தரவரிசை பட்டியலில் சாய்னாவுக்கு பின்னடைவு

உலக பேட்மின்டன் சம்மேளனம் வீரர், வீராங்கனைகளின் புதிய தரவரிசை பட்டியலை நேற்று வெளியிட்டது. இதில் இந்தியாவின் சாய்னா நேவாலுக்கு பின்னடைவு ஏற்பட்டுள்ளது. முதல் 10 இடத்துக்குள் இருந்த அவர் 11-வது இடத்துக்கு தள்ளப்பட்டார். சமீபத்தில் நடந்த உலக போட்டியில் கால்இறுதியில் சாய்னா தோற்று இருந்தார். இதனால் அவர் இந்த சறுக்கலை சந்தித்துள்ளார்.

உலகபோட்டி இறுதி ஆட்டத்தில் தோற்று வெள்ளிப்பதக்கம் வென்ற பி.வி.சிந்து 3-வது இடத்தை தக்க வைத்துக்கொண்டார். ஆண்கள் தரவரிசையில் கடாம்பி ஸ்ரீகாந்த் 8-வது இடத்திலும், பிரனாய் 11-வது இடத்திலும் உள்ளனர்.   #worldbadmintonrankings #SainaNehwal