அதிவேகமாக 50 விக்கெட் வீழ்த்தி தென்ஆப்பிரிக்கா வீரர் லுங்கி நிகிடி சாதனை

தென்ஆப்பிரிக்கா - ஆஸ்திரேலியா அணிகளுக்கு இடையிலான 2-வது ஒருநாள் கிரிக்கெட் போட்டி ப்ளோயம்போன்டீனில் நடைபெற்று வருகிறது. டாஸ் வென்ற ஆஸ்திரேலியா பேட்டிங்கை தேர்வு செய்தது.

தென்ஆப்பிரிக்கா வேகப்பந்து வீச்சாளரான லுங்கி நிகிடி வார்னர், ஸ்மித், லபுஸ்சேன் ஆகியோர் விக்கெட்டுகளை வீழ்த்தினார். இந்த மூன்று விக்கெட்டுகள் மூலம் 26 ஒருநாள் போட்டிகளில் 50 விக்கெட்டுகளை கைப்பற்றினார்.

இதன்மூலம் அதிவேகமாக 50 விக்கெட்டுகள் வீழ்த்திய தென்ஆப்பிரிக்க வீரர் என்ற சாதனையை படைத்துள்ளார். இதற்கு முன் லாங்வாப்போ 27 போட்டிகளிலும், இம்ரான் தாஹிர் 28 போட்டிகளிலும் 50 விக்கெட்டுகளை கைப்பற்றியிருந்தனர்.