மேஷம் - வார பலன்கள்

இந்த வார ராசிப்பலன்

5.6.2023 முதல் 11.6.2023 வரை

நெருக்கடிகள் விலகும் வாரம். பூர்வ புண்ணிய ஸ்தான அதிபதி சூரியன் தனம் வாக்கு, குடும்ப ஸ்தானத்தில் சஞ்சரிப்பதால் சிந்தனைகள் பெருகும். எவராலும் சாதிக்க முடியாத செயல்களை செய்து முடிப்பீர்கள். குடும்பத்தில் மகிழ்ச்சியும், சுபிட்சமும் உண்டாகும். மங்களகரமான சுப காரியங்கள் கைகூடும். லாப ஸ்தான சனியால் பணம் பல வழிகளில் தேடி வரும்.

அனைத்து தேவைகளும் பூர்த்தியாகும். கொடுக்கல் வாங்கல் சரளமாக இருக்கும். புதிய வாய்ப்புகள் கிடைக்கப் பெறுவீர்கள். சமுதாயத்தில் கவுரவமான நிலையை அடைவீர்கள். வாக்கு வன்மையால் புகழ் பெறுவீர்கள். உடல் ஆரோக்கிய பாதிப்புகள் குறையும். கொடுத்த கடன்கள் தடையின்றி வசூலாகும். இடமாற்றங்கள் கிடைக்கும்.

உத்தியோ கஸ்தர்களின் தகுதி திறமைக்கு ஏற்ற உயர்வு கிடைக்கும். சிலருக்கு அரசு உத்தியோக வாய்ப்பு உள்ளது. வீடு, வாகனயோகம், குழந்தைப்பேறு, திருமணம் போன்ற பாக்கிய பலன்கள் கைகூடும்.தெய்வ பிரார்த்தனைகள் நிறைவேறும். உடல் ஊன முற்ற வர்களுக்கு இயன்ற உதவிகள் செய்யவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

29.5.2023 முதல் 4.6.2023 வரை

செயல்களில் வெற்றி மிளிரும் வாரம். உபஜெய ஸ்தான அதிபதி புதன் ராசியில் சஞ்சரிப்பதால் மன தைரியம் அதிகரிக்கும். உடன் பிறந்த வர்க ளுடன் பாகப்பிரிவினை ஏற்பட வாய்ப்புள்ளது. உபரி தொழில் லாபத்தை தொழிலில் மறுமுதலீடு செய்வீர்கள். கூட்டுத் தொழில் முயற்சி வெற்றி தரும்.உத்தியோகஸ்தர்கள் பதவி உயர்வு, சம்பள உயர்வு, இடமாற்றத்தால் மகிழ்ச்சி அடைவார்கள்.

சிலருக்கு தந்தையின் அரசுப்பணி கிடைக்கும். சிலருக்கு வெளிநாட்டு வேலை கிடைக்கும். வாடகை வருமானம் தரும் சொத்துக்களின் சேர்க்கை அதிகரிக்கும். சொத்துக்களுக்கு நல்ல வாடகைதாரர்கள் கிடைப்பார்கள். திருமண முயற்சி நிறைவேறும். குடும்பத்தில் நிலவிய எதிர்மறை விமர்சனங்கள் மாறும்.பெற்றோர்களின் அனுசரணை கிடைக்கும். வீண் செலவுகள், விரயங்கள் அதிகரிக்கும்.

3.6.2023 அன்று 12.28 மணி முதல் 5.6.2023 அன்று 3.23 மணி வரை சந்திராஷ்டமம் இருப்பதால் எளிதில் முடிய வேண்டிய பணிகள் தாமதமாகும். பவுர்ண மியன்று லட்சுமி நரசிம்மரை வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

22.5.2023 முதல் 28.5.2023 வரை

அதிகப்படியான வருமானங்கள் கிடைக்கும் வாரம். பூர்வ புண்ணிய ஸ்தான அதிபதி சூரியன் தன ஸ்தானத்தில் சஞ்சரிப்பதால் பிறர் பார்த்து ஆச்சரியப்படும் அளவிற்கு உயர்வான நிலையை அடைவீர்கள். ராசி அதிபதி செவ்வாய் 10ம் மிடமான தொழில் ஸ்தானத்தைப் பார்ப்பதால் தொழிலில், வேலையில் நல்ல வாய்ப்புகள் கிடைக்கும்.எந்த செயலில் ஈடுபட்டாலும் அதில் முழுமையான வெற்றி கிடைக்கும்.

உத்தியோகஸ்தர்களுக்கு பணிச் சுமை அதிகரித்தாலும் கவுரவம் கூடும்.தொழிலில் லாபம் மூலம் பண வருவாய் அதிகரிக்கும். வியாபாரிகள் எதிர்பார்த்த வங்கிக் கடன்கள் சிரமமின்றி கிடைக்கும். இழுபறியான வழக்குகளில் சாதகமான தீர்ப்பு கிடைக்கும். குடும்பத்தில் மகிழ்ச்சியும் நிம்மதியும் அதிகரிக்கும்.

அரசு வேலைக்கு விண்ணப்பித்தவர்களுக்கு அனுகூலமான பதில்கள் கிடைக்கும். பெரிய இடத்து சம்பந்தம், புத்திரப் பேறு கிடைக்கும். ஆரோக்கியத்தில் கவனம் தேவை. பழநி முருகனை வழிபட முன்னேற்றம் கூடும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

15.5.2023 முதல் 21.5.2023 வரை

திட்டமிட்டு செயல்படும் வாரம். 5-ம் அதிபதி சூரியன் தன ஸ்தானம் செல்லுவதால் பிள்ளைகளால் குடும்ப வருமானம் உயரும். கடன் பிரச்சினையில் இருந்து விடுபடுவதற்காக ஓயாமல் உழைப்பீர்கள். உங்களை நம்பி பெரிய பொறுப்புகள் ஒப்படைப்பார்கள்.

குடும்பத்தில் உங்கள் பேச்சிற்கு மதிப்பு, மரியாதை கிடைக்கும். புதிய தொழில்களை தேர்வு செய்து படிப்படியாக உயர்ந்து வெற்றி பெறுவீர்கள். திராசி மற்றும் 8-ம் அதிபதி செவ்வாய் நீசம் பெறுவதால் வழக்கில் சாதகமான தீர்ப்பு வரும். செவ்வாய் 8ம் பார்வையாக சனியை பார்ப்பதால் வீடு, வாகன பராமரிப்புச் செலவுகள் கூடும்.

சிலருக்கு வருமானம் தரக் கூடிய புதிய சொத்துக்கள் சேரலாம். பழைய கூட்டாளிகள் விலகி புதிய தொழில் கூட்டாளிகள் கிடைப்பார்கள். கோட்சார சர்ப்ப தோஷத்தால் ஏற்பட்ட திருமணத் தடை குரு பார்வையால் விலகும். சுப செலவிற்காக விண்ணப்பித்த கடன் தொகை இந்த வாரத்தில் கிடைத்து விடும்.ஆரோக்கியத்தில் அதிக கவனம் தேவை. அமாவாசையன்று பட்சிகளுக்கு உண விடவும்.

பிரசன்ன ஜோதிடர்

ஐ.ஆனந்தி

செல்: 98652 20406

இந்த வார ராசிப்பலன்

8.5.2023 முதல் 14.5.2023 வரை

புத்திக்கூர்மை பளிச்சிடும் வாரம். 5-ம் அதிபதி சூரியன் ராகுவின் பிடியில் இருந்து விடுபடுவதால் குழந்தை பாக்கியத்திற்கு ஏங்கியவர்களுக்கு கரு உருவாகும். பிள்ளைகளால் பெருமையும் நன்மையும் உண்டாகும்.எதிர்காலம் பற்றிய பயம் விலகும்.பழைய உறவினர், நண்பர்கள் தேடி வந்து பேசுவார்கள். புத்திக் கூர்மையுடன் புதிய திட்டம் தீட்டி வெற்றி பெறுவீர்கள்.

அலுவலகத்தில் மகிழ்ச்சி யான சூழ்நிலை காணப்படும். சக பணியாளர்கள் உங்கள் பணிகளில் உதவிகரமாக இருப்பார்கள். ஒரு சிலருக்கு அவர்கள் விரும்பியபடி இட மாறுதல் கிடைக்கும். வீடு வாகன செலவுகள் அதிகரிக்கும். வழக்குகள் சாதகமாகும்.திருமணம் கூடி வரும். பணவரவு தாராளமாக இருக்கும்.விரும்பிய பொருட் களை வாங்கி மகிழ்வீர்கள். பூர்வீகச் சொத்தை அதிக செலவு செய்து சீரமைப்பீர்கள்.

பெண்களுக்கு உறவினர்கள் வருகையால் வேலைப்பளு பொறுப்பு கள் அதிகரிக்கும். 8.5.2023 இரவு 7.30 மணி வரை சந்தி ராஷ்டமம் இருப்பதால் எளிதில் முடிய வேண்டிய விசயங்கள் தாமதமாகும். சங்கட ஹர சதுர்த்தியன்று அருகம்புல் சாற்றி விநாயகரை வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

1.5.2023 முதல் 7.5.2023 வரை

முயற்சிகளில் வெற்றி உண்டாகும் வாரம். 2,7ம் அதிபதி சுக்ரன் 3-ம்மிடம் சென்று ராசி அதிபதி செவ்வாயுடன் சேருவதால் தைரியம், சுறுசுறுப்பு அதிகரிக்கும். தன வரவு தாராளமாகும்.கடன் வாங்கி, அட்வான்ஸ் வாங்கி போனசில் கடனை கழித்து வாழ்க்கையை ஓட்டிய நடுத்தர வர்க்கத்தி னரின் வருமானம் உயரும். இதுவரை சண்டை போட்ட உறவினர்கள் பகைமை மறப்பார்கள்.

பாகப்பிரிவினைக்கு உடன் பிறப்புகள் சம்மதிப்பார்கள். கடுமையாக முயற்சித்தும் வெற்றி பெறாத காரியங்கள் கூட தற்போது சித்தியாகும். பிள்ளைகளுக்கு சுப விசேஷங்கள் நடத்தி மகிழ்வீர்கள்.குல தெய்வ கடாட்சம் கிடைக்கும். பங்குச்சந்தை ஆர்வம்அதிகரிக்கும். தொழில் சார்ந்த முக்கிய முடிவுகளை எடுப்பீர்கள். முன்னோர்களின் நல்லாசி கிட்டும்.திருமணத் தடை அகலும். திருமணமான இளம்பெண்கள் கருத்த ரிப்பார்கள். ஆரோக்கிய தொல்லை குறையும். வழக்குகள் வெற்றியடையும்.

6.5.2023 மதியம் 3.22க்கு சந்திராஷ்டமம் துவங்குவதால் புதிய முயற்சிகளை தவிர்த்து அன்றாட பணியில் மட்டும் ஈடுபடவும். பவுர்ணமியன்று 9 செவ்வாழைப்பழம் தானம் வழங்கவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

24.4.2023 முதல் 30.4.2023 வரை

மேன்மையான வாரம். ராசியில் 5-ம் அதிபதி சூரியன் உச்சம் பெற்று, 9, 12-ம் அதிபதி குருவுடன் அமர்ந்து இருப்பதால் செயல்களில் வெற்றி மிளிரும். தோற்றம் பொழிவு பெறும். ஆளுமைத்திறன், புகழ், பெருமை செயலாக்கம் அதிகரிக்கும்.வேலையில் திறமை கூடும். புரமோஷன் மற்றும் சம்பள உயர்வும் கிடைக்க வாய்ப்பு உள்ளது.

நீண்ட நாட்களாக எதிர்பார்த்த நல்ல காரியங்கள் கைகூடி வரும். இதுவரை தயங்கிக் கொண்டு இருந்த பல செயல்களில் அதிரடியாக இறங்கி செயலாற்றுவீர்கள்.சிலருக்கு திடீர் பண வரவும் ஜாக்பாட் கிடைக்கவும் வாய்ப்பு உள்ளது. பணம் கொடுக்கல் வாங்கல் சரளமாகும். பூர்வீகச் சொத்து தொடர்பான பேச்சு வார்த்தை நடக்கும். சிலர் மாடி வீடு கட்டலாம். வழக்கு விவகாரங்கள் ஒத்திப் போகும்.

தொழிலும், வாழ்க்கையிலும் திருப்திகரமான முன்னேற்றம் உண்டாகும். தொழிலாளர்களுக்கு குறைந்த உழைப்பும் நிறைந்த வருமானமும் கிடைக்கும். பெண்களுக்கு புகுந்த வீட்டு உறவினர்களின் ஆதரவு உண்டு. சிலர் வெளிநாடு செல்லலாம். ராசிக்குள் குரு வந்து விட்டதால் அரசியல்வாதிகளுக்கு ஒரு அதிர்ஷ்ட நிகழ்வு உண்டு. ஸ்ரீ ரமண மகரிஷியை வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

17.4.2023 முதல் 23.4.2023 வரை

குடும்ப சுமைகள், பொறுப்புகள் அதிகரிக்கும் வாரம். 5-ம் அதிபதி சூரியன் உச்சம் பெற்றாலும் 3, 6-ம் அதிபதி புதன் மற்றும் ராகுவுடன் சேர்க்கை பெற்று கிரகணம் சம்பவிப்பதால் ஆன்ம பலம் குறையும். சிலர் பூர்வீகச் சொத்தை மீட்க கடன் பெறலாம்.சிலர் கடன் பெற்று புதிய சொத்துக்கள் வாங்கலாம். தேவைக்கு பணம் கிடைக்கும். சகோதர, சகோதரி களிடம் ஒற்றுமை குறையும்.

வெளிநாட்டு வேலை முயற்சி குருப்பெயர்ச்சிக்குப் பிறகு வெற்றி பெறும். சிலருக்கு கோட்சார ராகு கேதுவால் திருமணமுயற்சி தள்ளிப்போகும். மாணவர்கள் வெற்றி வாய்ப்பை அதிகரிக்க கடின முயற்சி செய்ய வேண்டும்.வேற்று இன மத நண்பர்களின் ஆதரவு கிடைக்கும். பெற்றோர்களுடன் ஏற்பட்ட மனக் கசப்பு மறையும். சிலரின் மறுமண முயற்சி சித்திக்கும்.

அரை குறையாக நின்ற கட்டிடப்பணி கள் தொடரும். தங்கம் வாங்கும் யோகம் உள்ளது. கிரகணத்தன்று கூலித் தொழிலாளி களுக்கு தண்ணீருடன் உணவு தானம் வழங்கவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிப்பலன்

10.4.2023 முதல் 16.4.2023 வரை

சாதகமான வாரம். சில நாட்களில் குரு பெயர்ச்சியானவுடன் விரயத்திற்கு முற்றுப் புள்ளி வைக்க முடியும். ராசி அதிபதி செவ்வாய் 3,6ம் அதிபதி புதனுடன் பரிவர்த்தனை பெறுவதால் வரவிற்கு எந்த குறையும் இருக்காது. குணமேன்மை, செயல்திறன் ஆகியவற்றின் மூலம் வாழ்வாதாரம் உயரும். முக்கிய ஆவணங்களை கவனமாக பாதுகாக்கவும். யாருக்கும் ஜாமீன் போடக்கூடாது. கடன் பெறும் போதும், கடன் கொடுக்கும் போதும் படித்துப் பார்த்து கையெழுத்து போட வேண்டும். உடன் பிறந்தவர்களுடன் பாகப்பிரி வினை ஏற்பட வாய்ப்புள்ளது. இழுபறியாக இருந்த வழக்குகளில் தீர்ப்பு சாதகமாகும். நீண்ட காலமாக தீர்க்க முடியாத சில பிரச்சினைகளுக்கு தற்போது முற்றுப்புள்ளி வைக்க முடியும்.

கணவன், மனைவி ஒற்றுமை சிறப்பாக இருக்கும். ஆரோக்கியத்தில் முன்னேற்றம் உண்டு. திருமணத்திற்கு நல்ல வரன் அமையும். 11.4.2023 அன்று பகல் 12.58 வரை சந்திராஷ்டமம் இருப்பதால் முக்கிய பொறுப்புகளை பிறரை நம்பி ஒப்படைப்பதை தவிர்க்கவும். அஷ்டலட்சுமி வழிபாடு சிறப்பு.

பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

3.4.2023 முதல் 9.4.2023 வரை

வேகமும் விவேகமும் நிறைந்த வாரம்.ராசி அதிபதி செவ்வாய் முயற்சி ஸ்தானத்தில் நிற்பதால் யாருடைய தயவையும் எதிர்பாராமல் நீங்களே நேரடியாக செயல்படுவீர்கள். நினைத்ததை செயல்படுத்தி வெற்றியடைவீர்கள். புது புது சிந்தனைகள் வளர்ந்து கொண்டே இருக்கும். வாரத்தின் பிற்பகுதியில் தனம், வாக்கு, குடும்ப ஸ்தான அதிபதி சுக்ரன் ஆட்சி பலம் பெறுவதால் குடும்ப தேவைகளை நிறைவேற்றத் தேவையான பண வரவு உண்டாகும்.

உற்றார், உறவினர்களுடன் ஏற்பட்ட மன சங்கடங்கள் விலகும். தடை பட்ட திருமண முயற்சி துரிதமாகும். பிரிந்த தம்பதிகள் கூடி மகிழ்வார்கள். 3,6-ம் அதிபதி புதனும் ராசி அதிபதி செவ்வாயும் பரிவர்த்தனை பெறுவதால் வீடு மாற்றம் அல்லது வேலை மாற்றம் செய்ய நேரும். ராசியில் ராகுவுடன் உள்ள புதன் சனி பார்வையில் நிற்பதால் ஜாமீன் மற்றும் கொடுக்கல் வாங்கலில் சிந்தித்து செயல்படுவது நல்லது.

9.4.2023 காலை 8.01-க்கு சந்திராஷ்டமம் ஆரம்பிப்பதால் ஆரோக்தியத்தில் கவனம் தேவை. பங்குனி உத்திர நாளில் முருகனுக்கு பால் அபிசேகம் செய்து வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

27.3.2023 முதல் 2.4.2023 வரை

இழந்ததை மீட்டுப் பெறும் வாரம்.2,7-ம் அதிபதி சுக்ரன் ராகுவுடன் இணைந்து ராசியில் பயணிப்பதால் வெளிநாட்டு வருமானம் வரும் அல்லது வேற்று இனத்தவரின் உதவிகள் கிடைக்கும். தனவரவில் தடையில்லாத, தளர்வில்லாத வளர்ச்சி உண்டாகும்.நிலுவையில் உள்ள சம்பள பாக்கிகள் இந்த வாரத்தில் கிடைத்துவிடும். வராக்கடன்கள் வசூலாகும்.

ராசி அதிபதி செவ்வாயும் சாதகமாக இருப்பதால் விரய குருவால் ஏற்பட்ட அனைத்தையும் ஈடு செய்யக் கூடிய நல்ல வாய்ப்பும் சந்தர்ப்பமும் அமையும். கடினமாக உழைப்பும் முயற்சியும் இருந்தால் இலக்கை, லட்சியத்தை அடைய முடியும். தாராள தன வரவால் குடும்பத்தில் சலசலப்பு நீங்கி கலகலப்பு கூடும்.திருமணப் பேச்சு வார்த்தைகள் நல்ல முடிவிற்கு வரும்.சிலருக்கு விருப்ப விவாகம் நடைபெற வாய்ப்பு உள்ளது.

மாணவர்களுக்குஞாபக சக்தி கூடும். தொழில் போட்டியாளர்களை புறமுதுகு காட்டி ஓட வைப்பீர்கள். சிலர் தற்போது பார்த்துக் கொண்டு இருக்கும் வேலை பிடிக்காமல் புதிய வேலை தேடலாம். ஆரோக்கியத்தில் கவனம் தேவை.பறவைகளுக்கு தானியமும், தண்ணீரும் வழங்கவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

20.3.2023 முதல் 26.3.2023 வரை

சகாயமான வாரம். ராசி அதிபதி செவ்வாய் முயற்சி ஸ்தானமான 3-ம் இடம் செல்வதால் எந்த ஒரு காரியத்திலும் துணிந்து இறங்கி செயல்பட்டு வெற்றி பெரும் தைரியம் உண்டாகும். சுகபோக வாழ்க்கை கிடைக்கும். உங்களின் தனித் திறமைகள் வெளிப்படும். லவுகீக நாட்டம் அதிகரிக்கும். பொருளாதார நிலை திருப்தியளிக்கும்.

குடும்பத்தில் மகிழ்ச்சி கூடும். வீடு மாற்றம், வேலை மாற்றம் என விரும்பத் தகுந்த மாற்றங்கள் ஏற்படும். உடன் பிறந்த சகோதர, சகோதரிகளால் சகாயங்கள் உண்டாகும். தொழிலில் லாபம் வருவதற்கு புதிய முயற்சிகளை, யுக்திகளை கடைபிடிப்பீர்கள். தொழில், உத்தியோகம், திருமணம், குழந்தை, வீடு வாகன யோகம் போன்ற அனைத்து விதமான பாக்கியங்களும் உண்டாகும்.

ஏப்ரலில் குரு மீனத்தை விட்டு நகரும் வரை கட்டுப்படுத்த முடியாத விரயங்கள் சற்று அதிகமாக இருக்கும். குருப்பெயர்ச்சிக்குப் பிறரு பல புதிய பெண் தொழில் முனைவோர்கள் உருவாகுவார்கள். மாணவ மாணவிகள் கவனித்து படித்தால் நல்ல மதிப்பெண் பெற முடியும். படுத்தவுடன் நிம்மதி யான தூக்கம் வரும். செவ்வாய்கிழமை வள்ளி தெய்வானை சமேத முருகப்பெருமானை வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406