அனில் கும்ப்ளே, ஹர்பஜன் சிங் ஆகியோருடன் சாதனைப் பட்டியலில் இணைகிறார் அஸ்வின்

இந்தியாவின் முன்னணி சுழற்பந்து வீச்சாளர் அஸ்வின். தற்போது டெஸ்ட் போட்டியில் மட்டும் விளையாடி வருகிறார். இந்திய மண்ணில் அபாரமான பந்து வீச்சை வெளிப்படுத்தி வருகிறார்.

இந்தியா - வங்காளதேசம் அணிகளுக்கு இடையிலான முதல் டெஸ்ட் நாளை தொடங்குகிறது. இதில் ஒரு விக்கெட் வீழ்த்தினால் இந்திய மண்ணில் 250 விக்கெட்டுக்கள் வீழ்த்திய 3-வது வீரர் என்ற பெருமையை பெறுவார்.

இதற்கு முன் அனில் கும்ப்ளே (350), ஹர்பஜன் சிங் (265) ஆகியோர் இந்திய மண்ணில் 250 விக்கெட்டுகளுக்கு மேல் வீழ்த்தியுள்ளனர். வங்காளதேசம் அணிக்கெதிரான முதல் டெஸ்டில் அஸ்வின் இவர்களுடன் இணைய இருக்கிறார்.