வேகப்பந்து வீச்சாளர் வினய் குமார் சர்வதேச கிரிக்கெட்டில் இருந்து ஓய்வு

இந்திய அணியின் வேகப்பந்து வீச்சாளர் வினய் குமார். 37 வயதான இவர் கடந்த 2010-ம் ஆண்டு மே 11-ந்தேதி டி20 கிரிக்கெட்டில் இந்திய அணிக்காக அறிமுகம் ஆனார். மே 28-ந்தேதி ஒருநள் கிரிக்கெட் போட்டியில் அறிமுகம் ஆனார்.

கடந்த 2012-ம் ஆண்டு ஆஸ்திரேலியாவுக்கு எதிரான டெஸ்ட் போட்டியில் அறிமுகம் ஆனார். இந்த ஒரு டெஸ்ட் போட்டியில் மட்டுமே இந்திய அணிக்காக விளையாடினார்.

இந்த நிலையில் சர்வதேச கிரிக்கெட் மற்றும் முதல்தர கிரிக்கெட்டில் இருந்து ஓய்வு பெறுவதாக அறிவித்துள்ளார். 31 ஒருநாள் போட்டியில் 38 விக்கெட்டுகளும், 9 டி20 போட்டியில் 10 விக்கெட்டுகளும், 1 டெஸ்ட் விக்கெட்டும் வீழ்த்தியுள்ளார்.