அதிக ரன் - அதிக விக்கெட்: பட்லர், சாஹல் முதலிடம்

ஐ.பி.எல். போட்டியில் நேற்றுடன் 32 ஆட்டங்கள் முடிந்துள்ளன. இதில் அதிக ரன் குவிப்பில் ராஜஸ்தான் அணிக்காக ஆடும் இங்கிலாந்து வீரர் ஜோஸ்பட்லர் முதல் இடத்தில் உள்ளார். அவர் 6 ஆட்டத்தில் 2 சதம், 2 அரை சதத்துடன் 375 ரன்கள் எடுத்துள்ளார். லோகேஷ் ராகுல் (லக்னோ) ஒரு சதம், ஒரு அரை சதத்துடன் 265 ரன்னுடன் 2-வது இடத்திலும், டுபெலிசிஸ் 2 அரை சதம், 250 ரன்னுடன் 3-வது இடத்திலும் உள்ளார்.

பந்து வீச்சில் யசுவேந்திர சாஹல் முதல் இடத்தில் உள்ளார். ராஜஸ்தான் வீரரான அவர் 17 விக்கெட் கைப்பற்றி உள்ளார். குல்தீப்யாதவ் (டெல்லி) 13 விக்கெட்டும், நடராஜன் (ஐதராபாத்) 12 விக்கெட்டும் கைப்பற்றி உள்ளனர்.