கும்பம் - வார பலன்கள்

இந்தவார ராசிபலன்

19.2.2024 முதல் 25.2.2024 வரை

மனக்கவலைகள் குறையும் வாரம். ராசிக்கு சூரியன் புதன், சனி சம்பந்தம். புத ஆதித்ய யோகம் இருப்பதால் உங்கள் முயற்சியில் தளர்ச்சி இல்லாத வளர்ச்சி உண்டாகும். உத்தியோகம், தொழிலில் உயர்ந்த நிலையை அடைய முடியும்.புதிய தொழில் ஒப்பந்தம் கிடைக்கும். சிலர் புதிய கூட்டுத் தொழில் துவங்கலாம். வருமானம் ஒன்றுக்கு மேற்பட்ட வழியில் வந்து மனதை மகிழ்விக்கும். வாழ்வியல் மாற்றம் தரும் நல்ல இடப் பெயர்ச்சி நடக்கும். ஞாபகசக்தி கூடும். உயில் எழுதுதல், உயிலில் மாற்றம் செய்தல், கடனை புதுப்பித்தல் போன்ற முக்கிய நிகழ்வுகள் நடக்கும். உடன் பிறந்தவர்களின் ஆதாயம், ஆதரவு கிடைக்கும். செவ்வாய் குரு சம்பந்தம் குரு மங்கள யோகம் ஸ்திர சொத்துக்கள் சேரும்.

நிலம், பூமி, வாங்குவதில் இருந்த தடைகள் அகலும். பூர்வீக சொத்து தொடர்பான முயற்சிகள் சிறு மன சஞ்சலத்திற்குப் பிறகு சாதகமாகும். தாத்தா பாட்டியை சந்தித்து நல்லாசி பெறுவீர்கள். வயிறு தொடர்பான பிரச்சினை ஏற்படக்கூடும் என்பதால், உணவு விஷயத்தில் கவனம் தேவை. தெய்வப் பணிகளில் ஈடுபடும் வாய்ப்பு ஏற்படும். மாசி மகத்தன்று பன்னீர் அபிசேகம் செய்து சிவனை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

12.2.2024 முதல் 18.2.2024 வரை

புதிய சிந்தனைகள், எண்ணங்கள் உதயமாகும் வாரம். 3,10-ம் அதிபதி செவ்வாய் உச்சம். ராசியில் சப்தம ஸ்தான அதிபதி சூரியன். தொழிலில் நிலவிய தடை தாமதங்கள் விலகும். கூட்டுத் தொழில் முயற்சி வெற்றி தரும்.திட்டமிட்டு செயல்படுவீர்கள். தொழிலுக்கு அரசு வழியில் எதிர்பார்த்த உதவிகள் கிடைக்கும். நேரம் காலம் பார்க்காமல் அதிகம் உழைக்க நேரும்.பேச்சை மூலதனமாக கொண்டவர்கள், மார்க்கெட்டிங் துறையில் இருப்பவர்களுக்கு வருமானம் அதிகரிக்கும். பண வரவு சரளமாகும். வாழ்க்கைத் துணைக்கு பூர்வீகச் சொத்து கிடைக்கும். கணவன், மனைவி உறவில் அன்பு மிளிரும். தந்தையால் ஏற்பட்ட சிரமங்கள், விரயங்கள் படிப்படியாக குறையும். புத்திர பாக்கியம் ஏற்படும்.

குடும்ப விசேஷங்களில் முதல் மரியாதை கிடைக்கும். சிலருக்கு இழந்த பதவிகள் மீண்டும் கிடைக்கும். பெண்களுக்கு ஆடை ஆபரணச்சேர்க்கை, பிறந்த வீட்டு சீர் என மகிழ்ச்சியான விசயங்கள் நடந்து மனதை மகிழ்விக்கும். சிலருக்கு உயில் எழுதி வைக்க வேண்டும் என்ற சிந்தனை அதிகமாகும். சில பெண்களுக்கு புதிய சுய தொழில் தொடங்கும் ஆர்வம் ஏற்படும். தினமும் சிவ கவசம் படிக்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

5.2.2024 முதல் 11.2.2024 வரை

மறைமுக எதிர்ப்புகள் விலகும் வாரம். 3,10-ம் அதிபதி செவ்வாய் உச்சம். புதிய முயற்சிகள் வெற்றி தரும். நீண்ட நாட்களாக எதிர்பார்த்த சில தொழில் வாய்ப்புகள் கைகூடும். முயற்சிகள் அனைத்தும் லாபமாக மாறும். குடும்பத்தில் மகிழ்ச்சியான சூழ்நிலை நிலவும். இதுவரை இருந்து வந்த கடன் பிரச்சினைகள் குறையும். பணம் கொடுக்கல் வாங்கல் சீராகும். வறுமையில் வாடியவர்களுக்கு வாழ்வில் வசந்தம் வீசும். ஆடை ஆபரண சேர்க்கை உண்டாகும். திருமணத் தடை அகலும். விரும்பிய வரன் கைகூடும். மனதிற்கு பிடித்த மண வாழ்க்கை அமையும். திருமணமான தம்பதியினர் மகிழ்ச்சியுடன் இல்லறம் நடத்துவர். வாழ்க்கைத் துணையால் அதிர்ஷ்டம் உண்டாகும் மனைவி மூலம் திடீர் அதிர்ஷ்டம் உயில் சொத்து ,எதிர்பாராத தன வரவு வரும் வாய்ப்பு உள்ளது.

புதிய சொத்து பொன், பொருள் சேர்க்கை மனதை மகிழ்விக்கும். தாய் வழியில் மனக்கவலை, கருத்து வேறுபாடுகள் அகலும். வேலையாட்களின் ஒத்துழைப்பு சிறக்கும். கைகால் வலி, உடல் அலுப்பு குறையும். பரம்பரை நோய்கள் வைத்தியத்தில் சீராகும். எதிரிகளால் ஏற்பட்ட மனபாரம் சீராகும். தை அமாவாசையன்று பசுவிற்கு அகத்திக் கீரை வழங்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

29.1.2024 முதல் 4.2.2024 வரை

கலை ஆர்வம் மிகுந்த வாரம். ஜென்மச் சனியின் காலம் என்பதால் வரலாற்று சிறப்பு மிக்க புராதன பொருட்கள்,கலை சார்ந்த பொருட்கள் மீதான ஆர்வம் அதிகரிக்கும். புதிய முயற்சிகளில் எதிர்பார்ப்புகள் நிறைவேறும். கூட்டாளிகளின் ஒத்துழைப்பு மனதிற்கு திருப்தியை ஏற்படுத்தும். உழைப்பிற்கு உண்டான மதிப்பு கிடைக்கும். வியாபாரம் தொடர்பான சிந்தனைகள் மனதில் அதிகரிக்கும். கூட்டு வியாபாரத்தில் லாபம் மேம்படும். வரவுக்கு ஏற்ப செலவுகள் உண்டாகும்.உடன் பணிபுரிபவர்களை அனுசரித்துச் செல்லவும். குடும்ப உறுப்பினர்கள் மனம் விட்டு பேசி மகிழ்வீர்கள். உடலில் இருந்துவந்த சோர்வு நீங்கி புத்துணர்ச்சியுடன் காணப்படுவீர்கள். மனதிற்கு பிடித்த உணவுகளை உண்டு மகிழ்வீர்கள். போட்டி களில் பங்கேற்று பாராட்டுகளைப் பெறுவீர்கள்.

தம்பதிகள் மகிழ்ச்சியாக இருப்பார்கள். திருமணம், புத்திர பிராப்த்தம் போன்ற மனம் மகிழும் சம்பவங்கள் நடக்கும். 30.1.2024 அன்று 1.44 காலை முதல் 1.2.2024 பகல் 2.32 வரை சந்திராஷ்டமம் இருப்பதால் உடலில் ஒருவிதமான சோர்வு தோன்றும். பண விசயத்தில் சற்று சிக்கனத்தோடு இருப்பது நல்லது. ஆஞ்சநேயரை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

22.1.2024 முதல் 28.1.2024 வரை

மேன்மையான எண்ணங்கள் உருவாகும் வாரம்.ஜென்மச் சனியின் தாக்கத்தால் தொழிலில் சிறு சுணக்கம் ஏற்பட்டாலும் பெரும் பாதிப்பு ஏற்படாது. 2,11-ம் அதிபதி குரு 3,10-ம் அதிபதி செவ்வாயுடன் பரிவர்த்தனை பெறுவதால் தன் நம்பிக்கையும் தைரியமும் அதிகரிக்கும். தொழில் கடனை குறைக்க புதிய வழிபிறக்கும். விரும்பிய பதவி உயர்வு தேடி வரும். பணிச் சுமை கூடும். புதிய வேலையாட்கள் அமைவார்கள். நிரந்தர வேலை கிடைக்கும். சிலருக்கு தொழிலில் சகோதரருடன் பிரிவினை ஏற்படும். சிலருக்கு இளைய சகோதரரின் குடும்பத்தை பராமரிக்கும் நிலை ஏற்படும். பாகப்பிரிவினை நடக்கலாம். காணாமல் போன கை மறதியாக வைத்த ஆவணங்கள் கிடைக்கும்.

ஆன்லைனில் பொருள் வாங்கும் மோகம் அதிகரிக்கும். உங்களின் வெற்றிக்கு வாழ்க்கை துணையின் ஆதரவு கிடைக்கும். உறவினர்கள், நண்பர்களுக்கு பண உதவி செய்தால் திரும்ப வராது. கொடுக்கல், வாங்கலில் நிதானம் தேவை.27.1.2024 பகல் 1.01 மணிக்கு சந்திராஷ்டமம் ஆரம்பிப்ப தால் ஆரோக்கியத்தில் கவனம் செலுத்த வேண்டும். அண்டை அயலாருடன் அனுசரித்துச் செல்லவும். தைப்பூசத்தன்று வள்ளலார் வழிபாடு செய்யவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

15.1.2024 முதல் 21.1.2024 வரை

விரும்பிய மாற்றம் தேடி வரும் வாரம். 3,10-ம் அதிபதி செவ்வாயின் பார்வை தன ஸ்தானத்தில் பதிவதால் அனைத்து விதமான ஏற்றமும் மாற்றமும் தேடி வரும். உங்கள் வாக்கிற்கு மதிப்பும், மரியா தையும் உண்டாகும். பேச்சை தொழிலாக கொண்ட வர்களுக்கு மேன்மை உண்டாகும். பல வழிகளில் வருமானம் வந்து மனதை மகிழ்விக்கும். துக்கம், துயரம், சங்கடங்கள் விலகும். உங்கள் வாக்கு வன்மையால், பண பலத்தால் விரும்பியதை சாதித்துக் கொள்வீர்கள். தாய் வழி உறவுகளுக்கு கொடுக்க வேண்டிய பாக்கியை செலுத்துவீர்கள். கணவன், மனைவி ஊடல் கூடலாக மாறும். ஆரோக்கிய குறைபாடு அகலும். பிள்ளைகளின் திருமணம், குழந்தை பாக்கியம், உத்தியோக, தொழில் அனுக்கிரகம் மன நிம்மதியைத் தரும். சிலருக்கு அத்தை அல்லது சித்தியின் மூலம் அதிர்ஷ்ட சொத்து அல்லது பணம் கிடைக்கும்.சிலர் தவணை முறையில் விலை உயர்ந்த ஆடம்பர பொருட்கள் வாங்குவீர்கள். கண் சார்ந்த பிரச்சினைக்கு தீர்வு கிடைக்கும். புதிய முதலீடுகள், முயற்சிகளைத் தவிர்க்க வேண்டும். நிலம், வீடு, வாகனம் போன்ற சொத்துச் சேர்க்கை உண்டாகும். திட்ட மிட்ட வரவு செலவு அவசியம். குல, இஷ்ட தெய்வத்தை வழிபடவும்.

`பிரசன்ன ஜோதிடர்' ஐ.ஆனந்தி

செல்: 98652 20406

இந்தவார ராசிபலன்

8.1.2024 முதல் 14.1.2024 வரை

விரும்பிய மாற்றங்கள் தேடிவரும் வாரம். 7-ம் அதிபதி சூரியன் ராசிக்கு 11ல் நிற்பதால் கூட்டுத் தொழில் வியாபார ரீதியாக ஏற்பட்ட நெருக்கடிகள் விலகி நிம்மதி ஏற்படும்.ஜென்மச் சனி என்பதால் அதிக முதலீடு கொண்ட செயல்களைத் தவிர்ப்பது நல்லது. வேலைப்பளு அதிகரிக்கும். பழைய வேலையை விட்டு புதிய வேலை தேடலாம். எதிர்பாராத தனச் சேர்க்கையால் கடந்த கால இழப்புகள் இருந்த இடம் தெரியாது.பார்த்துச் சென்ற வரனிடம் இருந்து சாதகமான பதில் வரும். தவணை முறைத் திட்டத்தில் வீட்டு மனை அல்லது தோட்டம் வாங்குவீர்கள். புதிய பாலிசி எடுப்பீர்கள். புதிய நகைச் சீட்டு போடலாம். தந்தைக்கு கண், இருதயம் தொடர்பான சிகிச்சை செய்ய நேரும்.

உயர் ஆராய்ச்சி கல்வி படிப்பில் வெற்றி உண்டாகும். புதிய உயர்ரக செல்போன் வாங்குவதல், போனில் நெட்ஒர்க் மாற்றுதல் போன்றவைகள் நடக்கும். தாய்மாமன் அனுசரனை உண்டு. சிக்கனமாக இருப்பது நல்லது. ஆரோக்கியத்தில் அதிக கவனம் செலுத்தவும். பிரதோஷத்தன்று சிவ வழிபாடு செய்யவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

1.1.2024 முதல் 7.1.2024 வரை

முன்னேற்றத்தில் ஏற்பட்ட தடைகள் அகலும் வாரம். 3,10-ம் அதிபதி செவ்வாய் தனம், வாக்கு குடும்ப ஸ்தானத்தை பார்க்கிறார். தொழில் திறமைகள் மிளிரும். தொழிலுக்கு வாழ்க்கைத் துணையின் முழுமையான ஆதரவு கிடைக்கும். கூட்டுத் தொழிலால் ஆதாயம் உண்டு. அரசாங்க, வெளிநாட்டு வேலை முயற்சி வெற்றி தரும்.சிலர் பார்க்கும் வேலையில் நிலவும் அசவுகரியத்தால் புதிய வேலைக்கு முயற்சிக்கலாம். தொழிலா ளர்களுக்கு குறைந்த உழைப்பும் நிறைந்த வருமானமும் கிடைக்கும். ஆன்மீக தலங்களுக்குச் சென்று மன நிம்மதியை அதிகரிப்பீர்கள். கடன் பிரச்சினையில் இருந்து இடைக்கால நிவாரணம் கிடைக்கும்.

பணம் கிடைக்கிறது என்பதற்காக தொழிலில் அதிக முதலீடு செய்யக் கூடாது. நேரத்திற்கு சாப்பிட்டு ஆரோக்கியத்தை பராமரிக்க வேண்டும்.2.1.2024 மாலை 6.30 முதல் 5.1.2024 காலை 6.47 வரை சந்திராஷ்டமம் இருப்பதால் புதிய முயற்சிகளையும் கொடுக்கல், வாங்கல்களையும் தவிர்க்கவும். அமாவாசையன்று பெற்றோர், பெரியோர்களின் நல்லாசி பெறவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

25.12.2023 முதல் 31.12.2023 வரை

தொட்டது துலங்கும் வாரம். 3-ம்மிட குருவால் எடுத்த காரியத்தில் போராடி வெற்றி பெற வேண்டும் என்ற எண்ணம் அதிகமாகும். ஞாபக சக்தி கூடி செயல்திறன் அதிகரிக்கும். தெளிவான பேச்சு, தைரியமான செயல்பாடுகள், பண்பான நடவ டிக்கைகள் இவை அனைத்தும் சமுதாயத்திற்கு உங்களை அடையாளம் காட்டும். வெளியுலகத்திற்குத் தெரியாமல் இருந்த உங்களின் திறமைகள் வெளிவரும்.சிலர் தொழிலை, தொழில் முறையை மாற்றுவார்கள். வீடு அல்லது வேலையில் இடமாற்றம் உண்டாகும். உடன் பிறந்த சகோதரர்களுக்கு உங்கள் மேல் மதிப்பு, மரியாதை உயரும். சகோதர, சகோதரி களின் சண்டைகள் மறந்து அன்பாக மலரும். தந்தை ஸ்தானத்தில் நின்று அவர்களுக்குச் செய்ய வேண்டிய கடமைகளை செய்து மகிழ்வீர்கள்.மாமனாருடன் புரிதல் ஏற்படும்.

சிலருக்கு மாமனார் மூலம் பெரும் பொருள், பணம், தங்கம் கிடைக்கும் வாய்ப்பு உள்ளது. தங்க நகைகள் வாங்கி அணிந்து மகிழும் யோகம் கிடைக்கும். காது, மூக்கு, தொண்டை பிரச்சினைகள் குணமாகும். திருமண முயற்சிகள் இழுபறியாகும். ஆரோக்கியத் தொல்லைகள் அகலும். சனிக்கிழமை நவகிரகங்களை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

18.12.2023 முதல் 24.12.2023 வரை

வாழ்க்கைத் தரம் உயரும் நேரம். ஏப்ரல் 21 வரை ராசி அதிபதி சனியின் 3-ம் பார்வை மேஷ ராசியில் உள்ள 2,11-ம் அதிபதி குருவின் மேல் பதிவதால் பெற்றோர் வழியில் சில உதவிகள் கிடைத்து வாழ்க்கைத் தரம் உயரும். ஜென்மச் சனியால் ஏற்பட்ட அவமானங்கள் குறையும். வெற்றியின் திசையை நோக்கி பயணிக்க துவங்குவீர்கள். அடிப்படை வாழ்வாதாரத்திற்குப் போராடியவர்கள் முன்னேற்றம் அடைவார்கள். பொருளாதாரத்தில் சிறு சுணக்கம் ஏற்பட்டாலும் சமாளிக்கும் சூழ்நிலை உண்டாகும். வாழ்க்கைத் துணையால் ஆதாயம் உண்டாகும். விருப்ப விவாகம் நடைபெறும்.

ராசி அதிபதி சனியை 3,10-ம் அதிபதி செவ்வாய் பார்ப்பதால் நிலம் சம்பந்தமாக உங்களுக்கும் சகோதரருக்கும் கைகலப்பு ஏற்பட வாய்ப்புண்டு. சித்தப்பா உங்களை தூண்டி விட்டு வேடிக்கை பார்ப்பார். கொடுக்கல், வாங்கலில் சிறப்பான நிலை நீடிக்கும். பங்குதாரர்கள் ஆதரவால் தொழிலில் ஏற்படும் நெருக்கடியை சமாளிக்க முடியும். ஆரோக்கியம் முன்னேற்றம் அடையும். அரசின் நலத்திட்டங்களால் ஆதாயம் உண்டாகும். ஏகாத சியன்று இளநீர் அபிசேகம் செய்து மகாவிஷ்ணுவை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

11.12.2023 முதல் 17.12.2023 வரை

கடமையில் கண்ணும் கருத்துமாக செயல்படும் வாரம். 3,10-ம் அதிபதி செவ்வாய் ஆட்சி, 4,9-ம் அதிபதி சுக்ரன் ஆட்சி.முயற்சி ஸ்தான அதிபதி , தொழில் ஸ்தான அதிபதி பலம் பெறுவதால் தடைபட்ட அனைத்து முயற்சிகளும் வெற்றி தரும்.திட்டமிட்டு செயல்படுவீர்கள். செல்வாக்கு சொல்வாக்கு உயரும். பயணங்களால் ஆதாயம் உண்டாகும். ஆதாயம் இல்லாத செயலைச் செய்யமாட்டீர்கள். எல்லா விசயமும் வேகமாகவும் தனக்கு சாதகமாகவும் நடக்க வேண்டும் என்ற எதிர்பார்ப்பு மிகுதியாக இருக்கும். வியாபாரம் அமோகமாக நடக்கும்.கையிருப்பு கணிசமாக உயரும். சாதாரண நிலையில் இருப்பவர்கள் கூட உயர் நிர்வாக பதவி, உயர்ந்த அந்தஸ்தை அடைவார்கள்.

படித்த படிப்பு, அனுபவம் என அனைத்து விதத்திலும் மேன்மையான பலன்கள் உண்டு.அசையும், அசையாச் சொத்துகளில் முதலீடு செய்வீர்கள்.விவசாயிகளுக்கு வங்கிகள் மற்றும் கூட்டுறவு சங்கங்களில் மானியத்துடன் கடன் கிடைக்கும்.உத்தியோகஸ்தர்களுக்கு மேலதி காரிகளுடன் இருந்து வந்த மனக்கசப்புகள் நீங்கும். எலும்பு சம்பந்தப்பட்ட பிரச்சினைகள் வைத்தியத்தில் நீங்கும். அமாவாசையன்று சித்தர்களை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

4.12.2023 முதல் 10.12.2023 வரை

நேர்மறை ஆற்றல் பெருகும் வாரம். ராசி மற்றும் ராசி அதிபதி சனியை 3,10ம் அதிபதி செவ்வாய் பார்ப்பதால் கடந்த கால இழப்புகளால் ஏற்பட்ட எதிர்மறை எண்ணங்கள் மறையும் நேரம் வந்துவிட்டது. பதவி உயர்வு, ஊதிய உயர்வுடன் கூடிய இடமாற்றம் உண்டாகும். தன, லாப ஸ்தான அதிபதி குரு வக்ரமாக இருப்பதால் வரவுக்கு மீறிய செலவுகள் மனதை வருத்தும். நல்ல சொந்த வீட்டிற்குச்செல்வீர்கள்.

கவுரவப் பதவிகள் கிடைக்கும்.உயர் கல்விக்கான வாய்ப்பு மிகச் சாதகமாக உள்ளது. தாய் வழிச் சொத்தில் மூத்த சகோதர, சகோதரிகளிடம் இருந்த கருத்து வேறுபாடு மறைந்து தடைபட்ட பாகப்பிரிவினை சொத்து, பணம் வரும்.6.12.2023 காலை 10.20 மணி முதல் 8.12.2023 இரவு 9.53 மணி வரை சந்திராஷ்டமம் இருப்பதால் குடும்ப அந்தரங்க விஷயங்களை வெளி நபர்களிடம் பகிர்ந்துக்கொள்ள வேண்டாம். விநாயகரை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406