ரூ.3,999 விலையில் மோட்டோரோலா ஸ்மார்ட்போன்கள் - ஏர்டெல் அதிரடி

புதுடெல்லி:

இன்டெக்ஸ், கார்பன் மற்றும் ஹெச்.எம்.டி. குளோபல் நிறுவனங்களை தொடர்ந்து ஏர்டெல் தற்சமயம் லெனோவோ / மோட்டோரோலா நிறுவனத்துடன் இணைந்து 4ஜி ஸ்மார்ட்போன்களை குறைந்த விலையில் விற்பனை செய்ய இருக்கின்றன. ஏர்டெல் மேரா பெஹ்லா ஸ்மார்ட்போன் திட்டத்தின் கீழ் இந்த சலுகை வழங்கப்படுகிறது. 

ஏர்டெல் மற்றும் லெனோவோ / மோட்டோரோலா இடையேயான கூட்டணியில் மோட்டோ சி, மோட்டோ இ4 மற்றும் லெனோவோ K8 நோட் உள்ளிட்ட ஸ்மார்ட்போன்களுக்கு ரூ.2,000 கேஷ்பேக் வழங்கப்படுவதாக ஏர்டெல் சார்பில் அறிவிக்கப்பட்டுள்ளது.

இந்த ஸ்மார்ட்போன்களுடன் ஏர்டெல் வழங்கும் ரூ.169 சிறப்பு சலுகையும் வழங்கப்படுகிறது. இந்த சலுகையில் தினமும் 1 ஜிபி 4ஜி 

டேட்டா மற்றும் அன்லிமிட்டெட் உள்ளூர் மற்றும் வெளியூர் அழைப்புகள் வழங்கப்படுகிறது.

ஏர்டெல் சலுகையில் ஸ்மார்ட்போன் வாங்க விரும்பும் வாடிக்கையாளர்கள் முதற்கட்டமாக மோட்டோ சி, மோட்டோ இ4 மற்றும் லெனோவோ K8 நோட் ஸ்மார்ட்போன்களுக்கு முறையே ரூ.5,999, ரூ.8,499 மற்றும் ரூ.12,999 செலுத்த வேண்டும். பின் தொடர்ச்சியாக 36 மாதங்களுக்கு ரூ.3500 மதிப்புடைய ரீசார்ஜ் செய்ய வேண்டும். 

இவ்வாறு ரீசார்ஜ் செய்யும் போது முதல் 18 மாதங்களில் ரூ.500 மற்றும் அடுத்த 18 மாதங்களில் ரூ.1500 என 36 மாத இறுதியில் மொத்தம் ரூ.2000 வரை திரும்ப பெற முடியும்.