செய்திகள்
இதுதான் பாகிஸ்தானின் உண்மையான முகம்: கவுதம் காம்பிர்
கனேரியா ஒரு இந்து என்பதால் சக வீரர்கள் அவரிடம் பாகுபாடு காட்டினர் என அக்தர் குற்றம்சாட்டியிருந்தார். அதற்கு காம்பிர் பதில் அளித்துள்ளார்.
பாகிஸ்தான் கிரிக்கெட் அணியில் இடம் பிடித்து விளையாடிய இந்து மதத்தை சேர்ந்த 2-வது வீரர் சுழற்பந்து வீச்சாளர் டேனிஷ் கனேரியா. பாகிஸ்தான் அணிக்காக 61 டெஸ்டுகளில் விளையாடி 261 விக்கெட்டுகள் கைப்பற்றி இருக்கிறார்.
ஆனால் மதம் குறித்து பேசி வந்த சில வீரர்கள் அவரிடம் பாகுபாடு காட்டினர். அவர் இந்து என்பதால் அவருடன் ஒன்றாக அமர்ந்து சாப்பிட கூட தயங்கினர் என்று பாகிஸ்தான் முன்னாள் வேகப்பந்து வீச்சாளர் சோயிப் அக்தர் பரபரப்பான குற்றச்சாட்டுகளை வெளியிட்டுள்ளார்.
இதே இந்து வீரரால்தான் இங்கிலாந்துக்கு எதிரான டெஸ்டில் வெற்றி பெற்றோம். அவரது முயற்சி இல்லாவிட்டால் தொடரை வென்றிருக்க முடியாது. ஆனால் அதற்குரிய பாராட்டு அவருக்கு முழுமையாக கிடைக்கவில்லை என்றும் அக்தர் கூறினார்.
ஆனால் மதம் குறித்து பேசி வந்த சில வீரர்கள் அவரிடம் பாகுபாடு காட்டினர். அவர் இந்து என்பதால் அவருடன் ஒன்றாக அமர்ந்து சாப்பிட கூட தயங்கினர் என்று பாகிஸ்தான் முன்னாள் வேகப்பந்து வீச்சாளர் சோயிப் அக்தர் பரபரப்பான குற்றச்சாட்டுகளை வெளியிட்டுள்ளார்.
இதே இந்து வீரரால்தான் இங்கிலாந்துக்கு எதிரான டெஸ்டில் வெற்றி பெற்றோம். அவரது முயற்சி இல்லாவிட்டால் தொடரை வென்றிருக்க முடியாது. ஆனால் அதற்குரிய பாராட்டு அவருக்கு முழுமையாக கிடைக்கவில்லை என்றும் அக்தர் கூறினார்.
அக்தர் சொல்வது உண்மைதான் என்று கனேரியா உறுதிப்படுத்தியிருந்தார். இந்நிலையில், இச்சம்பவம் குறித்து கவுதம் காம்பிர் கூறுகையில் ‘‘இதுதான் பாகிஸ்தானின் உண்மையான முகம்’’ என்று தெரிவித்துள்ளார்.
மேலும், ‘‘முகமது அசாருதீனை எங்கள் அணியின் கேப்டனாக நியமித்திருக்கிறோம். அவர் எங்களுக்காக 80-90 டெஸ்ட் போட்டிகளில் கேப்டனாக இருந்துள்ளார். கனேரியா விவகாரம் பாகிஸ்தானின் உண்மை முகத்தை காட்டுகிறது.
அவர்கள் ஸ்போர்ட்ஸ்மேனான இம்ரான் கானை பிரதமராக கொண்டிருக்கிறார்கள். இன்னும், பாகிஸ்தான் மக்கள் இதுபோன்று (கனேரியா விவகாரம்) சென்று கொண்டிருக்கிறார்கள். கனேரியா 60 போட்டிகளில் விளையாடியுள்ளார். இது வெட்கக்கேடானது.’’ என்றார்.