விளையாட்டு
தேசிய சீனியர் ஆண்கள் ஹாக்கி இறுதி போட்டி- தமிழ்நாடு அணிக்கு வெள்ளிப் பதக்கம்
இந்த போட்டியில் 4-2 என்ற கோல் கணக்கில் அரியானா அணி வெற்றி பெற்று கோப்பையைக் கைப்பற்றியது.
போபால்:
12ஆவது இந்திய சீனியர் ஆண்கள் ஹாக்கி போட்டி மத்தியப் பிரதேச மாநிலம் போபாலில் கடந்த 6-ஆம் தேதி முதல் நடைபெற்றது. இதில் 27 மாநில அணிகள் கலந்து கொண்டு விளையாடின.
நேற்று நடைபெற்ற இறுதிப்போட்டியில் தமிழ்நாடு அணி அரியானா அணியை எதிர் கொண்டது.
இந்தப் போட்டியின் முடிவில் அணிகளும் தலா ஒரு கோல் அடித்து சம நிலையில் இருந்ததால் டை பிரேக்கர் மூலம் வெற்றி தோல்வி தீர்மானிக்கப்பட்டது.
இதில் 4-2 என்ற கோல் கணக்கில் அரியானா அணி வெற்றி பெற்று கோப்பையைக் கைப்பற்றியது. 2வது இடத்தை பிடித்த தமிழ்நாடு அணி வெள்ளிப்பதக்கம் வென்றது.
வெள்ளிப்பதக்கம் வென்ற தமிழ்நாடு சீனியர் ஹாக்கி அணிக்கு மாநில விளையாட்டுத்துறை மந்திரி மெய்யநாதன் வாழ்த்து தெரிவித்துள்ளார்.