ஸ்பெஷல் அம்சங்களுடன் தயாராகும் ஹெச்.டி.சி. யு12 ஸ்மார்ட்போன்

புதுடெல்லி:

ஹெச்.டி.சி. நிறுவனத்தின் அதிகம் எதிர்பார்க்கப்படும் யு12 ஃபிளாக்ஷிப் ஸ்மார்ட்போன் சார்ந்த தகவல்கள் இணையத்தில் கசிந்துள்ளது. ஏப்ரல் மாத வாக்கில் அறிமுகம் செய்யப்படலாம் என எதிர்பார்க்கப்படும் நிலையில், இதன் வடிவமைப்பு முந்தைய ஹெச்.டி.சி. யு11 மற்றும் யு11 பிளஸ் போன்று இருக்கும் என்றாலும் சில அம்சங்கள் பிரத்யேகமாக வழங்கப்படலாம் என கூறப்படுகிறது.

ஹெச்.டி.சி. யு12 ஸ்மார்ட்போனில் மெட்டல் ஃபிரேம், இருபுறமும் வளைந்த கிளாஸ் வடிவமைப்பு கொண்டிருக்கும் என்றும் கைரேகை சென்சார் உள்ளிட்டவை வழங்கப்படும் என கூறப்படுகிறது. இத்துடன் டூயல் பிரைமரி கேமரா, புதிய மேட் ஃபினிஷ் மற்றும் கிளாஸ் வடிவமைப்பு வித்தியாச தோற்றத்தை வழங்கும் என எதிர்பார்க்கப்படுகிறது.

சிறப்பம்சங்களை பொருத்த வரை ஹெச்.டி.சி. யு12 ஸ்மார்ட்போனில் 5.99 இன்ச் குவாட் ஹெச்.டி. + ஃபுல் ஸ்கிரீன் டிஸ்ப்ளே, குவால்காம் ஸ்னாப்டிராகன் 845 சிப்செட், 6 ஜிபி ரேம், 256 ஜிபி இன்டெர்னல் மெமரி வழங்கப்படலாம் என கூறப்படுகிறது. புகைப்படங்களை எடுக்க 12 எம்பி + 16 எம்பி பிரைமரி கேமரா, போர்டிரெயிட் மோட் மற்றும் முக அங்கீகார அம்சம் உள்ளிட்டவை வழங்கப்படலாம் என எதிர்பார்க்கப்படுகிறது.

ஆண்ட்ராய்டு 8.0 ஓரியோ சார்ந்த ஹெச்.டி.சி. சென்ஸ் 10 ஸ்கின் மற்றும் 8 எம்பி செல்ஃபி கேமரா வழங்கப்படலாம் என கூறப்படுகிறது. ஹெச்.டி.சி. எட்ஜ். சென்ஸ் தொழில்நுட்பம் 2.0 அப்கிரேடு பெற்று பல்வேறு புதிய வசதிகளை வழங்கலாம் என கூறப்படுகிறது. 3420 எம்.ஏ.ஹெச். பேட்டரி, IP)68 சான்றுடன் வாட்டர் மற்றும் டஸ்ட் ரெசிஸ்டண்ட் வசதி உள்ளிட்டவை கொண்டிருக்கலாம் என எதிர்பார்க்கப்படுகிறது. 

சர்வதேச சந்தையில் ஏப்ரல் மாத வாக்கில் எதிர்பார்க்கப்படும் புதிய ஃபிளாக்ஷிப் ஸ்மார்ட்போனின் விலை மற்றும் முழு சிறப்பம்சங்கள் அதிகாரப்பூர்வமாக தெரிந்து கொள்ள சில காலம் காத்திருக்க வேண்டும்.