குடியரசு தினவிழா ஒத்திகை... காமராஜர் சாலையில் போக்குவரத்து மாற்றம்

சென்னை:

சென்னை மெரினா கடற்கரை காமராஜர் சாலையில் 2024 குடியரசு தினத்திற்கான முதல் அணிவகுப்பு ஒத்திகை நிகழ்ச்சி இன்று நடைபெற்றது.

காவல்துறை, விமானப்படை, சிஐஎஸ்எப், ஆர்பிஎப், குதிரைப்படை, ஆயுதப்படை, தீயணைப்புத்துறை, வனத்துறை, ஊர்காவல் படை, NSS மற்றும் NCC மாணவர்களின் அணிவகுப்பு ஒத்திகை நிகழ்ச்சி நடைபெற்றது.

அணிவகுப்பு ஒத்திகை நிகழ்ச்சி காரணமாக மெரினா காமராஜர் சாலையில் இன்று போக்குவரத்து மாற்றம் செய்யப்பட்டுள்ளது. மேலும் அணிவகுப்பு ஒத்திகை நடைபெறும் 22, 24ஆம் தேதிகளிலும் மெரினா காமராஜர் சாலையில் போக்குவரத்து மாற்றம் செய்யப்படுகிறது.