காயம் காரணமாக கரேத் பேல் 4 மாதங்கள் ஓய்வு

வேல்ஸ் கால்பந்து அணியின் கேப்டனாக இருப்பவர் கரேத் பேல். இவர் ஸ்பெயினின் தலைசிறந்த கிளப் அணியான ரியல் மாட்ரிட்டிற்காக விளையாடி வருகிறார்.

நேற்று முனதினம் செவ்வாய்க்கிழமை சாம்பியன்ஸ் லீக் தொடரில் ஸ்போர்ட்டிங் லிஸ்பான் அணிக்கெதிராக விளையாடினார். இதில் 2-1 என ரியல் மாட்ரிட் வெற்றி பெற்றது.


இந்த போட்டியின்போது கரேத் பேல்-க்கு முழங்காலில் காயம் ஏற்பட்டது. இதனால் அடுத்த வாரம் ஆபரேசன் செய்ய உள்ளார். ஆகவே, நான்கு மாதங்கள் பேல் ஓய்வில் இருக்க உள்ளார். இதனால் மார்ச் மாதம் 24-ந்தேதி டப்ளின் அயர்லாந்து குடியரசு நாட்டிற்கு எதிரான உலகக்கோப்பை தகுதிச் சுற்றில் விளையாட மாட்டார்.

கடந்த மாதம் ரியல் மாட்ரிட் உடன் 2022-ம் ஆண்டு வரை தனது ஒப்பந்தத்தை நீட்டித்துக் கொண்டார் என்பது குறிப்பிடத்தக்கது.