கோபா டெல் ரே கோப்பையை வென்றது பார்சிலோனா

ஸ்பெயின் நாட்டில் உள்ள கால்பந்து கிளப் அணிகளுக்குள் நடைபெறும் கால்பந்து தொடர்களில் ஒன்று கோபா டெல் ரே. இந்தத் தொடரின் இறுதிப் போட்டி இந்திய நேரப்படி இன்று அதிகாலை நடைபெற்றது.

இதில் பார்சிலோனா- அத்லெடிக் கிளப் அணிகள் மோதின. முதல் பாதி நேர ஆட்ட முடிவில் இரு அணிகளும் கோல் அடிக்கவில்லை.

2-வது பாதி நேர ஆட்டத்தில் பார்சிலோனா வீரர்கள் அபாரமாக விளையாடினர். ஆட்டத்தின் 60-வது நிமிடத்தில் கிரிஸ்மோன் முதல் கோலை பதிவு செய்தார். அடுத்த 3 நிமிடத்தில் டி ஜாங் ஒரு கோலும், மெஸ்சி 68-வது மற்றும் 72-வது நிமிடத்தில் அடுத்தடுத்து கோலும் அடித்தனர். இதனால் பார்சிலோனா 4-0 என முன்னிலைப் பெற்றது.

13 நிமிடத்திற்குள் நான்கு கோல் அடித்து அத்லெடிக் கிளப்பிற்கு அதிர்ச்சி அளித்தனர். அதன்பின் இரு அணி வீரர்களாலும் கோல் அடிக்க முடியவில்லை. இறுதியில் பார்சிலோனா 4-0 என வெற்றி பெற்று கோப்பையை கைப்பற்றியது.