அமெரிக்காவில் கடும் பனிப்புயல்- 1,431 விமானங்கள் ரத்து

நியூயார்க்:

அமெரிக்காவில் கடும் பனிப்புயல் தாக்கி வருகிறது. இது அந்நாட்டின் வட கிழக்கு பகுதியில் 1,609 கி.மீ. தூரம் தாக்கத்தை ஏற்படுத்தியுள்ளது.

கன்சாஸ், இன்டியானா பொலிஸ், வாஷிங்டன், டென்வர், மிசோரி, செயின்ட் லூயிஸ், அர்கன் சாஸ் உள்ளிட்ட பல பகுதிகள் கடுமையாக பாதிக்கப்பட்டுள்ளன.

அங்கு பனி மழை போன்று கொட்டுகிறது. இதனால் அமெரிக்காவின் பாதி அளவு பகுதி வெள்ளை போர்வையால் போர்த்தியது போன்று காட்சி அளிக்கின்றன.

கிழக்கு பகுதியில் உள்ள கன்சாஸ் மற்றும் ஆர்கன் சாசில் 15 செ.மீ. அளவுக்கும், வாஷிங்டன் டி.சி.யில் 10 செ.மீ. பனியும் உறைந்து உள்ளது. இதன் காரணமாக அங்கு வாகன போக்குவரத்து பாதிக்கப்பட்டுள்ளது.

பனிப்பொழிவு கடுமையாக இருப்பதால் விமான நிலையங்களில் பனி கொட்டிக் கிடக்கிறது. இதனால் விமானங்கள் தரை இறங்க முடியவில்லை. எனவே 1431 விமானங்களின் போக்குவரத்து ரத்து செய்யப்பட்டது.

12,645 விமானங்கள் தாமதமாக வந்து சென்றன. கடும் பனி மூட்டம் காரணமாக அமெரிக்காவில் ஏராளமான விமான நிலையங்கள் பாதிப்புக்குள்ளாகின. #USSnowStorm