செய்திகள்
புரோ கபடி லீக் - தமிழ் தலைவாஸ் அணியை வீழ்த்தியது பெங்கால் வாரியர்ஸ்
புரோ கபடி லீக் போட்டியில் மேற்கு வங்காளத்தில் இன்று நடைபெற்ற ஆட்டத்தில் தமிழ் தலைவாஸ் அணியை 27 -24 என்ற புள்ளிக்கணக்கில் பெங்கால் வாரியர்ஸ் வீழ்த்தியது. #ProKabaddi #BengalWarriors #TamilThalaivas
கொல்கத்தா:
12 அணிகள் பங்கேற்றுள்ள 6-வது புரோ கபடி லீக் போட்டி இந்தியாவின் பல மாநிலங்களில் நடைபெற்று வருகிறது.
மேற்கு வங்காள மாநிலத்தின் கொல்கத்தாவில் இன்று நடைபெற்ற ஆட்டத்தில் தமிழ் தலைவாஸ் அணியும், பெங்கால் வாரியர்ஸ் அணியும் மோதின.
ஆட்டத்தின் தொடக்கத்தில் இருந்தே இரு அணி வீரர்களும் சிறப்பாக ஆடினர். இதனால் ஆட்டத்தின் முதல் பாதியில் இரு அணிகளும் 15 - 15 என சமனிலை வகித்தன.
ஆட்டத்தின் இரண்டாவது பாதியில் பெங்கால் வாரியர்ஸ் அணியினர் அபாரமாக ஆடினர். தமிழ் தலைவாஸ் அணியினரும் அவர்களுக்கு கடும் நெருக்கடி கொடுத்தனர்.
இறுதியில், தமிழ் தலைவாஸ் அணியை 27 -24 என்ற புள்ளிக்கணக்கில் பெங்கால் வாரியர்ஸ் அணி வீழ்த்தி வெற்றி பெற்றது.
இந்த வெற்றியின் மூலம் புள்ளிப் பட்டியலில் பி பிரிவில் பெங்கால் வாரியர்ஸ் அணி 3வது இடத்துக்கு முன்னேறியது. #ProKabaddi #BengalWarriors #TamilThalaivas