ஸ்னாப்டிராகன் பிராசஸர் கொண்ட மோட்டோ டேப் அறிமுகமானது

நியூ யார்க்:

மோட்டோரோலா நிறுவனத்தின் புதிய டேப்லெட் அமெரிக்க சந்தையில் அறிமுகம் செய்யப்பட்டுள்ளது. ஐந்து ஆண்டு இடைவெளிக்கு பின் அறிமுகமாகியுள்ள மோட்டோ டேப் AT&T நெட்வொர்க்கில் இயங்கும் படி உருவாக்கப்பட்டுள்ளது.

புதிய மோட்டோ டேப் மல்டி யூசர் மோட் வசதி கொண்டுள்ளது. இதன் டிவி மோட் கொண்டு தொலைகாட்சி நிகழ்ச்சிகள், திரைப்படம் மற்றும் இதர நிகழ்ச்சிகளை ஒரு ஸ்வைப் மூலம் இயக்க முடியும். ஹோம் ஸ்க்ரின் அல்லது லாக் ஸ்கிரீன் உள்ளிட்டவற்றில் இருந்து ஒரே ஸ்வைப் மூலம் இந்த அம்சங்களை இயக்க முடியும். 

டூயல் ஸ்பீக்கர் மற்றும் டால்பி அட்மோஸ் கொண்ட மோட்டோ டேப் கைரேகை ஸ்கேனர் உள்ளிட்டவை வழங்கப்பட்டுள்ளது. இத்துடன் கிட்ஸ் மோட் ஆப்ஷனும் வழங்கப்பட்டுள்ளதால் அங்கீகரிக்கபப்ட்ட வலைத்தளங்கள் மற்றும் பெற்றோர் விருப்பத்தின் படி தரவுகளை பார்க்க முடியும்.

மோட்டோ டேப் சிறப்பம்சங்கள்:

- 10.1 இன்ச் ஃபுல் எச்டி, 1080x1920 பிக்சல் டிஸ்ப்ளே
- 2.0 ஜிகாஹெர்ட்ஸ் ஆக்டாகோர் குவால்காம் ஸ்னாப்டிராகன் 625 சிப்செட்
- 2 ஜிபி ரேம்
- 32 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 7.1 நௌக்கட்
- 7000 எம்ஏஎச் பேட்டரி
- யுஎஸ்பி டைப் சி

புதிய மோட்டோ டேப் நவம்பர் 17-ம் தேதி முதல் விற்பனைக்கு வருகிறது, இதன் விலை 299.99 டாலர்கள் அதாவது இந்திய மதிப்பில் ரூ.19,607 என நிர்ணயம் செய்யப்பட்டுள்ளது.

முன்னதாக மோட்டோரோலா நிறுவனத்தின் மோட்டோ X4 ஸ்மார்ட்போன் இந்தியாவில் வெளியிடப்பட்டது. டூயல் பிரைமரி கேமரா கொண்டிருக்கும் புதிய ஸ்மார்ட்போன் ஃபாஸ்ட் சார்ஜிங், வாட்டர் ரெசிஸ்டண்ட் உள்ளிட்ட அம்சங்கள் வழங்கப்பட்டிருந்தது குறிப்பிடத்தக்கது.