபதியானவர் புதன். தன - லாபாதிபதியான புதன், உங்கள் ராசி யிலேயே சஞ்சரிக்கும் நேரம் ஒரு உன்னதமான நேரமாகும். பணவரவு திருப்தி தரும். கொடுக்கல் - வாங்கல் சீராகவும், சிறப்பாகவும் இருக்கும். உறவினர்களோடு இருந்த கருத்து வேறுபாடு அகலும். தொழில் மற்றும் வியாபாரத்தில் இருந்த மந்தநிலை மாறும். குடும்ப உற வினர்கள் உங்கள் குணமறிந்து நடந்துகொள்வர். வெளிநாடு செல்லும் யோகமும், அதற்காக எடுத்த முயற்சியில் வெற்றியும் கிடைக்கும். பிரிந்து சென்றவர்கள் மீண்டும் வந்திணைவர். இளைய சகோதரத்தோடு இணக்கம் ஏற்படும். குறிப்பாக வருமானம் உயரும். இந்த நேரத்தில் கடன்சுமை குறைய வழிபிறக்கும். வாங்கிய கடனை கொடுத்து மகிழ்வீர்கள். வழக்குகள் சாதகமாக முடியும்.

துலாம் - செவ்வாய்

ஆவணி 29-ந் தேதி, துலாம் ராசிக்கு செவ்வாய் செல்கிறார். உங்கள் ராசிக்கு 4, 9 ஆகிய இடங்களுக்கு அதிபதியானவர் செவ்வாய். அவர் சகாய ஸ்தானத்திற்கு வருவது நல்ல நேரம்தான். உடன்பிறப்புகளால் ஏற்பட்ட பிரச்சினைகள் அகலும். பஞ்சாயத்துக்கள் சாதகமாக முடியும். பொதுவாழ்வில் உள்ளவர்களுக்கு இருந்த குறுக்கீடுகள் விலகும். வாடகை கட்டிடத்தில் உள்ள தொழிலை, சொந்தக் கட்டிடத்திற்கு மாற்றும் முயற்சி கைகூடும்.

சிம்ம - சுக்ரன்

ஆவணி 30-ந் தேதி சிம்ம ராசிக்கு சுக்ரன் வருகிறார். உங்கள் ராசிக்கு 3, 10 ஆகிய இடங்களுக்கு அதிபதியானவர் சுக்ரன். அவர் உங்கள் ராசிக்கு வருவது யோகம்தான். புதிய ஒப்பந்தங்கள் அடுக்கடுக்காக வந்துசேரும். ஸ்தம்பித்து நின்ற தொழில் தானாக நடைபெறும். தொழிலை விரிவு செய்ய வள்ளல்களின் ஒத்துழைப்பும், வங்கிகளின் ஒத்துழைப்பும் கிடைக்கும். தனித்து இயங்கும் ஆற்றல் பிறக்கும் நேரம் இது. பொதுவாழ்வில் உள்ளவர்களுக்கு எதிர்பார்த்த பொறுப்புகள் கிடைக்கும். வியாபாரம் மற்றும் தொழில் செய்பவர்களுக்கு, போட்டிக்கடை வைத்தோர் விலகுவர். உத்தி யோகத்தில் உள்ளவர்களிடம் மேலதிகாரிகள் ஆதரவாக நடந்துகொள்வர். கலைஞர்களுக்கு புதிய ஒப்பந்தங்கள் கிடைக்கும். மாணவ - மாணவிகளுக்கு, பெற்றோர் மற்றும் ஆசிரியர்களின் ஆதரவு நன்மையைத் தரும். பெண்களுக்கு ஆரோக்கியத்தில் கவனம் தேவை. விரயங்கள் கொஞ்சம் அதிகரிக்கும்.

பணத்தேவையைப் பூர்த்தி செய்யும் நாட்கள்:-

ஆகஸ்டு: 18, 19, 25, 26, 30, 31, செப்டம்பர்: 1, 11, 12, 16.

மகிழ்ச்சி தரும் வண்ணம்:- சிவப்பு.

2025 ஆடி மாத ராசிபலன்

சிம்ம ராசி நேயர்களே!

ஆடி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் விரய ஸ்தானத்தில் இருக்கிறார். எனவே விரயங்கள் கொஞ்சம் அதிகமாகவே இருக்கும். ஏற்றமும், இறக்கமும் கலந்த வாழ்க்கை அமையும். எதிர்பார்ப்புகள் நிறைவேறுவதில் எண்ணற்ற தடைகள் வந்துசேரும். கொடுக்கல்-வாங்கல்களில் ஏமாற்றங்களும் ஏற்படலாம். எதிலும் மிகுந்த கவனம் தேவைப்படும் நேரம் இது.

மிதுன - சுக்ரன்

ஆடி 10-ந் தேதி, மிதுன ராசிக்கு சுக்ரன் செல்கிறார். உங்கள் ராசிக்கு 3, 10 ஆகிய இடங்களுக்கு அதிபதியானவர் சுக்ரன். தொழில் ஸ்தானாதிபதி சுக்ரன் லாப ஸ்தானத்திற்கு வரும்போது, தொழில் முன்னேற்றம் அதிகரிக்கும். புதிய ஒப்பந்தங்கள் வந்த வண்ணமாக இருக்கும். புதிய கிளைத் தொழில் தொடங்கும் சூழ்நிலை கூட ஒருசிலருக்கு ஏற்படும். எதையும் திட்டமிட்டுச் செய்து வெற்றி காணும் விதத்தில் சுக்ரனின் சஞ்சாரம் அமைகிறது. வெளிநாடு செல்ல முயற்சித்தவர்களுக்கு அது கைகூடும். உத்தியோகத்தில் இருப்பவர்களில், விருப்ப ஓய்வு பெற்றுக் கொண்டு வெளியில் வந்து சுயதொழில் தொடங்க நினைத்தவர்களுக்கு அதுவும் கைகூடும். வருமானம் பெருகும் நேரம் இது.

கன்னி - செவ்வாய்

ஆடி 13-ந் தேதி, கன்னி ராசிக்கு செவ்வாய் செல்கிறார். உங்கள் ராசிக்கு 4, 9 ஆகிய இடங்களுக்கு அதிபதியானவர் செவ்வாய். அவர் 2-ம் இடத்திற்கு வரும் பொழுது இனிய பலன்கள் ஏராளமாக நடைபெறும். குறிப்பாக இடம், பூமி வாங்கும் யோகம் உண்டு. எதிர்கால நலன் கருதி நீங்கள் எடுத்த முயற்சிகள் யாவிலும் வெற்றி கிடைக்கும். பணத்தேவை உடனுக்குடன் பூர்த்தியாகும். பணிபுரியும் இடத்தில் உங்கள் திறமைக்குரிய அங்கீகாரம் கிடைக்கும். நினைத்ததை நினைத்த நேரத்தில் சாதித்து காட்டுவீர்கள். தொழில் வளம் மேலோங்கும். சொத்துக்களால் லாபம் உண்டு. என்றைக்கோ குறைந்த விலைக்கு வாங்கிப் போட்ட இடம் இப்பொழுது நல்ல விலைக்கு விற்று லாபம் காண்பீர்கள்.

கடக - புதன்

ஆடி 18-ந் தேதி, கடக ராசிக்கு புதன் செல்கிறார். உங்கள் ராசிக்கு 2, 11 ஆகிய இடங்களுக்கு அதிபதியானவர் புதன். அவர் விரய ஸ்தானத்திற்கு வரும் இந்த நேரம் விரயங்கள் கொஞ்சம் கூடுதலாகத்தான் இருக்கும். நினைத்தது ஒன்றும், நடப்பது ஒன்றுமாக இருக்கலாம். வளர்ச்சிப் பாதையில் குறுக்கீடுகள் ஏற்படக்கூடும். வருமானம் ஒரு வழியில் வந்தாலும் திடீர் செலவுகளால் உள்ளம் தடுமாறும். வீண் விரயங்களில் இருந்து விடுபட சுபவிரயங்களை மேற்கொள்வது நல்லது. வீட்டிற்குத் தேவையான விலை உயர்ந்த பொருட்களை வாங்கலாம். கட்டிய வீட்டைப் பழுது பார்ப்பது, பிள்ளைகளின் கல்யாணத்தை முன்னிட்டு சீர்வரிசை பொருட்களை வாங்குவது போன்றவற்றில் ஆர்வம் காட்டலாம். உத்தியோகத்தில் திடீர் இடமாற்றம் வந்துசேரும். உங்களுக்கு இடையூறு செய்த மேலதிகாரிகள் மாற்றப்படுவர்.

பொதுவாழ்வில் உள்ளவர்களுக்கு தடைகள் அதிகரிக்கும். தொழில் மற்றும் வியாபாரம் செய்பவர்களுக்கு பங்குதாரர்களால் தொந்தரவு உண்டு. உத்தியோகஸ்தர்களுக்கு திறமைக்குரிய அங்கீகாரம் கிடைக்காது. கலைஞர்களுக்கு அதிகப் பிரயாசையின் பெயரில் ஒப்பந்தங்கள் அமையும். மாணவ - மாணவிகளுக்கு எடுக்கும் முயற்சியில் குறுக்கீடுகள் ஏற்படலாம். பெண்களுக்கு சுபச்செலவுகள் அதிகரிக்கும். எதிர்காலத்தைப் பற்றிய பயம் ஏற்படும்.

பணத்தேவையைப் பூர்த்தி செய்யும் நாட்கள்:-

ஜூலை: 18, 19, 23, 24, 29, 30, ஆகஸ்டு: 3, 4, 5, 15, 16.

மகிழ்ச்சி தரும் வண்ணம்:- பச்சை

2025 ஆனி மாத ராசிபலன்

எந்த செயலிலும் தனித்துவம் காட்டும் சிம்ம ராசி நேயர்களே!

ஆனி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் தன லாபாதிபதி புதனுடன் இணைந்து லாப ஸ்தானத்தில் சஞ்சரிக்கிறார். அவரோடு குருவும் இணைந்திருப்பதால் சென்ற மாதத்தை காட்டிலும் சிறப்பான மாதமாகவே அமைகிறது. எதையும் திட்டமிட்டு செய்து வெற்றி காண்பீர்கள். திடீர் முன்னேற்றம் ஏற்படும். ஆயினும் உங்கள் ராசியில் சஞ்சரிக்கும் செவ்வாய் சனியை பார்ப்பதால் உடல்நலத்தில் மிகமிக கவனம் தேவை. கொடுக்கல் - வாங்கல்களில் பிறரை நம்பி செயல்பட்டால் இழப்புகளை சந்திக்க நேரிடும்.

கடக - புதன்

ஆனி 8-ந் தேதி கடக ராசிக்கு புதன் வருகிறார். உங்கள் ராசிக்கு தன லாபாதிபதியானவர் புதன். அவர் விரய ஸ்தானத்திற்கு வரும் இந்த நேரம் விரயங்கள் கொஞ்சம் அதிகரிக்கும். வரவை காட்டிலும் செலவு கூடும். வீண் விரயங்களும் வரலாம். உத்தியோகத்தில் திடீர் இடமாற்றங்கள், மன அமைதியை குறைக்கும். நினைத்தது ஒன்று நடந்தது ஒன்றுமாக இருக்கும். எதையும் திட்டமிட்டு செய்ய இயலாது. குடும்பச் சுமை கொஞ்சம் கூடும். கொடுக்கல் - வாங்கல்களில் பிரச்சினை ஏற்படலாம். பிறருக்கு நன்மை செய்தாலும் அது தீமையாக தெரியும். தொழில் வியாபாரத்தில் போட்டிகள் அதிகரிக்கும். சக கூட்டாளிகளின் அனுசரிப்பு குறையும். ஒரு கடனை அடைக்க மற்றொரு கடன் வாங்கும் சூழ்நிலை ஏற்படலாம்.

ரிஷப - சுக்ரன்

ஆனி 15-ந் தேதி ரிஷப ராசிக்கு சுக்ரன் வருகிறார். உங்கள் ராசிக்கு சுக்ரன் 3, 10 ஆகிய இடங்களுக்கு அதிபதியாகிறார். தொழில் ஸ்தானதிபதி சுக்ரன் தொழில் ஸ்தானத்தில் சஞ்சரிக்கும் இந்த நேரத்தில் புதிய தொழில் தொடங்கும் வாய்ப்பு கிட்டும். ஆடை, ஆபரணச் சேர்க்கை உண்டு. அயல்நாடு சென்று பணிபுரிய வேண்டும் என்று விரும்பியவர்களுக்கு அதற்கான முயற்சி கைகூடும். சந்தர்ப்பங்கள் அனைத்தும் சாதகமாக அமையும் நேரமிது. குழந்தைகளின் எதிர்கால நலன்கருதி எடுத்த முயற்சிகளில் வெற்றி கிடைக்கும். பெண்களால் பெருமை சேரும். வளர்ச்சி பாதையில் இருந்த இடையூறுகள் அகலும். புதிய வாகனம் வாங்கி பயணிக்க வேண்டும் என்ற எண்ணம் இப்பொழுது நிறைவேறும்.

செவ்வாய் - சனி பார்வை

மாதம் முழுவதும் கும்ப ராசியில் உள்ள சனியை சிம்மத்தில் உள்ள செவ்வாய் பார்க்கிறார். இந்த சனி, செவ்வாய் பார்வை காலத்தில் எதையும் திட்டமிட்டு செய்ய இயலாது. திடீர் திருப்பங்களும், அதிகமான விரயங்களும் ஏற்படலாம். ஒருசில காரியங்களை போராடி முடிக்க வேண்டிய சூழ்நிலை உருவாகும். இதுபோன்ற நேரங்களில் ஆரோக்கியத்தில் கவனம் செலுத்துவது நல்லது. அதிகார அந்தஸ்தில் உள்ளவர்கள் சாதாரண பொறுப்புக்கு மாற்றப்படுவர். மனபயம் அதிகரிக்கும் நேரமிது. குடும்பத்தில் பிரச்சினைகள் மீண்டும் தலைதூக்கும். கொடுக்கல்- வாங்கல்களில் கவனம் தேவை.

பொதுவாழ்வில் உள்ளவர்களுக்கு எதிர்பார்ப்புகள் நிறைவேறுவது அரிது. வியாபாரம், தொழில் செய்பவர்களுக்கு உழைப்புக்கேற்ற பலன் கிடைக்காது. உத்தியோகத்தில் உள்ளவர்களுக்கு இடமாற்றங்கள் உறுதியாகலாம். மாணவ - மாணவியர்களுக்கு படிப்பில் அக்கறை தேவை. கலைஞர்களுக்கு அதிக முயற்சி செய்தும் ஆதாயம் குறைவாகவே கிடைக்கும். பெண்களுக்கு பொருளாதார பற்றாக்குறை ஏற்படும். குடும்பத்தில் உள்ளவர்களின் குறையை தீர்க்க ஒருதொகை செலவாகும்.

இம்மாதம் துர்க்கை வழிபாடு துயரங்களை போக்கும்.

2025 சித்திரை மாத ராசிபலன்

எதையும் சாதிக்க வேண்டுமென்ற எண்ணம் கொண்ட சிம்ம ராசி நேயர்களே!

விசுவாவசு வருட புத்தாண்டின் சித்திரை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் சூரியன் உச்சம் பெற்று சஞ்சரிக்கிறார். ஆயினும் அஷ்டம ஸ்தானம் வலுப்பெற்றிருக்கிறது. மேலும் கண்டகச் சனியின் ஆதிக்கம் உள்ளதால், எதையும் திட்டமிட்டுச் செய்ய இயலாது.

திடீர் திடீரென மனக்குழப்பம் ஏற்பட்டு, பல காரியங்கள் பாதியிலேயே நிற்கலாம். சொந்தங்களாலும், சொத்துக் களாலும் பிரச்சினை அதிகரிக்கும். தொழிலில் புதிய ஒப்பந்தங்கள் கை நழுவிச் செல்லலாம். ஆரோக்கியத் தொல்லையும், மருத்துவச் செலவும் உண்டு. சனிப் பெயர்ச்சி வரை சற்று பொறுமையாக செயல்படுவது நல்லது.

குரு - சுக்ர பரிவர்த்தனை

சித்திரை 1-ந் தேதி முதல் 27-ந் தேதி வரை குரு - சுக்ர பரிவர்த்தனை இருக்கிறது. உங்கள் ராசிக்கு பஞ்சம - அஷ்டமாதிபதியாக விளங்கும் குருபகவான், தொழில் ஸ்தானத்தில் பரிவர்த்தனை யோகம் பெறுவதால் தொழில் முன்னேற்றம் திருப்தி தரும். தொடக்கத்தில் அச்சுறுத்தலாக தோன்றிய செயல்கள் முடிவில் ஆதாயத்தை தரும். எதையும் திட்டமிட்டு செய்தே வெற்றி காண்பீர்கள். இதுவரை முடிவடையாமல் விரக்தியை ஏற்படுத்திய திருமணப் பேச்சு இப் பொழுது முடிவாகலாம். பொதுவாழ்வில் உள்ளவர்களுக்கு மேலிடத்து ஆதரவோடு நல்ல பொறுப்பு கிடைக்கும்.

கும்ப- ராகு, சிம்ம - கேது

சித்திரை 13-ந் தேதி கும்ப ராசியில் ராகுவும், சிம்ம ராசியில் கேதுவும் சஞ்சரிக்கப் போகிறார்கள். ஜென்ம கேதுவின் ஆதிக்கம் நடைபெறும் இந்த நேரம், ஞானநிலை உங்களைத் தேடிவரும். அஞ்ஞானம் உங்களை விட்டு விலகும். வாழ்க்கையை இப்படிதான் வாழ வேண்டும் என்று கற்றுக்கொள்வீர்கள். சப்தம ஸ்தானத்தில் ராகு சஞ்சரிப்பதால், வாழ்க்கை துணையோடு அடிக்கடி பிரச்சினை வந்து அலைமோதும்.

எதையும் விட்டுக் கொடுத்துச் செல்வது நல்லது. பாகப்பிரிவினை இழுபறி நிலையில் இருந்தாலும், திடீரென உடன்பிறப்புகளின் மனமாற்றத்தால் நல்ல முடிவை எட்டும். சுபச்செலவு அதிகரிக்கும். சர்ப்பக் கிரக வழிபாட்டின் மூலம் நல்ல சந்தர்ப்பங்கள் தேடிவரும்.

மேஷ - புதன் சஞ்சாரம்

சித்திரை 17-ந் தேதி மேஷ ராசிக்கு புதன் வருகிறார். அங்குள்ள சூரியனோடு இணைந்து 'புத ஆதித்ய யோக'த்தை உருவாக்குகிறார். உங்கள் ராசிக்கு தன - லாபாதிபதியான புதன் பாக்கிய ஸ்தானத்தில் சஞ்சரிப்பது நல்ல நேரமாகும். பணப்புழக்கம் அதிகரிக்கும். பணிபுரியும் இடத்தில் பாராட்டும், புகழும் கூடும். மனக்கலக்கம் அகலும். மகிழ்ச்சியான தகவல்கள் தினமும் வந்த வண்ணமாக இருக்கும்.

மிதுன - குரு சஞ்சாரம்

சித்திரை 28-ந் தேதி மிதுன ராசிக்கு குரு வருகிறார். லாப ஸ்தானத்திற்கு வரும் குருவாலும், அதன் பார்வை பலத்தாலும் மிகுந்த நன்மை கிடைக்கும். குறிப்பாக சகோதர ஒற்றுமை பலப்படும். உடன்பிறப்புகளின் இல்லங்களில் நடைபெறும் சுபகாரியங்களை முன்னால் நின்று நடத்தி வைப்பீர்கள். உத்தியோகத்தில் உங்கள் திறமைக்குரிய அங்கீகாரம் கிடைக்கும். வீடு கட்டி குடியேறும் எண்ணம் நிறைவேறும். மாற்று கருத்துடையோர் மனம் மாறுவர்.

பொதுவாழ்வில் உள்ளவர்களுக்கு எதிர்பார்ப்புகள் நிறைவேறுவதில் எண்ணற்ற தடைகள் ஏற்படும். வியாபாரம் மற்றும் தொழில் செய்பவர்களுக்கு குறுக்கீடு காணப்படும். உத்தியோகத்தில் உள்ளவர்களுக்கு அதிகாரிகளின் கெடுபிடி அதிகரிக்கும். கலைஞர்களுக்கு அதிக முயற்சியின் பேரில் வாய்ப்புகள் கிடைக்கும். மாணவ - மாணவிகளுக்கு மறதி அதிகரிக்கும். பெண்களுக்கு குடும்பச்சுமை கூடும். கொடுக்கல் - வாங்கல்களில் மந்த நிலை உருவாகும்.

பணத்தேவையைப் பூர்த்தி செய்யும் நாட்கள்:-

ஏப்ரல்: 16, 17, 27, 28, மே: 2, 3, 8, 9, 10.

மகிழ்ச்சி தரும் வண்ணம்:- கிரே.

2025 பங்குனி மாத ராசிபலன்

இனிமையான பேச்சினால் எதையும் சாதிக்கும் சிம்ம ராசி நேயர்களே!

பங்குனி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் அஷ்டமத்தில் சஞ்சரிக்கிறார். அவரோடு ராகுவும் இணைந்திருப்பதால் நிதானத்தோடு செயல்பட வேண்டிய மாதம் இது. தன - லாபாதிபதி புதனுடன், உங்கள் ராசிநாதன் சூரியன் இணைந்திருப்பதால் பொருளாதாரத்தில் நிறைவு ஏற்படும். என்றாலும் மன அமைதி குறையும்.

நினைத்ததை நினைத்த நேரத்தில் செய்ய இயலாது. கண்டகச் சனியின் ஆதிக்கமும் இருப்பதால் ஆரோக்கியத்தில் அதிக அக்கறை தேவை. மூட்டு வலி, முழங்கால் வலி என்று ஏதேனும் ஒரு தொல்லை வந்து கொண்டேயிருக்கும்.

மீன - புதன் சஞ்சாரம்

மாதத் தொடக்கத்தில் மீன ராசியில் சஞ்சரிக்கும் புதன், அங்கு நீச்சம் பெற்றும், வக்ரம் பெற்றும் உள்ளார். இதன் விளைவாக வருமானப் பற்றாக்குறை ஏற்படலாம். ஒரு கடனை அடைக்க, மற்றொரு கடன் வாங்கும் சூழல் உருவாகும். பிறருக்கு பொறுப்பு சொல்லி வாங்கிக் கொடுத்த தொகையால் பிரச்சினைகள் வரலாம். இடமாற்றம், வீடு மாற்றம் செய்யும் முயற்சி தாமதப்படும்.

பிள்ளைகளின் எதிர்கால நலன்கருதி எடுத்த முயற்சியில் இடையூறு ஏற்படலாம். பிறருக்கு வாங்கிக் கொடுத்த தொகையாலும் பிரச்சினைகள் வரும் என்பதால், எதையும் ஒரு முறைக்கு பல முறை யோசித்துச் செய்வது நல்லது.

கும்ப - புதன் சஞ்சாரம்

மீனத்தில் உள்ள புதன் பங்குனி 4-ந் தேதி, வக்ர இயக்கத்தில் கும்ப ராசிக்கு வருகிறார். உங்கள் ராசிக்கு தன - லாபாதிபதியான புதன், உங்கள் ராசியைப் பார்க்கும் இந்நேரம் மிக அற்புதமான நேரமாகும். பணம் பல வழிகளிலும் வந்து பையை நிரப்பும். பாசம்மிக்க நண்பர்கள் நேசக்கரம் நீட்டுவர். தொழிலை விரிவுசெய்ய எடுத்த முயற்சிக்கு கேட்ட இடத்தில் உதவிகள் கிடைக்கும்.

உத்தியோகத்தில் உள்ளவர்கள் விருப்ப ஓய்வில் வெளிவந்து சுயதொழில் செய்யும் முயற்சியில் ஆர்வம் காட்டுவர். அதற்கு நண்பர்களின் ஒத்துழைப்பும் கிடைக்கும். சொத்துக்களால் ஆதாயம் உண்டு. பொதுவாழ்வில் ஈடுபட்டிருப்பவர்களுக்கு மேலிடத்தில் நல்ல பெயர் கிடைக்கும்.

மீன - சுக்ரன் வக்ரம்

மீனத்தில் உள்ள சுக்ரன், இந்த மாதம் முழுவதும் வக்ரம் பெற்று சஞ்சரிக்கிறார். அதோடு பரிவர்த்தனை யோகமும் பெறுகிறார். உங்கள் ராசிக்கு 3, 10 ஆகிய இடங்களுக்கு அதிபதியான சுக்ரன் பரிவர்த்தனை யோகம் பெற்றிருப்பதால், தொட்ட காரியங்களில் வெற்றி கிடைக்கும்.

தொழிலில் புதிய ஒப்பந்தங்கள் வந்துசேரும். 'கற்ற கல்விக்கேற்ற வேலை கிடைக்கவில்லையே' என்று கவலைப்பட்டவர்களுக்கு இப்பொழுது அதுவும் கிடைக்கும். கடமையை சரிவரச் செய்து, அலுவலகத்தில் உள்ளவர்களிடம் பாராட்டு பெறுவீர்கள்.

கடக - செவ்வாய்

உங்கள் ராசிக்கு யோகம் செய்யும் கிரகம், செவ்வாய். பங்குனி 24-ந் தேதி கடக ராசியில் அவர் நீச்சம் பெறுகிறார். 4, 9 ஆகிய இடங்களுக்கு அதிபதியான செவ்வாய் நீச்சம் பெறுவது அவ்வளவு நல்லதல்ல. தைரியமும், தன்னம்பிக்கையும் குறையும். தடைகள் அதிகரிக்கும். எதையும் திட்டமிட்டுச் செய்ய இயலாது. மனக்குழப்பம் ஏற்படும். பூமியால், பிள்ளைகளால் என்று அடுத்தடுத்து பிரச்சினைகள் வந்து அலைமோதும். இதுபோன்ற நேரங்களில் பிறருக்குப் பொறுப்பு சொல்வதைத் தவிர்ப்பது நல்லது. உடன்பிறப்புகளின் பாசம் குறையும். வெளியிடங்களுக்குச் செல்லும் போது விவாதங்களைத் தவிர்ப்பது நல்லது.

பொதுவாழ்வில் உள்ளவர்களுக்கு எதிர்பார்த்த முன்னேற்றம் எளிதில் கிடைக்கும். வியாபாரம் மற்றும் தொழில் செய்பவர்கள் அதை விரிவுசெய்யும் முயற்சியில் ஆர்வம் காட்டுவார்கள். உத்தியோகத்தில் உள்ளவர்களுக்கு பாராட்டும், புகழும் கூடும். கலைஞர்களுக்குப் புதிய ஒப்பந்தங்கள் வந்துசேரும். மாணவ - மாணவிகளுக்கு பெற்றோரின் ஒத்துழைப்பு கிடைக்கும். பெண்கள் ஆரோக்கியத்தில் கவனம் செலுத்துங்கள். வருமானம் போதுமானதாக இருக்கும்.

பணத்தேவையைப் பூர்த்தி செய்யும் நாட்கள்:-

மார்ச்: 16, 17, 19, 20, 31, ஏப்ரல்: 1, 5, 6.

மகிழ்ச்சி தரும் வண்ணம்:- நீலம்.

2025 மாசி மாத ராசிபலன்

எடுத்த காரியத்தை எப்பாடுபட்டாவது முடித்துக் காட்டும் சிம்ம ராசி நேயர்களே!

மாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன், தன - லாபாதிபதி புதனோடு இணைந்திருப்பதால், தனவரவு தாராளமாக வந்து கொண்டேயிருக்கும். அதே நேரம் அவர்களோடு சனியும் சேர்ந்திருப்பதால் ஒருசில சமயங்களில் தடுமாற்றமும் ஏற்படலாம். போட்டிகளுக்கு மத்தியில் தொழில் வளர்ச்சி ஏற்பட்டாலும் மன அமைதி குறையும்.

கண்டகச் சனியின் ஆதிக்கம் இருப்பதால், எதையும் திட்டமிட்டுச் செய்ய இயலாமல் போகலாம். 10-ல் இருக்கும் குருவால் பதவி மாற்றம், இடமாற்றம் ஆகியவை திருப்தி தரும் விதம் அமையும். செவ்வாய் வக்ர நிவர்த்திக்குப் பின்னால் உங்கள் செயல்பாடுகளில் வெற்றி கிடைக்கும்.

சூரியன் - சனி சேர்க்கை

இந்த மாதம் முழுவதும் கும்ப ராசியில் சூரியன் - சனி சேர்க்கை ஏற்படுகிறது. உங்கள் ராசிக்கு அதிபதியான சூரியன், சனியோடு சேர்ந்து சஞ்சரிக்கும் பொழுது மிகுந்த கவனத்தோடு செயல்பட வேண்டும். பொருளாதாரம் ஸ்தம்பித்து நிற்கலாம். புதிய முயற்சிகளில் தடை, தாமதம் அதிகரிக்கும். உடல்நலத்தில் கை வலி, கால் வலி, கழுத்து வலி என்று, ஏதாவது ஒரு தொல்லை ஏற்பட்டு மருத்துவச் செலவை அதிகரிக்க வைக்கும்.

குடும்பத்தில் மீண்டும், மீண்டும் பிரச்சினைகள் உருவாகும். உச்சரிக்கும் சொற்களில் உஷாராக இருக்க வேண்டிய நேரம் இது. பிள்ளைகளின் எதிர்கால நலன்கருதி எடுத்த முயற்சிகளில் தாமதம் ஏற்படலாம். உத்தியோகத்தில் திடீர் மாற்றம் ஏற்பட்டு மகிழ்ச்சி குறையும். சூரியன் மற்றும் சனிக்குரிய சிறப்பு வழிபாடுகளை மேற்கொள்ளுங்கள்.

செவ்வாய் வக்ர நிவர்த்தி

மிதுன ராசியில் சஞ்சரிக்கும் செவ்வாய், மாசி 9-ந் தேதி வக்ர நிவர்த்தியாகிறார். உங்கள் ராசிக்கு யோகம் செய்யும் கிரகம் செவ்வாய். அவர் லாப ஸ்தானத்தில் சஞ்சரிக்கும் பொழுது, தொட்ட காரியங்களில் எல்லாம் வெற்றி கிடைக்கும். இடம் வாங்குவது, வீடு கட்டுவது போன்றவற்றிற்காக எடுத்த முயற்சி கைகூடும். பூர்வீக சொத்துக்களில் இருந்த பிரச்சினை அகலும்.

அதிகார வர்க்கத்தினர்களின் ஆதரவோடு, புதிய பாதையில் பயணிப்பீர்கள். பொதுவாழ்வில் இருப்பவர்களுக்கு நல்ல பொறுப்புகள் கிடைக்கும். உத்தியோகத்தில் நீண்ட நாட்களாக எதிர்பார்த்த பதவி உயர்வு இப்பொழுது வரலாம். பணி நீக்கம் செய்யப்பட்டவர்கள் மீண்டும் சேரலாம். வழக்குகள் சாதகமாக அமையும். இக்காலத்தில் எல்லா வழிகளிலும் நன்மைகள் கிடைக்கும்.

மீன - புதன் சஞ்சாரம்

மாசி 14-ந் தேதி மீன ராசிக்குச் செல்லும் புதன், அங்கு நீச்சம் பெறுகிறார். உங்கள் ராசிக்கு தன - லாபாதிபதியான புதன் நீச்சம்பெறுவது அவ்வளவு நல்லதல்ல. கொடுக்கல் - வாங்கலில் சிக்கல்களும், சிரமங்களும் வரலாம். ஒரு சாண் ஏறினால், ஒரு முழம் வழுக்கும் என்ற நிலை உருவாகும். எதையும் திட்டமிட்டுச் செய்ய இயலாது. திடீர் திடீரென விரயங்கள் அதிகரிக்கும்.

வெளிநாடு சென்றவர்கள், தாய்நாடு திரும்புவதில் தாமதம் ஏற்படலாம். மாமன், மைத்துனர் வழியில் மனக்கசப்பு தரும் தகவல் ஏற்படலாம். விஷ்ணுவிற்குரிய சிறப்பு ஆலயங் களுக்குச் சென்று வழிபட்டு வருவது நல்லது. பொதுவாழ்வில் உள்ளவர்களுக்கு எதிர்பார்ப்புகள் ஒவ்வொன்றாக நிறைவேறும். வியாபாரம் மற்றும் தொழில் செய்பவர்களுக்கு குறுக்கீடுகள் அகலும்.

உத்தியோகத்தில் உள்ளவர்களுக்கு நெருக்கடி நிலை மாறும். கலைஞர்களுக்கு புதிய ஒப்பந்தங்கள் வந்துசேரும். மாணவ - மாணவிகளுக்கு பணிபுரியும் இடத்தில் கூடுதல் கவனம் செலுத்துவது நல்லது. பெண்களுக்கு குடும்பத்தில் குழப்பங்கள் அதிகரிக்கும். சுபவிரயங்களைச் செய்வதன் மூலம் வீண் விரயங்களில் இருந்து விடுபட இயலும்.

பணத்தேவையைப் பூர்த்தி செய்யும் நாட்கள்:-

பிப்ரவரி: 16, 17, 20, 21, மார்ச்: 4, 5, 8, 9.

மகிழ்ச்சி தரும் வண்ணம்:- ஆனந்தா நீலம்.

2025 தை மாத ராசிபலன்

சிம்மம்

எல்லோரும் எல்லாமும் பெற நினைக்கும் சிம்ம ராசி நேயர்களே!

தை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் 6-ம் இடத்தில் சஞ்சரிக்கிறார். எனவே இந்த மாதம் மிகுந்த கவனத்தோடு செயல்பட வேண்டும். கண்டகச் சனியின் ஆதிக்கம் இருப்பதால், ஆரோக்கியத்தில் சிறுசிறு தொல்லையும், அதனால் மருத்துவச் செலவும் ஏற்படும். அதேநேரம் குருவின் பார்வை தன ஸ்தானத்தில் பதிவது யோகம்தான். போட்டிகளுக்கு மத்தியில் தொழில் வளர்ச்சியும் உண்டு. பொருளாதார நிலை உயரும். தசாபுத்திக்கேற்ற தெய்வ வழிபாடுகளை மேற்கொண்டால் நன்மைகளை வரவழைத்துக்கொள்ளலாம்.

மிதுன - செவ்வாய்

தை 5-ந் தேதி மிதுன ராசிக்குச் செல்லும் செவ்வாய், அங்கு வக்ரம் பெற்று சஞ்சரிக்கிறார். உங்கள் ராசிக்கு 4, 9 ஆகிய இடங்களுக்கு அதிபதியானவர் செவ்வாய் என்பதால், இந்த காலகட்டத்தில் சொத்துக்களால் ஆதாயம் கிடைக்கும். லாப ஸ்தானத்திற்கு செவ்வாய் வருவதால் என்றைக்கோ குறைந்த விலைக்கு வாங்கிப் போட்ட இடம் அதிக விலைக்கு விற்பனையாகி மகிழ்ச்சியை வழங்கும். உடன்பிறப்புகள் உங்கள் முன்னேற்றத்திற்கு வழிகாட்டுவர். சகோதர ஒற்றுமை பலப்படும். பாகப்பிரிவினை சுமுகமாக முடியும். வியாபாரத்தில் வேலையாட்களால் ஏற்பட்ட பிரச்சினைகள் அகலும். தொழிலில் புதியதாக முதலீடு செய்ய முன்வருவீர்கள்.

மகர - புதன்

உங்கள் ராசிக்கு 2, 11 ஆகிய இடங்களுக்கு அதிபதியான புதன், தை 6-ந் தேதி மகர ராசிக்குச் செல்கிறார். அவர் 6-ம் இடத்திற்கு வரும்பொழுது உத்தியோக உயர்வும், ஊதிய உயர்வும் கிடைக்கும். புதிய வேலைக்கு விண்ணப்பித்தவர்களுக்கு, நேர்முகத்தேர்வில் வெற்றி கிடைக்கும். வருமானம் அதிகரிக்கும். இந்த நேரம் புதிய கிளைத் தொழில் தொடங்கும் சூழ்நிலை உருவாகலாம். பழைய கடன்களை பைசல் செய்வீர்கள். சாமர்த்தியமாக செயல்பட்டு சாதனை படைக்கும் நேரம் இது. கூட்டுத் தொழிலை, தனித் தொழிலாக செய்ய எடுத்த முயற்சி வெற்றிபெறும்.

கும்ப - புதன்

தை 23-ந் தேதி கும்ப ராசிக்கு புதன் செல்கிறார். அவர் சப்தம ஸ்தானத்தில் சஞ்சரிக்கும் இந்த நேரத்தில் கல்யாணக் கனவுகள் நனவாகும். கடமையை சரிவரச் செய்து பாராட்டு பெறுவீர்கள். நீண்ட நாட்களாக வந்து திரும்பிச் சென்ற வரன்கள் இப்பொழுது முடிவாகலாம். வெளிநாட்டில் பணிபுரிவதற்காக நீங்கள் செய்த முயற்சிகளுக்கு இப்போது பலன் கிடைக்கும். பூர்வீக சொத்துக்களை விற்பனை செய்ய எடுத்த முடிவு அனுகூலமாக இருக்கும். அதே நேரம் உடன்பிறப்புகளுடன் இணைந்து புதிய சொத்துக்கள் வாங்கும் யோகம் உண்டு.

குரு வக்ர நிவர்த்தி

ரிஷப ராசியில் சஞ்சரிக்கும் குரு, தை 29-ந் தேதி வக்ர நிவர்த்தியாகிறார். உங்கள் ராசிக்கு 5, 8 ஆகிய இடங்களுக்கு அதிபதியானவர் குரு. அந்த வகையில் பூர்வ புண்ணிய ஸ்தானாதிபதியான குரு, வக்ர நிவர்த்தியாவது நன்மைதான். இழப்புகளை ஈடுசெய்ய புதிய வாய்ப்புகள் வரும். இடமாற்றம் பற்றிய சிந்தனை மேலோங்கும். பழைய பாக்கிகளை தீர்க்க ஆர்வம் காட்டுவீர்கள். வெளிநாட்டில் இருந்து தாய்நாடு திரும்ப முடியாமல் இருந்தவர்களுக்கு, இப்பொழுது நல்ல தகவல் கிடைக்கும். பூர்வீக சொத்துக்கள் லாபம் தரும். பஞ்சாயத்துக்கள் சாதகமாக முடியும். ஆயினும் பிள்ளைகளால் சில பிரச்சினைகளை சந்திக்க நேரிடும். பொதுவாழ்வில் உள்ளவர்களுக்கு மேலிடத்தில் நல்ல பெயர் கிடைக்கும். தொழில், வியாபாரம் செய்பவர்களுக்கு, கூட்டாளிகளின் ஒத்துழைப்பு உற்சாகத்தைத் தரும். உத்தியோகத்தில் உள்ளவர்களுக்கு வெளிநாடு சென்று பணிபுரிய வேண்டும் என்ற விருப்பம் அதிகரிக்கும். கலைஞர்களுக்கு வாய்ப்புகள் வாசல் தேடி வரும். மாணவ - மாணவி களுக்கு நண்பர்களால் நன்மை கிடைக்கும். பெண்களின் ஆரோக்கியத்தில் கவனம் தேவை. அதிக விரயம் உண்டு. குடும்பச்சுமை கூடும்.

பணத்தேவையைப் பூர்த்தி செய்யும் நாட்கள்:-

ஜனவரி: 14, 20, 21, 23, 24, பிப்ரவரி: 4, 5, 9, 10.

மகிழ்ச்சி தரும் வண்ணம்:- கருநீலம்.

2024 மார்கழி மாத ராசிபலன்

மகிழ்ச்சியோடு வாழ வேண்டும் என்று சொல்லும் சிம்ம ராசி நேயர்களே!

மார்கழி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் பஞ்சம ஸ்தானத்தில் சஞ்சரிக்கிறார். 7-ல் சனியும், 10-ல் குருவும் இருப்பதால் புதிய திருப்பங்களும், நல்ல மாற்றங்களும் வரும் மாதம் இது.

வியாபார விருத்தி, கணிசமான லாபம் கைகளில் புரளுதல், குடும்பத்தில் சுபகாரியப் பேச்சுகள் முடிவாதல், உத்தியோகத்தில் உயர்வு போன்றவை படிப்படியாக நடைபெறும். தன - லாபாதிபதி புதனை, குரு பகவான் பார்ப்பதால் சென்ற மாதத்தைக் காட்டிலும் பொருளாதாரம் திருப்திகரமாக வந்து மனதை மகிழ்விக்கும்.

செவ்வாய்- சுக்ரன் பார்வை

கடகத்தில் உள்ள செவ்வாய், இந்த மாதம் முழுவதும் மகரத்தில் சஞ்சரிக்கும் சுக்ரனைப் பார்க்கிறார். உங்கள் ராசிக்கு 4, 9 ஆகிய இடங்களுக்கு அதிபதியானவர் செவ்வாய். அவர் வெற்றிகள் ஸ்தானாதிபதியான சுக்ரனைப் பார்க்கும்போது, வெற்றி வாய்ப்புகள் வீடு தேடி வரும். கும்பத்தில் சுக்ரன் சஞ்சரிக்கும் பொழுதும் செவ்வாயின் பார்வை பதிகிறது. எனவே இம்மாதம் முழுவதும் மகிழ்ச்சிக்குரிய தகவல் ஏராளமாக வரலாம்.

வெளிநாடு சென்று பணிபுரிய வேண்டுமென்று ஆர்வம் கொண்டவர்களுக்கு அது கைகூடும். தொழிலில் கூட்டாளிகள், புதியவர்கள் வந்திணையலாம். நிறுத்தி வைக்கப்பட்ட தொழிலை மீண்டும் நடத்தும் முயற்சி கைகூடும்.

குரு வக்ரம்

உங்கள் ராசிக்கு பஞ்சம அஷ்டமாதிபதியாக விளங்குபவர், குரு பகவான். அவர் வக்ரம் பெறுவது அவ்வளவு நல்லதல்ல. பூர்வ புண்ணிய ஸ்தானாதிபதி வக்ரம் பெறுவதால் பூர்வ புண்ணியத்தின் வலிமை கொஞ்சம் குறையும். எனவே பாகப்பிரிவினைகள் சுமுகமாக நடைபெறாமல் போகலாம். அண்ணன், தம்பிகளுக்குள் அரசல், புரசல்கள் ஏற்படும். வருமானத் தடை அதிகரிக்கும்.

'எதையும் திட்டமிட்டு செய்ய முடியவில்லையே' என்று கவலைப் படுவீர்கள். அரசு வழிப் பிரச்சினைக்கு கூட ஆளாக நேரிடும். எதையும் சமாளிக்கும் திறமை உங்களிடம் இருந்தாலும் கூட இதுபோன்ற காலத்தில் அலுப்பும், சலிப்பும் அதிகரிக்கும்.

கும்ப - சுக்ரன்

மார்கழி 15-ந் தேதி, கும்ப ராசிக்கு சுக்ரன் செல்கிறார். உங்கள் ராசிக்கு 3, 10 ஆகிய இடங்களுக்கு அதிபதியானவர் சுக்ரன். அவர் சப்தம ஸ்தானத்திற்கு செல்வது யோகமான நேரம்தான். தொழில் வளர்ச்சி திருப்தி தரும். வருமானம் உயரும். உறவினர்களும், உடன்பிறப்புகளும் எதிர்பார்த்த உதவிகளைச் செய்வர். நகை வாங்குவதில் நாட்டம் செலுத்துவீர்கள். வியாபாரத்தில் குறுக்கீடுகள் அகலும். உங்களது அறிவாற்றலை வெளிப்படுத்த நல்ல சந்தர்ப்பங்கள் கைகூடிவரும்.

தனுசு - புதன்

மார்கழி 17-ந் தேதி, தனுசு ராசிக்கு புதன் செல்கிறார். உங்கள் ராசிக்கு 2, 11 ஆகிய இடங்களுக்கு அதிபதியானவர் புதன். அவர் பஞ்சம ஸ்தானத்திற்கு வரும்பொழுது வருமானம் உயரும். வாழ்க்கைத் தேவை பூர்த்தியாகும். திருமணத் தடை அகலும். தெய்வ பிரார்த்தனைகள் நிறைவேறும். வியாபாரம் செய்யும் இடத்தை மாற்றியமைக்க முற்படுவீர்கள். ஸ்தம்பித்து நின்ற பணிகள் மீண்டும் தொடரும். உத்தியோகத்தில் பணிநீக்கம் செய்யப்பட்டவர்கள் மீண்டும் பணியில் சேர வாய்ப்பு உண்டு.

பொதுவாழ்வில் உள்ளவர்களுக்கு நட்பால் நன்மை ஏற்படும். வியாபாரம் மற்றும் தொழில் செய்பவர்களுக்கு பங்குதாரர்களின் ஒத்துழைப்பு திருப்தி தரும். உத்தியோகத்தில் உள்ளவர்களுக்கு உயரதிகாரிகளின் ஆதரவு கூடுதலாகக் கிடைக்கும். கலைஞர்களுக்கு பிரபலஸ்தர்களின் தொடர்பு நன்மை தரும். மாணவ - மாணவி களுக்குப் படிப்பில் கூடுதல் கவனமும், அக்கறையும் செலுத்துவது நல்லது. பெண்கள் குடும்பப் பிரச்சினையை மூன்றாம் நபரிடம் பகிர்ந்துகொள்ள வேண்டாம். மருத்துவச் செலவு அதிகரிக்கும்.

பணத்தேவையைப் பூர்த்தி செய்யும் நாட்கள்:-

டிசம்பர்: 16, 17, 23, 24, 27, 28, 29, ஜனவரி: 8, 9, 13.

மகிழ்ச்சி தரும் வண்ணம்:- வைலட்.

2024 கார்த்திகை மாத ராசிபலன்

சாதனையாளர்களின் வரிசையில் இடம் பிடிக்க நினைக்கும் சிம்ம ராசி நேயர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சூரியன் தனலாபாதிபதி புதனுடன் இணைந்து சுக ஸ்தானத்தில் சஞ்சரிக்கிறார். எனவே பொருளாதார நிலை சிறப்பாக இருக்கும். பொதுவாழ்வில் ஈடுபட்டிருப்பவர்களுக்கு புதிய பொறுப்புகள் கிடைக்கும்.

சப்தம ஸ்தானத்தில் இருக்கும் சனியை, செவ்வாய் பார்ப்பதால் குடும்பச் சுமை அதிகரிக்கும். கொள்கைப் பிடிப்போடு செயல்பட இயலாது. விட்டுக் கொடுத்துச் செல்வதன் மூலமே உங்கள் விருப்பங்கள் நிறைவேறும்.

குரு வக்ரம்

ரிஷப ராசியில் சஞ்சரிக்கும் குரு பகவான், இந்த மாதம் முழுவதும் வக்ரம் அடைகிறார். உங்கள் ராசிக்கு 5, 8 ஆகிய இடங்களுக்கு அதிபதியானவர், குரு பகவான். பஞ்சம - அஷ்டமாதிபதியான குரு, தொழில் ஸ்தானத்தில் வலிமை இழப்பது அவ்வளவு நல்லதல்ல. பிள்ளைகளால் சில பிரச்சினைகள் மீண்டும் தலைதூக்கும். பாகப்பிரிவினை முடிவடையாமல் இழுபறி நிலையிலேயே இருக்கலாம்.

அண்ணன் - தம்பிகளுக்குள் ஏற்பட்ட அரசல், புரசல்களை பெரிதாக்க வேண்டாம். எதையும் சமாளிக்கும் வல்லமை பெற்ற உங்களுக்கு, குருவின் வக்ர காலத்தில் மிகப்பெரிய பிரச்சினைகளையும் சந்திக்க நேரிடும். 10-ல் குரு வருவதால் பதவி மாற்றம் உண்டு.

சனி - செவ்வாய் பார்வை

கடகத்தில் சஞ்சரிக்கும் செவ்வாய், இந்த மாதம் முழுவதும் கும்பத்தில் சஞ்சரிக்கும் சனியைப் பார்க்கிறார். உங்கள் ராசிக்கு 4, 9 ஆகிய இடங்களுக்கு அதிபதியானவர், செவ்வாய். அவரது பார்வை சனியின் மீது பதியும் பொழுது குடும்பப் பிரச்சினைகள் கூடுதலாக இருக்கும். கடுமையாக முயற்சித்தும் காரியங்கள் கைகூடாமல் போகலாம். நண்பர்களிடம் ஒப்படைத்த பொறுப்புகள் நடைபெறாமல் போய் வீண்பழிக்கு ஆளாக நேரிடும்.

மகர - சுக்ரன்

கார்த்திகை 18-ந் தேதி, மகர ராசிக்கு சுக்ரன் செல்கிறார். உங்கள் ராசிக்கு 3, 10 ஆகிய இடங்களுக்கு அதி பதியானவர் சுக்ரன். அவர் இப்பொழுது மகரத்திற்கு வரும்பொழுது கடன் சுமை குறையும். கவலைகள் தீரும். இடம், பூமி வாங்குவதில் இருந்த பிரச்சினைகள் தீரும்.

பழைய நகைகளை கொடுத்துவிட்டு, புதிய நகைகளை வாங்குவதில் ஆர்வம் காட்டுவீர்கள். பயணம் பலன் தருவதாக அமையும். உடன்பிறப்புகள் வழியே சுபகாரியம் முடிவாகும். நீண்ட நாளையப் பிரச்சினைகளை சரிசெய்வீர்கள்.

செவ்வாய் வக்ரம்

கடக ராசியில் சஞ்சரிக்கும் செவ்வாய், கார்த்திகை 18-ந் தேதி வக்ரம் பெறுகிறார். உங்கள் ராசிக்கு 4, 9 ஆகிய இடங்களுக்கு அதிபதியானவர், செவ்வாய். சுக ஸ்தானம் மற்றும் பாக்கிய ஸ்தானத்திற்கு அதிபதியான செவ்வாய் வக்ரம்பெறுவது அவ்வளவு நல்லதல்ல. ஆரோக்கிய குறைபாடு உண்டாகும். குறிப்பாக நரம்பு, எலும்பு பாதிப்புகள் ஏற்பட்டு மனக்கவலை அதிகரிக்கும். எதையும் துணிந்து செய்ய இயலாது. வீடு மாற்றம் வரலாம். தந்தை வழி உறவில் விரிசல்கள் ஏற்படும். வெளிநாட்டு வேலைக்கான முயற்சியில் இடையூறு வரக்கூடும்.

பொதுவாழ்வில் உள்ளவர்களுக்கு பதவி மாற்றம் ஏற்படும். வியாபாரம், தொழில் செய்பவர்களுக்கு புதிய ஒப்பந்தங்கள் வந்தாலும் 'இடமாற்றம் அல்லது நாடு மாற்றம் செய்யலாமா?' என்று சிந்திப்பீர்கள். உத்தியோகத்தில் உள்ளவர்கள், விருப்ப ஓய்வு பெற நினைப்பார்கள். கலைஞர்களுக்கு தலைமைப் பதவி தேடி வரும். மாணவ - மாணவிகளுக்கு மறதியின் காரணமாக படிப்பில் அக்கறை குறையும். பெண்கள் குடும்பத் தகவல்களை மற்றவர்களிடம் பகிர்ந்து கொள்ள வேண்டாம். எதையும் எளிதில் செய்ய இயலாது.

பணத்தேவையைப் பூர்த்தி செய்யும் நாட்கள்:-

நவம்பர்: 19, 20, 25, 26, டிசம்பர்: 1, 2, 13.

மகிழ்ச்சி தரும் வண்ணம்:- பிரவுன்.