பிக் பாஷ் லீக் டி20: பிரிஸ்பேன் ஹீட்டை கடைசி பந்தில் வீழ்த்தியது சிட்னி சிக்சர்ஸ்

பிக் பாஷ் லீக் டி20 போட்டியில் இன்று நடைபெற்ற ஆட்டம் ஒன்றில் சிட்னி சிக்சர்ஸ் - பிரிஸ்பேன் ஹீட் அணிகள் மோதின. முதலில் பேட்டிங் செய்த பிரிஸ்பேன் ஹீட் 148 ரன்கள் சேர்த்தது. அதிகபட்சமாக தொடக்க வீரர் கிறிஸ் லின் 44 பந்தில் 56 ரன்கள் விளாசினார்.

பின்னர் 149 ரன்கள் அடித்தால் வெற்றி என்ற இலக்குடன் சிட்னி சிக்சர்ஸ் களம் இறங்கியது. முதல் மூன்று வீரர்கள் சொற்ப ரன்களில் ஆட்டமிழந்தனர்.

அதன்பின் வந்தத டேனியல் ஹியூக்ஸ் 35 பந்தில் 51 ரன்கள் அடித்தார். டேனியல் கிறிஸ்டியன் அதிரடியாக விளையாடி ரன்கள் சேர்த்தார். 19 ஓவர் முடிவில் சிட்னி சிக்ஸர்ஸ் 138 ரன்கள் எடுத்திருந்தது.

கடைசி ஓவரில் 11 ரன்கள் தேவைப்பட்டது. கிறிஸ்டியன் முதல் பந்தை சிக்சருக்கு விளாசினார். அடுத்த இரண்டு பந்தில் ரன்கள் எடுக்கவில்லை. 4-வது மற்றும் 5-வது பந்தில் தலா இரண்டு ரன்கள் அடித்தார். கடைசி பந்தில் ஒரு ரன் தேவை என்ற நிலையில், அதை பவுண்டரிக்கு விரட்டினார். இதனால் சிட்னி சிக்சர்ஸ் 20 ஓவரில் 7 விக்கெட் இழப்பிற்கு 152 ரன்கள் எடுத்து 3 விக்கெட் வித்தியாசத்தில் வெற்றி பெற்றது. டேனியல் கிறிஸ்டியன் 38 பந்தில் 61 ரன்கள் எடுத்து ஆட்டமிழக்காமல் இருந்தார்.