எங்களுக்கு கொஞ்சம் கொஞ்சம் ஹிந்தி தான் தெரியும் - டுவிட்டரில் பதிலளித்த சென்னை சூப்பர் கிங்ஸ்

சென்னை:

11வது சீசன் ஐபிஎல் போட்டிகள் கடந்த 7-ம் தேதி தொடங்கி, இந்தியாவின் பல்வேறு பகுதிகளில் சிறப்பாக நடைபெற்று வருகிறது. இதில், இரண்டு ஆண்டு தடைக்குப் பின் வந்துள்ள சென்னை சூப்பர் கிங்ஸ் அணிக்கு, தமிழ்நாடு மட்டுமல்லாது இந்தியா முழுவதும் ரசிகர்கள் கோலகல வரவேற்பளித்து வருகின்றனர்.

ரசிகர்களின் எதிர்ப்பார்ப்பை பூர்த்தி செய்யும் விதமாக, சென்னை அணி வீரர்களும் தங்கள் முழு திறமையை வெளிப்படுத்தி, அணியின் வெற்றிக்கு பாடுபட்டு வருகின்றனர். 

இந்நிலையில், டுவிட்டரில் சென்னை அணி ரசிகர் ஒருவர், சென்னை அணிக்கு நாடு முழுவதும் ரசிகர்கள் உள்ளனர். அனைவருக்கும் தமிழ் தெரியாது. எனவே ஆங்கிலம் அல்லது ஹிந்தியில் பதிவிடுங்கள் என கோரிக்கை விடுத்தார்.

அதற்கு பதிலளித்த சென்னை அணி, ஆங்கிலம் என்றால் சரி, எங்களுக்கு தோடா தோடா (கொஞ்சம் கொஞ்சம்) ஹிந்தி தான் தெரியும். அட்ஜெஸ்ட் செய்து கொள்ளுங்கள், என கூறியுள்ளனர். இதையடுத்து, சிலர் ஹிந்தியில் பதிவிடுமாறும், சிலர் தமிழ் மற்றும் ஆங்கிலத்தில் பதிவிட்டாலே போதுமானது எனவும் தெரிவித்துள்ளனர்.  #VIVOIPL #ChennaiSuperKing