செய்திகள்
அர்ஜென்டினாவுக்கு முதல் வெற்றி

கோபா அமெரிக்க கால்பந்து - அர்ஜென்டினாவுக்கு முதல் வெற்றி

Published On 2021-06-19 08:08 GMT   |   Update On 2021-06-19 08:08 GMT
ஆட்டத்தின் 13-வது நிமிடத்தில் ரோட்ரிக்ஸ் அர்ஜென்டினா அணிக்காக இந்த கோலை அடித்தார். 2-வது கோலை அடிக்க அந்த அணி கடுமையாக போராடியது. ஆனால் முடியவில்லை.

பிரேசில்லா:

47-வது கோபா கால்பந்து போட்டி பிரேசிலில் நடைபெற்று வருகிறது.

இந்திய நேரப்படி இன்று அதிகாலை நடந்த ஆட்டத்தில் அர்ஜென்டினா- உருகுவே (‘ஏ’ பிரிவு) அணிகள் மோதின. இதில் அர்ஜென்டினா 1-0 என்ற கோல் கணக்கில் வெற்றி பெற்றது.

ஆட்டத்தின் 13-வது நிமிடத்தில் ரோட்ரிக்ஸ் அர்ஜென்டினா அணிக்காக இந்த கோலை அடித்தார். 2-வது கோலை அடிக்க அந்த அணி கடுமையாக போராடியது. ஆனால் முடியவில்லை. இதேபோல உருகுவே அணியும் பதில் கோல் அடித்து சமன் செய்ய முயன்றது. ஆனால் அந்த முயற்சி தோல்வியில் முடிந்தது.

அர்ஜென்டினா பெற்ற முதல் வெற்றி இதுவாகும். அர்ஜென்டினா தொடக்க ஆட்டத்தில் சிலியுடன் 1-1 என்ற கோல் கணக்கில் டிரா செய்தது. அந்த அணி 3-வது ஆட்டத்தில் பராகுவேயை எதிர்கொள்கிறது.

இதே பிரிவில் நடந்த மற்றொரு ஆட்டத்தில் சிலி 1-0 என்ற கோல் கணக்கில் பொலிவியாவை தோற்கடித்தது. சிலி அணிக்காக 10-வது நிமிடத்தில் பிரர்டென் கோல் அடித்தார். சிலி அணியும் முதல் வெற்றியை பெற்றது. பொலிவியா 2-வது தோல்வியை தழுவியது. சிலி அணி 3-வது போட்டியில் உருகுவேவை எதிர்கொள்கிறது. 

Tags:    

Similar News