செய்திகள்
மரியா ஷரபோவா

ஆஸ்திரேலியா ஓபன் டென்னிஸ்: மரியா ஷரபோவாவுக்கு ‘வைல்டு’ கார்டு

Published On 2020-01-08 12:19 GMT   |   Update On 2020-01-08 12:19 GMT
ரஷிய வீராங்கனை மரியா ஷரபோவா நேரடியாக முதன்மை சுற்றில் பங்கேற்கும் வகையில், ‘வைல் கார்டு’ சிறப்பு அனுமதி வழங்கப்பட்டுள்ளது.
ரஷியாவின் முன்னணி டென்னிஸ் வீராங்கனை மரியா ஷரபோவா. 32 வயதான இவர் கடந்த ஆண்டு அமெரிக்க ஓபனில் கலந்து கொண்டார். அப்போது முதல் சுற்றில் செரீனா வில்லியம்சிடம் தோல்வியடைந்து வெளியேறினார்.

அந்த சமயத்தில் ஷரபோவா தோள்பட்டை காயத்தால் அவதிப்பட்டார். அதனால் சுமார் ஆறு மாதங்கள் எந்தவொரு தொடரிலும் பங்கேற்காமல் இருந்தார்.

இந்நிலையில் பிரிஸ்பேன் ஓபனில் மரியா ஷரபோவாவிற்கு வைல்டு கார்டு வழங்கப்பட்டது. ஆஸ்திரேலியா ஓபனுக்கு முன்னோட்டமாக இந்த தொடரை எதிர்பார்த்துக் கொண்டிருந்தார்.

இந்நிலையில் ஆஸ்திரேலிய ஓபனில் விளையாட அவருக்கு வைல்டு கார்டு சிறப்பு அனுமதி வழங்கப்பட்டுள்ளது. ஐந்து முறை கிராணட் ஸ்லாம் பட்டத்தை வென்ற அவர், 2008-ல் ஆஸ்திரேலிய ஓபனை வென்றிருந்தார் என்பது குறிப்பிடத்தக்கது.
Tags:    

Similar News